როგორც ბენჯენ სტარკი იტყოდა, ყველა წინადადება "მაგრამ"-ის შემდეგ აზრს კარგავს. ხანდახან ადამიანებს საკუთარ შეხედულებებზე პასუხისმგებლობის აღება უჭირთ და წინადადებებს ისეთი ფორმით გვთავაზობენ, უკურეაქციად წყენა და ბრაზი რომ აირიდონ. არადა თავადაც იციან, რომ ეს ფსიქოლოგიური ხერხი დიდი ხნის მოძველებულია და ყველამ ვიცით, ყოველ "მაგრამ"-ს რა მოჰყვება.

ხანდახან შეგიძლია სიტყვებს არც მოუსმინო და წინადადება გონებაში დაასრულო, გამორიცხულია შინაარსში შეცდე.

ამ სტატიაში შემოგთავაზებთ "მაგრამიანი" წინადადებების გავრცელებულ ვერსიებს, რომლებიც ზუსტად ამბობენ სათქმელს, იმის მიუხედავად, უნდა თუ არა ეს მოსაუბრეს.

1. რასისტი არ ვარ, მაგრამ...

ბრიჯერტონის გადაღებისას შავკანიანები არსებობდნენ საერთოდ?!

2. ჭკუას არ გარიგებ, მაგრამ...

უკვე იცი ხო, რის თქმას ცდილობს?

3. ჰომოფობი არ ვარ, მაგრამ...

ხარ.

4. ძალადობას არ ვამართლებ, მაგრამ...

შენთვის ცუდი ამბავი გვაქვს. ძალადობრივი სისტემის ნაწილი ხარ.

5. თავს არ ვიქებ, მაგრამ...

შეიქე, თავის შექება სულაც არაა ცუდი საქციელი.

6. ამის თქმას არ ვაპირებდი, მაგრამ...

ვერ მოითმინე.

7. ვერ ვიტან სხვები ამას რომ ამბობენ, მაგრამ...

რუსული ანდაზის ცოდნის აფიშირებისთვის მართლაც რომ კრეატიული გზა აირჩიე.

8. ძალიან კარგი გოგო/ბიჭი ხარ, მაგრამ...

გული უნდა გატკინო.

9. რუსეთი ოკუპანტია, მაგრამ...

წერტილი.

10. ნამდვილად მეტს იმსახურებ, მაგრამ...

ამ წინადადების შემდეგ შეგიძლია გონება გათიშო, თვალებზე ბინდი გადაიკრა და უბრალოდ გაღიმებული სახით გააგრძელო მოსმენა.

ბონუსი: ამ სტატიით რამეზე მინიშნებას არ ვცდილობდი, მაგრამ...

კი, რაც იფიქრეთ, მაგას ვგულისხმობდი.