ხოჯევანიშვილს, ისევე როგორც მე, ელექტრონულ ფაილებთან წვდომა არ ჰქონდა — გოგაშვილი
სახელმწიფო უსაფრთხოების უფროსის ყოფილი მოადგილე, სოსო გოგაშვილი აცხადებს, რომ უწყების ხელმძღვანელ პირებს ელექტრონულ ინფორმაციასთან წვდომა არ ჰქონდა. გოგაშვილი განმარტავს, რომ IT სამსახურის მიერ მოპოვებული ინფორმაცია მათთან მხოლოდ მატერიალური სახით, ფურცელზე ამობეჭდილი მიდიოდა.
"არის სამუშაო კომპიუტერები, რომლებიც გარე ქსელთან არ არის დაკავშირებული. არის შიდა ქსელი, დაცული. ყველა მუშაობს თავის კომპიუტერთან [...] ამ კომპიუტერებთან, ელექტრონულ ფაილებთან ჰქონდა წვდომა მხოლოდ IT სამსახურს, რომელიც შიდა უსაფრთხოებაზე იყო პასუხისმგებელი, ხოლო ჩვენთან [უფროსის მოადგილეებთან] ... მე არ მინდა, რომ ხოჯევანიშვილის ადვოკატი გამოვიდე, მაგრამ, ისევე როგორც მე, მას არ ჰქონდა ელექტრონულ ინფორმაციასთან წვდომა [...]
დამუშავება ფაილების ელექტრონულად ხდება ინიციატორისგან, ვინც მოიპოვა ინფორმაცია. ნებისმიერ, ეს არის, დავუშვათ, ოპერატიული მიყურადებით თუ ა.შ. ხოლო შემდეგ ხდება ამობეჭდვა ინფორმაციის, გროვდება ეს ანალიტიკურში და ანალიტიკურიდან ამობეჭდილი ინფორმაცია შემოდის ხელმძღვანელობასთან. შემდეგ უკვე მიდის თათბირი და განხილვა ინფორმაციის და გადაწვეტილებების მიღება", — განაცხადა გოგაშვილმა TV პირველის ეთერში.
სუს-ის უფროსის ყოფილი მოადგილე აცხადებს, რომ გავრცელებული ფაილები უწყების მხოლოდ ერთი სამსახურიდან ვერ გამოჟონავდა, რადგან მასში სხვადასხვა სახის ინფორმაციაა თავმოყრილი. ის, ასევე, გამორიცხავს, რომ ფაილებს ანალიტიკური დეპარტამენტიდან გამოეჟონა, სადაც, მისი თქმით, თავს იყრის სხვადასხვა სამსახურში მოპოვებული ინფორმაციები. ამის მიზეზად გოგაშვილი ასახელებს იმას, რომ ანალიტიკურ დეპარტამენტში მომუშავე ადამიანები მუდმივად იცვლებოდნენ, გავრცელებულ ფაილებში კი სხვადასხვა დროს მოპოვებული ინფორმაციებია. საბოლოოდ, გოგაშვილი ასკვნის, რომ ფაილებმა სუს-ის ოპერატიულ-ტექნიკური სააგენტოდან გამოჟონა.
"მე გამოვრიცხავ ანალიტიკურს, იმიტომ, რომ ანალიტიკურში ცვლილება ხდებოდა ხელმძღვანელობის და ერთი ადამიანი არ იჯდა იქ მუდმივად. ანუ, ეს ხომ ერთი წლის ცნობები არ იყო. ეს არის რამდენიმე წლის. 2013 წლიდან ვიდრე 2021 წლის მარტამდე. ამიტომ, როდესაც ჩემთვის ვფიქრობდი, საიდან შეიძლება ყოფილიყო გამოჟონილი, რაღაც დასკვნებამდე მივედი. ისევე, როგორც იქ მომუშავე ადამიანები, ვინც ერკვევიან სპეციფიკაში ამ საქმის, ყველა მიხვდებოდა ეს საიდან იქნებოდა [...]
ერთადერთი ცვლილება სადაც არ განხორციელდა, ეს იყო IT სამსახური. მე გვარების დასახელებისგან თავს შევიკავებ, მაგრამ, ერთს ვიტყვი, რომ იმ ადამიანს, რომელსაც ყველა კომპიუტერთან ჰქონდა წვდომა, რომელიც იყო IT სამსახურში და რომელიც იჯდა ოპერატიულ-ტექნიკურ სააგენტოში — ქვედა დონეზე არ მაქვს საუბარი, მაღალ დონეზე მაქვს საუბარი — მას შეეძლო, რომ ყველა კომპიუტერიდან გადმოექაჩა ეს ინფორმაცია. გადმოექაჩა არა მარტო ფაილები, არამედ მთელი კომპიუტერი, მთელი ვინჩესტერი გადმოეტანა და პირდაპირ ეკრანზე შეეხედა, იმიტომ, რომ ეს დაშვება მათ ჰქონდათ", — აცხადებს სუს-ის უფროსის ყოფილი მოადგილე.
სოსო გოგაშვილის თქმით, გავრცელებულ ფაილებში 2021 წლის მარტამდე მოპოვებული ინფორმაციებია. ის აცხადებს, რომ ზუსტად იცის, ვინ მუშაობდა ოპერატიულ-ტექნიკურ სააგენტოში მაღალ თანამდებობაზე მიმდინარე წლის მარტამდე და აქვს ეჭვი, რომ ფაილები სწორედ ამ ადამიანის გასაჯაროებულია. თუმცა, ყოფილი მაღალჩინოსანი ამ ადამიანის ვინაობას ამხელს.
13 სექტემბერს ცნობილი გახდა, რომ ერთ-ერთი ღია წყაროზე სასულიერო პირებთან დაკავშირებით მასალები აიტვირთა. უცნობია, ვინ გაავრცელა ფაილები და ასევე, არ არის დადასტურებული მათი ავთენტურობა. თუმცა რამდენიმე პოლიტიკოსმა და ჟურნალისტმა, მათ შორის On.ge-ს ყოფილმა რედაქტორმა განაცხადეს, რომ ჩანაწერებში საკუთარი საუბრები ამოიცნეს.
ჩანაწერების მიხედვით, უსმენენ და უთვალთვალებენ ელჩებსა და საელჩოების თანამშრომლებსაც. ფაილებში დაარქივებულია ევროკავშირის ელჩისა და მისი თანამშრომლის საუბარი. თავდაპირველად, ელჩი თანამშრომელს პროტოპრესვიტერ გიორგი ზვიადაძის ნომერს სთხოვს, შემდეგ კი მიმდინარე საკითხებზე თავის პოზიციას აფიქსირებს.
დოკუმენტებში არის ინფორმაცია ამერიკის საელჩოს წარმომადგენლების შესახებაც. მაგალითად, მითითებულია, რომ ელჩის თანაშემწეს დაუკავშირდა USAID-ის წარმომადგენელი და კონკრეტული შეხვედრის მონაწილეების შესახებ ინფორმაცია დააზუსტა.
მსგავსი ინფორმაციები გვხვდება გერმანიის, საფრანგეთის, ისრაელის და სხვა საელჩოების შემთხვევაშიც.
ფაილების გავრცელებიდან რამდენიმე დღეში ქართული ოცნების ლიდერებმა ხან პირდაპირ და ხან ირიბად ფაილების გავრცელებაში ყოფილ პრემიერმინისტრს, გიორგი გახარიას ადანაშაულებდნენ. მათი პოზიცია ემყარებოდა არგუმენტს, რომ გახარიას პარტიის წევრი, ალექსანდრე ხოჯევანიშვილი სუს-ის უფროსის ყოფილი მოადგილეა. მან თანამდებობა გიორგი გახარიას გადადგომის შემდეგ დატოვა.
თავად ალექსანდრე ხოჯევანიშვილი მის მიმართ გამოთქმულ ბრალდებებს გამოეხმაურა და განაცხადა, რომ სუს-ში ოპერატიულ-ტექნიკური სააგენტოს კურატორი არასდროს ყოფილა.
ალექსანდრე ხოჯევანიშვილი სუს-ის უფროსის მოადგილედ 2019 წლის იანვრიდან 2021 წლის მარტამდე მუშაობდა. რაც შეეხება გოგაშვილს, ის ამ პოსტს 2015-2018 წლებში იკავებდა.
-
გადახედვაკინოცენტრმა დაფინანსება შეგვიწყვიტა — თბილისის საერთაშორისო კინოფესტივალი კინოცენტრმა დაფინანსება შეგვიწყვიტა — თბილისის საერთაშორისო კინოფესტივალი
-
გადახედვაGPBA: კონსოლიდაცია რუსეთის დამპყრობლურ პოლიტიკასთან ბრძოლის აუცილებელი პირობაა GPBA: კონსოლიდაცია რუსეთის დამპყრობლურ პოლიტიკასთან ბრძოლის აუცილებელი პირობაა
-
გადახედვასააკაშვილი ენმ-ს პარტიის ბორდის შექმნას და თავმჯდომარედ მისი კანდიდატურის განხილვას სთხოვს სააკაშვილი ენმ-ს პარტიის ბორდის შექმნას და თავმჯდომარედ მისი კანდიდატურის განხილვას სთხოვს
-
გადახედვაშესაძლოა, არამიწიერი სიცოცხლე იისფერი ბაქტერიების სახით არსებობდეს შესაძლოა, არამიწიერი სიცოცხლე იისფერი ბაქტერიების სახით არსებობდეს
-
გადახედვაკვლევის თანახმად, მელიები ადამიანების "საუკეთესო მეგობრები" იყვნენ კვლევის თანახმად, მელიები ადამიანების "საუკეთესო მეგობრები" იყვნენ
-
გადახედვალაზარეს განაჩენის სარეზოლუციო ნაწილი პრეზიდენტს ჯერ არ მიუღია — მის მოსამზადებლად, მოსამართლემ 14-დღიანი ვადა აიღო ლაზარეს განაჩენის სარეზოლუციო ნაწილი პრეზიდენტს ჯერ არ მიუღია — მის მოსამზადებლად, მოსამართლემ 14-დღიანი ვადა აიღო
-
გადახედვალავროვი ოცნების რუსულ კანონზე ამბობს, რომ "ძალიან რბილია" ლავროვი ოცნების რუსულ კანონზე ამბობს, რომ "ძალიან რბილია"
-
გადახედვადეა მელაძე: არა რუსულ კანონს! გელით რუსთაველზე დეა მელაძე: არა რუსულ კანონს! გელით რუსთაველზე
-
გადახედვარა ეწერა რუსთავი 2-ის საინფორმაციოს უფროსის Whatsapp სტატუსში, რომელიც დღეს გამოქვეყნდა და მალევე წაიშალა რა ეწერა რუსთავი 2-ის საინფორმაციოს უფროსის Whatsapp სტატუსში, რომელიც დღეს გამოქვეყნდა და მალევე წაიშალა
-
გადახედვაახალგაზრდების ორგანიზებით, პარლამენტთან საპროტესტო აქცია დღეს 19 საათზე იგეგმება ახალგაზრდების ორგანიზებით, პარლამენტთან საპროტესტო აქცია დღეს 19 საათზე იგეგმება
-
-
გადახედვატაბიძეზე მომხდარი დაჭრის ფაქტზე ერთ პირს ბრალი წარუდგინეს ტაბიძეზე მომხდარი დაჭრის ფაქტზე ერთ პირს ბრალი წარუდგინეს
-
გადახედვარატომ გაუჩინარდნენ ევროპის მონადირე-შემგროვებლები რატომ გაუჩინარდნენ ევროპის მონადირე-შემგროვებლები
-
გადახედვასაფრანგეთმა აზერბაიჯანიდან კონსულტაციებისთვის ელჩი გაიწვია საფრანგეთმა აზერბაიჯანიდან კონსულტაციებისთვის ელჩი გაიწვია
-
გადახედვასადგური, რომელსაც ჩინეთის მთავრობა აშენებს, ინტერნეტმა ჰიგიენურ საფენს მიამსგავსა სადგური, რომელსაც ჩინეთის მთავრობა აშენებს, ინტერნეტმა ჰიგიენურ საფენს მიამსგავსა
-
გადახედვაპარლამენტში გომელაურის მოსმენისას ხმაური იყო — პაპუაშვილმა სალომე სამადაშვილს დარბაზი დაატოვებინა პარლამენტში გომელაურის მოსმენისას ხმაური იყო — პაპუაშვილმა სალომე სამადაშვილს დარბაზი დაატოვებინა
-
გადახედვამოუსმინეთ: ტეილორ სვიფტმა ახალი "ორმაგი" ალბომი გამოუშვა 31 სიმღერით მოუსმინეთ: ტეილორ სვიფტმა ახალი "ორმაგი" ალბომი გამოუშვა 31 სიმღერით
-
გადახედვაევროკავშირს კი არა, ყველანაირ დასავლეთს დაგვავიწყებენ, არც ვიზალიბერალიზაცია შეგვრჩება — რას ამბობს ოპოზიცია ოფშორების კანონზე ევროკავშირს კი არა, ყველანაირ დასავლეთს დაგვავიწყებენ, არც ვიზალიბერალიზაცია შეგვრჩება — რას ამბობს ოპოზიცია ოფშორების კანონზე
-
გადახედვაპარლამენტმა ე.წ. ოფშორების შესახებ კანონი დაამტკიცა პარლამენტმა ე.წ. ოფშორების შესახებ კანონი დაამტკიცა
-
გადახედვავენერას ატმოსფეროდან კოსმოსში ნახშირბადი და ჟანგბადი ჟონავს ვენერას ატმოსფეროდან კოსმოსში ნახშირბადი და ჟანგბადი ჟონავს
-
გადახედვაDRI-ის შეფასებით, რუსული კანონის საწინააღმდეგო აქციაზე, ყველა დაკავებულზე ფიზიკურად იძალადეს DRI-ის შეფასებით, რუსული კანონის საწინააღმდეგო აქციაზე, ყველა დაკავებულზე ფიზიკურად იძალადეს
კომენტარები