ცენტრალური საარჩევნო კომისიის განცხადებით, მე-2 ტური 20 თვითმმართველ ქალაქსა და თემში და 42 ადგილობრივ მაჟორიტარულ საარჩევნო ოლქში ჩატარდება.

მათივე ცნობით, საოლქო საარჩევნო კომისიებმა 2 ოქტომბრის არჩევნები კანონიერ ძალაში შესული საუბნო საარჩევნო კომისიების შემაჯამებელი ოქმებისა და ყველა ინსტანციის სასამართლოს გადაწყვეტილების გათვალისწინებით შეაჯამეს.

ცესკოს ინფორმაციით, მაჟორიტარული სისტემით ჩასატარებელი არჩევნების მეორე ტურში გადავიდნენ შემდეგი პარტიების კანდიდატები:

  • ვადამდელი არჩევნები — ერთიანი საქართველო — დემოკრატიული მოძრაობა;
  • ერთიანი ნაციონალური მოძრაობა;
  • ლელო;
  • ევროპელი სოციალისტები;
  • გახარია — საქართველოსთვის;
  • თავისუფალი საქართველო (ზაზა ხატიაშვილი, კახა კუკავა, გრიგოლ ჯოჯუა);
  • თამაზ მეჭიაური ერთიანი საქართველოსთვის;
  • ქართული ოცნება — დემოკრატიული საქართველო;
  • გირჩი — მეტი თავისუფლება;
  • საინიციატივო ჯგუფის მიერ წარდგენილი კანდიდატი.

რაც შეეხება მერის არჩევნებს, კანდიდატებს წარადგენენ შემდეგი პარტიები:

  • ერთიანი ნაციონალური მოძრაობა;
  • გახარია — საქართველოსთვის;
  • თამაზ მეჭიაური ერთიანი საქართველოსთვის;
  • ქართული ოცნება — დემოკრატიული საქართველო;
  • საინიციატივო ჯგუფის მიერ წარდგენილი დამოუკიდებელი კანდიდატი.

არჩევნების მეორე ტური 30 ოქტომბერს გაიმართება.


2 ოქტომბერს საქართველოში ადგილობრივი თვითმმართველობის არჩევნები გაიმართა. მოსახლეობა მერებსა და საკრებულოების წევრებს ირჩევდა. თუმცა ამჯერად ეს არ იყო მხოლოდ თვითმმართველობის არჩევნები — მიუხედავად იმისა, რომ ქართულმა ოცნებამ შარლ მიშელის შეთანხმება ანულირებულად გამოაცხადა, ოპოზიცია ამ არჩევნებს რეფერენდუმს უწოდებდა. სწორედ ამ დოკუმენტის მიხედვით, იმ შემთხვევაში, თუ ქართული ოცნება თვითმმართველობის არჩევნებზე 43%-ზე ნაკლებს აიღებდა, რიგგარეშე არჩევნები უნდა ჩატარებულიყო.