ლიტერატურული პრემია საბა 2021 დასრულდა. დაჯილდოების ცერემონია, რომელიც ცოტა ხნის წინ შედგა, პირდაპირი ეთერით გადაიცემოდა ფეისბუქსგვერდებსა და ტელეკომპანია ფორმულაზე. წლის ყველაზე მნიშვნელოვანი ლიტერატურული მოვლენა წელს უკვე მეცხრამეტედ ჩატარდა. ეპიდსიტუაციიდან გამომდინარე, დაჯილდოების წლევანდელი ცერემონია, შარშანდელის მსგავსად, აუდიტორიის გარეშე ჩატარდა, გამარჯვებულებმა კი პრიზები მოულოდნელ სიტუაციებში, სხვადასხვა ადგილას მიიღეს.

წლევანდელი კონკურსის ჟიურის წევრები იყვნენ მწერალი, დრამატურგი და ტელეწამყვანი ალექსანდრე ლორთქიფანიძე, მწერალი, მთარგმნელი და დრამატურგი დავით გაბუნია, მწერალი და ტელეწამყვანი ნესტან-ნენე კვინიკაძე, მწერალი და რეჟისორი ბესო სოლომონაშვილი და მთარგმნელი თამარ ჯაფარიძე.

წლის საუკეთესო ლიტერატურული დებიუტი

  • ნანა აბულაძე — აკუმი (ინტელექტი)
  • ირინე ტაბაღუა — ტელეფას ცხვარი (ინტელექტი)
  • კახაბერ მელითაური — მოგზაურობა ნამცეცებს შორის (ნოდარ დუმბაძის გამომცემლობა და ლიტერატურული სააგენტო)
  • ნიკოლოზ ცისკარიშვილი — ცეცხლისწამკიდებელი (პალიტრა L)
  • ნათია აბრამიშვილი — პრიმო ლევის პერიოდული სისტემა (დიოგენე)

წლის საუკეთესო ლიტერატურული კრიტიკა

  • ნანა ტრაპაიძე — ლიტერატურა ლიტერატურის შესახებ (ბათუმის სახელმწიფო უნივერსიტეტის გამომცემლობა)
  • ნინო დიანოსაშვილი — შეშლილი სიშმაგე თუ შმაგი შეშლილობა?! ლისამანია ევრიპიდეს ტრაგედიებში: ბაკქი ქალები, ერაკლე, ორესტესი (ლოგოსი)
  • გიორგი კაკაბაძე — რისი თქმაც მინდა! (პეგასი)
  • ლევან ბრეგაძე — პოსტმოდერნიზმი ქართულ მწერლობაში (არტანუჯი)

წლის საუკეთესო პიესა

  • პაატა ციკოლია — მედეა s01e06 (saba.com.ge)
  • ლაშა ბუღაძე — ანტიმედეა (არტანუჯი)

წლის საუკეთესო ესეისტიკა და დოკუმენტური პროზა

  • მარიამ ხუცურაული — მარილი გემოვნებით (პალიტრა L)
  • არჩილ ქიქოძე — ნორვეგიული დღიური (სულაკაურის გამომცემლობა)
  • ბიძინა მაყაშვილი — მხიარული მუსიკა სევდიან ეპოქაში, ანუ ბლუზი მტკვრის პირას (სულაკაურის გამომცემლობა)
  • გიგი ხორნაული — ცხოვრება ვაჟა-ფშაველასი (მწიგნობარი)
  • გიორგი ლობჟანიძე — ჩემი ფანჯრებიდან (არტანუჯი)
  • გელა ჩარკვიანი — ENGLISH — როგორ ვისწავლე და როგორ ვასწავლიდი (არტანუჯი)
  • ხასო ხანგოშვილი — ქისტები (100 ამბავი) (არტანუჯი)

წლის საუკეთესო პროზაული კრებული

  • გიორგი სოსიაშვილი — ოთხი მოთხრობა (გორის უნივერსიტეტის გამომცემლობა)
  • რუსუდან რუხაძე — სიყვარულის წონა (ინტელექტი)
  • ალეკო შუღლაძე — ლაბირინთი მანუელისთვის (პალიტრა L)

წლის საუკეთესო პოეტური კრებული

  • ნუგზარ ზაზანაშვილი — წავა წავა წავა წავა (ინტელექტი)
  • თეა თოფურია — რატომ არ ხვდებიან ძაღლები სამოთხეში? (saba.com.ge)
  • ბესიკ ხარანაული — ეჰ, ბესარიონ (ინტელექტი)
  • ეკა ქევანიშვილი — ღარიბების ტრანსპორტი არსად გაჩერდება (ინტელექტი)
  • ნათია გიორგაძე — ხმის მატარებელი (ინტელექტი)
  • ბელა ჩეკურიშვილი — ნანას ცხენი (ინტელექტი)

წლის საუკეთესო რომანი

  • თამთა მელაშვილი — შაშვი შაშვი მაყვალი (სულაკაურის გამომცემლობა)
  • ეკატერინე ტოგონიძე — შინ-შენ (სულაკაურის გამომცემლობა)
  • ივა ფეზუაშვილი — ბუნკერი (ინტელექტი)
  • შოთა იათაშვილი — დამწყები (პალიტრა L)

წლის საუკეთესო ქართული თარგმანი

  • გიორგი ლობჟანიძე — ჯალალ ედ-დინ რუმის არსთა მესნევი (სულაკაურის გამომცემლობა)
  • ანი კოპალიანი — ტომას სტერნზ ელიოტის მოხუცი ოპოსუმის წიგნი პრაქტიკული კატების შესახებ (ინტელექტი)
  • ლელა დუმბაძე — ალი სმითის შემოდგომა (სულაკაურის გამომცემლობა)
  • მაია ფანჯიკიძე — თომას ბერნჰარდის ტყის ჩეხა (სულაკაურის გამომცემლობა)
  • თამარ კვიჟინაძე — კნუტ ჰამსუნის მიწის მადლი (სულაკაურის გამომცემლობა)
  • ლიკა ჩაფიძე — ავგუსტ სტრინდბერგის წითელი ოთახი (სულაკაურის გამომცემლობა)
  • ია ქვაჩახია — ელიფ შაფაქის ათი წუთი და ოცდათვრამეტი წამი ამ უცნაურ სამყაროში (პალიტრა L)
  • ხათუნა ცხადაძე — ელენა ფერანტეს მარტოობის დღეები (ზოლიანი კატა)
  • მანანა ანთაძე — უილიამ შექსპირი ქარიშხალი (სეზანი)
  • ლევან ბერძენიშვილი — ევრიპიდეს 4 ტრაგედია (ინტელექტი)
  • ზაზა ჭილაძე და გია ჭუმბურიძე — ჯონათან სვიფტის გულივერის მოგზაურობა (ინტელექტი)
  • თამარ რეკკ-კოტრიკაძე — ჯორჯ ორუელის ცხოველების კარ-მიდამო (ინტელექტი)
  • მზია გალდავაძე — დანიელ ვისერის მთის დედოფალი (ინტელექტი)

სპეციალური პრემია: საბჭოთა და პოსტსაბჭოთა ისტორიის რეფლექსია ქართულ ლიტერატურაში

  • ბიძინა მაყაშვილი — ბლუზი მტკვრის პირას
  • ივა ფეზუაშვილი — ბუნკერი

ამ ნომინაციაში პრიზი წელს პირველად გაიცა. კატეგორიის წარმდგენი საერთაშორისო გამჭვირვალობა — საქართველო იყო, გამარჯვებულებს კი პრიზი ევროკავშირის ელჩმა, კარლ ჰარცელმა გადასცა.

ლიტერატურის განვითარებაში შეტანილი განსაკუთრებული წვლილისთვის

საბა გადაეცა პოეტ და მთარგმნელ გივი შაჰნაზარს.

პრემია საბა 2003 წლიდან გაიცემა. ის თიბისისა და რატი ამაღლობელის დაფუძნებულია. ლიტერატურულმა პრიზმა ბოლო წლების განმავლობაში უმნიშვნელოვანესი როლი შეასრულა ლიტერატურული პროცესების განვითარებასა და ხელშეწყობაში, ასევე ქართული ლიტერატურის პოპულარიზაციასა და ქართველი ავტორების მხარდაჭერაში.