გირჩის რელიგიური ორგანიზაცია წვევამდელებს სამხედრო სამსახურის გადავადებაში ეხმარება
სავალდებულო სამხედრო სამსახურის გაუქმება გირჩის ერთ-ერთი მთავარ პოლიტიკურ მიზანს წარმოადგენს, თუმცა, სანამ ეს მოხდება, პარტიის წევრებმა იმ ახალგაზრდების დასახმარებლად, ვისაც ჯარში წასვლა არ უნდათ, გამოსავალი იპოვეს - მათ დააფუძნეს რელიგიური ორგანიზაცია. აღნიშნული რელიგიური ორგანიზაცია სასულიერო პირებს აკურთხებს და შესაბამის ცნობასაც გასცემს. სასულიერო წოდების მქონე ახალგაზრდები კი შესაბამისი უწყებებისგან სავალდებულო სამხედრო სამსახურის გადავადებას ითხოვენ და მიზანსაც აღწევენ, რადგან კანონში არსებული ჩანაწერი მათ ამის საშუალებას აძლევს.
სამხედრო ვალდებულებისა და სამხედრო სამსახურის შესახებ საქართველოს კანონის 30-ე "ლ" ქვეპუნქტის მიხედვით, წვევამდელს სამხედრო სამსახურში გაწვევა გადაუვადდება, თუ ის არის მღვდელმსახური ან სწავლობს სასულიერო სასწავლებელში.
On.ge-ს ინფორმაციით, გირჩის წევრების მიერ დაფუძნებული რელიგიური ორგანიზაციის მიერ კურთხეულმა ხუთმა სასულიერო პირმა, იგივე წვევამდელმა, სწორედ ამ გზით შეძლო სავალდებულო სამხედრო სამსახურის ერთი წლით გადავადება. იმის გამო, რომ აღნიშნულ პირებს ვინაობის საჯაროდ გამჟღავნება არ სურთ, On.ge თავს იკავებს მათი სახელების გასაჯაროებისგან.
გირჩის წევრებმა 2017 წლის მარტში დაარეგისტრირეს რელიგიური ორგანიზაცია საქართველოს ქრისტიანული, ევანგელისტური, პროტესტანტული ეკლესია - ბიბლიური თავისუფლება.
საჯარო რეესტრის მონაცემებით, აღნიშნული ორგანიზაციის ხელმძღვანელია პარტია გირჩის წევრი ნიკა ობოლაძე. ის საქართველოს ქრისტიანული, ევანგელისტური, პროტესტანტული ეკლესია - ბიბლიური თავისუფლების მთავარი მღვდელმსახურია. ამ ეკლესიის დამფუძნებლები, ნიკა ობოლაძის გარდა, ასევე არიან მღვდელმსახურები აჩო ხაჩიძე და ლევან ჯგერენაია.
ოფიციალური დოკუმენტების მიხედვით, რელიგიური გაერთიანება ბიბლიური თავისუფლების მმართველობითი ორგანოა დამფუძნებელთა კრება. კრების კომპეტენციას განეკუთვნება:
- სხვადასხვა რანგის ღვთისმსახურთა კურთხევა;
- რელიგიური ცერემონიალის ჩატარება;
- საქართველოს კანონმდებლობით გათვალისწინებული სხვა საკითხები.
გირჩში ამბობენ, რომ პარტიას, თვეების განმავლობაში, სამხედრო სავალდებულო სამსახურის გადავადების კუთხით დახმარების თხოვნით, უამრავმა ახალგაზრდამ მიმართა. პარტიის განცხადებით, ორი წლის განმავლობაში მათ სცადეს ყველა შესაძლო გზა, თუმცა "სახელმწიფო სისტემა აღმოჩნდა შეუვალი, როგორც ადამიანის უფლებების, ისე ეკონომიკური არგუმენტებისთვის."
"ამის შემდეგ გირჩმა დაიწყო ფიქრი ბრძოლის ალტერნატიულ გზებზე და ჩვენ ვიპოვეთ ასეთი გზა," - უთხრეს On.ge-ს გირჩში. დახმარება კი შემდეგში მდგომარეობს:
გირჩის წევრთა მიერ დაფუძნებული საქართველოს ქრისტიანული, ევანგელისტური, პროტესტანტული ეკლესია - ბიბლიური თავისუფლება წვევამდელებს ანიჭებს მღვდელმსახურის წოდებას. ორგანიზაცია ამის დამადასტურებელ მოწმობასაც გასცემს, რომელსაც ხელს აწერენ გირჩის წევრი, მთავარი მღვდელმსახური ნიკა ობოლაძე და ორი ეპისკოპოსი, ასევე გირჩის წევრები - არჩილ ხაჩიძე და ლევან ჯგერენაია. აღნიშნული ცნობა კი, არსებული კანონმდებლობისა და პრაქტიკის მიხედვით, საკმარისია სავალდებულო სამსახურის გადასავადებლად.
"ეს არის 100 პროცენტით ლეგალური გზა და თუ სახელმწიფო მაინც შეეცდება 1 წლით მათ მონებად გადაქცევას, ჩვენ სასამართლოში დავიცავთ თითოეულ მათგანს," - ამბობენ გირჩში.
გირჩში ამბობენ, რომ მათი წევრების მიერ დაფუძნებული რელიგიური ორგანიზაციის არსი და მიზანი არის თავისუფლების რწმენა და მისთვის ბრძოლა:
"აღნიშნული რელიგიური ორგანიზაციის წევრობა ნიშნავს თავისუფლების მნიშვნელოვან ღირებულებად აღიარებას, რაც არც ერთი სხვა რელიგიური კონფესიასთან არ მოდის წინააღმდეგობაში. ვისაც არ დავეხმარებით, ესენი არიან ფაშისტები და ჰომოფობები და ეს ჩვენი პრინციპული პოზიციაა."
On.ge დაუკავშირდა მობილიზაციისა და სამხედრო სამსახურში გაწვევის კოორდინირების დეპარტამენტის უფროსს, გოჩა ხარშილაძე, რომელმაც გვითხრა, რომ სავალდებულო სამსახურის გადავადების მიზნით, მღვდელმსახურს თვითმმართველ ერთეულში მიაქვს ცნობა შესაბამისი კონფესიიდან. როგორც ხარშილაძემ გვითხრა, სახელმწიფო უწყებები საქმის კურსში არიან გირჩის წევრების მიერ დაფუძნებული რელიგიურ გაერთიანებაზე:
"რაც შეეხება ბიბლიურ თავისუფლებას, ეს შესწავლის საგანია და ამაზე ვერ გიპასუხებთ ვერაფერს. თვითმმართველები სწავლობენ ამ თემას."
ხარშილაძე ასევე ადასტურებს, რომ აღნიშნული ორგანიზაციიდან გაცემული ცნობით ნამდვილად მიმართეს სავალდებულო სამსახურის გადავადების თხოვნით, თუმცა, რამდენს გადაუვადეს, ეს ინფორმაცია, მისივე თქმით, შესაბამისი თვითმმართველობაში უნდა გავარკვიოთ. On.ge ამ დროისათვის რამდენიმე თვითმმართველობისგან ელოდება წერილობით პასუხს.
-
გადახედვაატაკამის უდაბნოს მიწისქვეშ, 4 მეტრ სიღრმეში, მიკრობული სიცოცხლე აღმოაჩინეს ატაკამის უდაბნოს მიწისქვეშ, 4 მეტრ სიღრმეში, მიკრობული სიცოცხლე აღმოაჩინეს
-
გადახედვავცხოვრობთ თუ არა სიმულაციაში — მეცნიერის თქმით, მან ამის მტკიცებულებას მიაგნო ვცხოვრობთ თუ არა სიმულაციაში — მეცნიერის თქმით, მან ამის მტკიცებულებას მიაგნო
-
გადახედვამეცნიერებმა ალმასი სულ რაღაც 150 წუთში შექმნეს მეცნიერებმა ალმასი სულ რაღაც 150 წუთში შექმნეს
-
გადახედვაLIO with ILA — ქართული მუსიკალური პროექტი, რომლის სიმღერა პროტესტის ჰიმნად იქცა LIO with ILA — ქართული მუსიკალური პროექტი, რომლის სიმღერა პროტესტის ჰიმნად იქცა
-
გადახედვაკროსვორდი: გამოიცანი ევროპის ქალაქი ღირშესანიშნაობით კროსვორდი: გამოიცანი ევროპის ქალაქი ღირშესანიშნაობით
-
-
-
გადახედვაჰაბლის მონაცემებში 1000-ზე მეტი ახალი ასტეროიდი აღმოაჩინეს ჰაბლის მონაცემებში 1000-ზე მეტი ახალი ასტეროიდი აღმოაჩინეს
-
გადახედვამანჯგალაძე: მინდა იცოდეს ყველამ, ვინც აპირებს 29 აპრილის აქციაზე მისვლას, ეს არ არის უბრალოდ თბილისში გასეირნება, ეს არის ღალატში თანამონაწილეობა მანჯგალაძე: მინდა იცოდეს ყველამ, ვინც აპირებს 29 აპრილის აქციაზე მისვლას, ეს არ არის უბრალოდ თბილისში გასეირნება, ეს არის ღალატში თანამონაწილეობა
-
გადახედვასანქციები ივანიშვილს და უვიზო რეჟიმის პუნქტების გადახედვა — ევროპარლამენტმა საქართველოზე რეზოლუცია შესწორებებით მიიღო სანქციები ივანიშვილს და უვიზო რეჟიმის პუნქტების გადახედვა — ევროპარლამენტმა საქართველოზე რეზოლუცია შესწორებებით მიიღო
-
გადახედვანიკა გვარამია : სრული კატასტროფა — რუსული კანონის გამო, ევროპარლამენტი საქართველოსთან უვიზო მიმოსვლის გადახედვას ითხოვს ნიკა გვარამია : სრული კატასტროფა — რუსული კანონის გამო, ევროპარლამენტი საქართველოსთან უვიზო მიმოსვლის გადახედვას ითხოვს
-
გადახედვათვითმკვლელობამდე მიყვანის და ადევნების ფაქტებზე ერთ პირს ბრალდება წარედგინა თვითმკვლელობამდე მიყვანის და ადევნების ფაქტებზე ერთ პირს ბრალდება წარედგინა
-
გადახედვაჯო ბაიდენმა TikTok-ის აკრძალვის კანონპროექტს ხელი მოაწერა ჯო ბაიდენმა TikTok-ის აკრძალვის კანონპროექტს ხელი მოაწერა
-
გადახედვატროლები და ბოტები: როგორ გამოვააშკარაოთ ყალბი პროფილები — ინტერვიუ ანი ქისტაურთან ტროლები და ბოტები: როგორ გამოვააშკარაოთ ყალბი პროფილები — ინტერვიუ ანი ქისტაურთან
-
გადახედვადააკავეს საქართველოს 4 მოქალაქე, რომლებმაც ევროკავშირის ქვეყნების ბიბლიოთეკებიდან ძვირადღირებული წიგნები მოიპარეს დააკავეს საქართველოს 4 მოქალაქე, რომლებმაც ევროკავშირის ქვეყნების ბიბლიოთეკებიდან ძვირადღირებული წიგნები მოიპარეს
-
-
გადახედვარამ გამოიწვია ათენის ცის გასაოცარი მოწითალო შეფერილობა რამ გამოიწვია ათენის ცის გასაოცარი მოწითალო შეფერილობა
-
გადახედვაემა სტოუნს უნდა, თავისი ნამდვილი სახელი დავუძახოთ ემა სტოუნს უნდა, თავისი ნამდვილი სახელი დავუძახოთ
-
გადახედვახატია დეკანოიძე: 29 აპრილს იქნება აქცია "რუსული მარში" რუსული კანონის დასაცავად ხატია დეკანოიძე: 29 აპრილს იქნება აქცია "რუსული მარში" რუსული კანონის დასაცავად
-
გადახედვაროგორი ამინდი იქნება საქართველოში უქმეებზე როგორი ამინდი იქნება საქართველოში უქმეებზე
-
კომენტარები