საზოგადოებრივი მაუწყებლის ბორდის წევრები ზვიად რატიანს: მარტო საზოგადოებრივს უჩივით?
საზოგადოებრივი მაუწყებლის თვითრეგულირების ორგანომ მაუწყებლის მიერ პოეტ ზვიად რატიანის გაშუქებით ეთიკური ნორმების დარღვევაზე საჩივარი განიხილა. საჩივარი მაუწყებლის მხრიდან ზვიად რატიანის პირადი ცხოვრების ხელშეუხებლობის უფლების ხელყოფას, სიძულვილის გაღვივებასა და ჯეროვანი სიზუსტის დარღვევას ეხებოდა.
დღეს, 22 თებერვალს გამართულ სხდომაზე, სამეურვეო საბჭოს წევრების ნაწილიმხრიდან კითხვები ძირითადად იმას ეხებოდა, თუ რატომ მიმართა რატიანმა მაინც და მაინც საზოგადოებრივ მაუწყებელს და არა სხვა ტელევიზიებს.
"მარტო საზოგადოებრივ მაუწყებელს უჩივით? სხვა ტელევიზიას არა?" - იკითხა საბჭოს წევრმა მარინა მუსხელიშვილმა. მისმა კოლეგამ, გია იაკობაშვილმა კი იქვე გააგრძელა: "ანუ რუსეთმა რომ დაარღვია ჩვენი ტერიტორიული მთლიანობა გვეწყინა და ავსტრალიამ რომ დაარღვიოს არ გვეწყინება?"
საბჭოს კიდევ ერთი წევრი, გიორგი კოხრეიძე ფიქრობს, რომ საზოგადოებრივი მაუწყებლის მხრიდან ზვიად რატიანის მიმართ სიძულვილის გაღვივება მხოლოდ იმ შემთხვევაში მოხდებოდა, თუ პოეტს ფიზიკურ შეურაცხყოფას მიაყენებდნენ. მისივე აზრით, სოციალურ ქსელებში გამოთქმული შეურაცხმყოფელი ფრაზები არაფერს ნიშნავს.
"თუ ვაღიარებთ, რომ ჩვენი მხრიდან ეთიკის ნორმები დაირღვა, რას აძლევს ეს ზვიად რატიანს?" - იკითხა მარინა მუსხელიშვილმა.
ჟურნალისტური ეთიკის ქარტიის აღმასრულებელი დირექტორი, ნატა ძველიშვილი, რომელიც განხილვას ესწრებოდა On.ge-სთან ამბობს, რომ ქარტიამ უკვე იმსჯელა ამ საკითხზე და გამოაქვეყნა დეტალური დასაბუთება, თუ რატომ დაირღვა სიზუსტისა და პირადი ცხოვრების ხელშეუხებლობის პრინციპები:
"ქარტიის საბჭოსა და საზოგადოებრივი მაუწყებლის სამეურვეო საბჭოს წევრების კითხვები აბსოლუტურად განსხვავდებოდა ერთმანეთისგან. ქარტია ორიენტირებულია იმაზე, რომ ქვეყანაში განვითარდეს თვითრეგულირება და ყველა მედიასაშუალებამ იგრძნოს პასუხისმგებლობა საკუთარ ხარვეზებზე და იზრუნოს მათ გამოსწორებაზე. ჩემთვის გაუგებარი იყო ის კითხვები, რაც დაისვა სხდომაზე."
ჟურნალისტური ეთიკის ქარტიის საბჭოს გადაწყვეტილებით, ვიდეოს გამოქვეყნებით, საზოგადოებრივი მაუწყებლის ახალი და მიმდინარე ბლოკის დირექტორმა გიორგი გვიმრაძემ და ვებსაიტის რედაქტორმა ირინა დეკანოიძემ ქარტიის პირველი და მეათე პრინციპები დაარღვიეს.
პოეტი ზვიად რატიანი ე.წ. რეიდების დროს დააკავეს. მას სამართალდამცავები წინააღმდეგობის გაწევასა და წვრილმან ხულიგნობას ედავებოდნენ. რატიანი კი პოლიციელებს ცემაში ადანაშაულებს. საბოლოოდ სასამართლომ მას 2 000-ლარიანი ჯარიმა დააკისრა.
საზოგადოებრივმა მაუწყებელმა 27 დეკემბერს გამოაქვეყნა შინაგან საქმეთა სამინისტროს მიერ მიწოდებული ვიდეო კადრები. საზოგადოებრივმა მასალა ისე მიაწოდა მომხმარებელს, რომ არ დაუზუსტებია, რომ აღნიშნული ვიდეო არა პოლიციის სამხრე კამერით, არამედ ტელეფონითაა გადაღებული, დამონტაჟებულია და არ ასახავს ინციდენტს სრულად.
ჩანაწერის გამოქვეყნების შემდეგ, მწერლებისა და გამომცემლების ჯგუფი საზოგადოებრივი მაუწყებლის სამეურვეო საბჭოს შეხვდა და მენეჯმენტის გათავისუფლება მოსთხოვა.
-
გადახედვარა ასაკში მიაჩნიათ ადამიანი ხანდაზმულად რა ასაკში მიაჩნიათ ადამიანი ხანდაზმულად
-
გადახედვამკვლევრებმა კოსმოსში ახალი მოლეკულა აღმოაჩინეს მკვლევრებმა კოსმოსში ახალი მოლეკულა აღმოაჩინეს
-
გადახედვამოლაპარაკებები არ დაიწყება, ვიდრე ეს კანონი დღის წესრიგშია — ევროპარლამენტის რეზოლუციის საბოლოო პროექტი მოლაპარაკებები არ დაიწყება, ვიდრე ეს კანონი დღის წესრიგშია — ევროპარლამენტის რეზოლუციის საბოლოო პროექტი
-
გადახედვაშესაძლოა, პაციენტებს გადარჩენის მეტი შანსი ჰქონდეთ, თუ მათი ექიმი ქალია — კვლევა შესაძლოა, პაციენტებს გადარჩენის მეტი შანსი ჰქონდეთ, თუ მათი ექიმი ქალია — კვლევა
-
-
-
გადახედვამესტიის მერი დეკლარაციაში ქონებას მალავს — TI მესტიის მერი დეკლარაციაში ქონებას მალავს — TI
-
-
-
გადახედვაროდის გაჩნდნენ დედამიწაზე მანათობელი ცხოველები? — კვლევა როდის გაჩნდნენ დედამიწაზე მანათობელი ცხოველები? — კვლევა
-
გადახედვაბრძოლა გრძელდება, აქციებზე შევხვდებით — ლაზარე გრიგორიადისის პირველი განცხადება გათავისუფლების შემდეგ ბრძოლა გრძელდება, აქციებზე შევხვდებით — ლაზარე გრიგორიადისის პირველი განცხადება გათავისუფლების შემდეგ
-
გადახედვალაზარე გრიგორიადისი თავისუფალია ლაზარე გრიგორიადისი თავისუფალია
-
გადახედვაშეიმუშავეს ხელოვნური ინტელექტი, რომელსაც ადამიანის დნმ-ის რედაქტირება შეუძლია შეიმუშავეს ხელოვნური ინტელექტი, რომელსაც ადამიანის დნმ-ის რედაქტირება შეუძლია
-
-
-
-
გადახედვასალომე ზურაბიშვილმა ლაზარე გრიგორიადისი შეიწყალა სალომე ზურაბიშვილმა ლაზარე გრიგორიადისი შეიწყალა
-
გადახედვა"იდენტიფიცირებულნი იქნებიან ის პირები, რომლებიც აქციის მონაწილეებს საავტომობილო გზების პარალიზებისკენ მოუწოდებენ" — შსს-ს განცხადება "იდენტიფიცირებულნი იქნებიან ის პირები, რომლებიც აქციის მონაწილეებს საავტომობილო გზების პარალიზებისკენ მოუწოდებენ" — შსს-ს განცხადება
-
გადახედვანახეთ: მზეზე ერთდროულად 4 ამოფრქვევა მოხდა — უიშვიათესი მოვლენა ნახეთ: მზეზე ერთდროულად 4 ამოფრქვევა მოხდა — უიშვიათესი მოვლენა
-
გადახედვადააკავეს 2 პირი, რომლებმაც მოქალაქეებს, სიცოცხლის მოსპობის მუქარით, დიდი ოდენობით თანხა გამოსძალეს დააკავეს 2 პირი, რომლებმაც მოქალაქეებს, სიცოცხლის მოსპობის მუქარით, დიდი ოდენობით თანხა გამოსძალეს
-
კომენტარები