ქართველ მუსიკოსს, რომელსაც წლის აღმოჩენა უწოდეს, ბრიტანული ჟურნალი მსოფლიოს აცნობს
ბრიტანული გამოცემა, NME, იგივე New Musical Express, ახალგაზრდა ქართველ მუსიკოსზე, ნათია ჭიჭინაძეზე წერს, რომელსაც მელომანები სასცენო სახელით Creams იცნობენ.
"როცა საქართველოში იზრდები — ევროპისა და აზიის საზღვარზე მდებარე პოლიტიკური დაძაბულობით მოცულ ქვეყანაში — მუსიკის შექმნის იდეა ძვირფასი ქვასავით ხელმიუწვდომელია, ყოველ შემთხვევაში Creams-სთვის, 25 წლის სოლო შემსრულებელ ნათია ჭიჭინაძისთვის", — წერს მუსიკის მიმომხილველი ბრიტანული ჟურნალი.
მიუხედავად იმისა, რომ ნათია მუსიკასთან კავშირს ყოველთვის გრძნობდა და პოსტსაბჭოთა პერიოდში მცხოვრები ყველა ბავშვივით მუსიკალურ სკოლაში დადიოდა, მას არასდროს უფიქრია, მუსიკა კარიერად ექცია.
"მუსიკა მიყვარს და მსურდა, რაღაც მესწავლა, თუმცა, ვერ ვხვდებოდი, როგორ ახერხებდნენ, რომ ეს ყველაფერი ასეთ მოსაწყენად ექციათ", — იხსენებს ნათია, — "ხუთიდან ორი ნაცნობი ფორტეპიანოზე დაკვრას სწავლობდა და მათ ეს სძულდათ".
მომღერლის თქმით, მოტივაციაზე აისახა მისი მასწავლებლების აზრიც, რომლებიც ფიქრობდნენ, რომ მუსიკის შექმნით იგი "ვერაფერს იშოვიდა".
საბოლოოდ, მუსიკისადმი საკუთარი სიყვარულის პოვნაში ნათიას ჟურნალების ფურცვლა და კასეტების ყიდვა დაეხმარა. იგი განსაკუთრებით მოხიბლული იყო ადრეულ 2000-იანებში გამოსული ალბომების გარეკანებით. მომავალმა მომღერალმა სწორედ მათი საშუალებით გაიაზრა, რომ მოსწონდა "როგორ გამოიყურებოდნენ, როგორ ეცვათ და, შემდეგ როგორ მღეროდნენ" ეს ხელოვანები. ნათიას თქმით, ეს მისთვის სრულიად ახალი სამყარო იყო.
ახალი სამყაროს შეცნობა იმ ხალხთან შეხვედრით გაგრძელდა, ვინც მას ისეთი ხელოვანები გააცნო, როგორებიც ბიორკი, პრინსი, პატი სმითი, პიჯეი ჰარვი, ფრენკ სინატრა და სხვები არიან. მოგვიანებით, სწორედ ამ ეკლექტურმა გემოვნებამ იქონია გავლენა, როცა ნათიამ მოზარდობისას თავად დაიწყო მუსიკის შექმნა.
მე-15 დაბადების დღეზე მომავალმა მომღერალმა მშობლებისგან iPod მიიღო საჩუქრად. სწორედ ამ გაჯეტში ჩაწერილი მუსიკის შემქმნელი პროგრამა GarageBand-ით დაიწყო დიდი მოგზაურობა.
ნათია პირველად მშობლიურ ბათუმში გამოვიდა აუდიტორიის წინაშე. ქალაქის ზღვასთან სიახლოვემ და ანდერგრაუნდ ღამის კლუბების ენერგიამ ახალგაზრდა მუსიკოსის შემოქმედებითობა კიდევ უფრო გააღვივა. ზღვისპირა ქალაქის უჩვეულო კლიმატი და ამინდის მონაცვლეობა კი, გარკვეულწილად, ხელოვანის შინაგანი მდგომარეობის და ხასიათის ცვალებადობის მეტაფორად იქცა.
თუმცა, შთაგონების წყარო მხოლოდ გარემო არ ყოფილა. შემოქმედებაში მეგობრების და პირადი ურთიერთობების სახეცვლილი გავლენაც აისახა.
2019 წელს ახალი პროექტიც დაიბადა. პროექტისთვის, რომელსაც Creams ეწოდა, ნათია თავადვე წერს, ასრულებს და უშვებს სიმღერებს. პირველი სიმღერების, DIE 4 U და RUN-ის იუთუბზე ატვირთვის შემდეგ ახალბედა პროექტმა ყურადღება მიიქცია. 2020 წელს NME-მა მუსიკოსი "წლის 100 აღმოჩენას" შორის დაასახელა.
ჩანაწერების სადებიუტო კრებულს — SLEEP ON ME — რომელშიც 4 სინგლია შესული, მომღერლისთვის სხვა შინაარსობრივი დატვირთვაც აქვს და იგი ერთგვარი სიმბოლოებითაა გაჯერებული, რომელიც მსოფლიოს გამოღვიძებისა და გაფრთხილების მიღებისაკენ მოუწოდებს. ნამუშევრებში ასახულია ის იმედგაცრუებაც, რომელსაც საქართველოში მცხოვრები ბევრი ახალგაზრდა გრძნობს. საინტერესოა ისიც, რომ კრებულში შესული სიმღერები ქვეყანაში არსებულ პოლიტიკურ სიტუაციასაც ეხმიანება.
"პატარა და ძალიან პოლიტიკური ქვეყანაა, ამიტომ ამ ბნელ სიტუაციაში ყოფნის გამო სხვა გზა არც არსებობს", — ამბობს ნათია და აღნიშნავს, რომ მას გაუმართლა, როცა საერთაშორისო აღიარების მოპოვება ხელისშემშლელი ფაქტორების გარეშე მოახერხა.
სტატიაში აღნიშნულია 2018 წლის მაისში, თბილისში განვითარებული მოვლენებიც, როცა პოლიციის რეიდების შემდეგ კლუბები — ბასიანი და გალერი — 11 დღით დაიკეტა.
"ყველამ ვიცით, რომ ბავშვების მოტყუება 'ტეხავს', და ყველა პრობლემის თავი თანამდებობის პირები არიან", — ამბობს ნათია, — "ისინი შლიან წვეულებას".
მუსიკოსს, რომელიც ოთხ ენაზე საუბრობს, ჯერჯერობით სასცენო სახელით არ შეუსრულებია ლაივ-პერფორმანსი, თუმცა, მისი თქმით, სცენაზე საკუთარი სამყაროს გაცოცხლება და თავისი ქვეყნის პრობლემების შესახებ საუბარი საინტერესოა.
"ისეთ კონსერვატიულ საზოგადოებაში, როგორიც დღეს საქართველოშია, კლუბის მფლობელობა, მასში წასვლა და ქვიარკულტურაზე ან თავისუფლებაზე საუბარი ჰუმანური ქმედებაა", — ამბობს ახალგაზრდა მომღერალი, — "ეს სარისკოცაა და ამიტომ ცდილობს ჩვენი მთავრობა, გაგვაკონტროლოს — ახალგაზრდები მაინც".
Creams-ის მუსიკა სწორედ ამ გამოცდილებას ასახავს და მსმენელს თავდაჯერებულობისა და მხნეობისკენ მოუწოდებს. ბრძოლა კიდევ ერთი ფაქტორია, რაც ნათიასთვის შთაგონების წყაროს წარმოადგენს.
"როცა რაღაც არ მომწონს, ჩუმად ვერ ვიქნები", — დასძენს მუსიკოსი.
-
-
-
გადახედვამელანომის პირველ ინდივიდუალიზებულ ვაქცინას უკვე ასობით ადამიანზე ცდიან მელანომის პირველ ინდივიდუალიზებულ ვაქცინას უკვე ასობით ადამიანზე ცდიან
-
გადახედვაყველაზე დიდი ცხოველი, რომელსაც ხმელეთზე უარსებია — პატაგოტიტანი ყველაზე დიდი ცხოველი, რომელსაც ხმელეთზე უარსებია — პატაგოტიტანი
-
გადახედვაSETI-ს მეცნიერის თქმით, არამიწიერი სიცოცხლის აღმოჩენა გარდაუვალია და ამას ჯეიმს ვების ტელესკოპით შევძლებთ SETI-ს მეცნიერის თქმით, არამიწიერი სიცოცხლის აღმოჩენა გარდაუვალია და ამას ჯეიმს ვების ტელესკოპით შევძლებთ
-
გადახედვაამომავალი ვარსკვლავები — გიორგი გიგაშვილი პრესტიჟული ევროპული პროგრამის გამარჯვებულია ამომავალი ვარსკვლავები — გიორგი გიგაშვილი პრესტიჟული ევროპული პროგრამის გამარჯვებულია
-
გადახედვამეცნიერებმა ძველ გრაგნილში პლატონის საფლავის მდებარეობაზე მინიშნებას მიაგნეს მეცნიერებმა ძველ გრაგნილში პლატონის საფლავის მდებარეობაზე მინიშნებას მიაგნეს
-
-
-
გადახედვაილიაუნი მოსწავლეებისთვის ასტროფიზიკის პრაქტიკულ შეხვედრებს გამართავს — როგორ დავესწროთ ილიაუნი მოსწავლეებისთვის ასტროფიზიკის პრაქტიკულ შეხვედრებს გამართავს — როგორ დავესწროთ
-
გადახედვამკვლევრებმა 90 მილიონი წლის წინ მცხოვრები გიგანტური ფრინველის ნაკვალევი აღმოაჩინეს მკვლევრებმა 90 მილიონი წლის წინ მცხოვრები გიგანტური ფრინველის ნაკვალევი აღმოაჩინეს
-
გადახედვა29 აპრილს, პარლამენტი გენდერული კვოტირების გაუქმებაზე, პრეზიდენტის ვეტოს განიხილავს 29 აპრილს, პარლამენტი გენდერული კვოტირების გაუქმებაზე, პრეზიდენტის ვეტოს განიხილავს
-
-
გადახედვაკობახიძე: მიგრაციის ერთ-ერთი მიზეზი არის ის, რომ გახსნილია საზღვრები, ანუ ადვილია ქვეყნის დატოვება და ევროკავშირის ქვეყნებში გადასვლა კობახიძე: მიგრაციის ერთ-ერთი მიზეზი არის ის, რომ გახსნილია საზღვრები, ანუ ადვილია ქვეყნის დატოვება და ევროკავშირის ქვეყნებში გადასვლა
-
გადახედვა"ობობები" მარსზე — რატომ ჩნდება წითელ პლანეტაზე სეზონური მუქი ლაქები "ობობები" მარსზე — რატომ ჩნდება წითელ პლანეტაზე სეზონური მუქი ლაქები
-
გადახედვაკობახიძე აცხადებს, რომ ევროპარლამენტის რეზოლუციაში ვიზალიბერალიზაციაზე ჩანაწერს "ჩალის ფასი აქვს" კობახიძე აცხადებს, რომ ევროპარლამენტის რეზოლუციაში ვიზალიბერალიზაციაზე ჩანაწერს "ჩალის ფასი აქვს"
-
გადახედვალელო: ვუერთდებით 28 აპრილს დაანონსებულ ევროპულ მარშს, რათა კიდევ ერთხელ ვუთხრათ "კი" ევროპას და "არა" რუსულ კანონს! ლელო: ვუერთდებით 28 აპრილს დაანონსებულ ევროპულ მარშს, რათა კიდევ ერთხელ ვუთხრათ "კი" ევროპას და "არა" რუსულ კანონს!
-
გადახედვარუსული კანონის მეორე საკომიტეტო მოსმენა 29 აპრილს დაინიშნა რუსული კანონის მეორე საკომიტეტო მოსმენა 29 აპრილს დაინიშნა
-
გადახედვაალტ-ინფო აცხადებს, რომ საჯარო რეესტრმა მათი ახალი პარტიის, "ქართული იდეის" გაუქმების პროცესი დაიწყო ალტ-ინფო აცხადებს, რომ საჯარო რეესტრმა მათი ახალი პარტიის, "ქართული იდეის" გაუქმების პროცესი დაიწყო
-
გადახედვაზენდეია სპაიდერმენის შეყვარებულებიდან მესამეა, რომელმაც ჩოგბურთელის როლი მოირგო ზენდეია სპაიდერმენის შეყვარებულებიდან მესამეა, რომელმაც ჩოგბურთელის როლი მოირგო
-
გადახედვა18-წლიანი პატიმრობა მიესაჯა პირს, რომელმაც ყოფილი ცოლი დაჭრა, მისი ქმარი კი მოკლა 18-წლიანი პატიმრობა მიესაჯა პირს, რომელმაც ყოფილი ცოლი დაჭრა, მისი ქმარი კი მოკლა
კომენტარები