მღვდლები ძალადობრივ აქციაზე — ifact-ის გამოძიება
გამომძიებელ ჟურნალისტთა გაერთიანება აი, ფაქტი იმ სასულიერო პირებზე ავრცელებს ინფორმაციას, რომლებმაც 5 ივლისის ძალადობრივ მოვლენებს ხელი შეუწყვეს, მრევლის წინასწარი მობილიზებით, ორგანიზატორების იდეოლოგიური მხარდაჭერით თუ პირდაპირი გაგებით, მათი გვერდში დგომით. ისინი სოციალურ ქსელში გავრცელებულ ფოტოებზე, ალტერნატივა საქართველოსთვის, ალტ-ინფოსა და ქართული იდეის ლიდერებთან ერთად დგანან.
აი, ფაქტის მიხედვით:
- მამა საბა ჭიკაიძე — თბილისის ვაკის მაცხოვრის ფერისცვალების ტაძარი;
- დეკანოზი შალვა კეკელია — თბილისის ვაკის მაცხოვრის ფერისცვალების ტაძარი;
- მამა დავით რუხაძე — საბურთალოს სულთმოფენობის ტაძარი;
- დეკანოზი გიორგი რაზმაძე – თბილისის წმინდა ქეთევან წამებულის ტაძარი;
- მეუფე გიორგი ჯამდელიანი — მარნეულისა და ჰუჯაბის ეპარქია;
- არქიმანდრიტი კირიონ ონიანი — დავითგარეჯას ლავრა;
- მამა გიორგი პავლოვი — საგარეჯო, გიორგიწმინდას ღვთისმშობლის შობის სახელობის ტაძარი;
- მეუფე იოანე გამრეკელი — ქუთაის-გაენათის ეპარქია;
- მამა სპირიდონ ცქიფურიშვილი — თერჯოლა, ვარდიგორის მამათა მონასტერი;
- მღვდელმონაზონი დავით უმანკოშვილი — გელათის წმინდა საბას სახელობის მონასტერი;
- დეკანოზი არჩილ დათეშიძე — ქუთაისის ივერიის ყოვლადწმიდა ღვთისმშობლის ხატის სახელობის ტაძარი;
- მამა არსენ სადუნიშვილი — ქუთაისის წმინდა იოანე ნათლისმცემლის შობის სახელობის ტაძარი;
- მამა თომა სოსელია — ქუთაისის წმინდა იოანე ნათლისმცემლის შობის და წმინდა თომა მოციქულის სახელობის ტაძრები;
- მღვდელი კვირიკე რობაქიძე — ქუთაისი, ღირსი ილარიონ ქართველის ეკლესია;
- დეკანოზი იოანე მიხელიძე — გუმათის ყოვლადწმიდა ღვთისმშობლის შობის, ზარათის წმ. კვირიკესა და ივლიტას და ჟონეთის ფერისცვალების სახელობის ტაძრები;
- დეკანოზი ილარიონ კვიმსაძე — ქუთაისის წმ. თომა მოციქულის სახელობის ტაძარი;
- მღვდელმონაზონი მოსე ცქიტიშვილი — ქუთაისის ღირსი მოსე შავის სახელობის მონასტერი;
- მამა იოანე გრიგოლაშვილი — წყალტუბო, სოფელ უკანეთის ტაძარი;
- მამა დავით ბოჭორიშვილი — ტყიბული, ქაშუეთის წმინდა გიორგის სახელობის ეკლესია;
- მამა გიორგი ბედიაშვილი — თბილისი, წმინდა დემეტრე თავდადებულის სახელობის/წმინდა დიმიტრი ყიფიანის სახელობის ტაძარი;
- მამა მოსე ჭელიძე — თბილისი, მთავარანგელოზ მიქაელის სახელობის ტაძარი;
- მამა ბენიამინ ებრალიძე — ჯიხეთის დედათა მონასტერი;
- დეკანოზი გაბრიელ ჩადუნელი — რუის-ურბნისის ეპარქია, ძამას ხეობა;
- მამა დემეტრე ქათამაძე — ბოლნისი, ქვეშის ღვთისმშობლის შობის სახელობის ტაძარი;
- მამა იოანე საბანაძე — ვაკის წმ. ანდრია პირველწოდებულის სახელობის ტაძარი;
- მამა მირიან ფხაკაძე — ბოლნისის ეპარქია, ტანძიის ეკლესია.
მღვდლების აქციაში მონაწილეობის ამსახველი ვიზუალური მასალის სანახავად მიჰყევით ბმულს: https://drive.google.com/drive/folders/15LBl76sdtKptiKYLa6gNX_qLKbRhDccv?usp=sharing
აი, ფაქტი, ასევე, სასულიერო პირების ციტატებს ავრცელებს:
"წინ გველოდება ბრძოლა, ცემა-ტყეპა და ხელკეტები, მაგრამ ეს ბრძოლა დამთავრდება ეროვნულ-პატრიოტული ძალების დიდი გამარჯვებით. ჩვენთან არს ღმერთი", — ეს სიტყვები მამა გიორგი პავლოვს ეკუთვნის, რომელიც აქციაზე ტაძრის მრევლის თანხლებით იმყოფებოდა.
მედია, ასევე, წერს, რომ ის მრევლს წინასწარ აგულიანებდა ამ დღისთვის. "დიახ, ჩვენ ეკლესია და სასულიერო პირები ვართ მკვლელები, ოღონდ ცოდვის მკვლელები. ვისაც ზნეობაზე და მორალზე ცოტათი მაინც პრეტენზია აქვს, ყველამ ერთად უნდა ავლაგმოთ ეს სიბილწის პროპაგანდა",— ამბობდა 4 ივლისს, საკვირაო წირვის შემდეგ.
მანამდე, სპირიდონ ცქიფურიშვილმა ხალხის დაორგანიზებისთვის მადლობა საჯაროდ გადაუხადა ალტ-ინფოს ჯგუფს, სუფთა გულისა და უაღრესად გონიერი ადამიანებიც უწოდა. ცქიფურიშვილმა თქვა, რომ პირადადაც იცნობდა გიორგისა და შოთას. სასულიერო პირი მრევლს 5 ივლისს შეკრებისკენ მოუწოდებდა 27 ივნისიდან მოყოლებული, მთელი კვირის განმავლობაში. ვარდიგორის მამათა მონასტრის ოფიციალური ფეისბუქ გვერდი კი ზურაბ მახარაძის ვიდეოებს აზიარებდა.
5 ივლისს აქციის ერთ-ერთ ორგანიზატორს, ქართული იდეის თავმჯდომარეს, ლევან ჩაჩუას უმშვენებდა გვერდს მამა კირიონ ონიანიც. ეს ის სასულიერო პირია, დავით გარეჯის საქმეზე, ივერი მელაშვილს დამნაშავე და სამშობლოს მოღალატე რომ უწოდა.
სასულიერო პირები ორგანიზატორების გვერდით იყვნენ მაშინაც, როცა სირცხვილიას ოფისის დარბევის და ლექსო ლაშქარავას ცემის შემდეგ, კონსტანტინე მორგოშია კმაყოფილებით აცხადებდა: "პოლიციამ ეს კურდღლები გაიყვანა უკანა გასასვლელით, შეგვიშვეს ჩვენ, დავათვალიერეთ და მათი ოფისი ცარიელია". ამ დროს პარლამენტის წინ სცენასთან იდგა მამა ბენიამინ ებრალიძე, მამა გიორგი რაზმაძე და ქუთაისის წმინდა იოანე ნათლისმცემლის შობის სახელობის ტაძრის მღვდელმსახური, მამა არსენ სადუნიშვილი.
აი, ფაქტის ინფორმაციით, ალტ-ინფოს ლიდერებთან ერთად წინა ხაზზე იდგა მამა მოსე ჭელიძეც. ის პრორუსული გზავნილებით ადრეც გამოირჩეოდა. "ქართველი ერი რუს ერთან ერთად შევხვდებით ქრისტეს", — ამბობდა 2019 წელს.
"არავინ არ გჩაგრავთ თქვენსავე სახლებში. ქუჩაში კი არასოდეს მოგეცემათ უფლება ბიწიერების პროპაგანდისა. ქუდზე კაცი 5 ივლისს", — მრევლს შეკრებისკენ ფეისბუქით მოუწოდებდა მამა გაბრიელ ჩადუნელიც. აქციაზე ის საპატრიარქოს ჩოხოსნებთან ერთად იდგა.
მედიის თანახმად, ეს სასულიერო პირები 5 ივლისის ძალადობრივი აქციის ორგანიზატორებს სოციალურ ქსელშიც ქომაგობენ. აქტიურად აზიარებენ ლევან ვასაძისა და ალტ-ინფოს გვერდის პოსტებს, მათ შორის ზურაბ მახარაძისა და ემრე ქუჩუქის განცხადებებს.
-
გადახედვავახუშტი მენაბდე: ამ კანონით, შეიძლება მოგთხოვონ ნებისმიერი "საჭირო ინფორმაცია“ არა მარტო თქვენზე, არამედ სხვაზეც ვახუშტი მენაბდე: ამ კანონით, შეიძლება მოგთხოვონ ნებისმიერი "საჭირო ინფორმაცია“ არა მარტო თქვენზე, არამედ სხვაზეც
-
გადახედვააღმოაჩინეს ჰორმონი, რომელიც მონოგამიასთან არის დაკავშირებული აღმოაჩინეს ჰორმონი, რომელიც მონოგამიასთან არის დაკავშირებული
-
გადახედვამილიარდერობა უფრო მეტ ჭკუაზე ხშირად არ მიუთითებს — აი, რატომ მილიარდერობა უფრო მეტ ჭკუაზე ხშირად არ მიუთითებს — აი, რატომ
-
გადახედვაფოტორეპორტაჟი: როგორ აღნიშნეს თბილისში "ოჯახის სიწმინდის დღე" ფოტორეპორტაჟი: როგორ აღნიშნეს თბილისში "ოჯახის სიწმინდის დღე"
-
გადახედვაპირამიდებთან ახლოს ნილოსის ძველი განშტოების კვალს მიაგნეს პირამიდებთან ახლოს ნილოსის ძველი განშტოების კვალს მიაგნეს
-
გადახედვაგენური თერაპიის მეშვეობით ბავშვს სმენა აღუდგინეს გენური თერაპიის მეშვეობით ბავშვს სმენა აღუდგინეს
-
-
-
გადახედვავარჯიში დროის აღქმას ცვლის — კვლევა ვარჯიში დროის აღქმას ცვლის — კვლევა
-
გადახედვაკადიროვის "მარჯვენა ხელმა", დაუდოვმა, მოულოდნელად პარლამენტის თავმჯდომარის თანამდებობა დატოვა კადიროვის "მარჯვენა ხელმა", დაუდოვმა, მოულოდნელად პარლამენტის თავმჯდომარის თანამდებობა დატოვა
-
გადახედვასაია-ს თავმჯდომარე განმარტავს, რა შეცვალა ქართულმა ოცნებამ რუსულ კანონში საია-ს თავმჯდომარე განმარტავს, რა შეცვალა ქართულმა ოცნებამ რუსულ კანონში
-
გადახედვამიტროპოლიტი შიო: კანონის როგორც მომხრეთა, ისე მოწინააღმდეგეთა შორის არიან ეკლესიის წევრები, ჩვენი სულიერი შვილები. ვფიქრობთ, როგორ დაიძლიოს ეს დაპირისპირება მიტროპოლიტი შიო: კანონის როგორც მომხრეთა, ისე მოწინააღმდეგეთა შორის არიან ეკლესიის წევრები, ჩვენი სულიერი შვილები. ვფიქრობთ, როგორ დაიძლიოს ეს დაპირისპირება
-
გადახედვანახეთ: იუპიტერის ყინულოვანი თანამგზავრი ევროპა NASA-ს ზონდის ობიექტივში ნახეთ: იუპიტერის ყინულოვანი თანამგზავრი ევროპა NASA-ს ზონდის ობიექტივში
-
გადახედვაღაზაში შევიდა პირველადი დახმარების ტვირთი, ამერიკის მიერ აშენებული დროებითი ნავსადგურის საშუალებით ღაზაში შევიდა პირველადი დახმარების ტვირთი, ამერიკის მიერ აშენებული დროებითი ნავსადგურის საშუალებით
-
გადახედვაოკმელაშვილი: პოლიციას ხშირად გამოეყოფოდა უცნობი ბანდა, მომიტინგეებს ურტყამდნენ, "აბრტყელებდნენ", თავი ვალდებულად ჩავთვალე, სუსტები დამეცვა ოკმელაშვილი: პოლიციას ხშირად გამოეყოფოდა უცნობი ბანდა, მომიტინგეებს ურტყამდნენ, "აბრტყელებდნენ", თავი ვალდებულად ჩავთვალე, სუსტები დამეცვა
-
გადახედვააფხაზი ოპოზიციონერები მხარს უჭერენ საქართველოში რუსული კანონის მოწინააღმდეგე მანიფესტანტებს აფხაზი ოპოზიციონერები მხარს უჭერენ საქართველოში რუსული კანონის მოწინააღმდეგე მანიფესტანტებს
-
გადახედვაროგორ მოქმედებს მხატვრული ლიტერატურის კითხვა ტვინზე როგორ მოქმედებს მხატვრული ლიტერატურის კითხვა ტვინზე
-
გადახედვააზერბაიჯანელი ოპოზიციონერი, სავარაუდოდ, მისმა თანამშრომელმა მოკლა აზერბაიჯანელი ოპოზიციონერი, სავარაუდოდ, მისმა თანამშრომელმა მოკლა
-
გადახედვარა ვიცით კობახიძის ვიზიტზე თურქეთში, სადაც ის ხუთ მინისტრთან და კიდევ ორ მაღალჩინოსანთან ერთად ჩავიდა რა ვიცით კობახიძის ვიზიტზე თურქეთში, სადაც ის ხუთ მინისტრთან და კიდევ ორ მაღალჩინოსანთან ერთად ჩავიდა
-
გადახედვაბოლო 50 000 წელთან შედარებით, ნახშირორჟანგის დონე ახლა ყველაზე სწრაფად იმატებს ბოლო 50 000 წელთან შედარებით, ნახშირორჟანგის დონე ახლა ყველაზე სწრაფად იმატებს
-
გადახედვა17 მაისს დაგეგმილი მსვლელობის გამო, გარკვეულ ქუჩებზე შეზღუდვები დაწესდება — დეტალები 17 მაისს დაგეგმილი მსვლელობის გამო, გარკვეულ ქუჩებზე შეზღუდვები დაწესდება — დეტალები
კომენტარები