10 გზა, როგორ გადავეჩვიოთ ახალი წიგნების ყიდვას, სანამ თაროზე ქვეყანა წასაკითხი გვიცდის
კარგა ხანს მეგონა, რომ ასე მხოლოდ მე ვიყავი, ყველაფრის თავი და თავი კი სიზარმაცე იყო. მერე სოციალურ ქსელებში აღმოვაჩინე, რომ ახალი წიგნების ყიდვა მაშინ, როცა შინ ნაყიდი და ჯერ კიდევ წასაკითხი ნაწარმოებების კოლექცია გაქვს, ბევრი მკითხველის (თუგინდ ბიბლიოფილის) პრობლემა ყოფილა. ეს პრობლემა ერთდროულად უკავშირდება პროკრასტინაციას, იმავე დღემეხვალიეობას და კომპულსიური ყიდვის აშლილობას, იმავე შოპოჰოლიკობას.
და მაინც — ცდუნება დიდია, მოთმინების ფიალა კი ხშირად სავსე; ჩვენც ხელფასის აღებისთანავე წიგნის მაღაზიაში გავრბივართ და გვინდა, არ გვინდა, ხელში თუ თვალში მოხვედრილ ნებისმიერ წიგნს დაუფიქრებლად ვყიდულობთ. რა ვიღონოთ?
1. შეადგინე წასაკითხი წიგნების სია და მიჰყევი მას
წასაკითხი წიგნების სიის (ინგლისური აბრევიატურა TBR) პერიოდულად შედგენა ერთ-ერთი ეფექტური გზაა, დაუგეგმავი ვაჭრობა წიგნის მაღაზიაში თავიდან ავიცილოთ. ამგვარი სია შეგიძლია წლის განმავლობაში რამდენჯერმეც შეადგინო, მაგალითად, რის წაკითხვას აპირებ საზაფხულო შვებულებაში ან წინასაახალწლოდ. ეცადე, სიას მიჰყვე და დროის იმ მონაკვეთში მხოლოდ ის იკითხო, რაც წინასწარ დაგეგმე. სხვათა შორის, უკვე წაკითხულ წიგნს რომ ჩამონათვალში ხაზს გადაუსვამ, ძალიან სასიამოვნო შეგრძნებაა.
2. დაგეგმე ბიუჯეტი
წასაკითხი წიგნების გარდა, კარგი იქნება, ბიუჯეტსაც თუ დაგეგმავ. ეს ალბათ უფრო ხშირად მოგიწევს, ყოველი თვის დასაწყისში მაინც. ხელფასის აღებისას კარგი იქნებოდა, წინასწარ გაანაწილო საჭირო თანხები სხვადასხვა საჭიროებაზე, მათ შორის, წიგნებზე. ასე შეძლებ, თავშესაქცევ საკითხავზე დასახარჯი და დახარჯული ფული აკონტროლო და შედეგებიც უფრო ადვილად წარმოიდგინო ("ამ წიგნსაც თუ ვიყიდი, მომდევნო კვირა ვერმიშელზე გადავლა მომიწევს").
3. ითხოვე მეგობრისგან ან ბიბლიოთეკიდან
არცთუ იშვიათად წიგნს მხოლოდ იმიტომ ვყიდულობთ, რომ იმ მომენტში ვინმემ გვირჩია, ან სადღაც მოვკარით თვალი. ასეთ შემთხვევაში, როცა უცნობი წიგნის ყიდვის დაუოკებელი სურვილი გვიპყრობს, შეგვიძლია, ის ჯერ ნაცნობ-მეგობრებში ან ბიბლიოთეკებში მოვიძიოთ. თაროზე უამრავი წიგნი მაქვს, რომლის ყიდვასაც ვნანობ — განა ცუდია და იმიტომ — უბრალოდ, მხოლოდ ერთხელ წავიკითხე და ამის მეორედ გაკეთების სურვილი აღარ გამჩენია. ჰოდა, აჯობებდა, ბიბლიოთეკიდან მეთხოვა, ფულიც დამეზოგა და ადგილიც წიგნის კარადაში.
4. სასტიკი უარი თქვი რეკომენდაციებზე
წინა აბზაცში რჩევები ვახსენეთ — მე კი გირჩევდი, რეკომენდაციებს შეძლებისდაგვარად მოერიდო. ეგ კი არა, ეცადე, ბიბლიოფილების გარემოცვაში წიგნზე სიტყვა არ ჩამოაგდო, თორემ აუცილებლად გამოჩნდება ერთი ადამიანი მაინც, რომელიც დაჟინებით გეტყვის, ეს უნდა წაიკითხოო. მმ, არა, მანამდე ქვეყანა წასაკითხი მაქვს.
5. მოიძიე სასურველი წიგნის მსგავსი საკითხავი თაროზე
თუკი სასურველ წიგნს ვერც ბიბლიოთეკაში მივაკვლიეთ და არც ჩვენს რომელიმე მეგობარს აღმოაჩნდა, იმედს არ ვკარგავთ და წიგნის მაღაზიაში მაინც არ გავრბივართ. დაფიქრდი, კონკრეტულად იმ წიგნის წაკითხვა გინდა თუ მისი მსგავსი, იმავე ჟანრის ან თემატიკის ტექსტის. ასეთ დროს კარგი აზრია, საკუთარ თაროს მიუბრუნდე და მსგავსი წიგნი შეარჩიო. თუ ეს დამოუკიდებლად ვერ შეძელი, ჩვენს ფეისბუქჯგუფს შემოუერთდი და რამე საშენოს აუცილებლად გირჩევთ.
6. ნახე ფილმი ან სერიალი
რატომღაც არსებობს გავრცელებული შეხედულება, რომ "ჯერ წიგნის წაკითხვა ჯობს". არადა, ცუდი არაფერია იმაში, თუკი სასურველ ნაწარმოებს ეკრანიზაციით "მოსინჯავ". ცხადია, ცუდი ეკრანიზაციებიც არსებობს, მაგრამ ფილმი ან სერიალი დაახლოებით წარმოდგენას მაინც შეგიქმნის, ნამდვილად გინდა თუ არა პირველწყაროს წაკითხვა. ისე კი, თუ სპოილერებს უფრთხი, შეგიძლია, მხოლოდ ნაწყვეტები ნახო, ან ბოლო ოც წუთს აღარ უყურო.
7. წერე თავად
არ მეგულება მკითხველი, რომელსაც თუ არაფერი დაუწერია, ამაზე არ უფიქრია მაინც. ამბების მოყოლა და მოსმენა ხომ ადამიანების ერთ-ერთი მოთხოვნილებაა. ჰოდა, რატომაც არ უნდა ცადო? წიგნის მაღაზიაში სტუმრობით დროის და ფულის დაკარგვას არ ჯობია, შინ დარჩე და თუნდაც ბიბლიოფილ პერსონაჟზე დაწერო? ამ საქმემ შეიძლება ისე ჩაგითრიოს, ახალი წიგნის კი არა, საჭმლის ყიდვაც კი დაგავიწყდეს.
8. ისარგებლე ელექტრონული ან აუდიო წიგნით
თუ ელექტრონული ან აუდიო წიგნის მოხმარება არაერთგზის გიცდია და ვერაფერს გახდი, ეს აბზაცი შეგიძლია გამოტოვო. უბრალოდ, მაინც შეგახსენებდი, რომ ასეთი ფორმატის წიგნები უფრო იაფი ღირს, ამასთან, არც შენს თაროზე მოითხოვს ადგილის გამოყოფას. ბოლო-ბოლო, თუკი წაკითხული ელექტრონული წიგნი ძალიან მოგეწონება, შეგიძლია, მისი ფიზიკური ასლიც იყიდო.
9. მოერიდე წიგნის მაღაზიის მახლობელ ადგილებს
უცნაური რჩევა კია, მაგრამ მე მაინც მითქვამს. ცოტაოდენი თავისუფალი დრო და ახლომახლო წიგნის მაღაზია რომ მეგულება, ცდუნებას ძნელად თუ ვუძლებ ხოლმე. ამიტომ, დისტანციის დაცვას მაინც ვამჯობინებდი. ისე კი, თუ თავი მაინც ამოყე წიგნის მაღაზიაში, გირჩევ, ცოტა ხნის წინ ნაყიდი და წაუკითხავი წიგნები დაათვალიერო; უბრალოდ, შეხსენება, რომ შინ საქმე თავზე საყრელად გაქვს.
10. თაროს რეორგანიზაცია ყოველთვის კარგი აზრია
ჩემთვის ეს ყველაზე ეფექტური გზაა, რომ ახალი წიგნის ყიდვა გადავიფიქრო. ზოგჯერ კვირაში რამდენჯერმეც კი ვაწყობ და ვაადგილებ წიგნებს თაროზე. ბიბლიოფილებს, ზოგადად, წიგნებთან ურთიერთობის უცნაური მოთხოვნილება აქვთ — მათი ხელში აღების, დაყნოსვის, მოფერების. ჰოდა, მაღაზიაში წასვლას კი ჯობს, თაროზე ჩამომწკრივებულ ყუებს მოეფერო. ამ დროს დავიწყებული შენაძენიც კი შეიძლება აღმოაჩინო — ვუალა, ესეც შენი ახალი წიგნი. ყველაფერი ძველი, კარგად დავიწყებული, ხომ ახალია.
ბონუსი: წარმოიდგინე ყველაზე საშინელი სცენარი
ნამდვილად ვერ გაიძულებ, ახალი წიგნის ყიდვის თავიდან ასაცილებლად აპოკალიფსი წარმოიდგინო, მაგრამ ეს მე ნამდვილად მშველის. ჰო, ერთ კვირას ვერმიშელზე გადააგორებ, მაგრამ მთელი თვე?! წიგნის მაღაზიის კართანაც რომ ვიდგე, უკან გამოვბრუნდები.
-
გადახედვასტუდენტი, რომელიც კობახიძის ლექციაზე საქართველოსა და ევროკავშირის დროშით მივიდა, ლექციაზე არ შეუშვეს სტუდენტი, რომელიც კობახიძის ლექციაზე საქართველოსა და ევროკავშირის დროშით მივიდა, ლექციაზე არ შეუშვეს
-
გადახედვადაუშვებელია, მივიღოთ კანონი, რომლის უკან გაწვევისკენ მოგვიწოდებენ ცივილიზებული სამყაროს წევრი ქვეყნები — GPBA დაუშვებელია, მივიღოთ კანონი, რომლის უკან გაწვევისკენ მოგვიწოდებენ ცივილიზებული სამყაროს წევრი ქვეყნები — GPBA
-
გადახედვადღეს, 20 აპრილს, 5 საათზე, გაიმართება ქალების მარში — ქალები ვირჩევთ ევროპას დღეს, 20 აპრილს, 5 საათზე, გაიმართება ქალების მარში — ქალები ვირჩევთ ევროპას
-
გადახედვავდებთ პირობას, კოალიციური მთავრობის ჩამოყალიბების შემდეგ, მოქალაქეებს არ ექნებათ შეხება ნიღბიან სპეცრაზმელებთან — ოპოზიციური პარტიების განცხადება ვდებთ პირობას, კოალიციური მთავრობის ჩამოყალიბების შემდეგ, მოქალაქეებს არ ექნებათ შეხება ნიღბიან სპეცრაზმელებთან — ოპოზიციური პარტიების განცხადება
-
გადახედვაGPBA: კონსოლიდაცია რუსეთის დამპყრობლურ პოლიტიკასთან ბრძოლის აუცილებელი პირობაა GPBA: კონსოლიდაცია რუსეთის დამპყრობლურ პოლიტიკასთან ბრძოლის აუცილებელი პირობაა
-
გადახედვასააკაშვილი ენმ-ს პარტიის ბორდის შექმნას და თავმჯდომარედ მისი კანდიდატურის განხილვას სთხოვს სააკაშვილი ენმ-ს პარტიის ბორდის შექმნას და თავმჯდომარედ მისი კანდიდატურის განხილვას სთხოვს
-
გადახედვაშესაძლოა, არამიწიერი სიცოცხლე იისფერი ბაქტერიების სახით არსებობდეს შესაძლოა, არამიწიერი სიცოცხლე იისფერი ბაქტერიების სახით არსებობდეს
-
გადახედვაკვლევის თანახმად, მელიები ადამიანების "საუკეთესო მეგობრები" იყვნენ კვლევის თანახმად, მელიები ადამიანების "საუკეთესო მეგობრები" იყვნენ
-
გადახედვალაზარეს განაჩენის სარეზოლუციო ნაწილი პრეზიდენტს ჯერ არ მიუღია — მის მოსამზადებლად, მოსამართლემ 14-დღიანი ვადა აიღო ლაზარეს განაჩენის სარეზოლუციო ნაწილი პრეზიდენტს ჯერ არ მიუღია — მის მოსამზადებლად, მოსამართლემ 14-დღიანი ვადა აიღო
-
გადახედვალავროვი ოცნების რუსულ კანონზე ამბობს, რომ "ძალიან რბილია" ლავროვი ოცნების რუსულ კანონზე ამბობს, რომ "ძალიან რბილია"
-
გადახედვადეა მელაძე: არა რუსულ კანონს! გელით რუსთაველზე დეა მელაძე: არა რუსულ კანონს! გელით რუსთაველზე
-
გადახედვავახტანგ გომელაური: აქციის მონაწილეები სიტყვიერ შეურაცხყოფას აყენებდნენ პოლიციას, ამის შემდეგ მოხდა დაპირისპირება ვახტანგ გომელაური: აქციის მონაწილეები სიტყვიერ შეურაცხყოფას აყენებდნენ პოლიციას, ამის შემდეგ მოხდა დაპირისპირება
-
გადახედვახაბეიშვილი: ელისაშვილის ცემა იყო მიზანმიმართული, საზოგადოებას უთხრეს — თუ პარლამენტარს ასე ვექცევით, თქვენ უარესად მოგექცევით ხაბეიშვილი: ელისაშვილის ცემა იყო მიზანმიმართული, საზოგადოებას უთხრეს — თუ პარლამენტარს ასე ვექცევით, თქვენ უარესად მოგექცევით
-
გადახედვარა ეწერა რუსთავი 2-ის საინფორმაციოს უფროსის Whatsapp სტატუსში, რომელიც დღეს გამოქვეყნდა და მალევე წაიშალა რა ეწერა რუსთავი 2-ის საინფორმაციოს უფროსის Whatsapp სტატუსში, რომელიც დღეს გამოქვეყნდა და მალევე წაიშალა
-
გადახედვაოცნების დეპუტატის, გია ცაგარეიშვილის შვილი: მედვედევს რაც მოსწონს, დუგინს რაც მოსწონს — ჩვენ ავტომატურად არ მოგვწონს, 2x2 ოცნების დეპუტატის, გია ცაგარეიშვილის შვილი: მედვედევს რაც მოსწონს, დუგინს რაც მოსწონს — ჩვენ ავტომატურად არ მოგვწონს, 2x2
-
გადახედვაახალგაზრდების ორგანიზებით, პარლამენტთან საპროტესტო აქცია დღეს 19 საათზე იგეგმება ახალგაზრდების ორგანიზებით, პარლამენტთან საპროტესტო აქცია დღეს 19 საათზე იგეგმება
-
-
გადახედვატაბიძეზე მომხდარი დაჭრის ფაქტზე ერთ პირს ბრალი წარუდგინეს ტაბიძეზე მომხდარი დაჭრის ფაქტზე ერთ პირს ბრალი წარუდგინეს
-
გადახედვარატომ გაუჩინარდნენ ევროპის მონადირე-შემგროვებლები რატომ გაუჩინარდნენ ევროპის მონადირე-შემგროვებლები
-
გადახედვასაფრანგეთმა აზერბაიჯანიდან კონსულტაციებისთვის ელჩი გაიწვია საფრანგეთმა აზერბაიჯანიდან კონსულტაციებისთვის ელჩი გაიწვია
-
გადახედვაოცნება ოფშორებთან დაკავშირებულ კანონს ივანიშვილს არგებს, იზრდება კრიმინალური და რუსული კაპიტალის შემოდინების რისკიც — TI ოცნება ოფშორებთან დაკავშირებულ კანონს ივანიშვილს არგებს, იზრდება კრიმინალური და რუსული კაპიტალის შემოდინების რისკიც — TI
კომენტარები