მაილი საირუსმა 13 იანვარს ახალი სიმღერა, სახელად ყვავილები გამოუშვა. მომღერლის ფანები ფიქრობენ, რომ სიმღერა მაილისა და მისი ყოფილი ქმრის, ლიამ ჰემსვორტის ურთიერთობის შესახებაა. მათი აზრით, ამას ადასტურებს სიმღერის გამოშვების თარიღიც, რადგან 13 იანვარი ლიამის დაბადების დღეა.

"ჩვენ იმ ოცნების მსგავსად ვიყავით, რომელიც შეუფასებელია... ავაშენეთ სახლი და ვუყურეთ, როგორ დაიწვა", — ვკითხულობთ მაილის ახალი სიმღერის ტექსტში. ეს მონაკვეთი მომღერლის ფანებმა მაილისა და ლიამის თანაცხოვრებასა და 2018 წლის კალიფორნიის ხანძარს დაუკავშირეს, რის შედეგადაც მათი სახლი დაიწვა.

ერთ-ერთმა გულშემატკივარმა ახალ კლიპში მაილის ცეკვა იმ მოძრაობას მიამსგავსა, როცა წლების წინ საირუსი და ჰემსვორტი წითელ ხალიჩაზე ერთად გამოჩნდნენ და ინტერვიუს დროს მომღერალი აცეკვდა. ტვიტერზე ამ მოსაზრებას მაილის ბევრი ფანი დაეთანხმა.

მაილიმ და ლიამმა ურთიერთობა 2009 წელს დაიწყეს, 2012 წელს კი ოფიციალურად დაინიშნნენ. 2018 წელს წყვილმა საიდუმლოდ იქორწინა, თუმცა ამის შემდეგ მათი ურთიერთობა ერთ წელზე ნაკლებ ხანს გაგრძელდა.