ზვიგენის თავდასხმის შედეგად რუსეთის მოქალაქის დაღუპვაზე ადგილობრივმა საკონსულომ 8 ივნისს განაცხადა.

დეტალები: საერთაშორისო მედიის ცნობით, შემთხვევა ეგვიპტის აღმოსავლეთ სანაპიროზე, ტურისტულ ქალაქ ჰურგადაში მოხდა — მაშველებმა კაცის გადარჩენა ვერ შეძლეს.

  • ეგვიპტის გარემოს დაცვის სამინისტროს განცხადებით, ზვიგენი დაიჭირეს, სანაპიროზე კი ცურვა აიკრძალა.
  • ასევე, მინისტრმა ადგილობრივ ხელისუფლებას დაავალა, მიიღონ ზომები "ზვიგენის თავდასხმის ინციდენტის ხელახლა განმეორების თავიდან ასაცილებლად".
  • რუსული საინფორმაციო სააგენტო ტასის ცნობით, მოკლული 1999 წელს დაბადებული კაცია, რომელიც ეგვიპტეში ცხოვრობდა და ტურისტი არ ყოფილა.