ელისონი ავსტრალიელი კაცია, რომელიც სიდნეის ქუჩებში გადაადგილებისას ყოველდღიურად ხედავდა უსახლკარო კაცს, რომელიც ვირთხასთან ერთად იჯდა და მოწყალებას ითხოვდა.

59 წლის კაცს, არავინ ჰყავდა ამ ვირთხის გარდა, რომელიც მასთან ერთად იძინებდა, ჭამდა და თამაშობდა — ცხოველი ისეთი საყვარელი იყო, რომ კრისს ფულის გამომუშავებაშიც კი ეხმარებოდა, რადგან გამვლელები ყოველთვის ჩერდებოდნენ ვირთხასთან სათამაშოდ.

ფოტო: Alyson Pearce

ფოტო: Alyson Pearce

ამ ამბავს საკმაოდ უსიამოვნო გაგრძელება აქვს, რადგან ერთხელაც, როცა კრისი ერთ-ერთი დაწესებულების ტუალეტში გავიდა, უკან დაბრუნებულს ერთგული მეგობარი აღარ დახვდა — კაცს ვირთხა მოპარეს.

ამ სამწუხარო ამბის გაგების შემდეგ ელისონმა ფეისბუქზე გამოაქვეყნა პოსტი, რომელიც თითოეულმა მნახველმა გულთან მიიტანა. პოსტს ათასობით გაზიარება და გამოხმაურება ჰქონდა. მოშინაურებული ვირთხის მოძებნის პროცესში ჩაერთი პოლიციაც.

"ყოველდღე სამსახურში წასვლამდე ვხედავდი უსახლკარო კაცს, რომელიც ერთსა და იმავე ადგილას საკუთარ მოშინაურებულ ვირთხასთან ერთად მოწყალებას ითხოვდა. ისინი მთელ დროს ერთად ატარებდნენ. მათი დანახვისას ყოველთვის მეღიმებოდა და კარგ ხასიათზე ვდგებოდი. სამწუხაროდ ვიღაცამ ვირთხა მოიპარა და ძალიან გთხოვთ, რომ გაავრცელოთ ეს პოსტი, რათა უსახლკარო კაცს თავისი საყვარელი ცხოველი დავუბრუნოთ", — წერდა ელისონი საკუთარ ფეისბუქის გვერდზე.

ფოტო: Alyson Pearce

ფოტო: Alyson Pearce

მიუხედავად იმისა, რომ ეს ამბავი მთელ სიდნეის მოედო და საქმეში პოლიციაც ჩაერთო, ლუსი არსად გამოჩენილა. ჩვენ კი დიდი იმედი გვაქვს, რომ უსახლკარო კაცი აუცილებლად იპოვის თავის საყვარელ ცხოველს.