უარი ოპონენტების მოთხოვნას — უმრავლესობამ მოსამართლეების კანონპროექტი მეორე მოსმენაზე არ დააბრუნა
საქართველოს პარლამენტის ოპოზიციონერი დეპუტატები მოსამართლეების შესახებ კანონპროექტის მესამე მოსმენიდან მეორე მოსმენაზე დაბრუნებას ითხოვდნენ. დეპუტატების პოზიციით, მათ არ მიეცათ საკმარისი დრო ემსჯელათ ვენეციის კომისიისა და საერთაშორისო ორგანიზაციების რეკომენდაციებზე. იურიდიულ საკითხთა კომიტეტის თავმჯდომარემ ანრი ოხანაშვილმა საკითხი მეორე მოსმენაზე არ დააბრუნა.
თავდაპირველად კანონპროექტის მეორე მოსმენაზე დაბრუნების საკითხი პარლამენტის პლენარულ სხდომაზე ქართული ოცნებიდან წასულმა დეპუტატმა ეკა ბესელიამ დააყენა. მისი თქმით, მეორე მოსმენაზე კანონპროექტის დაბრუნების საკითხი რეგლამენტის მიხედვით პლენარულ სხდომაზე წყდება.
"ვენეციის კომისიის რეკომენდაციების გაზიარების გარეშე ეს პროცესი იძენს საზიანო სახეს. მეორე მოსმენის შემდეგ იყო კრიტიკული განცხადებები ადგილობრივი და საერთაშორისო პარტნიორების მხრიდან", — განაცხადა ეკა ბესელიამ.
ეკა ბესელიას შემდეგ კანონპროექტის მეორე მოსმენაზე დაბრუნების საკითხი ევროპულმა საქართველომ დააყენა. ამავე პარტიის დეპუტატის, ირაკლი აბესაძის თქმით, მათ არ მიეცათ არსობრივი მსჯელობის საშუალება, თუ რისი გათვალისწინება შეიძლებოდა ვენეციის კომისიის რეკომენდაციებიდან და რისი არა.
"რეკომენდაციების მთავარი არსი და აზრი, იმ უმძიმესი მდგომარეობის გათვალისწინებით, რაც იუსტიციის საბჭოშია, იყო, რომ მაქსიმალურად შეგვეზღუდა სუბიექტური გადაწყვეტილებების მიღება. ამ მოსამართლეებს პოლიტიკურ ტოკ-შოუებში უფრო ხშირად ვხედავთ, ვიდრე მანტიამოსხმულს და მოსამართლის როლში. ამიტომ, ძალიან მნიშვნელოვანია, თქვენი დაჟინებული მცდელობა, თქვენს პოლიტიკურ პარტნიორებს ხელში ჩაუგდოთ მთლიანი სასამართლო სისტემა, შეაფერხოთ და დააბრუნოთ საკითხი მეორე მოსმენაზე", — განაცხადა ირაკლი აბესაძემ.
ევროპული საქართველოს დეპუტატმა, ხათუნა გოგორიშვილმა ქართულ ოცნებას დარღვეული პირობა შეახსენა, რომლის მიხედვითაც კანონპროექტს მეორე მოსმენით ვენეციის კომისიის დასკვნამდე არ განიხილავდნენ. ამის მიუხედავად, ქართულმა ოცნებამ კანონპროექტი კომიტეტზე მეორე მოსმენით ვენეციის კომისიის დასკვნის გამოქვეყნებამდე განიხილა.
ნაციონალური მოძრაობის დეპუტატის თინა ბოკუჩავას თქმით კანონპროექტი "მანკიერი ნორმებია ჩადებული და უზრუნველყოფს იმას, რომ ივანიშვილის მორჩილი კლანი იქნება სასამართლოს ხელმძღვანელობაში და გააკონტროლებს სასამართლოს მომავალი ათწლეულების მანძილზე".
ქართული ოცნების დეპუტატმა იმის დასამტკიცებლად, რომ ვენეციის კომისიის რეკომენდაციები უმრავლესობამ გაითვალისწინა, მოუწოდა ანრი ოხანაშვილს კიდევ ერთხელ განმარტოს, რა ცვლილებები შეიტანეს კანონპროექტში.
ქართული ოცნებიდან წასულმა დეპუტატმა, ლევან გოგიჩაიშვილმა ტელეკომპანია იმედზე ლევან მურუსიძისა და შალვა შავგულიძის დებატები განიხილა და დაინტერესდა "რის გამო გაიარა ეს გზა უმრავლესობამ".
"იმ ადამიანების გამო გაიარეთ ეს გზა გუშინ სამარცხვინო ეთერში რომ იჯდა და თავზე უფრო მეტ ლაფს ისხამდა? რისთვის აკეთებთ ამას, რომ თქვენი სახელები მომავალში ჩინჩალაძესთან და მურუსიძესთან ასოცირდებოდეს? რა არის ამის ფასი? მახინჯი გამრუდებული ადამიანებისთვის, გამრუდებული სამართლისთვის აკეთებთ ამას? რა მიიღეთ თქვენ, რომ ოდესღაც იმ პანთეონის წევრი იქნებით, რომელშიც ჩინჩალაძე და მურუსიძეა?", — განაცხადა ლევან გოგიჩაიშვილმა
ევროპული საქართველოს დეპუტატის, ელენე ხოშტარიას თქმით, "ამოიწურა რესურსი, რომ რაიმე ნორმალურ ჩარჩოში წავიდეს პროცესი".
"არანაირი ილუზია არ მაქვს რომ იმ ფარს შეწყვეტთ, რითაც იყავით დაკავებული დეკემბრიდან მოყოლებული. კარგად გახსოვდეთ, რომ თქვენ დღეს საზოგადოების წინააღმდეგ მიდიხართ. მურუსიძე თქვენი პარტიის აქტივისტია, უსირცხვილო აქტივისტი. ასეთ ტიპის აქტივისტებს ახვევთ თავს საზოგადოებას", — განაცხადა ელენე ხოშტარიამ. ~
მისივე თქმით, დეპუტატები "უმსგავსობაში" იღებენ მონაწილეობას და შეუერთდებიან "მურუსიძის მსგავს უტიფარ პოლიტიკურ აქტივისტებს".
დეპუტატების მოთხოვნას საკითხის მეორე მოსმენაზე დაბრუნების შესახებ უპასუხა მოსამართლეების კანონპროექტის მომხსენებელმა, იურიდიულ საკითხთა კომიტეტის თავმჯდომარემ ანრი ოხანაშვილმა.
მისი თქმით, პარლამენტის დეპუტატების ნაწილი აყენებს შეურაცხყოფას პარლამენტს და ახდენს პროცესის დისკრედიტაციას.
"ყველა ჩვენი კოლეგისა და საზოგადოების გასაგონად ვიტყვი ერთს. მე ძალიან ვწუხვარ, რომ თქვენ ხართ კოლეგები და თქვენვე აყენებთ პარლამენტს შეურაცხყოფას და ახდენთ დისკრედიტაციას პროცესის, რომელიც 4 თვის განმავლობაში მიდიოდა. ეს არის სამწუხარო რეალობა, როცა პარლამენტის წევრები პირდაპირ პოლიტიკური განცხადებებით ზეწოლას ახდენთ და ზემოქმედებთ სასამართლო სისტემაზე", — განაცხადა ანრი ოხანაშვილმა.
მისივე თქმით, ოპონენტების მხრიდან სასამართლოზე ზეწოლა ინტენსიურია, რაც დაუშვებელია.
"თქვენ, ერთი მხრივ, საუბრობთ, რომ სასამართლო სისტემა უნდა იყოს ჯანსაღი და დამოუკიდებელი და, მეორე მხრივ, თქვენივე განცხადებებით ზემოქმედებთ სასამართლოზე. დაუშვებელია მსგავსი განცხადებები და ჩვენს გუნდს აქვს იმის ამბიცია, რომ სასამართლო სისტემის შეჩერების უფლება არც ერთ პოლიტიკურ პარტიას მისცეს. ეს იკითხება ამ განცხადებებში და ვწუხვარ, რომ ამ ნარატივის მონაწილეები არიან ჩვენი გუნდის ყოფილი წევრები", — განაცხადა ოხანაშვილმა.
მისივე თქმით, მმართველმა გუნდმა ვენეციის კომისიის ყველა პრინციპული რეკომენდაცია გაიზიარა და საკითხის მეორე მოსმენაზე დაბრუნება მიზანშეწოლიდან არ მიაჩნია.
-
გადახედვამინდა, მივმართო ჩვენი ქვეყნის აკრედიტებულ ელჩებს მეგობარ ქვეყნებში... საკითხი ეხება ჩვენი ქვეყნის მომავალს! — მამუკა ხაზარაძე მინდა, მივმართო ჩვენი ქვეყნის აკრედიტებულ ელჩებს მეგობარ ქვეყნებში... საკითხი ეხება ჩვენი ქვეყნის მომავალს! — მამუკა ხაზარაძე
-
გადახედვაპოლიციის უმოქმედობა აქციის მონაწილეებზე ძალადობას ახალისებს — DRI პოლიციის უმოქმედობა აქციის მონაწილეებზე ძალადობას ახალისებს — DRI
-
გადახედვა11 მაისს, ევროპის დღეს, რუსული კანონის საწინააღმდეგო მანიფესტაცია დაანონსდა 11 მაისს, ევროპის დღეს, რუსული კანონის საწინააღმდეგო მანიფესტაცია დაანონსდა
-
გადახედვაცირკთან აქციის მონაწილეებს, უცნობი პირები, ფიზიკურად გაუსწორდნენ ცირკთან აქციის მონაწილეებს, უცნობი პირები, ფიზიკურად გაუსწორდნენ
-
გადახედვაგზის გადაკეტვა შეკრების თავისუფლების ფორმაა — საია გზის გადაკეტვა შეკრების თავისუფლების ფორმაა — საია
-
გადახედვაკობახიძე აშშ-ში მიიწვიეს დათქმით, რომ ვიზიტამდე უნდა შეჩერებულიყო კანონპროექტის განხილვა — საგარეო აშშ-ის ელჩის განცხადებაზე კობახიძე აშშ-ში მიიწვიეს დათქმით, რომ ვიზიტამდე უნდა შეჩერებულიყო კანონპროექტის განხილვა — საგარეო აშშ-ის ელჩის განცხადებაზე
-
გადახედვაჩაკვეტაძე: არაფერი არ დგას ჩვენს ხალხზე მაღლა, გაიწვიეთ ეს კანონი ჩაკვეტაძე: არაფერი არ დგას ჩვენს ხალხზე მაღლა, გაიწვიეთ ეს კანონი
-
გადახედვაპოლიცია ცდილობს, გმირთა მოედანზე მოძრაობა გახსნას — სამართალდამცველები აქციის მონაწილეების მიმართ ძალას იყენებენ პოლიცია ცდილობს, გმირთა მოედანზე მოძრაობა გახსნას — სამართალდამცველები აქციის მონაწილეების მიმართ ძალას იყენებენ
-
გადახედვაბუდუ ზივზივაძე: ვერანაირად გამართლდება მშვიდობიან მომიტინგეებზე თავდასხმა ბუდუ ზივზივაძე: ვერანაირად გამართლდება მშვიდობიან მომიტინგეებზე თავდასხმა
-
გადახედვაშსს-ს ვებგვერდი არ მუშაობს — ჰაკერული დაჯგუფება Anonymous წერს, რომ საიტი მათ გათიშეს შსს-ს ვებგვერდი არ მუშაობს — ჰაკერული დაჯგუფება Anonymous წერს, რომ საიტი მათ გათიშეს
-
გადახედვასაიას განცხადება გელა ნადირაძის ადგილსამყოფლის და მდგომარეობის შესახებ საიას განცხადება გელა ნადირაძის ადგილსამყოფლის და მდგომარეობის შესახებ
-
გადახედვაქართველი იუთუბერები საერთო ვიდეოს ავრცელებენ და რუსულ კანონს გმობენ ქართველი იუთუბერები საერთო ვიდეოს ავრცელებენ და რუსულ კანონს გმობენ
-
გადახედვაახლა საქართველოს ხელისუფლებაზეა დამოკიდებული, მე ნათლად ვთქვი, რომ ევროინტეგრაციის გზაზე ეს კანონი პრობლემაა — ხერტ იან კოოპმანი ახლა საქართველოს ხელისუფლებაზეა დამოკიდებული, მე ნათლად ვთქვი, რომ ევროინტეგრაციის გზაზე ეს კანონი პრობლემაა — ხერტ იან კოოპმანი
-
გადახედვასაჩხერელი გელა ნადირაძე, რომელიც აქციაზე გაუჩინარდა, საავადმყოფოში ნაცემი იპოვეს საჩხერელი გელა ნადირაძე, რომელიც აქციაზე გაუჩინარდა, საავადმყოფოში ნაცემი იპოვეს
-
გადახედვაახლობლები ეძებენ აქციაზე საჩხერიდან ჩამოსულ კაცს — მას, სავარაუდოდ, სპეცრაზმმა სცემა ახლობლები ეძებენ აქციაზე საჩხერიდან ჩამოსულ კაცს — მას, სავარაუდოდ, სპეცრაზმმა სცემა
-
გადახედვადანიგანი: მოვუწოდებთ საქართველოს მთავრობას, კვლავ დაადასტუროს ერთგულება საქართველოს ევროატლანტიკური მომავლის მიმართ დანიგანი: მოვუწოდებთ საქართველოს მთავრობას, კვლავ დაადასტუროს ერთგულება საქართველოს ევროატლანტიკური მომავლის მიმართ
-
გადახედვაღოღობერიძე: ჩვენ გავიმარჯვებთ და ამ საქართველოში იმათთვისაც იქნება ღირსეული ადგილი, ვინც დღეს, სხვადასხვა მიზეზების გამო, სხვაგვარად ფიქრობს! ღოღობერიძე: ჩვენ გავიმარჯვებთ და ამ საქართველოში იმათთვისაც იქნება ღირსეული ადგილი, ვინც დღეს, სხვადასხვა მიზეზების გამო, სხვაგვარად ფიქრობს!
-
-
გადახედვალანა ღოღობერიძე: გგონიათ, წყლის ჭავლით და რეზინის ტყვიებით შეძლებთ ამ საუკუნეებით გამოწრთობილი სულისკვეთების ჩაკვლას? ლანა ღოღობერიძე: გგონიათ, წყლის ჭავლით და რეზინის ტყვიებით შეძლებთ ამ საუკუნეებით გამოწრთობილი სულისკვეთების ჩაკვლას?
-
გადახედვარუსული კანონის მოწინააღმდეგეები გმირთა მოედნის პიკეტირებას გეგმავენ — საპროტესტო აქცია ჩატარდება პარლამენტთანაც რუსული კანონის მოწინააღმდეგეები გმირთა მოედნის პიკეტირებას გეგმავენ — საპროტესტო აქცია ჩატარდება პარლამენტთანაც
-
გადახედვაკაცს, რომელმაც ლილოს მოვაჭრე შეკვეთით მოკლა, უვადო პატიმრობა შეეფარდა კაცს, რომელმაც ლილოს მოვაჭრე შეკვეთით მოკლა, უვადო პატიმრობა შეეფარდა
კომენტარები