რამდენად ხშირად ვარჯიშობ?

• თუ დამინახავთ, რომ დავრბივარ, ესე იგი, ვიღაც მომდევს!
• კვირაში რამდენჯერმე!
• იშვიათად, თუმცა ვცდილობ, რომ ფიზიკურად აქტიური ვიყო

თიშავ თუ არა ელექტრონულ მოწყობილობებს გამოყენების შემდეგ?

• არა, რა საჭიროა?
• კი, თუმცა ხანდახან მავიწყდება
• ოთახიდან გასვლისას შუქს ყოველთვის ვაქრობ

ხშირად გადაადგილდები თუ არა ავტომობილით?

• ფეხით სიარული ყველაფერს მირჩევნია
• გააჩნია, როგორი ამინდია, სად მივდივარ და რა ხასიათზე ვარ
• უბნის მაღაზიაშიც ტაქსით დავდივარ

მაცივრიდან საჭმლის გადაყრა ხშირად გიწევს?

• სჯობს მქონდეს და გადავყარო, ვიდრე დამჭირდეს და არ მქონდეს
• ყველაფერს მხოლოდ საჭიროებისამებრ, გამოყენებამდე ვყიდულობ
• ვცდილობ პროდუქტები მანამდე მოვიხმარო, სანამ გაფუჭდება

იყენებ თუ არა ეკონათურებს?

• არა, ძველებურ ნათურებს თავისებური ხიბლი აქვთ
• ჩემს სახლში ყველა ნათურა ეკონათურაა!
• არა, თუმცა გამოცვლაზე ვფიქრობ

სვამ თუ არა წყალს სამსახურში?

• დღეში რამდენიმე ჭიქა წყალს ვსვამ
• გაზიანი სასმელები მირჩევნია
• კი და პირად, მრავალჯერადი გამოყენების წყლის ბოთლსაც მუდმივად თან ვატარებ

რამდენი საათი გძინავს დღე-ღამის განმავლობაში?

• 7-8 საათი
• 10 საათი, თუმცა ზოგჯერ არ მყოფნის
• 5 საათი ან ნაკლები

დაგირგავს თუ არა ხე?

• კი
• არა, თუმცა სიამოვნებით გამოვასწორებდი ამ ამბავს
• არა, მაგრამ მომიჭრია

ხშირად მიირთმევ თუ არა ხილსა და ბოსტნეულს?

• შეძლებისდაგვარად ვცდილობ
• კარტოფილის ჩიფსები ბოსტნეულად ითვლება?
• ამ კითხვამ საზამთრო მომანდომა

ხშირად იყენებ თუ არა პოლიეთილენის პარკებს?

• საყიდლებზე სიარულისას მრავალჯერადი გამოყენების ჩანთა ყოველთვის თან დამაქვს
• ყველაფერს ცალ-ცალკე პარკში ვდებ
• ვცდილობ, საყიდლების ჩანთით ვიარო, მაგრამ ხანდახან მავიწყდება

ყველა ადამიანს სურს, რომ ჯანსაღი ცხოვრების სტილს მიჰყვეს და იცხოვროს გარემოში, რომელთანაც ჰარმონიაში იქნება. ჯანსაღი ცხოვრების სტილისა და გარემოზე ზრუნვის პოპულარიზაციისათვის სადაზღვევო კომპანია ჯიპიაი ჰოლდინგმა ახალი კამპანია წამოიწყო, რომელიც მიზნად ისახავს იმ ადამიანების გაერთიანებას, რომლებიც საკუთარ ჯანმრთელობასა და გარემოზე აქტიურად ზრუნავენ. ასე ჩამოყალიბდა მოძრაობა ეკოისტი, რომლის ფეისბუქ ჯგუფშიც უკვე მრავალი ადამიანი გაწევრიანდა. ეს სივრცეა, რომელშიც ადამიანები ჯანსაღი ცხოვრების წესსა და გარემოს დაცვასთან დაკავშირებულ საკითხებზე მსჯელობენ და ცდილობენ, რომ ჩვენი ყოველდღიური ცხოვრება უკეთესობისკენ შეცვალონ. ეკოისტების მოძრაობა დღითი დღე იზრდება და მას უკვე საზოგადოების კარგად ნაცნობი სახეებიც შეუერთდნენ.

იქნები თუ არა შემდეგი შენ?