ჯოკერმა მაყურებლები კინოთეატრებში გამოსვლამდე შეაძრწუნა
როდესაც ცნობილი გახდა, რომ რეჟისორი ტოდ ფილიპსი კომიქსების სამყაროში ერთ-ერთი ყველაზე გამორჩეული პერსონაჟის, ჯოკერის შესახებ ახალ და დამოუკიდებელ ფილმს იღებდა, მაყურებლებმა მაშინვე იმაზე მსჯელობა დაიწყეს, თუ ვის უნდა შეესრულებინა ამ ბოროტმოქმედის როლი. მანამდე ეს მისია არაერთ მსახიობს ხვდა წილად, მათ შორის საუკეთესოდ კი ხშირად ჰიტ ლეჯერის მიერ The Dark Knight-ში შესრულებულ როლს მიიჩნევენ, ერთ-ერთ ყველაზე სუსტ შესრულებად კი Suicide Squad-ში ჯარედ ლეტოს ჯოკერია აღიარებული.
ამ დიდი მოლოდინებისა და კომიქსების მოყვარული მაყურებლების მაღალი სტანდარტების ფონზე საკმაოდ კარგი გამოხმაურება მოჰყვა ჯოკერის როლზე ხოაკინ ფენიქსის დამტკიცებას, მეტიც — ამ ფაქტმა ბევრი იმაშიც დაარწმუნა, რომ ახალი ფილმი რიგითი მაღალბიუჯეტიანი ბლოკბასტერი არ იქნებოდა.
ეს მოლოდინები გამართლდა კიდეც: ფილმის პრემიერა 31 აგვისტოს ვენეციის კინოფესტივალზე შედგა, სადაც კრიტიკოსების მოწონებასთან ერთად ტოდ ფილიპსის სურათი ფესტივალის ტრიუმფატორიც გახდა და საუკეთესო ფილმის ნომინაციაში გაიმარჯვა.
ფილმის ჩვენება ჯერ მხოლოდ რამდენიმე კინოფესტივალზე შედგა და მისი მსოფლიო პრემიერა 3 ოქტომბერს იქნება, მათ შორის საქართველოს კინოთეატრებშიც. მიუხედავად იმისა, რომ ფილმი ჯერ მხოლოდ მაყურებლების მცირე რაოდენობამ ნახა და მათი უმეტესობისგან შესაშურად დადებითი შეფასებები დაიმსახურა, მან უკვე საზოგადოების გარკვეულ ჯგუფებში ვნებათაღელვა მაინც გამოიწვია.
ამერიკაში მოახლოებულმა პრემიერამ ბევრს 2012 წელს კოლორადოს შტატში მომხდარი შემთხვევა გაახსენა, როდესაც კრისტოფერ ნოლანის გახმაურებული ფილმის The Dark Knight Rises-ის პრემიერაზე ქალაქ აურორას კინოთეატრში მასობრივ სროლას 12 ადამიანი ემსხვერპლა, ხოლო 70 დაიჭრა. ამჯერადაც სწორედ კომიქსის მსგავსი ისტორიის ეკრანიზაციის პრემიერა ახლოვდება, თან ამ ფილმის სიუჟეტი მთლიანად ანტიგმირის, ჯოკერის ცხოვრების შესახებ მოგვითხრობს.
2012 წელს დაღუპული ადამიანების ოჯახის წევრებმა და მეგობრებმა ღია წერილი გამოაქვეყნეს, სადაც ჯოკერის დისტრიბუტორ კომპანია Warner Bros.-ს მოუწოდებენ, რომ ყველა ზომა მიიღონ, რათა აღარ განმეორდეს The Dark Knight Rises-ის პრემიერაზე დატრიალებული ტრაგედია. ასევე, მათი აზრით, კომპანიამ ღიად უნდა დააფიქსიროს აზრი ამერიკაში ცეცხლსასროლი იარაღის ფლობასთან დაკავშირებული შესაძლო რეფორმების ირგვლივ არსებულ საჯარო განხილვებში.
ჟურნალისტებმა ამ საკითხზე ფილმის მთავარი როლის შემსრულებლის, ხოაკინ ფენიქსის შეხედულების გარკვევაც სცადეს, თუმცა ტაბლოიდთან ინტერვიუს დროს კითხვაზე, უბიძგებდა თუ არა ფილმი მაყურებელს ძალადობისკენ, მსახიობმა ინტერვიუ დატოვა. მოგვიანებით, სხვა გამოცემასთან მიცემულ ინტერვიუში მსახიობმა ამჯერად მაინც ისაუბრა ამ თემაზე:
"ვფიქრობ, რომ თითოეულ ჩვენგანს შეგვიძლია კარგსა და ცუდს შორის განსხვავება დავინახოთ. სხვა დანარჩენს კი ისეთ ინტერპრეტაციას ვაძლევთ, როგორიც ჩვენ გვსურს. ადამიანები ხშირად მაინც არასწორად იგებენ სიმღერის ტექსტებს ან წიგნების სათქმელს, ამიტომაც სულაც არ ვფიქრობ, რომ რეჟისორმა მაყურებელს მორალი ან კარგსა და ცუდს შორის სხვაობის გარჩევა უნდა ასწავლოს".
ეს ყოველივე, ალბათ, ნებისმიერ მაყურებელს ფილმის ყურების სურვილს კიდევ უფრო გაუმძაფრებს — მაინც როგორია ახალი ჯოკერი, რომელმაც უკვე შეძლო და კინოთეატრებში გამოსვლამდე შეაძრწუნა ადამიანები? ისღა დაგვრჩენია, ფილმის გამოსვლამდე დარჩენილი უკანასკნელი დღეები მივითვალოთ და პრემიერას დაველოდოთ.
-
გადახედვადღეს, 20 აპრილს, 7 საათზე, რუსული კანონის საპროტესტო აქცია კვლავ გაიმართება დღეს, 20 აპრილს, 7 საათზე, რუსული კანონის საპროტესტო აქცია კვლავ გაიმართება
-
გადახედვასტუდენტი, რომელიც კობახიძის ლექციაზე საქართველოსა და ევროკავშირის დროშით მივიდა, ლექციაზე არ შეუშვეს სტუდენტი, რომელიც კობახიძის ლექციაზე საქართველოსა და ევროკავშირის დროშით მივიდა, ლექციაზე არ შეუშვეს
-
გადახედვადღეს, 20 აპრილს, 5 საათზე, გაიმართება ქალების მარში — ქალები ვირჩევთ ევროპას დღეს, 20 აპრილს, 5 საათზე, გაიმართება ქალების მარში — ქალები ვირჩევთ ევროპას
-
გადახედვავდებთ პირობას, კოალიციური მთავრობის ჩამოყალიბების შემდეგ, მოქალაქეებს არ ექნებათ შეხება ნიღბიან სპეცრაზმელებთან — ოპოზიციური პარტიების განცხადება ვდებთ პირობას, კოალიციური მთავრობის ჩამოყალიბების შემდეგ, მოქალაქეებს არ ექნებათ შეხება ნიღბიან სპეცრაზმელებთან — ოპოზიციური პარტიების განცხადება
-
გადახედვაროგორი ამინდი იქნება ამ შაბათ-კვირას როგორი ამინდი იქნება ამ შაბათ-კვირას
-
გადახედვასააკაშვილი ენმ-ს პარტიის ბორდის შექმნას და თავმჯდომარედ მისი კანდიდატურის განხილვას სთხოვს სააკაშვილი ენმ-ს პარტიის ბორდის შექმნას და თავმჯდომარედ მისი კანდიდატურის განხილვას სთხოვს
-
გადახედვაშესაძლოა, არამიწიერი სიცოცხლე იისფერი ბაქტერიების სახით არსებობდეს შესაძლოა, არამიწიერი სიცოცხლე იისფერი ბაქტერიების სახით არსებობდეს
-
გადახედვაოზურგეთის საკრებულოს თავმჯდომარის, დავით დარჩიას შვილი: არა რუსულ კანონს! ოზურგეთის საკრებულოს თავმჯდომარის, დავით დარჩიას შვილი: არა რუსულ კანონს!
-
გადახედვაკვლევის თანახმად, მელიები ადამიანების "საუკეთესო მეგობრები" იყვნენ კვლევის თანახმად, მელიები ადამიანების "საუკეთესო მეგობრები" იყვნენ
-
გადახედვალაზარეს განაჩენის სარეზოლუციო ნაწილი პრეზიდენტს ჯერ არ მიუღია — მის მოსამზადებლად, მოსამართლემ 14-დღიანი ვადა აიღო ლაზარეს განაჩენის სარეზოლუციო ნაწილი პრეზიდენტს ჯერ არ მიუღია — მის მოსამზადებლად, მოსამართლემ 14-დღიანი ვადა აიღო
-
გადახედვალავროვი ოცნების რუსულ კანონზე ამბობს, რომ "ძალიან რბილია" ლავროვი ოცნების რუსულ კანონზე ამბობს, რომ "ძალიან რბილია"
-
გადახედვადეა მელაძე: არა რუსულ კანონს! გელით რუსთაველზე დეა მელაძე: არა რუსულ კანონს! გელით რუსთაველზე
-
გადახედვავახტანგ გომელაური: აქციის მონაწილეები სიტყვიერ შეურაცხყოფას აყენებდნენ პოლიციას, ამის შემდეგ მოხდა დაპირისპირება ვახტანგ გომელაური: აქციის მონაწილეები სიტყვიერ შეურაცხყოფას აყენებდნენ პოლიციას, ამის შემდეგ მოხდა დაპირისპირება
-
გადახედვახაბეიშვილი: ელისაშვილის ცემა იყო მიზანმიმართული, საზოგადოებას უთხრეს — თუ პარლამენტარს ასე ვექცევით, თქვენ უარესად მოგექცევით ხაბეიშვილი: ელისაშვილის ცემა იყო მიზანმიმართული, საზოგადოებას უთხრეს — თუ პარლამენტარს ასე ვექცევით, თქვენ უარესად მოგექცევით
-
გადახედვარა ეწერა რუსთავი 2-ის საინფორმაციოს უფროსის Whatsapp სტატუსში, რომელიც დღეს გამოქვეყნდა და მალევე წაიშალა რა ეწერა რუსთავი 2-ის საინფორმაციოს უფროსის Whatsapp სტატუსში, რომელიც დღეს გამოქვეყნდა და მალევე წაიშალა
-
გადახედვაოცნების დეპუტატის, გია ცაგარეიშვილის შვილი: მედვედევს რაც მოსწონს, დუგინს რაც მოსწონს — ჩვენ ავტომატურად არ მოგვწონს, 2x2 ოცნების დეპუტატის, გია ცაგარეიშვილის შვილი: მედვედევს რაც მოსწონს, დუგინს რაც მოსწონს — ჩვენ ავტომატურად არ მოგვწონს, 2x2
-
გადახედვაახალგაზრდების ორგანიზებით, პარლამენტთან საპროტესტო აქცია დღეს 19 საათზე იგეგმება ახალგაზრდების ორგანიზებით, პარლამენტთან საპროტესტო აქცია დღეს 19 საათზე იგეგმება
-
გადახედვატაბიძეზე მომხდარი დაჭრის ფაქტზე ერთ პირს ბრალი წარუდგინეს ტაბიძეზე მომხდარი დაჭრის ფაქტზე ერთ პირს ბრალი წარუდგინეს
-
გადახედვარატომ გაუჩინარდნენ ევროპის მონადირე-შემგროვებლები რატომ გაუჩინარდნენ ევროპის მონადირე-შემგროვებლები
-
გადახედვასაფრანგეთმა აზერბაიჯანიდან კონსულტაციებისთვის ელჩი გაიწვია საფრანგეთმა აზერბაიჯანიდან კონსულტაციებისთვის ელჩი გაიწვია
-
გადახედვაოცნება ოფშორებთან დაკავშირებულ კანონს ივანიშვილს არგებს, იზრდება კრიმინალური და რუსული კაპიტალის შემოდინების რისკიც — TI ოცნება ოფშორებთან დაკავშირებულ კანონს ივანიშვილს არგებს, იზრდება კრიმინალური და რუსული კაპიტალის შემოდინების რისკიც — TI
კომენტარები