ბავშვის სექსუალიზება მშობლების მიერ — რა საფრთხეები არსებობს და როგორ მოიქცევა სახელმწიფო
სოციალურ ქსელში სკოლის მოსწავლე 7 წლის გოგოს ვიდეოები გავრცელდა, რომელშიც ის მაკიაჟით, საქორწინო კაბითა და გვირგვინით არის და ცეკვავს. მშობლების ფეისბუქგვერდიდან, რომელზეც ფოტოები საჯაროდ არის გამოქვეყნებული, ირკვევა, რომ ეს პირველი შემთხვევა არ არის, როდესაც არასრულწლოვანი მაკიაჟითა და უფროსი ასაკისთვის დამახასიათებელი ტანსაცმლით დადის.
გარდა ამისა, ფოტოებში ჩანს, რომ დედა შვილს იმის მსგავს ტანისამოსს, აქსექსუარებსა და მაკიაჟს უკეთებს, რაც მას აქვს. ფოტოგადაღებებში მონაწილეობს მამაც.
ბავშვის ინტერესებიდან გამომდინარე, მასალაში არ არის გამოყენებული არც ერთი მაიდენტიფიცირებელი ნიშანი.
On.ge-სთვის ბავშვის ფოტოების შესახებ მაშინ გახდა ცნობილი, როცა ფეისბუქის დახურულ ჯგუფებში მშობლების ქცევის კრიტიკულად შეფასება დაიწყეს. საზოგადოების ნაწილს მიაჩნია, რომ ბავშვის სექსუალიზება ხდება, ნაწილი კი საპირისპიროს ამტკიცებს.
ოჯახის ახლობლები საზოგადოების კრიტიკას კომენტარებში ირონიით პასუხობენ და ჰგონიათ, რომ შფოთვის მიზეზი არ არსებოს. "მხარდასაჭერი" პოსტებით ისინი არასრულწლოვანის ფოტოების დამატებით ტირაჟირებას ახდენენ. ეს კადრები უკვე რამდენიმე ფეისბუქგვერდზე გამოჩნდა, რომელსაც ათიათასობით გამომწერი ჰყავს.
საფრთხე ბავშვისთვის
ბავშვთა უფლებადამცველი ანა აბაშიძე და ფსიქოლოგი მაია ცირამუა მშობლის მსგავს ქცევაში საფრთხეს ხედავენ და მიიჩნევენ, რომ, შესაძლოა, ბავშვი გახდეს ონლაინ და ოფლაინ პედოფილების სამიზნე. ცირამუა განმარტავს, რომ ბავშვი ინსტრუმენტი ან სათამაშო არ არის და მსგავსი ქცევა მის ფსიქიკას აზიანებს.
"ბავშვი არ შეიძლება გამოპრანჭოს მშობელმა, გაუკეთოს მაკიაჟი, რაც ყველაზე შემზარავია, "გაასექსუალუროს" და მერე ფეიბუქზე გამოჭიმოს მისი ვიდეო, რომელსაც 150 000-ზე მეტი ნახვა აქვს — ანუ კარგი მასალაა ცუდად დაინტერესებული ადამიანებისთვის. ბავშვის ასეთ საფრთხეში ჩაგდება არ შეიძლება, სულ რომ გალიაში გამოკეტოთ და დაცული გყავდეთ. აზიანებთ, სერიზოულად აზიანებთ მის ფსიქიკას და ამას გარდა ნორმად აქცევთ ბავშვის სექსუალიზაციას", — წერს ცირამუა ფეისბუქგვერდზე.
აბაშიძე განმარტავს, რომ ბავშვს მშობლებმა მიაწოდეს ასაკის გათვალისიწინებით დაუშვებული სექსუალური შინაარსის ინფორმაცია. მისი თქმით, მსგავსი ქცევა არ ეხმარება ბავშვის ფსიქო-ემოციურ, კოგნიტურ და ფიზიკურ განვითარებას და აზიანებს მას.
ფსიქოლოგი და უფლებადამცველი მიიჩნევენ, რომ საქმეში სოციალური მომსახურების სააგენტო, შინაგან საქმეთა სამინისტრო, მანდატურის სამსახური უნდა ჩაერთოს და ერთობლივად უნდა აუხსნან მშობლებს ის რისკები, რასაც მსგავსი ქცევა შეიცავს.
"ეს არის აუცილებელი პრევენციული ქცევა. თუ განმეორდება მსგავსი რამ უკვე უწყებების უშუალო ჩარევის საფუძველი გახდება", — წერს აბაშიძე.
სახელმწიფოს როლი
სოციალური მუშაკის მაია ჯაშის თქმით, მომხდარის შესახებ ინფორმაცია ფეისბუქიდან გაიგეს, ბავშვის დედას დაუკავშირდნენ და რამდენიმე საათში შეხვედრა აქვთ დაგეგმილი. მისივე თქმით, ოჯახს არასრულწლოვანი სამოდელო სააგენტოში დაჰყავს და მსგავს ფოტოსესიებს "მოდელის კარიერით" ხსნიან.
სოც მუშაკი განმარტავს, რომ მშობელს იმ რისკებზე გაესაუბრებიან, რომელსაც მსგავსი ქცევა ბავშვის ფსიქიკისთვის შეიცავს. ასევე, აუხსნიან, რომ არსებობს პედოფილიისა და ბულინგის საფრთხე.
"გავესაუბრებით იმაზე, რა იარლიყები შეიძლება დაუმკვიდრდეს ბავშვს სკოლასა და სამეზობლოში. რადგან, როდესაც ბავშვის ქცევა არ შესაბამება მის ასაკს, საზოგადოება ამას აღიქვამს ასოციალურ ქცევად. ამის გამო ბავშვი შეიძლება სკოლაში ბულინგის მსხვერპლი გახდეს", — ამბობს ჯაში On.ge-სთან საუბრისას.
თუ ოჯახი სოციალური მომსახურების სააგენტოსთან თანამშრომლობას დათანხმდება, არასრულწლოვანს ფსიქოლოგი გაესაუბრება და სოც. მუშაკები მონიტორინგს დაიწყებენ. უარის შემთხვევაში კი სააგენტოს მოუწევს ინფორმაცია შინაგან საქმეთა სამინისტროს გადასცეს, რადგან კონსულტირების გარდა სხვა მექანიზმი არ აქვს.
ამ ეტაპზე შსს-ში ფიქრობენ, რომ არასრულწლოვანის ფოტო-ვიდეომასალა დანაშაულის ნიშნებს არ შეიცავს. თუმცა, უწყებაში ამბობენ, რომ საჭიროა საზოგადოების ცნობიერების ამაღლება.
მათი თქმით, ამ საკითხზე ხანგრძლივვადიანი და მულტიდისციპლინური მუშაობაა საჭირო, რომელშიც სახელმწიფო და სამოქალაქო სექტორი იქნება ჩართული. მათივე თქმით, ამ მიზნით, ადამიანის უფლებათა დაცვისა და გამოძიების ხარისხის მონიტორინგის დეპარტამენტი გეგმავს ქეის-კონფერენციას შესაბამისი უწყებების ჩართულობითა და მონაწილეობით.
-
გადახედვაკობახიძე აშშ-ს "ორ რევოლუციურ მცდელობაში" ადანაშაულებს — რა გავიგეთ მისი და აშშ-ის სახელმწიფო მდივნის მრჩევლის პოსტებიდან X-ზე კობახიძე აშშ-ს "ორ რევოლუციურ მცდელობაში" ადანაშაულებს — რა გავიგეთ მისი და აშშ-ის სახელმწიფო მდივნის მრჩევლის პოსტებიდან X-ზე
-
გადახედვაკალაძე სპორტსმენებზე, რომელმაც ხელისუფლების ძალადობა დაგმეს: "მეც ვუერთდები "არა რუსულ კანონს", ამ სუფთა ქართულ კანონს კი აუცილებლად მივიღებთ" კალაძე სპორტსმენებზე, რომელმაც ხელისუფლების ძალადობა დაგმეს: "მეც ვუერთდები "არა რუსულ კანონს", ამ სუფთა ქართულ კანონს კი აუცილებლად მივიღებთ"
-
გადახედვაპარლამენტში 3 და 4 მაისს უსაფრთხოების ყვითელი დონე იმოქმედებს — ვიზიტორებს ეზღუდებათ პარლამენტის სასახლეში შესვლა პარლამენტში 3 და 4 მაისს უსაფრთხოების ყვითელი დონე იმოქმედებს — ვიზიტორებს ეზღუდებათ პარლამენტის სასახლეში შესვლა
-
გადახედვა11 მაისს, ევროპის დღეს, რუსული კანონის საწინააღმდეგო მანიფესტაცია დაანონსდა 11 მაისს, ევროპის დღეს, რუსული კანონის საწინააღმდეგო მანიფესტაცია დაანონსდა
-
გადახედვაცირკთან აქციის მონაწილეებს, უცნობი პირები, ფიზიკურად გაუსწორდნენ ცირკთან აქციის მონაწილეებს, უცნობი პირები, ფიზიკურად გაუსწორდნენ
-
გადახედვასაფრანგეთში მცხოვრები ქართველი სტუდენტები რუსული კანონის გაწვევას მოითხოვენ და აქციის მონაწილეებზე ძალადობას გმობენ საფრანგეთში მცხოვრები ქართველი სტუდენტები რუსული კანონის გაწვევას მოითხოვენ და აქციის მონაწილეებზე ძალადობას გმობენ
-
გადახედვაგზის გადაკეტვა შეკრების თავისუფლების ფორმაა — საია გზის გადაკეტვა შეკრების თავისუფლების ფორმაა — საია
-
გადახედვაპოლიციამ გმირთა მოედანზე, რამდენიმე წუთის წინ, სამი ადამიანი დააკავა პოლიციამ გმირთა მოედანზე, რამდენიმე წუთის წინ, სამი ადამიანი დააკავა
-
გადახედვაჩაკვეტაძე: არაფერი არ დგას ჩვენს ხალხზე მაღლა, გაიწვიეთ ეს კანონი ჩაკვეტაძე: არაფერი არ დგას ჩვენს ხალხზე მაღლა, გაიწვიეთ ეს კანონი
-
გადახედვაპოლიცია ცდილობს, გმირთა მოედანზე მოძრაობა გახსნას — სამართალდამცველები აქციის მონაწილეების მიმართ ძალას იყენებენ პოლიცია ცდილობს, გმირთა მოედანზე მოძრაობა გახსნას — სამართალდამცველები აქციის მონაწილეების მიმართ ძალას იყენებენ
-
გადახედვაბუდუ ზივზივაძე: არა რუსეთს და არა ყველაფერს, რაც საქართველოს რუსეთისკენ მიაქანებს ბუდუ ზივზივაძე: არა რუსეთს და არა ყველაფერს, რაც საქართველოს რუსეთისკენ მიაქანებს
-
გადახედვაშსს-ს ვებგვერდი არ მუშაობს — ჰაკერული დაჯგუფება Anonymous წერს, რომ საიტი მათ გათიშეს შსს-ს ვებგვერდი არ მუშაობს — ჰაკერული დაჯგუფება Anonymous წერს, რომ საიტი მათ გათიშეს
-
გადახედვასაიას განცხადება გელა ნადირაძის ადგილსამყოფლის და მდგომარეობის შესახებ საიას განცხადება გელა ნადირაძის ადგილსამყოფლის და მდგომარეობის შესახებ
-
გადახედვაქართველი იუთუბერები საერთო ვიდეოს ავრცელებენ და რუსულ კანონს გმობენ ქართველი იუთუბერები საერთო ვიდეოს ავრცელებენ და რუსულ კანონს გმობენ
-
გადახედვაახლა საქართველოს ხელისუფლებაზეა დამოკიდებული, მე ნათლად ვთქვი, რომ ევროინტეგრაციის გზაზე ეს კანონი პრობლემაა — ხერტ იან კოოპმანი ახლა საქართველოს ხელისუფლებაზეა დამოკიდებული, მე ნათლად ვთქვი, რომ ევროინტეგრაციის გზაზე ეს კანონი პრობლემაა — ხერტ იან კოოპმანი
-
გადახედვასაჩხერელი გელა ნადირაძე, რომელიც აქციაზე გაუჩინარდა, საავადმყოფოში ნაცემი იპოვეს საჩხერელი გელა ნადირაძე, რომელიც აქციაზე გაუჩინარდა, საავადმყოფოში ნაცემი იპოვეს
-
გადახედვაახლობლები ეძებენ აქციაზე საჩხერიდან ჩამოსულ კაცს — მას, სავარაუდოდ, სპეცრაზმმა სცემა ახლობლები ეძებენ აქციაზე საჩხერიდან ჩამოსულ კაცს — მას, სავარაუდოდ, სპეცრაზმმა სცემა
-
გადახედვადანიგანი: მოვუწოდებთ საქართველოს მთავრობას, კვლავ დაადასტუროს ერთგულება საქართველოს ევროატლანტიკური მომავლის მიმართ დანიგანი: მოვუწოდებთ საქართველოს მთავრობას, კვლავ დაადასტუროს ერთგულება საქართველოს ევროატლანტიკური მომავლის მიმართ
-
გადახედვაღოღობერიძე: ჩვენ გავიმარჯვებთ და ამ საქართველოში იმათთვისაც იქნება ღირსეული ადგილი, ვინც დღეს, სხვადასხვა მიზეზების გამო, სხვაგვარად ფიქრობს! ღოღობერიძე: ჩვენ გავიმარჯვებთ და ამ საქართველოში იმათთვისაც იქნება ღირსეული ადგილი, ვინც დღეს, სხვადასხვა მიზეზების გამო, სხვაგვარად ფიქრობს!
-
-
გადახედვალანა ღოღობერიძე: გგონიათ, წყლის ჭავლით და რეზინის ტყვიებით შეძლებთ ამ საუკუნეებით გამოწრთობილი სულისკვეთების ჩაკვლას? ლანა ღოღობერიძე: გგონიათ, წყლის ჭავლით და რეზინის ტყვიებით შეძლებთ ამ საუკუნეებით გამოწრთობილი სულისკვეთების ჩაკვლას?
კომენტარები