ქალები სამხედრო სფეროში: ილიას სახელმწიფო უნივერსიტეტში საკუთარ გამოცდილებაზე პოლკოვნიკმა სტეფანი ბეგლიმ ისაუბრა
გენდერული ძალადობის წინააღმდეგ მიმართული 16-დღიანი გლობალური კამპანია დასრულდა . ილიას სახელმწიფო უნივერსიტეტის სამართლის სკოლის ადამიანის უფლებათა მიმართულება წელსაც ტრადიციულად ჩართული იყო კამპანიაში, ილიას სახელმწიფო უნივერსიტეტმა კი ამ 16 დღის მანძილზე რამდენიმე ღონისძიებას უმასპინძლა.
სტუდენტების მონაწილეობით დისკუსია შედგა ისეთ მნიშვნელოვან და მძიმე თემებზე, როგორებიცაა სექსუალური ძალადობა, ბავშვთა ქორწინება და სხვა. დასკვნითი ღონისძიება კი სამხედრო სფეროში ქალების მონაწილეობას დაეთმო.
რა სირთულეებს აწყდებიან ქალები სამხედრო სფეროში? რა პოლიტიკა არსებობს უსაფრთხოების სექტორში ქალთა კარიერული განვითარების ხელშეწყობისთვის? როგორ უნდა ასრულებდეს სახელმწიფო გაეროს უშიშროების საბჭოს რეზოლუციებს, რომელთა მოთხოვნაა ქალთა გაზრდილი მონაწილეობა უსაფრთხოების სექტორსა და სამშვიდობო მოლაპარაკებებში? როგორია ამერიკის შეერთებული შტატების გამოცდილება?
ამ საკითხებზე სტუდენტებს ამერიკის შეერთებული შტატების თავდაცვის ატაშე, პოლკოვნიკი სტეფანი ბეგლი ესაუბრა. მომხსენებელი იყო ასევე თამუნა ქაროსანიძე, თავდაცვის მინისტრის ყოფილი მოადგილე 2012-2014 წლებში.
ორივე სპიკერმა გულწრფელად გაუზიარა სტუდენტებს, რას ნიშნავს ქალისათვის კაცებით დომინირებულ სფეროში მუშაობა, რა პრობლემებს აწყდებოდნენ ისინი კარიერის სხვადასხვა ეტაპზე და როგორ ებრძვიან სექსიზმს ყოველდღიურ ცხოვრებაში.
"დღევანდელმა ლექციამ და დისკუსიამ კიდევ ერთხელ გვაჩვენა, რომ არ არსებობს სფეროები, სადაც ქალებისთვის კარი დაკეტილი შეიძლება იყოს. არ არსებობს სფეროები, რომლებიც კონკრეტულად მამაკაცებისთვისაა და ქალს შიგნით არ შეესვლება. დარწმუნებული ვარ, რომ ორივე მომხსენებლის, როგორც ამერიკის თავდაცვის ატაშეს, ასევე თავდაცვის მინისტრის ყოფილი მოადგილის გამოცდილება უამრავი ახალგაზრდისათვის იქნება ინსპირაცია", - განაცხადა დისკუსიის მოდერატორმა, ილიას სახელმწიფო უნივერსიტეტის რექტორმა, გიგა ზედანიამ.
პოლკოვნიკმა სტეფანი ბეგლიმ აღნიშნა, რომ ქართული სამხედრო ძალებისთვის მთავარი ქალების დაინტერესება და მათი შენარჩუნებაა.
"საქართველოს თავდაცვის სამინისტრო ამჟამად მუშაობს იმაზე, რომ დასაქმების ცენტრები რეგიონში გახსნას, რაც საზოგადოების თითოეულ წევრთან მიწვდომის შანსებს ზრდის. სამუშაო არის იმაზეც, რომ ქალებს სურვილი გაუჩნდეთ, ხოლო მას შემდეგ, რაც ქალები სამხედრო სამსახურით დაინტერესდებიან, მთავარი გამოწვევა მათი შენარჩუნება და მუდმივად მოტივირება იქნება", - თქვა აშშ-ის თავდაცვის ატაშემ.
თამარ გურჩიანი ილიაუნის სამართლის სკოლის ასოცირებული დირექტორია. მისი აზრით, ქალთა უფლებების კუთხით პროგრესისთვის მნიშვნელოვანია, გოგონებს სწორი როლური მოდელები ჰყავდეთ.
"დღევანდელი შეხვედრით აღტაცებული ვარ. ჩვენს სტუდენტებს დღეს შესაძლებლობა ჰქონდათ მოესმინათ ადამიანისთვის, რომელსაც წარმოუდგენლად წარმატებული სამხედრო კარიერა აქვს. 16-დღიანი კამპანია, რომელშიც საკმაოდ მძიმე თემები განვიხილეთ, ბოლოს იმედიან ნოტაზე დავასრულეთ. სტეფანი ბეგლიმ ისაუბრა კარიერაზე, გამოწვევებზე, ოჯახისა და სამხედრო საქმის დაბალანსების სირთულეებზე და გაუმხილა სტუდენტებსაც ისიც, რომ მიუხედავად შთამბეჭდავი ბიოგრაფიისა, როცა უნიფორმა არ აცვია, ხშირად ხვდება ისეთ სიტუაციაში, როცა მასთან ერთად მიმავალ მამაკაცს ართმევენ ხელს და მას - არა. დარწმუნებული ვარ, რომ სტუდენტებისთვის, განსაკუთრებით გოგოებისთვის, რომელთაც, ალბათ, ხშირად ეპარებათ საკუთარ თავში ეჭვი, ასეთი გამოცდილების მქონე ადამიანის მოსმენა სტიმული იქნება. ნებისმიერი საჯარო გამოსვლა, სადაც სტუდენტებს ასეთ ადამიანებთან შეხვედრის შესაძლებლობა აქვთ, ბევრ რამეს ცვლის. შეიძლება ეს ცვლილება მყისიერად არ ჩანდეს, თუმცა დროთა განმავლობაში შედეგს აუცილებლად დავინახავთ", - თქვა თამარ გურჩიანმა.
გენდერული ძალადობის წინააღმდეგ მიმართული კამპანიის მიზანი მსოფლიოში ქალებისა და გოგონების მიმართ ძალადობის დასრულებაა. გაეროს გენერალური მდივნის გადაწყვეტილებით 2019 წელს კამპანიის მთავარი თემა იყო გაუპატიურება, როგორც სექსუალური ძალადობის ფორმა, რომელსაც განსაკუთრებული ზიანი მოაქვს ქალებისა და გოგონებისთვის.
-
გადახედვამიუხედავად დაპირისპირებისა და რთული ვითარებისა, უნდა გვაერთიანებდეს სამშობლოს სიყვარული და შეგვეძლოს მშვიდობიანი თანაცხოვრება — ეპისტოლედან მიუხედავად დაპირისპირებისა და რთული ვითარებისა, უნდა გვაერთიანებდეს სამშობლოს სიყვარული და შეგვეძლოს მშვიდობიანი თანაცხოვრება — ეპისტოლედან
-
გადახედვარუსეთმა ვოლოდიმირ ზელენსკი ძებნილად გამოაცხადა რუსეთმა ვოლოდიმირ ზელენსკი ძებნილად გამოაცხადა
-
გადახედვასალომე ზურაბიშვილი ელჩებს: დაძაბულ ვითარებაში ვართ... ჩემი თხოვნაა, განხორციელდეს მაღალი დონის ვიზიტები მაისის ბოლომდე სალომე ზურაბიშვილი ელჩებს: დაძაბულ ვითარებაში ვართ... ჩემი თხოვნაა, განხორციელდეს მაღალი დონის ვიზიტები მაისის ბოლომდე
-
გადახედვააზერბაიჯანში დაკავებულ მედია ადვოკატს და ტელეკომპანიის დამფუძნებელს, არ აძლევენ საშუალებას, სასწრაფო ბიოფსია ჩაიტაროს აზერბაიჯანში დაკავებულ მედია ადვოკატს და ტელეკომპანიის დამფუძნებელს, არ აძლევენ საშუალებას, სასწრაფო ბიოფსია ჩაიტაროს
-
გადახედვადერეკ შოლე: მრავალწლიანი პარტნიორობის შემდეგ, ვწუხვართ, რომ საქართველოს ევროატლანტიკური მისწრაფებები სასწორზე დევს დერეკ შოლე: მრავალწლიანი პარტნიორობის შემდეგ, ვწუხვართ, რომ საქართველოს ევროატლანტიკური მისწრაფებები სასწორზე დევს
-
გადახედვაქართველი სტარტაპერები რუსული კანონის წინააღმდეგ ერთობლივ განცხადებას ავრცელებენ ქართველი სტარტაპერები რუსული კანონის წინააღმდეგ ერთობლივ განცხადებას ავრცელებენ
-
გადახედვასასტუმრო პარაგრაფთან აქციის მონაწილე დააკავეს სასტუმრო პარაგრაფთან აქციის მონაწილე დააკავეს
-
გადახედვაპრეზიდენტმა ე.წ ოფშორების კანონს ვეტო დაადო პრეზიდენტმა ე.წ ოფშორების კანონს ვეტო დაადო
-
გადახედვასაქართველოს რეიტინგი, პრესის თავისუფლების მსოფლიო ინდექსში, 26 ადგილით დაეცა საქართველოს რეიტინგი, პრესის თავისუფლების მსოფლიო ინდექსში, 26 ადგილით დაეცა
-
გადახედვადღეს, კობახიძემ, ამ ქვეყნის ისტორიაში უპრეცედენტო და უდიდესი თავდასხმა განახორციელა აშშ-ზე — გრიგოლ გეგელია დღეს, კობახიძემ, ამ ქვეყნის ისტორიაში უპრეცედენტო და უდიდესი თავდასხმა განახორციელა აშშ-ზე — გრიგოლ გეგელია
-
გადახედვარა უნდა ვიცოდეთ დღევანდელ პროტესტზე, რომელიც 18:30-ზე დაიწყება სასტუმრო პარაგრაფთან, თავისუფლების მოედანზე რა უნდა ვიცოდეთ დღევანდელ პროტესტზე, რომელიც 18:30-ზე დაიწყება სასტუმრო პარაგრაფთან, თავისუფლების მოედანზე
-
გადახედვაკალაძე სპორტსმენებზე, რომელმაც ხელისუფლების ძალადობა დაგმეს: "მეც ვუერთდები "არა რუსულ კანონს", ამ სუფთა ქართულ კანონს კი აუცილებლად მივიღებთ" კალაძე სპორტსმენებზე, რომელმაც ხელისუფლების ძალადობა დაგმეს: "მეც ვუერთდები "არა რუსულ კანონს", ამ სუფთა ქართულ კანონს კი აუცილებლად მივიღებთ"
-
გადახედვამინდა, მივმართო ჩვენი ქვეყნის აკრედიტებულ ელჩებს მეგობარ ქვეყნებში... საკითხი ეხება ჩვენი ქვეყნის მომავალს! — მამუკა ხაზარაძე მინდა, მივმართო ჩვენი ქვეყნის აკრედიტებულ ელჩებს მეგობარ ქვეყნებში... საკითხი ეხება ჩვენი ქვეყნის მომავალს! — მამუკა ხაზარაძე
-
გადახედვაპოლიციის უმოქმედობა აქციის მონაწილეებზე ძალადობას ახალისებს — DRI პოლიციის უმოქმედობა აქციის მონაწილეებზე ძალადობას ახალისებს — DRI
-
გადახედვაპარლამენტში 3 და 4 მაისს უსაფრთხოების ყვითელი დონე იმოქმედებს — ვიზიტორებს ეზღუდებათ პარლამენტის სასახლეში შესვლა პარლამენტში 3 და 4 მაისს უსაფრთხოების ყვითელი დონე იმოქმედებს — ვიზიტორებს ეზღუდებათ პარლამენტის სასახლეში შესვლა
-
გადახედვა11 მაისს, ევროპის დღეს, რუსული კანონის საწინააღმდეგო მანიფესტაცია დაანონსდა 11 მაისს, ევროპის დღეს, რუსული კანონის საწინააღმდეგო მანიფესტაცია დაანონსდა
-
გადახედვაცირკთან აქციის მონაწილეებს, უცნობი პირები, ფიზიკურად გაუსწორდნენ ცირკთან აქციის მონაწილეებს, უცნობი პირები, ფიზიკურად გაუსწორდნენ
-
გადახედვასაფრანგეთში მცხოვრები ქართველი სტუდენტები რუსული კანონის გაწვევას მოითხოვენ და აქციის მონაწილეებზე ძალადობას გმობენ საფრანგეთში მცხოვრები ქართველი სტუდენტები რუსული კანონის გაწვევას მოითხოვენ და აქციის მონაწილეებზე ძალადობას გმობენ
-
გადახედვაგზის გადაკეტვა შეკრების თავისუფლების ფორმაა — საია გზის გადაკეტვა შეკრების თავისუფლების ფორმაა — საია
-
გადახედვაკობახიძე აშშ-ში მიიწვიეს დათქმით, რომ ვიზიტამდე უნდა შეჩერებულიყო კანონპროექტის განხილვა — საგარეო აშშ-ის ელჩის განცხადებაზე კობახიძე აშშ-ში მიიწვიეს დათქმით, რომ ვიზიტამდე უნდა შეჩერებულიყო კანონპროექტის განხილვა — საგარეო აშშ-ის ელჩის განცხადებაზე
-
კომენტარები