მეტროსადგური გოცირიძის, რომლის მძიმე დაზიანებების შესახებ დასკვნა ორ წელზე მეტია არსებობს, რეაბილიტაცია იწყება. თბილისის მერიის დაქვემდებარებულ შპს თბილისის სატრანსპორტო კომპანიას ამისთვის 3 723 780 ლარი აქვს გამოყოფილი.

ფოტოები, რომელიც მეტროსადგურ გოცირიძის მდგომარეობას ასახავს

ფოტო: თბილისის სატრანსპორტო კომპანია

მეტროსადგურის დაზიანებასთან დაკავშირებით კვლევა 2017 წელს მომზადდა.

რამდენიმე დეტალი კვლევიდან:

  • დასკვნაში ვკითხულობთ, რომ ნალექების ზემოქმედებით დაზიანებულია პორტალის ცალკეული უბნები, ხოლო ერთ-ერთ უბანზე, კოროზიის გამო მოგლეჯილია ბეტონის დამცავი შრის დაახლოებით 0,5 მეტრის სიგრძის მონაკვეთი;
  • ცალკეულ უბნებში დაწყებულია ბეტონის გამოტუტვის პროცესი, გაშიშვლებულია მუშა არმატურა და დაწყებულია კოროზიის პროცესი;
  • დაზიანებულია გადამტიხრავი, არამზიდი კედლებიც, მათში გაჩენილია 3-5 მმ გახსნილობისა და 3-5 მ სიგრძის დამახასიათებელი დაჭრილი, გამჭოლი ბზარები.

მეტროსადგურის რეაბილიტაციისთვის ტენდერი არაერთხელ გამოცხადდა, თუმცა უშედეგოდ. ამ შემთხვევაში თანხა 1,6 მილიონით არის გაზრდილი.