ჯანდაცვის მინისტრის, ეკატერინე ტიკარაძის ინფორმაციით, საქართველოში კორონავირუსის გავრცელების რისკი მომატებულია. მისივე თქმით, სახელმწიფო ყველაფერს აკეთებს იმისთვის, რომ ეს რისკები შემცირდეს.

მინისტრის განმარტებით, თუ საჭირო გახდება სასაზღვრო ზოლის კონტროლი კიდევ უფრო გამკაცრდება.

"ჩვენ არ ვართ მომხრე სრულიად ავკრძალოთ შემოსვლა საქართველოში, ვინაიდან გაგვაჩნია საკმარისი რესურსი იმისათვის, რომ გვქონდეს პრევენციული კონტროლი", — განცახადა მან ჟურნალისტებთან.

ახალი კორონავირუსით 80 ათასზე მეტი ადამიანი დაავადდა, შემთხვების უმრავლესობა ჩინეთში დაფიქსირდა. ბოლო მონაცემებით, ვირუსის გამო 3 ათას ადამიანამდე გარდაიცვალა. გარდაცვლილებისა და დაავადებულების ყველაზე დიდი რაოდენობა კონტინენტურ ჩინეთში ფიქსირდება. შემდეგ მოდიან ჰონგ-კონგი, მაკაო, სამხრეთ კორეა, იტალია, იაპონია, ირანი და სინგაპური. ბოლო ორ დღეში კორონავირუსის გავრცელება დაფიქსირდა ავსტირაში, ხორვატიასა და საბერძნეთში.

ამავე თემაზე: