დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

ოკუპირებული აფხაზეთიდან გადმოყვანილი ქალი კორონავირუსისგან გამოჯანმრთელდა და ზუგდიდის კლინიკა უკვე დატოვა. ამის შესახებ ზუგდიდის საავადმყოფოს ექიმმა ლალი დარახველიძემ ჟურნალისტებს განუცხადა.

მისი თქმით, პაციენტს კორონავირუსზე განმეორებით ორი ტესტი ჩაუტარდა და ორივე ტესტის პასუხი უარყოფითი იყო.

კორონავირუსით ინფიცირებული ქალი ოკუპირებული გალის რაიონიდან ზუგდიდის საავადმყოფოში 30 მარტს შეიყვანეს.

ბოლო მონაცემებით, საქართველოში კორონავირუსით ინფიცირების 394 შემთხვევაა დადასტურებული. მათ შორის გამოჯანმრთელებულია 86 პაციენტი, ხოლო გარდაცვლილია 4 ადამიანი, უცხოეთიდან სამკურნალოდ გადმოყვანილი საქართველოს მოქალაქეები — 3, კარანტინის რეჟიმში 5 094 პირი რჩება, სტაციონარში მეთვალყურეობის ქვეშ კი 547 პაციენტი.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: