ცივი თუ ცხელი შხაპი — რომელი უკეთესია ჩვენი ჯანმრთელობისთვის?
თუკი დილაობით ორგანიზმი ცხელ შხაპს "გთხოვთ", მარტო არ ხართ. ცხელი წყლით ბანაობა ბევრ ადამიანს მოსწონს, თუმცა ცივ შხაპსაც ბევრი დადებითი მხარე აქვს და თქვენს ყოველდღიურ რუტინაში თავისი ადგილი შეგიძლიათ მოუძებნოთ. მეცნიერები ამბობენ, რომ როგორც ცხელ, ისე ცივ შხაპს ჯანმრთელობაზე დადებითი გავლენა აქვს. ამ სტატიაში მათი სასარგებლო თვისებების შესახებ მოგიყვებით.
ცივი შხაპის უპირატესობები
გეხმარებათ დილით გამოფხიზლებაში
როცა სხეულს ცივი წყალი ეხება, მცირედი შოკი გვემართება ხოლმე. ამ შოკის დროს, სინამდვილეში, ორგანიზმში ჟანგბადის დონე, სისხლის მოძრაობის სიჩქარე და გულისცემა იზრდება.
ამშვიდებს კანს ქავილის დროს
მედიცინის დოქტორი ადამ ფრიდმანი ამბობს, რომ თუ კანი გექავებათ ან გაქვთ რაიმე კანის დაავადება, ცივ შხაპს შეუძლია, მოფხანვის სურვილი შეგიმსუბუქოთ.
აუმჯობესებს სისხლის მოძრაობას
სწორედ ესაა მთავარი მიზეზი, რატომაც უწევენ ექსპერტები ცივ შხაპს რეკომენდაციას. როცა წყალი კანს და კიდურებს ეხება, სისხლი ქსოვილებში უფრო ღრმად შედის და სხეულის იდეალური ტემპერატურის მისაღწევად, უფრო სწრაფ ტემპში მოძრაობს. ის, ასევე, ანთებით პროცესებს და დაავადებების რისკებს ამცირებს.
ამცირებს კუნთების შეშუპებას ვარჯიშის შემდეგ
ინტენსიური ვარჯიშის ან მძიმე ფიზიკური დატვირთვის შემდეგ ცივი წყალი კუნთებს მოდუნების და ძალების აღდგენის საშუალებას აძლევს. ამაში მთავარი როლი ცივი წყლის რეგენერაციულ ფუნქციას უჭირავს.
გეხმარებათ წონაში დაკლებაში
ორგანიზმში ცხიმი იმ შემთხვევებშიც იწვება, როცა სხეული ცივ პირობებში მოხვდება. ზოგიერთი ცხიმის უჯრედი, როგორიცაა თერმორეგულაციისთვის საჭირო ყავისფერი ცხიმი, სითბოს ცხიმის წვით გამოყოფენ. ასეთი უჯრედები უმეტესად კისრისა და მხრების გარშემოა განთავსებული და შხაპის დროს მთელი დატვირთვაც მათზე მოდის.
კანსა და თმებს ხდის უფრო ბზინვარეს
ჯანმრთელობის ექსპერტი ჟაკლინ შაფერი ამბობს, რომ ცივი წყალი სისხლის მიმოქცევას აუმჯობესებს, შესაბამისად კანს უფრო მეტად ბზინვარეს ხდის. ცხელი წყლისგან განსხვავებით, ცივი წყალი არ აშრობს კანის და თმის დამცავ ბარიერს, შესაბამისად თმაც დროთა განმავლობაში უფრო ძლიერი და ჯანსაღი ხდება.
უპირატესობების გრძელი სიის მიუხედავად, ცივი წყლით შხაპის მიღებას უარყოფითი მხარეებიც აქვს:
ცივი შხაპი შესაძლოა არ იყოს კარგი იდეა, თუკი სხეული გადაცივებულია. ასეთ დროს ორგანიზმს ტემპერატურის დასაბალანსებლად უფრო მეტი ენერგიის დახარჯვა მოუწევს.
ასევე, არ ღირს ცივ წყალში ბანაობა, თუ ავად ხართ. ამან, შესაძლოა, თქვენს იმუნურ სისტემას პრობლემები შეუქმნას.
ცხელი შხაპის უპირატესობები
გრძელი და დამღლელი დღის შემდეგ სარელაქსაციოდ და ადვილად დასაძინებლად ცხელი შხაპი საუკეთესო გამოსავალია. მეცნიერები ამბობენ, რომ ძილის წინ ცხელი შხაპი კუნთების მოდუნებას იწვევს, რადგან ის ააქტიურებს პარასიმპატიკურ ნერვულ სისტემას. ცხელი წყლის უპირატესობებია:
ამსუბუქებს გაციებისა და სასუნთქი გზების დაავადების სიმპტომებს
ცხელ შხაპში დგომა და აბაზანაში დამდგარი ორთქლი ოდითგანვე მიიჩნეოდა გაციებისა და ხველების სიმპტომების ბუნებრივ სამკურნალო საშუალებად. ის ხსნის სასუნთქ გზებს და ათხიერებს ნახველს.
ასუფთავებს კანს
ცხელი წყალი ფორებში ღრმად ჩამჯდარ ჭუჭყსა და ცხიმს აშორებს.
ადუნებს კუნთებს
ცხელი წყალი ხსნის კუნთებში დაღლილობის და სხეულში დაჭიმულობის შეგრძნებას.
მიუხედავად ამისა, მას უარყოფითი ეფექტებიც აქვს. თუმცა, აუცილებელი არა, საერთოდ უარი თქვათ ცხელ შხაპზე, უბრალოდ შეგიძლიათ, ცოტა გააგრილოთ და შემდეგ კანს მოუაროთ.
უარყოფითი მხარეებიდან საყურადღებოა ის, რომ ცხელი წყალი კანს აშრობს და აღიზიანებს. ის აზიანებს კანის დამცველობით ბარიერს — ეპიდერმისს. ასევე, ამწვავებს ზოგიერთ კანის დაავადებას და შესაძლოა, გამოიწვიოს ქავილის შეგრძნებაც. გარდა ამისა, მათთვის, ვისაც მაღალი წნევა ან გულისისძარღვთა დაავადებები აწუხებს, ცხელი შხაპის მიღება რეკომენდებული არაა.
მაინც რომელი სჯობს?
ცხადია, ორივეს — ცხელსაც და ცივ შხაპსაც თავიანთი დადებითი მხარეები აქვს. თუმცა, როგორც მეცნიერები ამბობენ, იდეალურ შემთხვევაში სჯობს, თუ ნელთბილ წყალში იბანავებთ და ნოტიო კანზე დამატენიანებელ კრემს წაისვამთ.
მეორე მიდგომა კი კონტრასტული შხაპის სახელითაა ცნობილი, რომლის დროსაც ერთი წუთის განმავლობაში რაც შეიძლება ცივ წყალში დგახართ, მომდევნო ერთი წუთი კი — რაც შეიძლება ცხელში. ამას კი სამჯერ ან ხუთჯერ იმეორებთ. მარტივად რომ ვთქვათ, ცივი წყლით სისხლძარღვების შევიწროვებისას სისხლის უმეტესი ნაწილი სხეულის სიღრმეში გადაინაცვლებს, ხოლო ცხელი წყალი სისხლძარღვებს გააფართოებს და უფრო ზედაპირზე დაიწყებს მოძრაობას. ამით კუნთებსა და შინაგან ორგანოებს სისხლი თანაბრად მიეწოდება და ქსოვილების აღდგენასა და ტოქსიკური ნივთიერებების ორგანიზმიდან გამოდევნას უწყობთ ხელს. თუმცა, სანამ ამ მეთოდს მიმართავდეთ, სჯობს, თქვენი ჯანმრთელობის მდგომარეობაც გაითვალისწინოთ.
-
-
გადახედვასანქციები, სავიზო შეზღუდვების გაფართოება, პირდაპირი დაფინანსების შეწყვეტა — რა წერია ამერიკელი სენატორების წერილში, რომელიც კობახიძეს გაუგზავნეს სანქციები, სავიზო შეზღუდვების გაფართოება, პირდაპირი დაფინანსების შეწყვეტა — რა წერია ამერიკელი სენატორების წერილში, რომელიც კობახიძეს გაუგზავნეს
-
-
გადახედვამელანომის პირველ ინდივიდუალიზებულ ვაქცინას უკვე ასობით ადამიანზე ცდიან მელანომის პირველ ინდივიდუალიზებულ ვაქცინას უკვე ასობით ადამიანზე ცდიან
-
გადახედვაყველაზე დიდი ცხოველი, რომელსაც ხმელეთზე უარსებია — პატაგოტიტანი ყველაზე დიდი ცხოველი, რომელსაც ხმელეთზე უარსებია — პატაგოტიტანი
-
გადახედვაSETI-ს მეცნიერის თქმით, არამიწიერი სიცოცხლის აღმოჩენა გარდაუვალია და ამას ჯეიმს ვების ტელესკოპით შევძლებთ SETI-ს მეცნიერის თქმით, არამიწიერი სიცოცხლის აღმოჩენა გარდაუვალია და ამას ჯეიმს ვების ტელესკოპით შევძლებთ
-
გადახედვაამომავალი ვარსკვლავები — გიორგი გიგაშვილი პრესტიჟული ევროპული პროგრამის გამარჯვებულია ამომავალი ვარსკვლავები — გიორგი გიგაშვილი პრესტიჟული ევროპული პროგრამის გამარჯვებულია
-
გადახედვამეცნიერებმა ძველ გრაგნილში პლატონის საფლავის მდებარეობაზე მინიშნებას მიაგნეს მეცნიერებმა ძველ გრაგნილში პლატონის საფლავის მდებარეობაზე მინიშნებას მიაგნეს
-
-
-
-
გადახედვაილიაუნი მოსწავლეებისთვის ასტროფიზიკის პრაქტიკულ შეხვედრებს გამართავს — როგორ დავესწროთ ილიაუნი მოსწავლეებისთვის ასტროფიზიკის პრაქტიკულ შეხვედრებს გამართავს — როგორ დავესწროთ
-
გადახედვამკვლევრებმა 90 მილიონი წლის წინ მცხოვრები გიგანტური ფრინველის ნაკვალევი აღმოაჩინეს მკვლევრებმა 90 მილიონი წლის წინ მცხოვრები გიგანტური ფრინველის ნაკვალევი აღმოაჩინეს
-
გადახედვა29 აპრილს, პარლამენტი გენდერული კვოტირების გაუქმებაზე, პრეზიდენტის ვეტოს განიხილავს 29 აპრილს, პარლამენტი გენდერული კვოტირების გაუქმებაზე, პრეზიდენტის ვეტოს განიხილავს
-
-
გადახედვა"ობობები" მარსზე — რატომ ჩნდება წითელ პლანეტაზე სეზონური მუქი ლაქები "ობობები" მარსზე — რატომ ჩნდება წითელ პლანეტაზე სეზონური მუქი ლაქები
-
გადახედვაკობახიძე აცხადებს, რომ ევროპარლამენტის რეზოლუციაში ვიზალიბერალიზაციაზე ჩანაწერს "ჩალის ფასი აქვს" კობახიძე აცხადებს, რომ ევროპარლამენტის რეზოლუციაში ვიზალიბერალიზაციაზე ჩანაწერს "ჩალის ფასი აქვს"
-
-
გადახედვალელო: ვუერთდებით 28 აპრილს დაანონსებულ ევროპულ მარშს, რათა კიდევ ერთხელ ვუთხრათ "კი" ევროპას და "არა" რუსულ კანონს! ლელო: ვუერთდებით 28 აპრილს დაანონსებულ ევროპულ მარშს, რათა კიდევ ერთხელ ვუთხრათ "კი" ევროპას და "არა" რუსულ კანონს!
-
გადახედვარუსული კანონის მეორე საკომიტეტო მოსმენა 29 აპრილს დაინიშნა რუსული კანონის მეორე საკომიტეტო მოსმენა 29 აპრილს დაინიშნა
-
გადახედვაალტ-ინფო აცხადებს, რომ საჯარო რეესტრმა მათი ახალი პარტიის, "ქართული იდეის" გაუქმების პროცესი დაიწყო ალტ-ინფო აცხადებს, რომ საჯარო რეესტრმა მათი ახალი პარტიის, "ქართული იდეის" გაუქმების პროცესი დაიწყო
კომენტარები