იაკობ ბრეგვაძეს 112-ში არ დაურეკავს, დაურეკა უცნობ პირს, რომლის ნომერი არ ფიქსირდება — მთავარი
მთავარი არხის ინფორმაციით, გიორგი შაქარაშვილის საქმის ერთ-ერთ მოწმეს, ფოტოგრაფ იაკობ ბრეგვაძეს 112-ში არ დაურეკავს.
ტელეკომპანია ამბობს, რომ თავდაპირველად ბრეგვაძემ, სავარაუდოდ, შეცდომით 111-ზე დარეკა. სატელეფონო ამონაწერში, რომელსაც მთავარი არხი ავრცელებს, ეს ზარი 19 ივნისის 00:49:53 საათზე ფიქსირდება.
ამავე დოკუმენტში ჩანს, რომ 20 წამში ის რეკავს უცხო ნომერზე, რომელიც არ ფიქსირდება. საუბარი 91 წამის განმავლობაში გრძელდება.
"2020 წლის 19 ივნისს 00:50:13 საათზე იაკობ ბრეგვაძე ხსენებული ხსენებული ტელეფონის ნომრით ახორციელებს სატელეფონო ზარს. თუ რა ნომერს უკავშირდება დეტალურ ნუსხაში მითითებული არ არის. საუბრის ხანგრძლივობა შეადგენს 91 წამს, ლოკაცია ფიქსირდება "Tsitsamuri Road, Mtskheta"-ანძაზე", — წერია მთავარი არხის მიერ გავრცელებულ დოკუმენტში.
აქვე ჩანს, რომ ხუთ წუთში, 00:55:22 საათზე, ბრეგვაძის ტელეფონზე არის შემომავალი ზარი ნომრიდან 5775271**, საუბრის ხანგრძლივობა 81 წამია. მთავარმა არხმა მითითებულ ნომერზე დარეკვით დაადგინა, რომ ის მცხეთის პოლიციის დეპარტამენტს ეკუთვნის.
ამ ზარის შემდეგ ბრეგვაძე იყენებს ინტერნეტს, მერე კი ფიქსირდება გამოტოვებული ზარი, თუმცა არ ჩანს ნომერი. ბოლო ზარიდან დაახლოებით სამ წუთში, 01:08:12 საათზე ის რეკავს მობილურის ნომერზე 5775560**, რომელიც მთავარი არხის ინფორმაციით, პატრულის ეკიპაჟის ერთ-ერთ წევრს ეკუთვნის. საუბარი 70 წამის განმავლობაში გრძელდება, შემდეგ კი მას ურეკავენ 112-დან (01:09:32). ამ შემთხვევაში ზარის ხანგრძლივობა 133 წამია, ანუ ორ წუთზე მეტი.
ამის შემდეგ, მას აქვს შემომავალი ზარები სამი სხვადასხვა ნომრიდან. 01:19:32-მდე მის ლოკაციად კვლავ Tsitsamuri Road, Mtskheta რჩება.
იმ სატელეფონო ჩანაწერის პირველი ნაწილი, რომელიც შსს-მ გაავრცელა და თქვა, რომ ბრეგვაძის პოლიციაში პირველ ზარს ასახავს, 1 წუთისა და 18 წამის განმავლობაში გრძელდება. უწყებას მიერ დამონტაჟებულ ნაწილში ვერ მოხვდა საუბრის დასაწყისი, სადაც სავარაუდოდ, გამოჩნდებოდა, ვინ დარეკა — ბრეგვაძე დაუკავშირდა 112-ს თუ 112 ბრეგვაძეს.
01:19 წუთზე იაკობ ბრეგვაძესთან კვლავ მცხეთის პოლიციიდან რეკავენ და ორ წუთზე მეტხანს ესაუბრებიან.
პოლიციელების ჩვენებაში, რომელიც მთავარმა არხმა გაავრცელა, ვკითხულობთ:
"დაახლოებით 01:15-01:16 წუთზე, სანამ არაგვის ხიდზე გადავდიოდით, საგურამოს მხრიდან, ტყის მასივიდან მაგისტრალზე გამოვიდა ახალგაზრდა ბიჭი. ჩვენ შევუჩერეთ ავტომანქანა, ვკითხეთ ვინაობა და ჩხუბთან დაკავშირებით ხომ არ ფლობდა რაიმე ინფორმაციას. მან განგვიცხადა, რომ იყო იაკობ ბრეგვაძე, იგი იყო ინიციატორი და ასევე განმარტა, რომ მოდიოდა დასავლეთიდან თბილისის მიმართულებით, ე.წ. ავტოსტოპით. მან ასევე გვითხრა, რომ როდესაც ის იყო ქვეითად, მისგან მოშორებით შეამჩნია ქვეითად მოსიარულე რამდენიმე პიროვნება, რომელთაც შეუჩერა მიმავალმა ავტომანქანამ. ავტომანქანიდან გადმოვიდა რამდენიმე პიროვნება და ფეხით მიმავალ პირებს დაუწყეს გინება. მათ შორის მოხდა შეხლა-შემოხლა, რაზეც ის გაიქცა და იქ კიდევ რა მოხდა, აღარ დაუნახავს"
რაც შეეხება შსს-ს მიერ გავრცელებული ჩანაწერის მეორე ნაწილს, ე.წ. გაუქმების ზარს, მთავარი არხი ამტკიცებს, რომ ზარი გაყალბებულია. ტელევიზიას ამის არგუმენტად საქმის მასალებში არსებული ამ ფაილის შედგენის თარიღი მოჰყავს — 2020 წლის 30 ივნისი, 11:10:46 საათი.
აღსანიშნავია ისიც, რომ ხმის ჩანაწერში, რომელიც შინაგან საქმეთა სამინისტრომ გაავრცელა, არ ფიქსირდება, რომელ საათზე ესაუბრა ბრეგვაძე ოპერატორს. უწყება მიუთითებს, რომ მათ მიერ გასაჯაროებული მასალა არის იაკობ ბრეგვაძის მიერ 112- ში განხორციელებული ზარი და ასევე, 112- ის ოპერატორის მიერ განხორციელებული ზარი იაკობ ბრეგვაძესთან.
კიდევ ერთ დეტალი, რომელზეც მთავარი არხის საუბრობს, ისაა, რომ საქმის მასალებში არ არის იაკობ ბრეგვაძის მიერ მცხეთაში გადაღებული არც ერთი ფოტო, მიუხედავად იმისა, რომ ის დაბადების დღეზე ფოტოაპარატით იმყოფებოდა. სამაგიეროდ, არის იმავე ღამეს თემქაზე გაგრძელებულ წვეულებაზე გადაღებული ფოტოები, მათ შორის წაშლილები, რომლებიც პოლიციამ აღადგინა.
იაკობ ბრეგვაძე ერთ-ერთია იმ 5 ადამიანიდან, რომელიც გიორგი შაქარაშვილთან ერთად მცხეთის აგარაკიდან წამოვიდა. ის იმყოფებოდა იმ ტერიტორიაზეც, სადაც მათ მანქანა მიუახლოვდა და მასში მჯდომი პირები ფეხით მოსიარულეებს თავს დაესხნენ.
იაკობ ბრეგვაძე შინაგან საქმეთა სამინისტროს საზოგადოებასთან ურთიერთობის დეპარტამენტის დირექტორის, ნინო გიორგობიანის ნათესავია, კერძოდ კი, როგორც გიორგობიანმა ფეისბუქზე დაწერა, მამამისის დის შვილიშვილი.
19 წლის ფეხბურთელი, გიორგი შაქარაშვილი 19 ივნისს დაიკარგა. დადგინდა, რომ ის მცხეთაში, დაბადების დღეზე იმყოფებოდა, სადაც ახალგაზრდებს შორის დაპირისპირება მოხდა. ამის შემდეგ ერთმა ჯგუფმა თბილისიდან "დახმარება გამოიძახა". შაქარაშვილი და კიდევ 5 ადამიანი აგარაკიდან მათ მოსვლამდე წამოვიდა. პროკურატურის მიერ გავრცელებულ კადრებში ჩანს, რომ უკვე არაგვის ხიდთან მყოფ ახალგაზრდებს მანქანიდან გადმოსული ადამიანები თავს დაესხნენ, რის შემდეგაც შაქარაშვილი და მასთან ერთად მყოფი პირები გაიქცნენ. ფეხბურთელის კვალი აქედან იკარგება, მასთან ერთად მყოფი 5 ადამიანი კი თბილისში ცალ-ცალკე, სხვადასხვა დროს დაბრუნდა.
4-დღიანი ძებნის შემდეგ, 22 ივნისს, გიორგი შაქარაშვილი ცხედარი მდინარე არაგვში იპოვეს. რამდენიმე დღეში საქმეზე 17 ადამიანი დააკავეს, ყველა მათგან წინასწარი პატიმრობა აქვს შეფარდებული. თავდაპირველად, მათ ბრალი ორი ან მეტი პირის მიმართ განხორციელებული ჯგუფური ძალადობის, ჯგუფური ძალადობის ორგანიზების და ამავე ძალადობაში მონაწილეობის და ჯგუფურად თავისუფლების უკანონო აღკვეთის ფაქტებზე აქვთ წარდგენილი. როგორც ექსპერტიზის დასკვნის შემდეგ უწყებაში განაცხადეს, საქმეზე კვალიფიკაცია დაზუსტდა და ამ საქმეზე გამოძიება დამამძიმებელ გარემოებებში ჯგუფურად განხორციელებული განზრახ მკვლელობის მუხლით გაგრძელდება.
სწორედ ექსპერტიზის შემდეგ ცნობილი გახდა, რომ გიორგი შაქარაშვილის სიკვდილის მიზეზი, გახდა ასფიქსია წყალში დახრჩობით. ამავე დასკვნის მიხედვით, გარდაცვალებამდე მას მკვრივი-ბლაგვი საგნით მიყენებული დაზიანებები აქვს.
-
გადახედვააზერბაიჯანში დაკავებულ მედია ადვოკატს და ტელეკომპანიის დამფუძნებელს, არ აძლევენ საშუალებას, სასწრაფო ბიოფსია ჩაიტაროს აზერბაიჯანში დაკავებულ მედია ადვოკატს და ტელეკომპანიის დამფუძნებელს, არ აძლევენ საშუალებას, სასწრაფო ბიოფსია ჩაიტაროს
-
გადახედვადერეკ შოლე: მრავალწლიანი პარტნიორობის შემდეგ, ვწუხვართ, რომ საქართველოს ევროატლანტიკური მისწრაფებები სასწორზე დევს დერეკ შოლე: მრავალწლიანი პარტნიორობის შემდეგ, ვწუხვართ, რომ საქართველოს ევროატლანტიკური მისწრაფებები სასწორზე დევს
-
გადახედვააქცია ქართული ოცნების ოფისთან — სანაპირო გადაკეტილია აქცია ქართული ოცნების ოფისთან — სანაპირო გადაკეტილია
-
გადახედვაქართველი სტარტაპერები რუსული კანონის წინააღმდეგ ერთობლივ განცხადებას ავრცელებენ ქართველი სტარტაპერები რუსული კანონის წინააღმდეგ ერთობლივ განცხადებას ავრცელებენ
-
გადახედვაკლუბი KHIDI: ვაუქმებთ 3 და 4 მაისის ივენთებს. არა რუსულ კანონს! შევხვდებით რუსთაველზე! კლუბი KHIDI: ვაუქმებთ 3 და 4 მაისის ივენთებს. არა რუსულ კანონს! შევხვდებით რუსთაველზე!
-
გადახედვასაქართველოს რეიტინგი, პრესის თავისუფლების მსოფლიო ინდექსში, 26 ადგილით დაეცა საქართველოს რეიტინგი, პრესის თავისუფლების მსოფლიო ინდექსში, 26 ადგილით დაეცა
-
გადახედვაჟურნალისტური ეთიკის ქარტიის განცხადება კახა კალაძის მიერ, ჟურნალისტის შეურაცხყოფის ფაქტზე ჟურნალისტური ეთიკის ქარტიის განცხადება კახა კალაძის მიერ, ჟურნალისტის შეურაცხყოფის ფაქტზე
-
გადახედვარა უნდა ვიცოდეთ დღევანდელ პროტესტზე, რომელიც 18:30-ზე დაიწყება სასტუმრო პარაგრაფთან, თავისუფლების მოედანზე რა უნდა ვიცოდეთ დღევანდელ პროტესტზე, რომელიც 18:30-ზე დაიწყება სასტუმრო პარაგრაფთან, თავისუფლების მოედანზე
-
გადახედვაკობახიძე აშშ-ს "ორ რევოლუციურ მცდელობაში" ადანაშაულებს — რა გავიგეთ მისი და აშშ-ის სახელმწიფო მდივნის მრჩევლის პოსტებიდან X-ზე კობახიძე აშშ-ს "ორ რევოლუციურ მცდელობაში" ადანაშაულებს — რა გავიგეთ მისი და აშშ-ის სახელმწიფო მდივნის მრჩევლის პოსტებიდან X-ზე
-
გადახედვამინდა, მივმართო ჩვენი ქვეყნის აკრედიტებულ ელჩებს მეგობარ ქვეყნებში... საკითხი ეხება ჩვენი ქვეყნის მომავალს! — მამუკა ხაზარაძე მინდა, მივმართო ჩვენი ქვეყნის აკრედიტებულ ელჩებს მეგობარ ქვეყნებში... საკითხი ეხება ჩვენი ქვეყნის მომავალს! — მამუკა ხაზარაძე
-
გადახედვაპოლიციის უმოქმედობა აქციის მონაწილეებზე ძალადობას ახალისებს — DRI პოლიციის უმოქმედობა აქციის მონაწილეებზე ძალადობას ახალისებს — DRI
-
გადახედვაპარლამენტში 3 და 4 მაისს უსაფრთხოების ყვითელი დონე იმოქმედებს — ვიზიტორებს ეზღუდებათ პარლამენტის სასახლეში შესვლა პარლამენტში 3 და 4 მაისს უსაფრთხოების ყვითელი დონე იმოქმედებს — ვიზიტორებს ეზღუდებათ პარლამენტის სასახლეში შესვლა
-
გადახედვა11 მაისს, ევროპის დღეს, რუსული კანონის საწინააღმდეგო მანიფესტაცია დაანონსდა 11 მაისს, ევროპის დღეს, რუსული კანონის საწინააღმდეგო მანიფესტაცია დაანონსდა
-
გადახედვაცირკთან აქციის მონაწილეებს, უცნობი პირები, ფიზიკურად გაუსწორდნენ ცირკთან აქციის მონაწილეებს, უცნობი პირები, ფიზიკურად გაუსწორდნენ
-
გადახედვასაფრანგეთში მცხოვრები ქართველი სტუდენტები რუსული კანონის გაწვევას მოითხოვენ და აქციის მონაწილეებზე ძალადობას გმობენ საფრანგეთში მცხოვრები ქართველი სტუდენტები რუსული კანონის გაწვევას მოითხოვენ და აქციის მონაწილეებზე ძალადობას გმობენ
-
გადახედვაგზის გადაკეტვა შეკრების თავისუფლების ფორმაა — საია გზის გადაკეტვა შეკრების თავისუფლების ფორმაა — საია
-
გადახედვაკობახიძე აშშ-ში მიიწვიეს დათქმით, რომ ვიზიტამდე უნდა შეჩერებულიყო კანონპროექტის განხილვა — საგარეო აშშ-ის ელჩის განცხადებაზე კობახიძე აშშ-ში მიიწვიეს დათქმით, რომ ვიზიტამდე უნდა შეჩერებულიყო კანონპროექტის განხილვა — საგარეო აშშ-ის ელჩის განცხადებაზე
-
გადახედვაპოლიციამ გმირთა მოედანზე, რამდენიმე წუთის წინ, სამი ადამიანი დააკავა პოლიციამ გმირთა მოედანზე, რამდენიმე წუთის წინ, სამი ადამიანი დააკავა
-
გადახედვაჩაკვეტაძე: არაფერი არ დგას ჩვენს ხალხზე მაღლა, გაიწვიეთ ეს კანონი ჩაკვეტაძე: არაფერი არ დგას ჩვენს ხალხზე მაღლა, გაიწვიეთ ეს კანონი
-
გადახედვაპოლიცია ცდილობს, გმირთა მოედანზე მოძრაობა გახსნას — სამართალდამცველები აქციის მონაწილეების მიმართ ძალას იყენებენ პოლიცია ცდილობს, გმირთა მოედანზე მოძრაობა გახსნას — სამართალდამცველები აქციის მონაწილეების მიმართ ძალას იყენებენ
-
გადახედვაბუდუ ზივზივაძე: არა რუსეთს და არა ყველაფერს, რაც საქართველოს რუსეთისკენ მიაქანებს ბუდუ ზივზივაძე: არა რუსეთს და არა ყველაფერს, რაც საქართველოს რუსეთისკენ მიაქანებს
კომენტარები