პარტია რეფორმერის წევრი, გიორგი აბრამიშვილი ედისონ რისერჩის წინასაარჩევნო კვლევის შედეგებს ეხმაურება
16 ივლისს ედისონ რისერჩის წინასაარჩევნო კვლევის მესამე ტალღის შედეგები გამოქვეყნდა. ამჯერად კომპანიამ 2101 ადამიანი გამოკითხა. ცნობისთვის, კვლევის წინა ტალღა 2020 წლის მარტში, ხოლო პირველი ტალღა 2019 წლის ნოემბერში განხორციელდა და თითოეულის შემთხვევაში 2 ათასი ადამიანი იყო გამოკითხული მთელი საქართველოს მასშტაბით.
პოლიტიკური პარტია რეფორმერი ედისონ რისერჩის კვლევას ეხმაურება.
პარტია რეფორმერის წევრი, ანალიტიკოსი და მარკეტოლოგი გიორგი აბრამიშვილი აცხადებს:
"ედისონ რისერჩის კვლევის ივლისის შედეგებზე, ისევე როგორც წინა შემთხვევებში, ბევრი დაიწერა, თუმცა ამ ტალღების მონაცემებს შორის შედარებითი ანალიზი საჯაროდ ხელმისაწვდომი არ არის. ჩვენ ვცადეთ, საჯარო ინფორმაციაზე დაყრდნობით, გაგვეკეთებინა მცირე ანალიტიკა.
პირველი, რაც საყურადღებო აღმოჩნდა:
- პირველი ორი ტალღის მონაცემები მედიაში გამოქვეყნდა, როგორც ნატურალური, აგრეთვე ალოკაციის შედეგად მიღებული მონაცემების სახით. სხვაგვარად რომ ვთქვათ, დაინტერესებულ საზოგადოებას შესაძლებლობა ჰქონდა, მარტივად დაენახა იმ ამომრჩევლების წილი, რომლებსაც გამოკითხვის მომენტისთვის არ ჰქონდათ გადაწყვეტილი, ვის მისცემდნენ ხმას 2020 წლის საპარლამენტო არჩევნებზე, და აგრეთვე შეეფასებინა, ალოკაციით მიღებული მონაცემები — პარტიების რეიტინგები იმ პირობებში, როდესაც ე.წ. "გადაუწყვეტელი" ამომრჩევლის წილი პროპორციულად გადანაწილდებოდა სხვადასხვა პოლიტიკურ პარტიაზე. ივლისის შედეგები კი ჯერჯერობით მხოლოდ ნატურალური სახით გახდა მედიაში ხელმისაწვდომი, ჩანს მონაცემი ე.წ. "გადაუწყვეტელი" ამომრჩევლის ოდენობის შესახებ, თუმცა კონკრეტულ პარტიებზე ალოკაცია არ ჩანს.
- ცხადია, 100% სიზუსტით შეუძლებელია იმის წინასწარმეტყველება, თუ როგორ მოიქცევა არჩევნების დღეს ამომრჩეველი, განსაკუთრებით კი თუ ეს ე.წ. "გადაუწყვეტელ" ელექტორატს ეხება, ამასთან, არჩევნებამდე 3 თვით ადრე. ასე რომ, ალოკაცია სავსებით გამართლებული, მსოფლიო პრაქტიკაში აპრობირებული და კარგი მეთოდია პროგნოზირებისთვის, როდესაც კვლევის შერჩევის ზომა და ტიპი საშუალებას იძლევა, რომ ე.წ. საშუალო სტატისტიკური ამომრჩევლის ქცევის ტიპი დადგინდეს და "გადაუწყვეტელი" ამომრჩევლის არჩევანიც მის მიხედვით განისაზღვროს თუნდაც მიახლოებით. თუმცა საინტერესოა, რატომ "აიტაცა" მედიამ ალოკაციით მიღებული შედეგები პირველ და მეორე ტალღებზე, მაგრამ ხაზგასმით აღარ დაინტერესებულა იმავეთი ივლისის შედეგების შემთხვევაში. დასკვნების გასაკეთებლად მიზანშეწონილი იქნება ერთად შევხედოთ სამივე ტალღის მონაცემებს:
ერთი შეხედვითვე თვალშისაცემია, რომ ქართული ოცნების რეიტინგმა საგრძნობლად იმატა ბოლო 6-თვიან პერიოდში, განსაკუთრებით მარტის მონაცემების შემდეგ, ხოლო ე.წ. "გადაუწყვეტელი" ამომრჩევლის რაოდენობა კი შემცირდა და ივლისის შედეგების მიხედვით 20% შეადგინა. მცირედით, მაგრამ აგრეთვე შემცირდა სახელისუფლებო პარტიის ძირითადი კონკურენტების, ნაციონალური მოძრაობისა და ევროპული საქართველოს რეიტინგები. სხვა პარტიების შემთხვევაშიც ან იგივე მაჩვენებელი გვაქვს ან მცირე კლება ფიქსირდება. ლოგიკურ დასკვნამდე მივდივართ, რომ "გადაუწყვეტელი" ამომრჩევლის ნაწილმა, თითქმის მესამედმა გადაწყვიტა, რომ ქართული ოცნებისთვის მიეცა ხმა. რით შეიძლება ეს იყოს გამოწვეული? ეს არის COVID 19 და მასთან დაკავშირებით ხელისუფლების და მის დაქვემდებარებაში მყოფი სამსახურების მოქმედებები. საქართველომ მოახერხა და ძალიან დაბალ დონეზე შეინარჩუნა ინფიცირებულების და გარდაცვლილთა მაჩვენებელი, რეგიონალურ და მსოფლიო ასპარეზზე პოზიციონირდა ე.წ. "მწვანე ზონად", რაც, ცხადია, მოქალაქეებში, ამომრჩეველში ლოგიკურ ასახვას ჰპოვებდა — კარანტინისა და კომენდანტის საათის პირობებში გამორიცხული იყო ოპოზიციური პარტიების აქტივობები, ამომრჩეველთან შეხვედრა, მედია კი მთლიანად მოცული იყო კორონავირუსთან დაკავშირებული ინფორმაციით, შესაბამისად, თანამდებობის პირების, საჯარო მოხელეების გაშუქება გაცილებით ხშირად ხდებოდა. შედეგად ძალთა ბალანსი, ისევე, როგორც ხელისუფლებისა და ოპოზიციური ძალების მიერ წარმოებული კომუნიკაციის თანაფარდობა მკვეთრად შეიცვალა სახელისუფლებო პარტიის სასარგებლოდ.
- ზემოხსენებულ დასკვნას კიდევ ერთი ფაქტი ამყარებს. 20 ივლისს გაიმართა ქართული ოცნების მაჟორიტარი კანდიდატების პრეზენტაცია, რომელსაც სხვებთან ერთად სპეციალური მოწვევით ესწრებოდნენ თენგიზ ცერცვაძე, ამირან გამყრელიძე, ლევან რატიანი, პაატა იმნაძე — ახლა უკვე ყველასთვის პატივსაცემი ადამიანები, რომლებმაც დიდი წვლილი შეიტანეს საქართველოში კორონავირუსის წინააღმდეგ ბრძოლაში. ხოლო სამედიცინო სფეროს წარმომადგენელი კიდევ 2 პიროვნება კი პირდაპირ მაჟორიტარების სიაში ვიხილეთ — აჭარის ჯანმრთელობისა და სოციალური დაცვის მინისტრი ზაალ მიქელაძე ქობულეთის მაჟორიტარობის კანდიდატად და ზაზა ლომინაძე ქუთაისის მაჟორიტარობის კანდიდატად, რომლის დაფუძნებულმა კლინიკამაც, ირაკლი კობახიძის განცხადებით, განსაკუთრებული წვლილი შეიტანა ქუთაისში კორონავირუსის წინააღმდეგ ბრძოლაში.
აგრეთვე საინტერესოა, შევხედოთ ედისონ რისერჩის მიერ განხორციელებული წინასაარჩევნო კვლევის სამი ტალღის შედეგებს უკვე ალოკაციის მეთოდის გამოყენებით:
ცვლილებების ტენდენცია იგივეა, თუმცა უკვე უფრო მკვეთრად გამოხატული. ქართულ ოცნებას ალოკაციით ამომრჩეველთა თითქმის ნახევარი უჭერს მხარს, მის უახლოეს კონკურენტს, ნაციონალურ მოძრაობას კი — ამომრჩეველთა მეხუთედი.
მიუხედავად ასეთი შედეგებისა, ქართული ოცნების წარმომადგენლებმა მაინც უკმაყოფილება და ირონიული დამოკიდებულება გამოხატეს აღნიშნული კვლევისადმი. ისინი აცხადებენ, რომ ქართული ოცნების რეიტინგი რეალურად კიდევ მეტია. ამავდროულად, მედიასა და სხვადასხვა ოფიციალური პირის განცხადებებში სულ უფრო ხშირად ისმის მოსაზრებები კორონავირუსთან დაკავშირებული მდგომარეობის გაუარესების შესახებ, რაც, შესაძლოა, ეჭვის საფუძველს იძლეოდეს, რომ აგვისტოს ბოლოს ან სექტემბრის დასაწყისში კიდევ ერთ "კომენდანტის საათსა" და "კარანტინს" შეიძლება ველოდოთ. მით უმეტეს, რომ სახელისუფლებო გუნდმა შესანიშნავად დაინახა, რა "კარგი" საარჩევნო შედეგის მოტანა შეუძლია მოქალაქეების სახლში გამოკეტვას", — აღნიშნავს გიორგი აბრამიშვილი.
-
გადახედვაო'ბრაიენი: თუ საქართველოს ხელისუფლება ე.წ. რუსულ კანონს მიიღებს, ვითარება ჩვენთვის ნათელი გახდება [ინტერვიუ] ო'ბრაიენი: თუ საქართველოს ხელისუფლება ე.წ. რუსულ კანონს მიიღებს, ვითარება ჩვენთვის ნათელი გახდება [ინტერვიუ]
-
გადახედვარუსეთმა ვოლოდიმირ ზელენსკი ძებნილად გამოაცხადა რუსეთმა ვოლოდიმირ ზელენსკი ძებნილად გამოაცხადა
-
გადახედვასალომე ზურაბიშვილი ელჩებს: დაძაბულ ვითარებაში ვართ... ჩემი თხოვნაა, განხორციელდეს მაღალი დონის ვიზიტები მაისის ბოლომდე სალომე ზურაბიშვილი ელჩებს: დაძაბულ ვითარებაში ვართ... ჩემი თხოვნაა, განხორციელდეს მაღალი დონის ვიზიტები მაისის ბოლომდე
-
გადახედვადერეკ შოლე: მრავალწლიანი პარტნიორობის შემდეგ, ვწუხვართ, რომ საქართველოს ევროატლანტიკური მისწრაფებები სასწორზე დევს დერეკ შოლე: მრავალწლიანი პარტნიორობის შემდეგ, ვწუხვართ, რომ საქართველოს ევროატლანტიკური მისწრაფებები სასწორზე დევს
-
გადახედვააქცია ქართული ოცნების ოფისთან — სანაპირო გადაკეტილია აქცია ქართული ოცნების ოფისთან — სანაპირო გადაკეტილია
-
გადახედვასასტუმრო პარაგრაფთან აქციის მონაწილე დააკავეს სასტუმრო პარაგრაფთან აქციის მონაწილე დააკავეს
-
გადახედვასაქართველოს რეიტინგი, პრესის თავისუფლების მსოფლიო ინდექსში, 26 ადგილით დაეცა საქართველოს რეიტინგი, პრესის თავისუფლების მსოფლიო ინდექსში, 26 ადგილით დაეცა
-
გადახედვაჟურნალისტური ეთიკის ქარტიის განცხადება კახა კალაძის მიერ, ჟურნალისტის შეურაცხყოფის ფაქტზე ჟურნალისტური ეთიკის ქარტიის განცხადება კახა კალაძის მიერ, ჟურნალისტის შეურაცხყოფის ფაქტზე
-
გადახედვადღეს, კობახიძემ, ამ ქვეყნის ისტორიაში უპრეცედენტო და უდიდესი თავდასხმა განახორციელა აშშ-ზე — გრიგოლ გეგელია დღეს, კობახიძემ, ამ ქვეყნის ისტორიაში უპრეცედენტო და უდიდესი თავდასხმა განახორციელა აშშ-ზე — გრიგოლ გეგელია
-
გადახედვარა უნდა ვიცოდეთ დღევანდელ პროტესტზე, რომელიც 18:30-ზე დაიწყება სასტუმრო პარაგრაფთან, თავისუფლების მოედანზე რა უნდა ვიცოდეთ დღევანდელ პროტესტზე, რომელიც 18:30-ზე დაიწყება სასტუმრო პარაგრაფთან, თავისუფლების მოედანზე
-
გადახედვაკობახიძე აშშ-ს "ორ რევოლუციურ მცდელობაში" ადანაშაულებს — რა გავიგეთ მისი და აშშ-ის სახელმწიფო მდივნის მრჩევლის პოსტებიდან X-ზე კობახიძე აშშ-ს "ორ რევოლუციურ მცდელობაში" ადანაშაულებს — რა გავიგეთ მისი და აშშ-ის სახელმწიფო მდივნის მრჩევლის პოსტებიდან X-ზე
-
გადახედვაკალაძე სპორტსმენებზე, რომელმაც ხელისუფლების ძალადობა დაგმეს: "მეც ვუერთდები "არა რუსულ კანონს", ამ სუფთა ქართულ კანონს კი აუცილებლად მივიღებთ" კალაძე სპორტსმენებზე, რომელმაც ხელისუფლების ძალადობა დაგმეს: "მეც ვუერთდები "არა რუსულ კანონს", ამ სუფთა ქართულ კანონს კი აუცილებლად მივიღებთ"
-
გადახედვამინდა, მივმართო ჩვენი ქვეყნის აკრედიტებულ ელჩებს მეგობარ ქვეყნებში... საკითხი ეხება ჩვენი ქვეყნის მომავალს! — მამუკა ხაზარაძე მინდა, მივმართო ჩვენი ქვეყნის აკრედიტებულ ელჩებს მეგობარ ქვეყნებში... საკითხი ეხება ჩვენი ქვეყნის მომავალს! — მამუკა ხაზარაძე
-
გადახედვაპოლიციის უმოქმედობა აქციის მონაწილეებზე ძალადობას ახალისებს — DRI პოლიციის უმოქმედობა აქციის მონაწილეებზე ძალადობას ახალისებს — DRI
-
გადახედვაპარლამენტში 3 და 4 მაისს უსაფრთხოების ყვითელი დონე იმოქმედებს — ვიზიტორებს ეზღუდებათ პარლამენტის სასახლეში შესვლა პარლამენტში 3 და 4 მაისს უსაფრთხოების ყვითელი დონე იმოქმედებს — ვიზიტორებს ეზღუდებათ პარლამენტის სასახლეში შესვლა
-
გადახედვა11 მაისს, ევროპის დღეს, რუსული კანონის საწინააღმდეგო მანიფესტაცია დაანონსდა 11 მაისს, ევროპის დღეს, რუსული კანონის საწინააღმდეგო მანიფესტაცია დაანონსდა
-
გადახედვაცირკთან აქციის მონაწილეებს, უცნობი პირები, ფიზიკურად გაუსწორდნენ ცირკთან აქციის მონაწილეებს, უცნობი პირები, ფიზიკურად გაუსწორდნენ
-
გადახედვასაფრანგეთში მცხოვრები ქართველი სტუდენტები რუსული კანონის გაწვევას მოითხოვენ და აქციის მონაწილეებზე ძალადობას გმობენ საფრანგეთში მცხოვრები ქართველი სტუდენტები რუსული კანონის გაწვევას მოითხოვენ და აქციის მონაწილეებზე ძალადობას გმობენ
-
გადახედვაგზის გადაკეტვა შეკრების თავისუფლების ფორმაა — საია გზის გადაკეტვა შეკრების თავისუფლების ფორმაა — საია
-
გადახედვაკობახიძე აშშ-ში მიიწვიეს დათქმით, რომ ვიზიტამდე უნდა შეჩერებულიყო კანონპროექტის განხილვა — საგარეო აშშ-ის ელჩის განცხადებაზე კობახიძე აშშ-ში მიიწვიეს დათქმით, რომ ვიზიტამდე უნდა შეჩერებულიყო კანონპროექტის განხილვა — საგარეო აშშ-ის ელჩის განცხადებაზე
-
კომენტარები