დიდი სიყვარულის ისტორია — 90 წლის კაცმა განაცხადა, რომ გეია
კარანტინში — მაშინ, როცა ბევრი არაფერი ჰქონდა გასაკეთებელი, კენეთ ფელტსმა განვლილი 90-წლიანი ცხოვრების შესახებ მემუარების წერა დაიწყო.
თუმცა, წერის პროცესში ფელტსი მიხვდა, რომ ამბავი დასრულებული ვერ იქნებოდა, თუკი მისი ცხოვრების ყველაზე დიდი საიდუმლოს არ გაამხელდა, რასაც ათწლეულების განმავლობაში მალავდა — მის სექსუალობას. ფელტსი, რომელიც ამჟამად კოლორადოს შტატში ცხოვრობს, ამბობს, რომ საკუთარი ორიენტაციის შესახებ 12 წლიდან იცოდა, თუმცა გადაწყვიტა, იდენტობა დაემალა, რადგან იმ პერიოდში ჰომოსექსუალობა მიუღებელი და უკანონო იყო. მას შემდეგ ბევრი რამე შეიცვალა, მათ შორის — 2015 წელს, უზენაესი სასამართლოს ისტორიული გადაწყვეტილება, დაეკანონებინა ერთნაირსქესიანთა ქორწინება აშშ-ში.
როგორც ფელტსი აღნიშნავს, საკუთარ მემუარებში აუცილებლად უნდა ყოფილიყო მისი ჭეშმარიტი სიყვარულიც — ფილიპი. ამიტომ, 90 წლის ასაკში, როგორც იქნა, გადაწყვიტა, საკუთარი სექსუალური იდენტობა ჯერ შვილისთვის, ხოლო შემდეგ მეგობრებისა და ოჯახის წევრებისთვის ფეისბუქპოსტის საშუალებით გაემხილა.
"მე გეი ვარ, მე ვაცხადებ და მე თავისუფალი ვარ", — წერს ფელტსი საკუთარ პოსტში.
საიდუმლო, რომლის შენახვასაც სამარის კარამდე აპირებდა
როგორც ფელტსი აღნიშნავს, კლასელთან გატარებული საღამო ფელტს დაეხმარა, შეეცნო საკუთარი თავი. თუმცა მისი მორწმუნე ქრისტიანული ოჯახი ასწავლიდა, რომ ჰომოსექსუალობა ცოდვაა.
"მეგონა, თუ განვაცხადებდი, რომ გეი ვარ, ჯოჯოხეთში მოვხვდებოდი", — ამბობს ფელტსი, — "ვაპირებდი, ეს საიდუმლო სამარის კარამდე მიმეტანა".
ამ ყველაფრის გამო, ახალგაზრდობის წლებში, მათ შორის კორეის ომის დროს აშშ-ის საზღვაო შენაერთში მსახურებისას და მომდევნო წლებში კოლეჯში სწავლისას, ფელტსი ჰეტეროსექსუალი კაცივით ცხოვრობდა.
1950-იანი წლების მიწურულს იგი კალიფორნიის ქალაქ ლონგ-ბიჩში გადავიდა გაყიდვების კომპანიაში სამუშაოდ. სწორედ აქ გაიცნო ფილიპ ჯონსი.
"როცა ფილიპს შევხვდი, თავს ჯერ კიდევ ჰეტეროსექსუალად ვაჩვენებდი, ამიტომ არაფერ განსაკუთრებულს არ მოველოდი", — ამბობს ფელტსი, — "თუმცა მან შეძლო ჩემი გამოფხიზლება და მიმახვედრა, რომ ერთად ყოფნის პოტენციალი გვქონდა".
პაემნები ჯერ ყავაზე დაპატიჟებით დაიწყო, თუმცა მალე ფელტსი ჯონსის ბინაში უფრო მეტ დროს ატარებდა, ვიდრე საკუთარში. ბოლოს კი, მასთან გადავიდა საცხოვრებლად. ერთ წელზე მეტი ხნის განმავლობაში, საიდუმლოსდა მიუხედავად, ისინი ბედნიერად ცხოვრობდნენ, როგორც გეი წყვილი.
"როცა ფილიპთან ერთად კალიფორნიაში ვცხოვრობდი, ჰომოსექსუალობა უკანონო იყო", — აღნიშნავს ფელტსი, — "დანაშაული იყო თუნდაც ხელის ჩაკიდება ან ამგვარი რაღაც. ასეთი ქცევისთვის დაგიჭერდნენ, ხოლო როცა შენი საქმე სასამართლოს გადაეცემოდა, ინფორმაცია მთელ ქალაქს მოედებოდა და კარგავდი მეგობრებს და ოჯახს".
კალიფორნიაში ეგრეთ წოდებული "მამათმავლობის ამკრძალავი კანონი" 1975 წლამდე არსებობდა.
თუმცა, საბოლოოდ, იმ საზოგადოებაში ცხოვრებამ, სადაც გეიდ ყოფნა დანაშაული იყო, ფელტსს ფილიპთან დაშორებისკენ უბიძგა.
"სამსახური დავტოვე, ჩემი ნივთები ჩავალაგე და სახლში დავბრუნდი", — იხსენებს ფელტსი, — "მაგრამ ამის შემდეგ ფილიპმა კიდევ ორი თუ სამი წერილი გამომიგზავნა. ბოლო წერილში ამბობდა, თუ არ მიპასუხებ, მეტს აღარ შეგაწუხებო. არ მიპასუხია არცერთ წერილზე. ეს დიდი შეცდომა იყო".
ჯონსთან დაშორების შემდეგ ფელტსმა კვლავაც სცადა საკუთარი იდენტობის დამალვა, თუმცა, ამჯერად, საკუთარი ალტერ ეგო შექმნა და მას "ლარი" უწოდა ორი ცხოვრების განსაცალკევებლად.
"ლარი ჩემი გეი მხარე იყო, ხოლო მე, კენი, ჩვეულებრივი, ჰეტეროსექსუალი ადამიანი", — ამბობს ფელტსი.
ლარის დამალვით ფელტსმა ქალი გაიცნო ადგილობრივი ეკლესიის ახალგაზრდებში. მალე მათ იქორწინეს და გოგოც შეეძინა, თუმცა 1980 წელს წყვილი დაშორდა. თუმცა მან ამის შემდეგაც ვერ გაბედა აღიარება, რადგან შვილზე მეურვეობის დაკარგვის ეშინოდა.
ამ პერიოდში იგი ბიბლიოთეკას მიაშურებდა ხოლმე და სატელეფონო წიგნებში ერთ სახელს ეძებდა.
"ყველა ფილიპ ჯ.-ს დავუკავშირდი, თუმცა მისი ადგილსამყოფელი ვერ დავადგინე", — ამბობს ფელტსი, — "სიცოცხლის ბოლომდე ვინანებ ფილიპის მიტოვებას, თუმცა, იმედი მაქვს, მან მაპატია".
იდენტობის გაცხადება 90 წლის ასაკში
როცა რებეკა მეისი იზრდებოდა, ფელტსის ახლა უკვე 48 წლის შვილი, იგი ხვდებოდა, რომ მამამისი რაღაცას ნანობდა. რებეკას ყოველთვის ეგონა, რომ ეს "რაღაც" დედამისს უკავშირდებოდა, თუმცა, საბოლოოდ, იგი ყველაფერს მაისში მიხვდა, როცა კარანტინის პერიოდში დაწერილი მამამისის პოსტიდან მისი ტკივილის შესახებ შეიტყო.
"ტელეფონზე ვლაპარაკობდით, როცა მითხრა, რომ მისი ჭეშმარიტი სიყვარული ენატრებოდა", — ამბობს მეისი, — "თუმცა, არ დაუკონკრეტებია, ეს სიყვარული კაცი იყო თუ ქალი".
მოგვიანებით, ფელტსმა საკუთარ შვილს იმეილით გაგზავნილ წერილში გაუმხილა, რომ მისი ჭეშმარიტი სიყვარული კაცი იყო, სახელად ფილიპ ჯონსი.
მეისის თქმით, მამამისის იდენტობის შეტყობა გაუკვირდა, რადგან მას საშინელი რეაქცია ჰქონდა, როცა 25 წლის წინ გაუმხილა, რომ ლესბოსელი იყო.
"განმიცხადა, რომ ამით ჩვენ შორის ყველაფერი დასრულებული იყო", — იხსენებს მეისი, თუმცა დასძენს, რომ მამამისი მალევე შემოურიგდა და მისი და მისი პარტნიორის ყველაზე დიდი მხარდამჭერი გახდა.
"ვფიქრობ, მას ზუსტად იმის ეშინოდა, რასაც მთელი თავისი ცხოვრების განმავლობაში განიცდიდა — იქნება ეს შვილების არყოლა და საზოგადოებრივი ნორმები", — ამბობს მეისი, რომელსაც ახლა ორი შვილი ჰყავს.
შვილისთვის საიდუმლოს გამხელის შემდეგ, ფელტსმა დანარჩენ სამყაროსაც გაუზიარა საკუთარი ისტორია და, როგორც აღმოჩნდა, უზარმაზარი სიყვარული და მხარდაჭერა მიიღო პასუხად. საკუთართან ერთად იგი ფილიპ ჯონსის ამბავსაც მოჰყვა, რადგან იმედი ჰქონდა, რომ ვინმე მის პოვნაში დაეხმარებოდა. ერთ-ერთი ნიუჯერსელი ქალბატონი, რომელიც ბიოლოგიურ მშობლების მოძებნაში ეხმარება გაშვილებულ ადამიანებს, ფელტსს დიდი ხნის წინ დაკარგული სიყვარულის მოძებნაში დახმარებას დაპირდა. თუმცა, სამწუხაროდ, მან ცუდი ამბავი ამცნო კენეთს — ჯონსი 2013 წელს გარდაცვლილა.
"ბოლომდე მიყვარდა იგი და ამ ყველაფერსაც მის გამო ვაკეთებ", — ამბობს ფელტსი.
ახლა, როცა იგი ამაყად ცხოვრობს, ამბობს, რომ ლარის დანებდა. თმაში ლურჯი და ვარდისფერი ზოლები აქვს და ცისარტყელისფერებიან ჰუდს ატარებს. ფელტსმა დენვერის წლევანდელ ვირტუალურ პრაიდშიც კი მიიღო მონაწილეობა.
თუმცა ყველაზე მნიშვნელოვანი ისაა, რომ, როგორც მეისი აღნიშნავს, მამამისი იმაზე თავდაჯერებული და კონტაქტური გახდა, ვიდრე ოდესმე ყოფილა.
"არ მესმის, როგორ შეიძლება, დარჩენილი ცხოვრება ბედნიერი არ ვიყო", — ამბობს ფელტსი.
მას ამ ყველაფრისთვის 90 წელი დასჭირდა, თუმცა, იმედი აქვს, რომ მისი ამბავი სხვებს გაამხნევებს და უბიძგებს, საკუთარი თავი მიიღონ.
"სამყაროც მიგიღებთ და შეგიყვარებთ ისეთს, როგორიც ხართ", — დასძენს კენეთი.
-
გადახედვარა ვიცით თვალის არეში დაჭრილი ახალგაზრდა კაცის მდგომარეობაზე რა ვიცით თვალის არეში დაჭრილი ახალგაზრდა კაცის მდგომარეობაზე
-
გადახედვააქციაზე დაშავებული 8 ადამიანის ჰოსპიტალიზაცია გახდა საჭირო — ჯანდაცვის სამინისტრო აქციაზე დაშავებული 8 ადამიანის ჰოსპიტალიზაცია გახდა საჭირო — ჯანდაცვის სამინისტრო
-
გადახედვაახალგაზრდა კაცი თვალის არეშია დაჭრილი სავარაუდოდ, რეზინის ტყვიით ახალგაზრდა კაცი თვალის არეშია დაჭრილი სავარაუდოდ, რეზინის ტყვიით
-
გადახედვამოვუწოდებთ შსს-ს, უარი თქვას კანონსაწინააღმდეგო, ღირსების შემლახავ ძალადობრივ პრაქტიკაზე — საია მოვუწოდებთ შსს-ს, უარი თქვას კანონსაწინააღმდეგო, ღირსების შემლახავ ძალადობრივ პრაქტიკაზე — საია
-
გადახედვამოვუწოდებთ, შეწყვიტონ ძალადობა, წინააღმდეგ შემთხვევაში სპეციალური საშუალებებით შევწყვეტთ აქციას — შს მინისტრის მოადგილე მოვუწოდებთ, შეწყვიტონ ძალადობა, წინააღმდეგ შემთხვევაში სპეციალური საშუალებებით შევწყვეტთ აქციას — შს მინისტრის მოადგილე
-
გადახედვაპარლამენტში უსაფრთხოების წითელი დონე ამოქმედდა პარლამენტში უსაფრთხოების წითელი დონე ამოქმედდა
-
გადახედვამამუკა მდინარაძე: აღმოჩნდა, რომ 12-მილიმეტრიანი თიაქრით დავდიოდი, ამიტომ ვერ ვიყავი დღეს, ჩათვალეთ, 84-ე ხმა ჩემია მამუკა მდინარაძე: აღმოჩნდა, რომ 12-მილიმეტრიანი თიაქრით დავდიოდი, ამიტომ ვერ ვიყავი დღეს, ჩათვალეთ, 84-ე ხმა ჩემია
-
გადახედვა"მნიშვნელოვანია აქციის მონაწილეები არ გაცდნენ მშვიდობიანი შეკრების უფლების ფარგლებს" — სახალხო დამცველი "მნიშვნელოვანია აქციის მონაწილეები არ გაცდნენ მშვიდობიანი შეკრების უფლების ფარგლებს" — სახალხო დამცველი
-
გადახედვაფოტოებში: აქციაზე დაშავებული მშვიდობიანი დემონსტრანტები ფოტოებში: აქციაზე დაშავებული მშვიდობიანი დემონსტრანტები
-
გადახედვავითარება რუსთაველზე — ვრცელდება ინფორმაცია რეზინის ტყვიების გამოყენების შესახებ ვითარება რუსთაველზე — ვრცელდება ინფორმაცია რეზინის ტყვიების გამოყენების შესახებ
-
გადახედვამაკა ჩიკვილაძე მთავრობას: ჩვენ, ომში დაღუპული ჯარისკაცების ოჯახის წევრები, გთხოვთ, ნუ აღმართავთ ხელს ახალგაზრდა თაობაზე მაკა ჩიკვილაძე მთავრობას: ჩვენ, ომში დაღუპული ჯარისკაცების ოჯახის წევრები, გთხოვთ, ნუ აღმართავთ ხელს ახალგაზრდა თაობაზე
-
გადახედვაშსს-ს განცხადება დემონსტრანტების წინააღმდეგ წყლის ჭავლისა და წიწაკის სპრეის გამოყენებასთან დაკავშირებით შსს-ს განცხადება დემონსტრანტების წინააღმდეგ წყლის ჭავლისა და წიწაკის სპრეის გამოყენებასთან დაკავშირებით
-
გადახედვააქციის მონაწილეთა ნაწილს "ქართული ოცნების" ოფისისკენ, ნაწილს კი — კანცელარიისკენ გადასვლისკენ მოუწოდეს აქციის მონაწილეთა ნაწილს "ქართული ოცნების" ოფისისკენ, ნაწილს კი — კანცელარიისკენ გადასვლისკენ მოუწოდეს
-
გადახედვამამუკა მდინარაძეს დღეს კენჭისყრაში მონაწილეობა არ მიუღია, მან სასწრაფო ოპერაცია გაიკეთა — რადიო თავისუფლება მამუკა მდინარაძეს დღეს კენჭისყრაში მონაწილეობა არ მიუღია, მან სასწრაფო ოპერაცია გაიკეთა — რადიო თავისუფლება
-
-
გადახედვა"დროა, ურთიერთობებმა ქუჩიდან მოლაპარაკების მაგიდასთან უნდა გადაინაცვლოს" — საპატრიარქოს განცხადება "დროა, ურთიერთობებმა ქუჩიდან მოლაპარაკების მაგიდასთან უნდა გადაინაცვლოს" — საპატრიარქოს განცხადება
-
გადახედვაშსს განცხადებას ავრცელებს — რუსული კანონის მხარდამჭერი დეპუტატები შენობიდან სამართალდამცველების დახმარებით გაიყვანეს შსს განცხადებას ავრცელებს — რუსული კანონის მხარდამჭერი დეპუტატები შენობიდან სამართალდამცველების დახმარებით გაიყვანეს
-
გადახედვასია: ოცნების 83 დეპუტატი, რომლებიც რუსულ კანონს კენჭისყრაზე მხარს უჭერენ სია: ოცნების 83 დეპუტატი, რომლებიც რუსულ კანონს კენჭისყრაზე მხარს უჭერენ
-
გადახედვადეპუტატები მალე პარლამენტს დატოვებენ, აქციის მონაწილეები პარლამენტის გვერდითა ქუჩებზე ინაცვლებენ დეპუტატები მალე პარლამენტს დატოვებენ, აქციის მონაწილეები პარლამენტის გვერდითა ქუჩებზე ინაცვლებენ
-
გადახედვაპარლამენტმა რუსული კანონი მეორე მოსმენით მიიღო პარლამენტმა რუსული კანონი მეორე მოსმენით მიიღო
-
გადახედვარა არის წიწაკის სპრეი და როგორ მოვიქცეთ, თუ შეგვასხამენ რა არის წიწაკის სპრეი და როგორ მოვიქცეთ, თუ შეგვასხამენ
კომენტარები