ნიუ-იორკში პირველად გაიხსნა LGBTQ უფლებადამცველის სახელობის პარკი
ნიუ-იორკის გუბერნატორის, ენდრიუ ქუომოს, გადაწყვეტილებით, ისტ რივერის პარკი მარშა პ. ჯონსონის სახელობის იქნება. აშშ-ის ისტორიაში ეს პირველი შემთხვევაა, როცა სახელმწიფო პარკს ლგბტქ აქტივისტის და უფლებადამცველის სახელი ენიჭება.
24 აგვისტოს გავრცელებულ განცხადებაში ქუომომ აღნიშნა, თუ რა გაკეთდებოდა ტრანსგენდერი სამოქალაქო აქტივისტის 75-ე დაბადების დღის აღსანიშნავად.
"ამაყად გაცნობებთ, რომ ბრუკლინში მდებარე ისტ რივერის სახელმწიფო პარკს მარშა პ. ჯონსონის სახელი მიენიჭება. ამდენად იგი პირველი სახელმწიფო პარკი ხდება, რომელიც ლგბტქ პიროვნებას ეძღვნება", — წერს ქუომო ტვიტერზე, — "ნიუ-იორკი მოვალეა, დააფასოს მისი შეუპოვარი მხარდაჭერა და მუხლჩაუხრელი ბრძოლა ლგტბქ თანასწორობისათვის".
განცხადებაში ნათქვამია, რომ პარკში იგეგმება ინფრასტრუქტურის განახლება და ნახატის განთავსება, რითაც ხალხი ჯონსონის ცხოვრებასა და ლგბტქ უფლებებისთვის ბრძოლაში მის როლზე შეიტყობს. ისტ რივერის პარკის ისტორიაში ეს ყველაზე დიდი განახლებაა.
ჯონსონი ერთ-ერთი პირველი აქტივისტი იყო, რომელმაც განსხვავებული კანის ფერის მქონე ტრანსგენდერი ქალების უფლებებისთვის ღიად დაიწყო ბრძოლა. მას დიდი წვლილი მიუძღვის 1969 წლის ეგრეთ წოდებული სტოუნუოლის ამბოხის მოწყობაში.
1969 წლის 28 ივნისს, მანჰეტენის გრინვიჩ ვილეიჯის უბნის ერთ-ერთ გეი ბარში, სტოუნუოლ ინში, ნიუ-იორკის საქალაქო პოლიციის ოფიცრები შეიჭრნენ დისკრიმინაციული კანონის დარღვევის აღსაკვეთად, რომელიც გეი ადამიანებს ალკოჰოლის მიღებას უკრძალავდა. ჯონსონმა და მისმა თანამოაზრეებმა ამ უსამართლობის წინააღმდეგ გაილაშქრეს, რამაც მოგვიანებით თანამედროვე ლგბტქ აქტივიზმს ჩაუყარა საფუძველი.
შარშან ნიუ-იორკის პოლიციის განყოფილების კომისარმა, ჯეიმს ო'ნილმა, ადგილობრივი პოლიტიკოსების და ლიდერების მოწოდებების შემდეგ სტოუნუოლის რეიდის გამო მოიბოდიშა.
"სტოუნუოლში მომხდარის ექსპერტად არ გამოვდგები, თუმცა ვიცი, რომ რაც მოხდა, არ უნდა მომხდარიყო", — განაცხადა ო'ნილმა გასული წლის ივნისში, — "მარტივად რომ ვთქვათ, ნიუ-იორკის პოლიციის მიღებული ზომები არასწორი იყო".
ჯონსონმა აგრეთვე დააფუძნა ქუჩის ტრანსგენდერული მოძრაობის რევოლუციონერები (STAR) — ჯგუფი, რომელიც მიზნად ისახავდა უსახლკარო ტრანსგენდერი ახალგაზრდების დახმარებას. ამ მოძრაობას სათავეში იგი 1992 წლამდე უდგა, სანამ იგი ტრაგიკულად დაიღუპებოდა 46 წლის ასაკში. მისი სხეული პოლიციამ ჰუდსონის მდინარეში იპოვა, რის გამოც, თავდაპირველად, თვითმკვლელობის ვერსია განიხილებოდა, თუმცა 2012 წელს პოლიციამ გამოძიება განაახლა, რადგან მისი ოჯახი ირწმუნებოდა, რომ მარშა მოკლეს.
ქუომოს განცხადებით, მათ სურთ, ჯონსონის სახელის უკვდავსაყოფად მისი მოღვაწეობა დააფასონ.
"ძალიან ხშირად ადამიანები, რომლებიც მოწყვლად ჯგუფებს წარმოადგენენ და საზოგადოებას პროგრესისკენ უბიძგებენ, როგორც ნიუ-იორკში, ასევე მთელ ქვეყანაში, შეუმჩნევლები რჩებიან", — ნათქვამია ქუომოს განცხადებაში, — "მარშა პ. ჯონსონი ლგბტქ მოძრაობის ერთ-ერთი პირველი ლიდერი იყო და მხოლოდ ახლაღა აფასებენ ისე, როგორც იგი იმსახურებს. სახელმწიფო პარკისთვის მისი სახელის წოდებით და ნახატით, რომელიც მის ისტორიას მოჰყვება, ჩვენ უზრუნველვყოფთ, რომ საზოგადოებაში ყოველთვის იყო მისი და მისი ნამოღვაწარის ხსოვნა".
ნიუ-იორკის ვიცე-გუბერნატორის, კეთი ჰოქულის თქმით, ამჟამინდელი სიტუაცია შესაფერისია ჯონსონის დასაფასებლად, რომელსაც იგი "ლგბტქ გმირს" უწოდებს.
"ახლა, როცა მსოფლიოში პანდემიაა, აშშ-ში კი 'შავკანიანთა სიცოცხლე მნიშვნელოვანია' მოძრაობა განახლდა, განსაკუთრებით მნიშვნელოვანია, ჩვენს საზოგადოებაში ლგბტქ და რასობრივი თანასწორობისთვის ვიბრძოლოთ", — ამბობს ჰოქული, — "ჩვენ გრძელი გზა გამოვიარეთ აქამდე — მივიღეთ GENDA (გენდერის გამოხატულების არადისკრიმინაციული აქტი) და გესტაციური სუროგაციის კანონი, თუმცა გასაკეთებელი ჯერ კიდევ ბევრია, რათა აღმოვფხვრათ საზოგადოებაში არსებული დანაწევრება და სიძულვილი, რის შემდეგაც ჭეშმარიტ თანასწორობას მივაღწევთ".
გადაწყვეტილების მიღების პარალელურად, აშშ-ში კვლავ მიმდინარეობს საპროტესტო აქციები, მოთხოვნა კი კვლავ უცვლელია — სხვადასხვა ინსტიტუტებში არსებული დისკრიმინაციის, რასიზმის და სისტემური ჩაგვრის აღმოფხვრა.
-
გადახედვაო'ბრაიენი: თუ საქართველოს ხელისუფლება ე.წ. რუსულ კანონს მიიღებს, ვითარება ჩვენთვის ნათელი გახდება [ინტერვიუ] ო'ბრაიენი: თუ საქართველოს ხელისუფლება ე.წ. რუსულ კანონს მიიღებს, ვითარება ჩვენთვის ნათელი გახდება [ინტერვიუ]
-
გადახედვამიუხედავად დაპირისპირებისა და რთული ვითარებისა, უნდა გვაერთიანებდეს სამშობლოს სიყვარული და შეგვეძლოს მშვიდობიანი თანაცხოვრება — ეპისტოლედან მიუხედავად დაპირისპირებისა და რთული ვითარებისა, უნდა გვაერთიანებდეს სამშობლოს სიყვარული და შეგვეძლოს მშვიდობიანი თანაცხოვრება — ეპისტოლედან
-
გადახედვარუსეთმა ვოლოდიმირ ზელენსკი ძებნილად გამოაცხადა რუსეთმა ვოლოდიმირ ზელენსკი ძებნილად გამოაცხადა
-
გადახედვასალომე ზურაბიშვილი ელჩებს: დაძაბულ ვითარებაში ვართ... ჩემი თხოვნაა, განხორციელდეს მაღალი დონის ვიზიტები მაისის ბოლომდე სალომე ზურაბიშვილი ელჩებს: დაძაბულ ვითარებაში ვართ... ჩემი თხოვნაა, განხორციელდეს მაღალი დონის ვიზიტები მაისის ბოლომდე
-
გადახედვააზერბაიჯანში დაკავებულ მედია ადვოკატს და ტელეკომპანიის დამფუძნებელს, არ აძლევენ საშუალებას, სასწრაფო ბიოფსია ჩაიტაროს აზერბაიჯანში დაკავებულ მედია ადვოკატს და ტელეკომპანიის დამფუძნებელს, არ აძლევენ საშუალებას, სასწრაფო ბიოფსია ჩაიტაროს
-
გადახედვადერეკ შოლე: მრავალწლიანი პარტნიორობის შემდეგ, ვწუხვართ, რომ საქართველოს ევროატლანტიკური მისწრაფებები სასწორზე დევს დერეკ შოლე: მრავალწლიანი პარტნიორობის შემდეგ, ვწუხვართ, რომ საქართველოს ევროატლანტიკური მისწრაფებები სასწორზე დევს
-
გადახედვააქცია ქართული ოცნების ოფისთან — სანაპირო გადაკეტილია აქცია ქართული ოცნების ოფისთან — სანაპირო გადაკეტილია
-
გადახედვაქართველი სტარტაპერები რუსული კანონის წინააღმდეგ ერთობლივ განცხადებას ავრცელებენ ქართველი სტარტაპერები რუსული კანონის წინააღმდეგ ერთობლივ განცხადებას ავრცელებენ
-
გადახედვასასტუმრო პარაგრაფთან აქციის მონაწილე დააკავეს სასტუმრო პარაგრაფთან აქციის მონაწილე დააკავეს
-
გადახედვაპრეზიდენტმა ე.წ ოფშორების კანონს ვეტო დაადო პრეზიდენტმა ე.წ ოფშორების კანონს ვეტო დაადო
-
გადახედვაკლუბი KHIDI: ვაუქმებთ 3 და 4 მაისის ივენთებს. არა რუსულ კანონს! შევხვდებით რუსთაველზე! კლუბი KHIDI: ვაუქმებთ 3 და 4 მაისის ივენთებს. არა რუსულ კანონს! შევხვდებით რუსთაველზე!
-
გადახედვაჟურნალისტური ეთიკის ქარტიის განცხადება კახა კალაძის მიერ, ჟურნალისტის შეურაცხყოფის ფაქტზე ჟურნალისტური ეთიკის ქარტიის განცხადება კახა კალაძის მიერ, ჟურნალისტის შეურაცხყოფის ფაქტზე
-
გადახედვადღეს, კობახიძემ, ამ ქვეყნის ისტორიაში უპრეცედენტო და უდიდესი თავდასხმა განახორციელა აშშ-ზე — გრიგოლ გეგელია დღეს, კობახიძემ, ამ ქვეყნის ისტორიაში უპრეცედენტო და უდიდესი თავდასხმა განახორციელა აშშ-ზე — გრიგოლ გეგელია
-
გადახედვარა უნდა ვიცოდეთ დღევანდელ პროტესტზე, რომელიც 18:30-ზე დაიწყება სასტუმრო პარაგრაფთან, თავისუფლების მოედანზე რა უნდა ვიცოდეთ დღევანდელ პროტესტზე, რომელიც 18:30-ზე დაიწყება სასტუმრო პარაგრაფთან, თავისუფლების მოედანზე
-
გადახედვაკობახიძე აშშ-ს "ორ რევოლუციურ მცდელობაში" ადანაშაულებს — რა გავიგეთ მისი და აშშ-ის სახელმწიფო მდივნის მრჩევლის პოსტებიდან X-ზე კობახიძე აშშ-ს "ორ რევოლუციურ მცდელობაში" ადანაშაულებს — რა გავიგეთ მისი და აშშ-ის სახელმწიფო მდივნის მრჩევლის პოსტებიდან X-ზე
-
გადახედვაკალაძე სპორტსმენებზე, რომელმაც ხელისუფლების ძალადობა დაგმეს: "მეც ვუერთდები "არა რუსულ კანონს", ამ სუფთა ქართულ კანონს კი აუცილებლად მივიღებთ" კალაძე სპორტსმენებზე, რომელმაც ხელისუფლების ძალადობა დაგმეს: "მეც ვუერთდები "არა რუსულ კანონს", ამ სუფთა ქართულ კანონს კი აუცილებლად მივიღებთ"
-
გადახედვაპოლიციის უმოქმედობა აქციის მონაწილეებზე ძალადობას ახალისებს — DRI პოლიციის უმოქმედობა აქციის მონაწილეებზე ძალადობას ახალისებს — DRI
-
გადახედვაპარლამენტში 3 და 4 მაისს უსაფრთხოების ყვითელი დონე იმოქმედებს — ვიზიტორებს ეზღუდებათ პარლამენტის სასახლეში შესვლა პარლამენტში 3 და 4 მაისს უსაფრთხოების ყვითელი დონე იმოქმედებს — ვიზიტორებს ეზღუდებათ პარლამენტის სასახლეში შესვლა
-
გადახედვა11 მაისს, ევროპის დღეს, რუსული კანონის საწინააღმდეგო მანიფესტაცია დაანონსდა 11 მაისს, ევროპის დღეს, რუსული კანონის საწინააღმდეგო მანიფესტაცია დაანონსდა
-
გადახედვაცირკთან აქციის მონაწილეებს, უცნობი პირები, ფიზიკურად გაუსწორდნენ ცირკთან აქციის მონაწილეებს, უცნობი პირები, ფიზიკურად გაუსწორდნენ
-
გადახედვასაფრანგეთში მცხოვრები ქართველი სტუდენტები რუსული კანონის გაწვევას მოითხოვენ და აქციის მონაწილეებზე ძალადობას გმობენ საფრანგეთში მცხოვრები ქართველი სტუდენტები რუსული კანონის გაწვევას მოითხოვენ და აქციის მონაწილეებზე ძალადობას გმობენ
კომენტარები