ჰალი ბერის დაჯერება უჭირს, რომ დღემდე ერთადერთი შავკანიანი მსახიობია, ვინც ქალის საუკეთესო როლისთვის ოსკარი მიიღო
ამერიკელ მსახიობ ჰალი ბერის გრძელი და წარმატებული კარიერა ჰქონდა და 2002 წელს ისტორიული გამარჯვებაც მოიპოვა: ფილმში Monster's Ball შესრულებული როლით ოსკარის ჯილდო მიიღო და ამით პირველი შავკანიანი ქალი გახდა, რომელსაც ოსკარი გადაეცა ქალის მთავარი როლის ნომინაციაში.
ამ ფაქტიდან 18 წელი გავიდა და როგორ ფიქრობთ, მას შემდეგ რამდენმა შავკანიანმა ქალმა მოახერხა იგივე?
ვერც ერთმა.
და ამ ფაქტით თავად ჰალი ბერიც გაოცებულია.
9 სექტემბერს Variety-ში გამოქვეყნებულ ინტერვიუში მსახიობმა აღნიშნა, რომ ოსკარზე გამარჯვება მისთვის "ერთ-ერთი ყველაზე დიდი იმედგაცრუება იყო", რადგან ამდენი წლის შემდეგაც კვლავ ერთადერთი შავკანიანი მსახიობია, რომელმაც ქალის მთავარი როლის ნომინაციაში გამარჯვება მოახერხა.
2002 წლიდან დღემდე რამდენიმე შავკანიანმა ქალმა მიიღო ოსკარი — ჯენიფერ ჰადსონმა, მონიქმა, ვაიოლა დევისმა, ოქტავია სპენსერმა, ლუპიტა ნიონგომ და სულ ბოლოს რეჯინა კინგმა, თუმცა მათ ჯილდო ქალის მეორეხარისხოვანი როლის კატეგორიაში გადაეცათ.
ჰალი ბერი ახალ ინტერვიუში თავისი გამარჯვების შემდგომ მოლოდინებს იხსენებს:
"მეორე დღეს გავიფიქრე: "რა მაგარია, მე ამირჩიეს, რომ კარი გამეღო და სხვებისთვის წარმატების გზა გამეხსნა". მაგრამ შემდეგ აღმოჩნდა, რომ ასე სულაც არ ყოფილა... საკუთარ თავს ვეკითხები: "ეს ზოგადად მნიშვნელოვანი მომენტი იყო თუ უბრალოდ მხოლოდ ჩემთვის ნიშნავდა რაღაცას?" მინდოდა მერწმუნა, რომ ეს მოვლენა უფრო დიდი რამის მომასწავებელი იყო, ვიდრე უბრალოდ ჩემი გამარჯვება".
2002 წლის შემდეგ ქალის მთავარი როლის ნომინაციაში სულ ხუთი შავკანიანი მსახიობი იყო წარდგენილი და ჰალი ბერი მიიჩნევს, რომ მათგან რუთ ნეგას შესრულება ფილმში Loving (2016) და სინტია ერივო ფილმით Harriet (2019) გამარჯვებას იმსახურებდა.
მან იმ დაბრკოლებებზეც ისაუბრა, რომელსაც ოსკარის მიღების შემდეგ კარგი როლების მიღებისას გადააწყდა:
"მხოლოდ იმის გამო, რომ ოსკარი მივიღე, არ ნიშნავს, რომ რაღაც ჯადოსნობით მეორე დღეს უკვე გარანტირებული ადგილი მქონდა კინოინდუსტრიაში. ვფიქრობდი: "შესანიშნავი სცენარები მოვა ჩემამდე და დიდებული რეჟისორები დამიკაკუნებენ კარზე". ასე სულაც არ მომხდარა. პირიქით — ყველაფერი უფრო გართულდა და ამას ხშირად ოსკარების წყევლას უწოდებენ".
ჰალი ბერიმ 2004 წელს გამოსულ ფილმზეც Catwoman ისაუბრა, რომელიც მის კარიერაში ერთ-ერთ ყველაზე წარუმატებელ პროექტად ითვლება.
"დიდებული შანსი იყო ფერადკანიანი ქალისთვის, რომ სუპერგმირი გამხდარიყო. რატომ არ უნდა მეცადა?", — ამბობს ოსკაროსანი მსახიობი ინტერვიუში.
Catwoman-მა როგორც ჟანრის მოყვარულებისგან, ისე კრიტიკოსებისგან ძირითადად უარყოფითი შეფასებები დაიმსახურა. როგორც ბერი აღნიშნავს, ის აცნობიერებდა იმას, რომ სცენარს ბევრი ხარვეზი ჰქონდა და გადამღებ გუნდს ცვლილებებს სთხოვდა:
"რატომ არ შეიძლება ქეთვუნმაც ისევე შეძლოს სამყაროს გადარჩენა, როგორც ამას ბეტმენი და სუპერმენი ახერხებენ? რატომ უნდა დაეცვა მას უბრალოდ ქალები ცუდი სახის კრემისგან?"
სულ მალე მაყურებელი მის ახალ ფილმს Bruised იხილავს, რომელშიც ჰალი ბერიმ მთავარ როლთან ერთად რეჟისორის ამპლუაც მოირგო, რითიც, როგორც თავად აღნიშნავს, "საკუთარი ხმა დაიბრუნა" და სცადა, ყველაფერი ისე გაეკეთებინა, როგორც თავად მიაჩნდა სწორად.
ბევრისთვის კარგად ცნობილია, რომ ოსკარების დაჯილდოებას ხშირად აკრიტიკებენ საზოგადოების სხვადასხვა ჯგუფების არასათანადო რეპრეზენტაციის გამო: კრიტიკოსების აზრით, ძირითადად მხოლოდ თეთრკანიანი ჰეტეროსექსუალი კაცების შემოქმედებას ექცევა ყურადღება.
სწორედ ამის "გამოსასწორებლად" ამერიკის კინოაკადემიამ ცოტა ხნის წინ ახალი გადაწყვეტილება მიიღო, რომლის მიხედვითაც საუკეთესო ფილმის ნომინაციაში მხოლოდ იმ კინოსურათებს განიხილავენ, რომელთა სამსახიობო გუნდში, გადამღებ ჯგუფში, სპეციალურ სასწავლო ტრენინგებში ან მარკეტინგულ კამპანიაში ჩართულები იყვნენ საზოგადოების იმ ჯგუფების წარმომადგენლები, რომლებიც მეინსტრიმულ კულტურაში არასათანადოდ არიან წარმოჩენილნი — ქალები, LGBTQ+ თემის წევრები, რასობრივი თუ ეთნიკური უმცირესობები და შეზღუდული შესაძლებლობის მქონე პირები.
-
გადახედვააქცია ქართული ოცნების ოფისთან — სანაპირო გადაკეტილია აქცია ქართული ოცნების ოფისთან — სანაპირო გადაკეტილია
-
გადახედვაქართველი სტარტაპერები რუსული კანონის წინააღმდეგ ერთობლივ განცხადებას ავრცელებენ ქართველი სტარტაპერები რუსული კანონის წინააღმდეგ ერთობლივ განცხადებას ავრცელებენ
-
გადახედვასასტუმრო პარაგრაფთან აქციის მონაწილე დააკავეს სასტუმრო პარაგრაფთან აქციის მონაწილე დააკავეს
-
გადახედვაპრეზიდენტმა ე.წ ოფშორების კანონს ვეტო დაადო პრეზიდენტმა ე.წ ოფშორების კანონს ვეტო დაადო
-
გადახედვაკლუბი KHIDI: ვაუქმებთ 3 და 4 მაისის ივენთებს. არა რუსულ კანონს! შევხვდებით რუსთაველზე! კლუბი KHIDI: ვაუქმებთ 3 და 4 მაისის ივენთებს. არა რუსულ კანონს! შევხვდებით რუსთაველზე!
-
გადახედვასაქართველოს რეიტინგი, პრესის თავისუფლების მსოფლიო ინდექსში, 26 ადგილით დაეცა საქართველოს რეიტინგი, პრესის თავისუფლების მსოფლიო ინდექსში, 26 ადგილით დაეცა
-
გადახედვაჟურნალისტური ეთიკის ქარტიის განცხადება კახა კალაძის მიერ, ჟურნალისტის შეურაცხყოფის ფაქტზე ჟურნალისტური ეთიკის ქარტიის განცხადება კახა კალაძის მიერ, ჟურნალისტის შეურაცხყოფის ფაქტზე
-
გადახედვარა უნდა ვიცოდეთ დღევანდელ პროტესტზე, რომელიც 18:30-ზე დაიწყება სასტუმრო პარაგრაფთან, თავისუფლების მოედანზე რა უნდა ვიცოდეთ დღევანდელ პროტესტზე, რომელიც 18:30-ზე დაიწყება სასტუმრო პარაგრაფთან, თავისუფლების მოედანზე
-
გადახედვაკობახიძე აშშ-ს "ორ რევოლუციურ მცდელობაში" ადანაშაულებს — რა გავიგეთ მისი და აშშ-ის სახელმწიფო მდივნის მრჩევლის პოსტებიდან X-ზე კობახიძე აშშ-ს "ორ რევოლუციურ მცდელობაში" ადანაშაულებს — რა გავიგეთ მისი და აშშ-ის სახელმწიფო მდივნის მრჩევლის პოსტებიდან X-ზე
-
გადახედვაკალაძე სპორტსმენებზე, რომელმაც ხელისუფლების ძალადობა დაგმეს: "მეც ვუერთდები "არა რუსულ კანონს", ამ სუფთა ქართულ კანონს კი აუცილებლად მივიღებთ" კალაძე სპორტსმენებზე, რომელმაც ხელისუფლების ძალადობა დაგმეს: "მეც ვუერთდები "არა რუსულ კანონს", ამ სუფთა ქართულ კანონს კი აუცილებლად მივიღებთ"
-
გადახედვამინდა, მივმართო ჩვენი ქვეყნის აკრედიტებულ ელჩებს მეგობარ ქვეყნებში... საკითხი ეხება ჩვენი ქვეყნის მომავალს! — მამუკა ხაზარაძე მინდა, მივმართო ჩვენი ქვეყნის აკრედიტებულ ელჩებს მეგობარ ქვეყნებში... საკითხი ეხება ჩვენი ქვეყნის მომავალს! — მამუკა ხაზარაძე
-
გადახედვაპოლიციის უმოქმედობა აქციის მონაწილეებზე ძალადობას ახალისებს — DRI პოლიციის უმოქმედობა აქციის მონაწილეებზე ძალადობას ახალისებს — DRI
-
გადახედვაპარლამენტში 3 და 4 მაისს უსაფრთხოების ყვითელი დონე იმოქმედებს — ვიზიტორებს ეზღუდებათ პარლამენტის სასახლეში შესვლა პარლამენტში 3 და 4 მაისს უსაფრთხოების ყვითელი დონე იმოქმედებს — ვიზიტორებს ეზღუდებათ პარლამენტის სასახლეში შესვლა
-
გადახედვა11 მაისს, ევროპის დღეს, რუსული კანონის საწინააღმდეგო მანიფესტაცია დაანონსდა 11 მაისს, ევროპის დღეს, რუსული კანონის საწინააღმდეგო მანიფესტაცია დაანონსდა
-
გადახედვაცირკთან აქციის მონაწილეებს, უცნობი პირები, ფიზიკურად გაუსწორდნენ ცირკთან აქციის მონაწილეებს, უცნობი პირები, ფიზიკურად გაუსწორდნენ
-
გადახედვასაფრანგეთში მცხოვრები ქართველი სტუდენტები რუსული კანონის გაწვევას მოითხოვენ და აქციის მონაწილეებზე ძალადობას გმობენ საფრანგეთში მცხოვრები ქართველი სტუდენტები რუსული კანონის გაწვევას მოითხოვენ და აქციის მონაწილეებზე ძალადობას გმობენ
-
გადახედვაგზის გადაკეტვა შეკრების თავისუფლების ფორმაა — საია გზის გადაკეტვა შეკრების თავისუფლების ფორმაა — საია
-
გადახედვაკობახიძე აშშ-ში მიიწვიეს დათქმით, რომ ვიზიტამდე უნდა შეჩერებულიყო კანონპროექტის განხილვა — საგარეო აშშ-ის ელჩის განცხადებაზე კობახიძე აშშ-ში მიიწვიეს დათქმით, რომ ვიზიტამდე უნდა შეჩერებულიყო კანონპროექტის განხილვა — საგარეო აშშ-ის ელჩის განცხადებაზე
-
გადახედვაპოლიციამ გმირთა მოედანზე, რამდენიმე წუთის წინ, სამი ადამიანი დააკავა პოლიციამ გმირთა მოედანზე, რამდენიმე წუთის წინ, სამი ადამიანი დააკავა
-
გადახედვაჩაკვეტაძე: არაფერი არ დგას ჩვენს ხალხზე მაღლა, გაიწვიეთ ეს კანონი ჩაკვეტაძე: არაფერი არ დგას ჩვენს ხალხზე მაღლა, გაიწვიეთ ეს კანონი
-
გადახედვაპოლიცია ცდილობს, გმირთა მოედანზე მოძრაობა გახსნას — სამართალდამცველები აქციის მონაწილეების მიმართ ძალას იყენებენ პოლიცია ცდილობს, გმირთა მოედანზე მოძრაობა გახსნას — სამართალდამცველები აქციის მონაწილეების მიმართ ძალას იყენებენ
კომენტარები