ბრიტანეთის საელჩო თბილისში აკვირდება კავკასუს ონლაინის საქმეს — ვენდი მორტონი
ბრიტანეთის პარლამენტის ოფიციალურ გვერდზე, საქართველოსთან დაკავშირებით გამართულ დებატებში, პარლამენტარმა კეტრინ უესტმა მის კოლეგას და სახელმწიფო მინისტრს, ვენდი მორტონს საქართველოს მთავრობის მიერ მიღებულ გადაწყვეტილებაზე დაუსვა კითხვა, რომელიც სატელეკომუნიკაციო კომპანია კავკასუს ონლაინის ახალ ინვესტორებს ეხებოდა.
შეგახსენებთ, რომ რამდენიმე დღის წინ გაერთიანებული სამეფოს საექსპორტო დეპარტამენტმა საქართველოს საექსპორტო დაფინანსება 3 მილიარდი ფუნტი სტერლინგით გაუზარდა. გამართული დებატი სწორედ ბრიტანეთის მხრიდან საქართველოსთვის გაწეულ დახმარებებს ეხებოდა.
დებატების ერთ-ერთმა მონაწილემ, ევროპული სამეზობლოსა და ამერიკის საკითხებში დიდი ბრიტანეთის სახელმწიფო მინისტრმა, ვენდი მორტონმა ტვიტერის ოფიციალურ გვერდზე დაწერა: "დამატებითი დახმარება ქართულ კომპანიებს ახალი პროექტების განხორციელებაში დაეხმარება და მათ ახალ სავაჭრო შესაძლებლობებს შეუქმნის".
ვენდი მორტონმა კიდევ ერთ დახმარებაზე, საქართველოსთვის 2 მილიონი ფუნტი სტერლინგის გამოყოფის შესახებ დაწერა ტვიტერზე. დიდი ბრიტანეთის ევროპული სამეზობლოს და ამერიკის საკითხებში სახელმწიფო მინისტრის განცხადებით, გამოყოფილი თანხა რუსეთის მხრიდან წლების განმავლობაში მომდინარე კონფლიქტის დასრულებას მოხმარდება: "ჩვენ მხარს ვუჭერთ საქართველოს ტერიტორიულ მთლიანობას. რუსეთის მიერ საქართველოს ტერიტორიების მიმდინარე ოკუპაცია მიუღებელია".
ბრიტანეთის პარლამენტის ოფიციალურ გვერდზე პარლამენტარმა კეტრინ უესტმა (ბრიტანეთის პარლამენტის წევრი ლეიბორისტული პარტიიდან) კითხვა დაუსვა ვენდი მორტონს (ბრიტანეთის პარლამენტის წევრი კონსერვატორებისგან): ლეიბორისტი პარლამენტარი დაინტერესდა, იცოდა თუ არა სახელმწიფო მინისტრმა საქართველოს ხელისუფლების გადაწყვეტილების შესახებ სატელეკომუნიკაციო კომპანია კავკასუს ონლაინის ინვესტორების მიმართ და იქონიებდა თუ არა გავლენას მსგავსი პრეცედენტები ბრიტანეთის მთავრობის გადაწყვეტილებებზე საქართველოსთვის დახმარებების გამოყოფის დროს.
"რა ნაბიჯების გადადგმას აპირებთ იმის უზრუნველსაყოფად, რომ ფონდის თანხები, რომელსაც ბრიტანეთი განკარგავს, საქართველოში კონცენტრირებული იყოს (ა) კორუფციასთან ბრძოლაზე; (ბ) საქმიანი გარემოს გაუმჯობესებაზე; და ფლობთ თუ არა ინფორმაციას, საქართველოს მთავრობის მიერ ბოლო დროს უცხოელი ინვესტორების მიმართ მიღებულ გადაწყვეტილებებზე, ფოთის პორტის პროექტსა და კავკასუს ონლაინის გასხვისებასთან დაკავშირებით", — იკითხა კეტრინ უესტმა.
ამ კითხვას ვენდი მორტონმა შემდეგნაირი პასუხი გასცა: "ბრიტანეთის მმართველობის ქვეშ არსებული ფონდი (GGF) საქართველოში ორიენტირებულია სახელმწიფოს მართვის სისტემების რეფორმირებასა და საპარლამენტო საქმიანობის გაუმჯობესებაზე. ჩვენი მიზანია ინსტიტუციონალური ხარვეზების გამოსწორება და კორუფციასთან ბრძოლა. ფონდი მხარს უჭერს სახელმწიფოსა და ინვესტორებს შორის დიალოგს, საქმიანი გარემოს გასაუმჯობესებლად.
"GGF-ის პროგრამის გუნდი თბილისშიც და ლონდონშიც ხელმძღვანელობენ ტენდერებისა და მონიტორინგის ძალიან სანდო მეთოდებით, რათა უზრუნველყონ ფონდის მიერ დაფინანსებული პროგრამების შესაბამისობა GGF-ის პრიორიტეტებთან.
"ბრიტანეთის საელჩო თბილისში კარგად იცნობს ანაკლიის პორტის და კავკასუს ონლაინის საქმეებს და მომავალშიც დააკვირდება მოვლენების განვითარებას".
როგორც კავკასუს ონლაინში აღნიშნავენ, NEQSOL ჰოლდინგმა 2019 წელს კომპანია 49%-იანი წილი შეისყიდა და მასში $61 მილიონი გადაიხადა. მათივე თქმით, სწორედ ამ გარიგებას მოჰყვა "საქართველოს კომუნიკაციების კომისიის და მთავრობის მკვეთრი რეაქცია".
"კომისია მიუთითებდა, რომ გარიგება მათთან არ იყო წინასწარ შეთანხმებული, რასაც კავკასუსისთვის მკაცრი სანქცია უნდა მოჰყოლოდა. კომისიამ კომპანიისგან გარიგების გაბათილება და სტატუს ქვოს აღდგენა მოითხოვა.კავკასუს ონლაინმა მოთხოვნის შესრულება შეუძლებლად მიიჩნია და ეს გადაწყვეტილება უკვე გაასაჩივრა. მარეგულირებელმა ორგანომ ის რამდენჯერმე, მათ შორის უკვე 3-ჯერ მაქსიმალური სანქციით, 270 000 ლარით დააჯარიმა", — აღნიშნავენ კომპანიაში.
კავკასუს ონლაინის წარმომადგენელთა თქმით, კომუნიკაციების კომისიამ და მთავრობამ გადაწყვიტეს, პრობლემა საკანონმდებლო ცვლილებების გზით მოეგვარებინათ და პარლამენტს ცვლილებების პაკეტი შესთავაზეს: "კანონის ცვლილების რეალურ მიზეზად ბევრი ექსპერტი, პოლიტიკოსი და უცხოელი დიპლომატი სწორედ კავკასუს ონლაინსა და კომუნიკაციების კომისიას შორის წარმოქმნილ პრობლემას ასახელებს".
"ექსპერტები აცხადებენ, რომ კანონი ერთი კომპანიისთვის, კავკასუს ონლაინისთვის შეცვალეს, თუმცა ცვლილებების წინააღმდეგი იყო კომუნიკაციების სფეროში მომუშავე ყველა ქართველი თუ უცხოელი ბიზნესმენი. მიუხედავად ამისა, ხელისუფლებამ ცვლილებები გაიტანა და პარლამენტმა ცხარე დებატების და წინააღმდეგობის მიუხედავად, მაინც მიიღო", — აცხადებენ კომპანიაში, — "პარლამენტმა ელექტრონული კომუნიკაციების შესახებ კანონში ცვლილებები საზაფხულო სესიის მიწურულს, არდადეგებამდე ბოლო კვირაში, დაჩქარებული წესით მიიღო და ასევე დაჩქარებული წესით მოჰყვა ამ ყველაფერს უმკაცრესი შეფასებები საერთაშორისო დონეზე. მაღალი რანგის დიპლომატები პირდაპირ აცხადებენ, რომ ეს არის გაცხადებული ზეწოლა ბიზნესზე, რაც ქვეყნის დემოკრატიულ ღირებულებებს ზიანს აყენებს".
-
-
გადახედვასანქციები, სავიზო შეზღუდვების გაფართოება, პირდაპირი დაფინანსების შეწყვეტა — რა წერია ამერიკელი სენატორების წერილში, რომელიც კობახიძეს გაუგზავნეს სანქციები, სავიზო შეზღუდვების გაფართოება, პირდაპირი დაფინანსების შეწყვეტა — რა წერია ამერიკელი სენატორების წერილში, რომელიც კობახიძეს გაუგზავნეს
-
-
გადახედვამელანომის პირველ ინდივიდუალიზებულ ვაქცინას უკვე ასობით ადამიანზე ცდიან მელანომის პირველ ინდივიდუალიზებულ ვაქცინას უკვე ასობით ადამიანზე ცდიან
-
გადახედვაყველაზე დიდი ცხოველი, რომელსაც ხმელეთზე უარსებია — პატაგოტიტანი ყველაზე დიდი ცხოველი, რომელსაც ხმელეთზე უარსებია — პატაგოტიტანი
-
გადახედვაSETI-ს მეცნიერის თქმით, არამიწიერი სიცოცხლის აღმოჩენა გარდაუვალია და ამას ჯეიმს ვების ტელესკოპით შევძლებთ SETI-ს მეცნიერის თქმით, არამიწიერი სიცოცხლის აღმოჩენა გარდაუვალია და ამას ჯეიმს ვების ტელესკოპით შევძლებთ
-
გადახედვაამომავალი ვარსკვლავები — გიორგი გიგაშვილი პრესტიჟული ევროპული პროგრამის გამარჯვებულია ამომავალი ვარსკვლავები — გიორგი გიგაშვილი პრესტიჟული ევროპული პროგრამის გამარჯვებულია
-
გადახედვამეცნიერებმა ძველ გრაგნილში პლატონის საფლავის მდებარეობაზე მინიშნებას მიაგნეს მეცნიერებმა ძველ გრაგნილში პლატონის საფლავის მდებარეობაზე მინიშნებას მიაგნეს
-
-
-
გადახედვაილიაუნი მოსწავლეებისთვის ასტროფიზიკის პრაქტიკულ შეხვედრებს გამართავს — როგორ დავესწროთ ილიაუნი მოსწავლეებისთვის ასტროფიზიკის პრაქტიკულ შეხვედრებს გამართავს — როგორ დავესწროთ
-
-
გადახედვამკვლევრებმა 90 მილიონი წლის წინ მცხოვრები გიგანტური ფრინველის ნაკვალევი აღმოაჩინეს მკვლევრებმა 90 მილიონი წლის წინ მცხოვრები გიგანტური ფრინველის ნაკვალევი აღმოაჩინეს
-
გადახედვა29 აპრილს, პარლამენტი გენდერული კვოტირების გაუქმებაზე, პრეზიდენტის ვეტოს განიხილავს 29 აპრილს, პარლამენტი გენდერული კვოტირების გაუქმებაზე, პრეზიდენტის ვეტოს განიხილავს
-
გადახედვაკობახიძე: მიგრაციის ერთ-ერთი მიზეზი არის ის, რომ გახსნილია საზღვრები, ანუ ადვილია ქვეყნის დატოვება და ევროკავშირის ქვეყნებში გადასვლა კობახიძე: მიგრაციის ერთ-ერთი მიზეზი არის ის, რომ გახსნილია საზღვრები, ანუ ადვილია ქვეყნის დატოვება და ევროკავშირის ქვეყნებში გადასვლა
-
გადახედვა"ობობები" მარსზე — რატომ ჩნდება წითელ პლანეტაზე სეზონური მუქი ლაქები "ობობები" მარსზე — რატომ ჩნდება წითელ პლანეტაზე სეზონური მუქი ლაქები
-
გადახედვაკობახიძე აცხადებს, რომ ევროპარლამენტის რეზოლუციაში ვიზალიბერალიზაციაზე ჩანაწერს "ჩალის ფასი აქვს" კობახიძე აცხადებს, რომ ევროპარლამენტის რეზოლუციაში ვიზალიბერალიზაციაზე ჩანაწერს "ჩალის ფასი აქვს"
-
-
გადახედვაალტ-ინფო აცხადებს, რომ საჯარო რეესტრმა მათი ახალი პარტიის, "ქართული იდეის" გაუქმების პროცესი დაიწყო ალტ-ინფო აცხადებს, რომ საჯარო რეესტრმა მათი ახალი პარტიის, "ქართული იდეის" გაუქმების პროცესი დაიწყო
-
გადახედვაზენდეია სპაიდერმენის შეყვარებულებიდან მესამეა, რომელმაც ჩოგბურთელის როლი მოირგო ზენდეია სპაიდერმენის შეყვარებულებიდან მესამეა, რომელმაც ჩოგბურთელის როლი მოირგო
-
გადახედვა18-წლიანი პატიმრობა მიესაჯა პირს, რომელმაც ყოფილი ცოლი დაჭრა, მისი ქმარი კი მოკლა 18-წლიანი პატიმრობა მიესაჯა პირს, რომელმაც ყოფილი ცოლი დაჭრა, მისი ქმარი კი მოკლა
კომენტარები