ლელოს 28 მაჟორიტარობის კანდიდატიდან 14 სამეწარმეო საქმიანობაშია ჩართული — TI
საერთაშორისო გამჭვირვალობა — საქართველოს ინფორმაციით, ლელოს მიერ წარდგენილი 28 მაჟორიტარობის კანდიდატიდან 14 სამეწარმეო საქმიანობაშია ჩართული. აღნიშნული 14 კანდიდატი 73 კომპანიასთან არის დაკავშირებული.
ორგანიზაციამ კანდიდატების სამეწარმეო საქმიანობა და შემოწირულობები 2012 წლიდან 2020 წლის 13 ოქტომბრამდე შეისწავლა. დოკუმენტში აღნიშნულია, რომ ისინი მოკლებული არიან შესაძლებლობას, შეამოწმონ, არის თუ არა კვლევაში ნახსენები კომპანიები აქტიური, რადგან ამ მიზნისთვის საჭირო ინფორმაცია საგადასახადო საიდუმლოებაა.
ანგარიშის მიხედვით, 6-მა კანდიდატმა, მათმა ოჯახის წევრებმა და ბიზნეს პარტნიორებმა 2019-2020 წლებში საზოგადოებრივ მოძრაობა ლელოს და პარტიას ლელო საქართველოსთვის ჯამში 419 950 ლარი შესწირეს. ყველაზე მსხვილი პირადი შემოწირულობა გაიღო საბა ბუაძემ — 60 000 ლარი. პირადი შემოწირულობა არ გაუღია ბადრი ჯაფარიძეს, თუმცა მისმა ბიზნესპარტნიორებმა ლელოს 311 000 ლარი შესწირეს. დანარჩენ შემომწირველებს რაც შეეხება, ესენი არიან: ლანა გალდავა, ფიქრია ჩიხრაძე, ვახტანგ ვახტანგაშვილი და გიგლა მიქაუტაძე.
TI-ის ინფორმაციით, 7 კანდიდათან ამჟამად დაკავშირებულმა კომპანიებმა სახელმწიფო შესყიდვების გზით 1 156 881 ლარის საბიუჯეტო თანხები და 3 033 996 ლარის საერთაშორისო დონორის მიერ საქართველოსთვის გამოყოფილი თანხები მიიღეს. ეს კანდიდატები არიან: ლევან კობერიძე, ბადრი ჯაფარიძე, სოსო ლიპარტელიანი, ირაკლი ტალახაძე, თორნიკე ართქმელაძე, კახა კოჟორიძე და ანა ბიბილაშვილი.
ორგანიზაციის ცნობით, 1 კანდიდატის შემთხვევაშისაჯარო დაწესებულებაში ინტერესთა შეუთავსებლობისა და კორუფციის შესახებ კანონის მოთხოვნები დაირღვა. ლევან კობერიძემ საქართველოს პარლამენტის წევრის სტატუსით შევსებულ ბოლო ქონებრივ დეკლარაციაში მისი ბიზნესკავშირები სრულად არ ასახა.
ანგარიშის მიხედვით, 10 კანდიდატი სამეწარმეო საქმიანობას არ ეწევა და პოლიტიკური შემოწირულობა არ განუხორციელებია, ესენი არიან: ჯამბულ ხოზრევანიძე, გიორგი ჭელიძე, თამარ ბელქანია, გიორგი ბარამია, ეკა ქვლივიძე, მურად მურადოვი, გრიგოლ გეგელია, ანა ნაცვლიშვილი, ნიკა ჩერქეზიშვილი და ანი მიროტაძე.
ცალკეული კანდიდატების სამეწრამეო საქმიანობა
რაც შეეხება ცალკეულ კანდიდატებს, ანგარიშში ვკითხულობთ, რომ ბადრი ჯაფარიძე, საბურთალოს მაჟრიტარობის კანდიდატი სამეწარმეო საქმიანაობაში აქტიურად არის ჩართული. ის დაკავშირებული არის 36 კომპანიასთან, რომლებმაც 2015-2020 წლებში სახელმწიფო შესყიდვებიდან 186 314 ლარი საბიუჯეტო თანხები მიიღეს და 3 033 996 ლარი საერთაშორისო დონორების მიერ საქართველოსთვის გამოყოფილი დაფინანსება.
ორგანიზაციის ცნობით, შპს გეოპლანტმა, რომლის 26% წილი მფლობელი ბადრი ჯაფარიძეა, 2016-2020 წლებში 58 576 ლარის ღირებულების 5 ტენდერში და 1 კონსოლიდირებულ ტენდერში გაიმარჯვა. გარდა ამისა, 2012-2019 წლებში კომპანიამ 56 705 ლარის ღირებულების 18 პირდაპირი კონტრაქტი მიიღო.
შპს ახალმა სამშენებლო კომპანიამ, რომლის 26,9% წილის მფლობელია ჯაფარიძე, 2019 წელს 3 033 996 ლარის ღირებულების ტენდერი მოიგო.
შპს როიალ ხვანჭკარამ, რომლის 48,6% წილის მფლობელია ჯაფარიძე, 2015-2019 წლებში 13 460 ლარის ღირებულების 8 მცირე პირდაპირი კონტრაქტი მიიღო.
შპს ეიჩ-არ-სი თბილისმა, რომლის 13,6% წილის მფლობელია ჯაფარიძე, 2017-2018 წლებში 14 208 ლარის საერთო ღირებულების 4 პირდაპირი კონტრაქტი მიიღო.
შპს ვაზისუბნის მამულმა, რომლის 50% წილის მფლობელია ჯაფარიძე, 2019 წელს 765 ლარის 1 პირდაპირი კონტრაქტი მიიღო.
TI-ს განცხადებით, ვაკის მაჟორიტარობის კანდიდატი, ლევან კობერიძე, ასევე, ჩართულია სამეწარმეო საქმიანობაში. კობერიძე და მისი მეუღლე, სოფიო მოსიძე დაკავშირებული არიან 5 კომპანიასთან.
ლევან კობერიძემ პარლამენტის წევრის სტატუსით ბოლო დეკლარაცია 2020 წლის იანვარში შეავსო, სადაც მან შშს ბისიბი არ ახსენა, რომლის 10%-საც შშს branding.ge ფლობს. branding.ge-ის 100%-იანი წილის მფლობელი სწორედ კობერიძეა.
ვაკის მაჟორიტარობის კანდიდატმა 2016 წელს ქართულ ოცნებას 55 000 ლარი შესწირა. 2012-2017 წლებში შპს branding.ge-მ სახელმწიფოსგან 30 503 ლარის ღირებულების 5 გამარტივებული შესყიდვა მიიღო.
პაატა ცივაძე, ქობულეთის მაჟორიტარობის კანდიდატი სამეწარმეო საქმიანობაში აქტიურად არის ჩართული და 7 კომპანიის წილებს ფლობს, ან იკავებს დირექტორის პოზიციას.
ცივაძე 2016 წლის საპარლამენტო არჩევნებზე ბათუმის #68 საარჩევნო ოლქში პატრიოტთა ალიანსის მაჟორიტარობის კანდიდატი იყო და პარტიას 1 500 ლარი შესწირა.
ირაკლი ტალახაძე, თელავის, ახმეტის, ყვარლისა და ლაგოდეხის მაჟორიტარობის კანდიდატი 3 კომპანიის წილებს ფლობს და ამ კომპანიებში დირექტორის პოზიციას იკავებს.
სოსო ლიპარტელიანი, ამბროლაურის, ონის, ცაგერის, ლენტეხისა და მესტიის მაჟორიტარობის კანდიდატი 5 კომპანიის წილის მფლობელი ან დირექტორია.
ლიპარტელიანი თავად არ არის პოლიტიკური შემომწირველი, თუმცა მისი ბიზნესპარტნიორი შპს აი ჯი სის 50%-ის მფლობელმა ვლადიმერ ბაკურაძემ 2012 წელს ერთიან ნაციონალურ მოძრაობას 50 000 ლარი შესწირა.
თორნიკე ართქმელაძე, სამტრედიის, წყალტუბოს, ვანისა და ხონის მაჟორიტარობის კანდიდატი, სამეწარმეო საქმიანობაში ჩართულია და წილებს 4 კომპანიაში ფლობს.
ლევან სამუში, დიდუბე-ჩუღურეთის მაჟორიტარობის კანდიდატი სამეწარმეო საქმიანობაში ჩართულია და 3 კომპანიასთან არის დაკავშირებული.
გიგლა მიქაუტაძე, გლდანის მაჟორიტარობის კანდიდატი სამეწარმეო საქმიანობაში ჩართულია და 2 კომპანიასთან არის დაკავშირებული. ის საქართველოს სოფლის მეურნეობის სამინისტროს სოფლის მეურნეობის განვითარების დეპარტამენტის უფროსის მოადგილე იყო.
მიქაუტაძემ 2020 წელს ლელოს 1 450 ლარი შესწირა.
საბა ბუაძე, მთაწმინდა-კრწანისის მაჟორიტარობის კანდიდატი სამეწარმეო საქმიანობაში ჩართული არ არის. მან 2019 წელს საზოგადოებრივ მოძრაობა ლელოს 30 000 ლარი შესწირა, 2020 წელს კი პარტიას ლელო საქართველოსთვის — 30 000 ლარი.
ლანა გალდავა, ისნის მაჟორიტარობის კანდიდატი სამეწარმეო საქმიანობაში ჩართული არ არის. მან ლელოს 2020 წელს 15 000 ლარი შესწირა.
ფიქრია ჩიხრაძე, სამგორის მაჟორიტარობის კანდიდატი სამეწარმეო საქმიანობაში ჩართული არ არის. 2020 წელს მან ლელოს 10 000 ლარი შესწირა, 2012 წელს ახალ მემარჯვენეებს კი 6 000 ლარი.
ჩიხრაძე 1995-2008 წლებში პარლამენტის წევრი იყო.
ირაკლი კუპრაძე, ბათუმის მაჟორიტარობის კანდიდატი ინდივიდუალური მეწარმეა.
კახა კოჟორიძე, ხაშურისა და ქარელის მაჟორიტარობის კანდიდატი შპს კოჟორიძე იურიდიული და ბიზნეს კონსალტინგის 50%-ის მფლობელია.
კოჟორიძე 2015-2018 წლებში პრეზიდენტის მრჩეველი იყო.
პაპუნა კობერიძე, გორისა და კასპის მაჟორიტარობის კანდიდატი სამეწარმეო საქმიანობაში ჩართულია. ის კომპანიის შპს პაგი + 50%-ს ფლობს, შპს დარიალის კი 34%-ს.
კობერიძე 2015 წელს გორის საკრებულოს თავმჯდომარე იყო.
მალხაზ ვახტანგაშვილი, მცხეთის, დუშეთის, თიანეთისა და ყაზბეგის მაჟორიტარობის კანდიდატი სამეწარმეო საქმიანობაში ჩრთული არ არის. 2020 წელს მან ლელოს 2 500 ლარი შესწირა.
ვახტანგიშვილი 2012-2016 წლებში პარლამენტის წევრი იყო.
ანა ბიბილაშვილი, ტყიბულის, თერჯოლის, ზესტაფონის და ბაღდათის მაჟორიტარობის კანდიდატი შპს ET-ის დირექტორია და 100%-ის მფლობელი.
გიორგი სიორიძე, ოზურგეთის, ლანჩხუთისა და ჩოხატაურის მაჟორიტარობის კანდიდატი შპს ინთერნეიშენელ ჯორჯიან გრუფის 22%-ის მფლობელი და დირექტორია. ასევე, შპს ონლაინ კაზინო ჯერმანის 45%-ის მფლობელი.
ალექსანდრე ახვლედიანი, ზუგდიდის მაჟორიტარობის კანდიდატი შპს ენგური ა.ა თრეველ ტურის დირექტორი და 100%-ის მფლობელია.
ახვლედიანი 2005-2008 წლებში სამეგრელოში გუბერნატორის მოადგილე იყო.
კანონმდებლობის თანახმად, პარლამენტის წევრს უფლება არ აქვს ეკავოს რაიმე თანამდებობა საჯარო სამსახურში ან ეწეოდეს სამეწარმეო საქმიანობას, თუმცა ის შეიძლება ფლობდეს აქციებს, წილს და სხვა ქონებას.
ასევე, პარლამენტის წევრს უფლება არ აქვს უშუალოდ განახორციელოს არაერთჯერადი საქმიანობა მოგების მიზნით მატერიალური ფასეულობებისა და ფინანსური საშუალებების სამართავად.
გაიგე მეტი:
- ლეიბორისტული პარტიის მაჟორიტარობის 10 კანდიდატიდან 3 სამეწარმეო საქმიანობაშია ჩართული — TI
- სტრატეგია აღმაშენებლის მაჟორიტარობის 2 კანდიდატი 4 კომპანიასთან არის დაკავშირებული — TI
- პატრიოტთა ალიანსის მაჟორიტარობის 29 კანდიდატიდან 14 სამეწარმეო საქმიანობას ეწევა — TI
- ევროპული საქართველოს მაჟორიტარობის 20 კანდიდატიდან 7 სამეწარმეო საქმიანობას ეწევა — TI
- გირჩის 6 მაჟორიტარი კანდიდატიდან 4 სამეწარმეო საქმიანობაშია ჩართული — TI
- ქართული ოცნების მაჟორიტარობის კანდიდატების ნახევარზე მეტი სამეწარმეო საქმიანობაშია ჩართული — TI
- ძალა ერთობაშიას მაჟორიტარობის კანდიდატების ნახევარზე მეტი ჩართულია სამეწარმეო საქმიანობაში — TI
-
გადახედვააქციაზე ალექსი პეტრიაშვილი დააკავეს აქციაზე ალექსი პეტრიაშვილი დააკავეს
-
გადახედვაგანცხადება: საქართველოს სახალხო დამცველის დაკვირვებით, ამ ეტაპზე, არ არსებობს შეკრების შეწყვეტის წინაპირობა და აქცია ატარებს მშვიდობიან ხასიათს განცხადება: საქართველოს სახალხო დამცველის დაკვირვებით, ამ ეტაპზე, არ არსებობს შეკრების შეწყვეტის წინაპირობა და აქცია ატარებს მშვიდობიან ხასიათს
-
გადახედვაწიწაკის სპრეის გამოყენების გამო, აქციის მონაწილეების ნაწილი შეუძლოდ გახდა წიწაკის სპრეის გამოყენების გამო, აქციის მონაწილეების ნაწილი შეუძლოდ გახდა
-
გადახედვაშსს კიდევ ერთ განცხადებას ავრცელებს შსს კიდევ ერთ განცხადებას ავრცელებს
-
გადახედვაშსს აქციასთან დაკავშირებით განცხადებას ავრცელებს შსს აქციასთან დაკავშირებით განცხადებას ავრცელებს
-
გადახედვაპარლამენტთან ვითარება დაიძაბა — აქციის მონაწილეები ცდილობენ, საქართველოსა და ევროკავშირის დროშებით სცენაზე ავიდნენ პარლამენტთან ვითარება დაიძაბა — აქციის მონაწილეები ცდილობენ, საქართველოსა და ევროკავშირის დროშებით სცენაზე ავიდნენ
-
გადახედვარუსთაველის გამზირზე მრავალრიცხოვანი მსვლელობა გრძელდება — მოქალაქეები პარლამენტის შენობას, სიმბოლურად, წრეს არტყამენ რუსთაველის გამზირზე მრავალრიცხოვანი მსვლელობა გრძელდება — მოქალაქეები პარლამენტის შენობას, სიმბოლურად, წრეს არტყამენ
-
გადახედვამშვიდობიანი აქციის მონაწილეები, რესპუბლიკის მოედნიდან, პარლამენტისკენ დაიძრნენ მშვიდობიანი აქციის მონაწილეები, რესპუბლიკის მოედნიდან, პარლამენტისკენ დაიძრნენ
-
გადახედვაპროვოკაციების თავიდან აცილების მიზნით, აუცილებელია ხვალინდელი საკომიტეტო მოსმენის გადადება — ენმ და სტრატეგია აღმაშენებელი პროვოკაციების თავიდან აცილების მიზნით, აუცილებელია ხვალინდელი საკომიტეტო მოსმენის გადადება — ენმ და სტრატეგია აღმაშენებელი
-
გადახედვაარა რუსულ კანონს! — რესპუბლიკის მოედანზე საპროტესტო აქცია მიმდინარეობს არა რუსულ კანონს! — რესპუბლიკის მოედანზე საპროტესტო აქცია მიმდინარეობს
-
გადახედვაგორგილაძის აუტანელი სიმსუბუქე: საღამოს ევროპული მარშია დაგეგმილი, ამიტომ გადაცემა დღეს არ გავა. ინტერვიუ მოიცდის, ჩვენი ქვეყნის წინაშე მდგომი გამოწვევები ვერა. გორგილაძის აუტანელი სიმსუბუქე: საღამოს ევროპული მარშია დაგეგმილი, ამიტომ გადაცემა დღეს არ გავა. ინტერვიუ მოიცდის, ჩვენი ქვეყნის წინაშე მდგომი გამოწვევები ვერა.
-
გადახედვაბრიტნი სპირსის სასამართლო პროცესი საბოლოოდ დასრულდა — ბრიტნი თავისუფალია ბრიტნი სპირსის სასამართლო პროცესი საბოლოოდ დასრულდა — ბრიტნი თავისუფალია
-
გადახედვაროგორ გავძლებთ აქ? — LOUDspeakers პოლიტიკურ პროცესებს სიმღერით ეხმაურება როგორ გავძლებთ აქ? — LOUDspeakers პოლიტიკურ პროცესებს სიმღერით ეხმაურება
-
-
გადახედვასანქციები, სავიზო შეზღუდვების გაფართოება, პირდაპირი დაფინანსების შეწყვეტა — რა წერია ამერიკელი სენატორების წერილში, რომელიც კობახიძეს გაუგზავნეს სანქციები, სავიზო შეზღუდვების გაფართოება, პირდაპირი დაფინანსების შეწყვეტა — რა წერია ამერიკელი სენატორების წერილში, რომელიც კობახიძეს გაუგზავნეს
-
-
გადახედვამელანომის პირველ ინდივიდუალიზებულ ვაქცინას უკვე ასობით ადამიანზე ცდიან მელანომის პირველ ინდივიდუალიზებულ ვაქცინას უკვე ასობით ადამიანზე ცდიან
-
გადახედვაყველაზე დიდი ცხოველი, რომელსაც ხმელეთზე უარსებია — პატაგოტიტანი ყველაზე დიდი ცხოველი, რომელსაც ხმელეთზე უარსებია — პატაგოტიტანი
-
გადახედვაSETI-ს მეცნიერის თქმით, არამიწიერი სიცოცხლის აღმოჩენა გარდაუვალია და ამას ჯეიმს ვების ტელესკოპით შევძლებთ SETI-ს მეცნიერის თქმით, არამიწიერი სიცოცხლის აღმოჩენა გარდაუვალია და ამას ჯეიმს ვების ტელესკოპით შევძლებთ
-
გადახედვაამომავალი ვარსკვლავები — გიორგი გიგაშვილი პრესტიჟული ევროპული პროგრამის გამარჯვებულია ამომავალი ვარსკვლავები — გიორგი გიგაშვილი პრესტიჟული ევროპული პროგრამის გამარჯვებულია
-
გადახედვამეცნიერებმა ძველ გრაგნილში პლატონის საფლავის მდებარეობაზე მინიშნებას მიაგნეს მეცნიერებმა ძველ გრაგნილში პლატონის საფლავის მდებარეობაზე მინიშნებას მიაგნეს
კომენტარები