119 ფეისბუქ პოსტში რუსეთის მიმართ პოზიტიური გზავნილები გამოვლინდა, ორი ღიად პრორუსულია — ISFED
სამართლიანი არჩევნებისა და დემოკრატიის საერთაშორისო საზოგადოების (ISFED) ცნობით, მათ მიერ შესწავლილი ფეისბუქ გვერდებზე, 119 პოსტში რუსეთთან დაკავშირებით პოზიტიური გზავნილები გამოვლინდა. მათი ინფორმაციით, პროპაგანდისტული გვერდებიდან ორი ღიად პრორუსულია და ისინი უშუალოდ რუსეთიდანაც იმართება.
ISFED-ის მიერ გამოქვეყნებული ანგარიშის თანახმად, არჩევნების ჭრილში ღიად პრორუსული გზავნილების გასავრცელებლად ევრაზია — საინფორმაციო სააგენტო და მასთან კავშირში მყოფი ფეისბუქ გვერდი Beka news მოქმედებს, რომელთა ადმინისტრირებაც რუსეთიდან ხდება. კერძოდ, პრორუსული გვერდი Beka news საარჩევნო კამპანიაში ქართული მარშის სასარგებლოდ არის ჩართული და მიმართულია ქართული ოცნების და ერთიანი ნაციონალური მოძრაობის წინააღმდეგ. იგი, ასევე, ემსახურება პრორუსული ნარატივის გავრცელებას და პოზიტიურ ჭრილში აქვეყნებს რუსეთის სამთავრობო სიახლეებს.
რაც შეეხება, ევრაზია — საინფორმაციო სააგენტოს, ანგარიშის თანახმად, იგი დაკავშირებულია საქართველოში მოქმედ პრორუსულ ორგანიზაცია ნიუს-ფრონტ საქართველოსთან, კრემლისტურ გამოცემა საქართველო და მსოფლიოსა და tvalsazrisi.ge-სთან.
"გვერდზე ზიარდება სტატიები ზემოხსენებული გამოცემებიდან, რომლებშიც გამოხატულია ანტიდასავლური, ქსენოფობიური და პრორუსული გზავნილები. გაზიარებული პოსტები სხვა პროპაგანდისტულ თემებთან ერთად ემსახურება იმის წარმოჩენას, რომ საქართველო დასავლეთის მძევალია და რუსეთთან ურთიერთობის დაურეგულირებლობის გამო ქვეყანა ზარალდება", — ვკითხულობთ დოკუმენტში.
ორგანიზაციის ინფორმაციით, ღიად პრორუსულ გზავნილებს ავრცელებს პატრიოტთა ალიანსთან დაკავშირებული გვერდი ანტიდასავლური დოქტრინაც; ამასთან, 10 ოქტომბერს საქართველოში გაჩნდა ახალი ვებგვერდი georgie.su, რომელიც ISFED-ის ცნობით, შესაძლოა, კავშირში იყოს კრემლისტურ გამოცემა Russkaya Vesna-სთან (რუსული გაზაფხული).
გარდა ამისა, სამართლიანი არჩევნების განცხადებით, მათ მიერ შესწავლილი 69 ფეისბუქ გვერდი აქტიურად ავრცელებს ნაციონალისტურ, ანტი-ლიბერალურ, ანტიდასავლურ, ქსენოფობიურ, ჰომოფობიურ, ისლამოფობიურ, სექსისტურ გზავნილებს და ღირებულებითი თემების მანიპულირებით საზოგადოებაში პოლარიზაციის წახალისებას ცდილობს. კერძოდ:
- შესწავლილი პოსტებიდან, ნეგატიური განწყობა ყველაზე მეტად გამოხატულია ერთიანი ნაციონალური მოძრაობის, ასევე, ქართული ოცნებისა და ევროპული საქართველოს მიმართ.
- დადებითი გზავნილების უმეტესობა მიემართება საქართველოს პატრიოტთა ალიანსს, ქართულ ოცნებას, ქართულ იდეასა და ქართულ მარშს.
- ნაციონალისტური და ანტილიბერალური განწყობების გამაღვივებელი ორი გვერდი, ყბადაღებული საზოგადოება და ქართული ძალა ეწევა ზვიად ტომარაძის სასარგებლო აგიტაციას.
- საარჩევნო კამპანიაში ჩართულობით გამოირჩევა ნაციონალისტური, ანტიდასავლური და ანტილიბერალური განწყობების გამაღვივებელი გვერდი საქართველო უპირველეს ყოვლისა, რომელიც მხარდაჭერას უცხადებს პარტია ქართულ იდეას და დიმიტრი ლორთქიფანიძეს.
- პროპაგანდისტული ნარატივების გამავრცელებელია გვერდი ალტ-ინფო, რომლის ქსელშიც 34 გვერდი შედის.
ISFED-ის ცნობით, პროპაგანდისტულ გვერდებზე გამოქვეყნებული 3 792 პოსტი შემდეგ გზავნილებს ატარებს:
- ნაციონალისტურს — 32% (1 170 პოსტი);
- ანტილიბერალურს — 24% (870 პოსტი);
- ანტიდასავლურს — 14% (514 პოსტი);
- ჰომოფობიურს — 12% (446 პოსტი);
- ქსენოფობიურს — 8%(296 პოსტი);
- სექსისტურს — 7% (250 პოსტი);
- ისლამოფობიურ — 3% (126 პოსტი);
- კონსპირაციული თეორიების გამავრცელებელი — 1% (54 პოსტი).
ანგარიშის თანახმად, ნაციონალისტური პოსტები ძირითადად მოიცავს ისეთ გზავნილებს, რომლებიც დაკავშირებულია ქართველების ეთნიკური უპირატესობის წარმოჩენის, მართლმადიდებლობასა და საქართველოს სახელმწიფოს შორის კავშირისა და მეზობელ სახელმწიფოსთან საქართველოს ტერიტორიული დავის საკითხებთან. კერძოდ, პოსტების დიდი ნაწილი აზერბაიჯანთან საქართველოს დავას ეხება და იგი ძირითადად, ორი მიმართულებით არის წარმოჩენილი. კერძოდ, ერთი მხრივ, იგი ყოფილი ხელისუფლების დისკრედიტაციას და მათ მოღალატეებად წარმოჩენას ემსახურებოდა. მეორე მხრივ კი, გვერდებზე წარმოჩენილია, თითქოს მოქალაქეების ნაწილი ეთანხმება საქართველოს ტერიტორიების გასხვისებას.
ამასთან, შესწავლილი ფეისბუქ პოსტები საქართველოს ტერიტორიული მთლიანობის საფრთხედ რუსეთთან ერთად, თურქეთის წარმოჩენასაც ემსახურებოდა.
რაც შეეხება, ანტილიბერალურ გზავნილებს, ანგარიშში ვკითხულობთ, რომ პოსტებში ლიბერალური მიდგომები ტრადიციულის საპირწონედ არის გაკრიტიკებული და ეროვნული ტრადიციების დაკარგვის საფრთხედ მოიაზრება.
"ამასთანავე, გვერდები მკვეთრად უარყოფითად და ხშირად შეურაცხმყოფელად მოიხსენიებენ პიროვნებებს, რომლებსაც ლიბერალური ღირებულებების მატარებლად წარმოაჩენენ. გვერდების ნაწილზე მიმართვა ლიბერალი ადამიანის დაკნინების მიზნით გამოიყენება და მხოლოდ ნეგატიური თვისების მატარებელია", — ვკითხულობთ დოკუმენტში.
ანტიდასავლური პოსტების შემთხვევაში კი, ISFED-ის ცნობით, პროპაგანდისტულ გვერდებზე ევროკავშირის ქვეყნებში მიმდინარე მოვლენები მხოლოდ ნეგატიურ ჭრილში ზიარდება.
"მსგავს გვერდებზე, დასავლეთს ბრალს სდებენ საქართველოში გარყვნილების შემოტანასა და დასავლური ნორმების ქართველი მოქალაქეებისთვის თავს მოხვევაში. მმართველი პარტიის კრიტიკაც ხშირად დასავლეთთან კავშირს მიემართება", — აცხადებენ ორგანიზაციაში.
ISFED-მა სოციალური მედიის წინასაარჩევნო მონიტორინგის მეორე შუალედური ანგარიში წარმოადგინა. მონიტორინგის მოიცავდა 2020 წლის 1 სექტემბრიდან 10 ოქტომბრის ჩათვლით პერიოდს, რა დროსაც 900-ზე მეტი ფესბუქ გვერდი და 11 469 პოსტი შეისწავლეს.
-
გადახედვაპარლამენტმა გააუქმა პლენარული სხდომა, გაუქმებულია საგარეო საქმეთა მინისტრის მოხსენებაც — რა ხდება პარლამენტმა გააუქმა პლენარული სხდომა, გაუქმებულია საგარეო საქმეთა მინისტრის მოხსენებაც — რა ხდება
-
გადახედვასაქართველოს დასავლური კურსი საფრთხეშია — აშშ-ის სახელმწიფო დეპარტამენტი საქართველოს დასავლური კურსი საფრთხეშია — აშშ-ის სახელმწიფო დეპარტამენტი
-
გადახედვარა ვიცით თვალის არეში დაჭრილი ახალგაზრდა კაცის მდგომარეობაზე რა ვიცით თვალის არეში დაჭრილი ახალგაზრდა კაცის მდგომარეობაზე
-
გადახედვაახალგაზრდა კაცი თვალის არეშია დაჭრილი სავარაუდოდ, რეზინის ტყვიით ახალგაზრდა კაცი თვალის არეშია დაჭრილი სავარაუდოდ, რეზინის ტყვიით
-
გადახედვამოვუწოდებთ შსს-ს, უარი თქვას კანონსაწინააღმდეგო, ღირსების შემლახავ ძალადობრივ პრაქტიკაზე — საია მოვუწოდებთ შსს-ს, უარი თქვას კანონსაწინააღმდეგო, ღირსების შემლახავ ძალადობრივ პრაქტიკაზე — საია
-
გადახედვაპარლამენტში უსაფრთხოების წითელი დონე ამოქმედდა პარლამენტში უსაფრთხოების წითელი დონე ამოქმედდა
-
გადახედვა"მნიშვნელოვანია აქციის მონაწილეები არ გაცდნენ მშვიდობიანი შეკრების უფლების ფარგლებს" — სახალხო დამცველი "მნიშვნელოვანია აქციის მონაწილეები არ გაცდნენ მშვიდობიანი შეკრების უფლების ფარგლებს" — სახალხო დამცველი
-
გადახედვაფოტოებში: აქციაზე დაშავებული მშვიდობიანი დემონსტრანტები ფოტოებში: აქციაზე დაშავებული მშვიდობიანი დემონსტრანტები
-
გადახედვაფონ დერ ლაიენი: დიდი შეშფოთებით ვაკვირდები საქართველოში არსებულ ვითარებას და ვგმობ ძალადობას თბილისის ქუჩებში ფონ დერ ლაიენი: დიდი შეშფოთებით ვაკვირდები საქართველოში არსებულ ვითარებას და ვგმობ ძალადობას თბილისის ქუჩებში
-
გადახედვავითარება რუსთაველზე — ვრცელდება ინფორმაცია რეზინის ტყვიების გამოყენების შესახებ ვითარება რუსთაველზე — ვრცელდება ინფორმაცია რეზინის ტყვიების გამოყენების შესახებ
-
გადახედვამაკა ჩიკვილაძე მთავრობას: ჩვენ, ომში დაღუპული ჯარისკაცების ოჯახის წევრები, გთხოვთ, ნუ აღმართავთ ხელს ახალგაზრდა თაობაზე მაკა ჩიკვილაძე მთავრობას: ჩვენ, ომში დაღუპული ჯარისკაცების ოჯახის წევრები, გთხოვთ, ნუ აღმართავთ ხელს ახალგაზრდა თაობაზე
-
გადახედვაშსს-ს განცხადება დემონსტრანტების წინააღმდეგ წყლის ჭავლისა და წიწაკის სპრეის გამოყენებასთან დაკავშირებით შსს-ს განცხადება დემონსტრანტების წინააღმდეგ წყლის ჭავლისა და წიწაკის სპრეის გამოყენებასთან დაკავშირებით
-
გადახედვააქციის მონაწილეთა ნაწილს "ქართული ოცნების" ოფისისკენ, ნაწილს კი — კანცელარიისკენ გადასვლისკენ მოუწოდეს აქციის მონაწილეთა ნაწილს "ქართული ოცნების" ოფისისკენ, ნაწილს კი — კანცელარიისკენ გადასვლისკენ მოუწოდეს
-
-
გადახედვამამუკა მდინარაძეს დღეს კენჭისყრაში მონაწილეობა არ მიუღია, მან სასწრაფო ოპერაცია გაიკეთა — რადიო თავისუფლება მამუკა მდინარაძეს დღეს კენჭისყრაში მონაწილეობა არ მიუღია, მან სასწრაფო ოპერაცია გაიკეთა — რადიო თავისუფლება
-
გადახედვაშსს განცხადებას ავრცელებს — რუსული კანონის მხარდამჭერი დეპუტატები შენობიდან სამართალდამცველების დახმარებით გაიყვანეს შსს განცხადებას ავრცელებს — რუსული კანონის მხარდამჭერი დეპუტატები შენობიდან სამართალდამცველების დახმარებით გაიყვანეს
-
გადახედვასია: ოცნების 83 დეპუტატი, რომლებიც რუსულ კანონს კენჭისყრაზე მხარს უჭერენ სია: ოცნების 83 დეპუტატი, რომლებიც რუსულ კანონს კენჭისყრაზე მხარს უჭერენ
-
გადახედვადეპუტატები მალე პარლამენტს დატოვებენ, აქციის მონაწილეები პარლამენტის გვერდითა ქუჩებზე ინაცვლებენ დეპუტატები მალე პარლამენტს დატოვებენ, აქციის მონაწილეები პარლამენტის გვერდითა ქუჩებზე ინაცვლებენ
-
გადახედვაპარლამენტმა რუსული კანონი მეორე მოსმენით მიიღო პარლამენტმა რუსული კანონი მეორე მოსმენით მიიღო
-
გადახედვარა არის წიწაკის სპრეი და როგორ მოვიქცეთ, თუ შეგვასხამენ რა არის წიწაკის სპრეი და როგორ მოვიქცეთ, თუ შეგვასხამენ
-
გადახედვა9 აპრილის ქუჩაზე დიდი რაოდენობის სპეცრაზმი და საპოლიციო ძალებია მობილიზებული 9 აპრილის ქუჩაზე დიდი რაოდენობის სპეცრაზმი და საპოლიციო ძალებია მობილიზებული
კომენტარები