თბილისის მერიამ საახალწლო ილუმინაციების მონტაჟი დაიწყო. როგორც უწყებაში აცხადებენ, შესაბამისი სამუშაოები პირველ ეტაპზე, დავით გურამიშვილის გამზირზე ჩატარდა.

მერიის განცხადებაში ნათქვამია, რომ კინოთეატრ საქართველოდან მეტროსადგურ სარაჯიშვილამდე საგზაო მონაკვეთზე 100-ზე მეტი სანათი მოწყობილობა დამონტაჟდა.

მათივე თქმით, სამუშაოების მოცულობიდან გამომდინარე, საახალწლო ილუმინაციების მონტაჟი დეკემბრის შუა რიცხვებამდე გაგრძელდება და დედაქალაქის თითქმის ყველა რაიონში განთავსდება.