ანტარქტიდა Lorde-ის სადებიუტო წიგნის და ახალი ალბომის შთაგონების წყაროდ იქცა
ახალზელანდიელმა მომღერალმა, ლორდმა, ანტარქტიდის კონტინენტზე სტუმრობის შემდეგ კლიმატის კრიზისზე გულმობჯენილი განცხადება გააკეთა.
ახალგაზრდა ხელოვანის თქმით, დონალდ ტრამპის განცხადებები და ქმედებები, კალიფორნიის ხანძრები და გრეტა თუნბერგი მიზეზი გახდა, რატომაც გადაწყვიტა ყინულოვანი კონტინენტის მანამ მონახულება, სანამ იგი "ჭყაპად" იქცევა.
ჟურნალ Metro-ში გამოქვეყნებულ ესეში ლორდმა თავისი მოგზაურობის შესახებ შექმნილი წიგნის, სახელად სამხრეთისკენ სვლა, გამოცემა დააანონსა და აღნიშნა, რომ მისი გაყიდვიდან შემოსული თანხა კლიმატის ცვლილების თემაზე ერთ-ერთი სტუდენტის დოქტორის ხარისხის მოსაპოვებელ კვლევას დააფინანსებს.
"კლიმატის ცვლილებაზე გაცხარებულმა მსჯელობამ მომიცვა", — წერს ლორდი, — "ერთი წლით ადრე ტრამპის ადმინისტრაციამ გამოაცხადა, რომ პარიზის კლიმატის შეთანხმების დატოვებას აპირებდა. შემდეგ, აგვისტოში 15 წლის შვედი გოგო, გრეტა თუნბერგი გამოჩნდა და ჩვეულებრივი ბანერით ქვეყნის პარლამენტის წინ დაჯდა, რითაც შემართული ახალგაზრდების მთელი თაობის მობილიზება შეძლო კლიმატის დასაცავი რეფორმების მოთხოვნით.
იმ ზაფხულს, როცა მეგობრებთან ერთად სანაპიროზე მხურვალე მზის ქვეშ ვიჯექი, დაუსახლებელ დედამიწას [დევიდ უოლეს-უელსის წიგნი კლიმატის ცვლილების შედეგებზე] ვკითხულობდი. იმ ფაქტმა, რომ არცთუ შორეულ მომავალში ანტარქტიდა ნელ-ნელა იქცეოდა ჭყაპად და სამხრეთის ოკეანის მოცულობას გაზრდიდა, ჩამაფიქრა. ისევ მომინდა სამხრეთისკენ წასვლა; გამუდმებით ვრეკავდი, იმუნიტეტის გასაძლიერებელი აცრები გავიკეთე და ბოლოს, როგორც იქნა, ეს დღეც დადგა — მეოცნებე მუსიკოსი სამყაროს დასალიერისკენ გაემართა".
ხუთდღიანი ვოიაჟის განმავლობაში მომღერალმა არაერთი მეცნიერი და ექსპერტი გამოკითხა. ლორდი განსაკუთრებით აღაშფოთა ფაქტმა, რომ თავად "უკანასკნელი შანსის მქონე ტურისტულ ადგილზე" იმყოფებოდა — ასე მოიხსენებენ იმ მოსანახულებელ ადგილებს, რომლებიც, შესაძლოა, მალე გაქრეს.
"მოუდრეკელი, დაუმორჩილებელი და მიუსაკუთრებელი ადგილია. ანტარქტიდა დედაშენი არაა. დაცემისას შენს ბალიშად ვერ გამოდგება", — წერს მუსიკოსი, — "ანტარქტიდაზე ყოფნა ყოველთვის სახალისო არაა, უფრო კონკრეტულად. აღმაფრთოვანებელი და ერთგვარი სულიერი გამოცდილებაა, თუმცა რაც უფრო მეტი დღე გადის, მით მეტად მაწუხებს ის აზრი, რომ აქ არ უნდა ვიყო. ეს ადგილი აშკარად არაა ადამიანების სამოსახლოდ განკუთვნილი. დამღლელია ჩემი გამუდმებული მცდელობა, ცოცხალი გადავრჩე ხუთი დღის განმავლობაში, სანამ ეს კონტინენტი ჩემს განდევნას ცდილობს. ანტარქტიდაზე ყოფნამ დამარწმუნა, რამდენად დაუცველი და მიუსაფარი ადგილია იგი".
ლორდმა ასევე აღნიშნა, რომ ანტარქტიდა თავისი მომდევნო ალბომის შთაგონების წყაროდ იქცა, რადგან კონტინენტი ალტერნატიულ რეალობას განასახიერებს.
"ანტარქტიდას ეს გამოარჩევს — კუშტი გარემო მარადიულს ჰგავს, თუმცა უკიდურესად დაუცველია. ცივილიზაციის მომავლისათვის იგი სასიცოცხლოდ მნიშვნელოვანია, თუმცა დაუსახლებელი და ზოგიერთისთვის, მიუღწევადიც", — დასძენს მომღერალი, — "ჩემი თვალები ჯერ კიდევ ვერ შეეჩვივნენ კაშკაშა სითეთრეს და მთიდან მთაზე, ჰორიზონტამდე გადაჭიმულ ხორკლიან მირაჟს. აქ ყოველთვის იდუმალი სიჩუმეა — ნიავის ხმაც კი არ ისმით, რადგან მის ქროლას ვერაფერი შეძლებს".
მკვლევრების თქმით, ანტარქტიდა მსოფლიოს ყველაზე სწრაფად ცვალებადი ადგილია ბოლო 30 წლის განმავლობაში — მისი ცენტრალური ნაწილი სამჯერ უფრო სწრაფად გათბა ამ პერიოდში, ვიდრე დანარჩენი მსოფლიოსი. თებერვალში კონტინენტზე მის ისტორიაში ყველაზე მაღალი ტემპერატურა დადასტურდა — არგენტინულმა კვლევის სადგურმა 18,3 გრადუსი ცელსიუსი დააფიქსირა, რაც წინა რეკორდულ მაჩვენებელს 0,8 გრადუსით აღემატება.
ანტარქტიდის ნახევარკუნძული — კონტინენტის ნაწილი, რომელიც სამხრეთ ამერიკისკენაა მიმართული — ერთ-ერთია მსოფლიოს იმ ადგილთაგან, სადაც ყველაზე სწრაფად თბება. მსოფლიოს მეტეოროლოგიური ორგანიზაციის მონაცემებით აქ ბოლო 50 წლის განმავლობაში ტემპერატურამ 3 გრადუსი ცელსიუსით მოიმატა.
ელა მარია ლენი იელიჩ-ო'კონორი, სასცენო ფსევდონიმით ლორდი, ერთ-ერთი ყველაზე წარმატებული ახალგაზრდა მუსიკოსია. ორი გრემის მფლობელი მომღერლის პირველი სტუდიური ალბომი 2013 წელს გამოვიდა, მეორე და ამ დრომდე უკანასკნელი, Melodrama კი — 2017 წელს. ლორდის სადებიუტო წიგნი, რომელიც მისი ნამდვილი და სრული სახელით გამოიცემა, 2021 წელს იხილავს დღის სინათლეს.
-
გადახედვაატაკამის უდაბნოს მიწისქვეშ, 4 მეტრ სიღრმეში, მიკრობული სიცოცხლე აღმოაჩინეს ატაკამის უდაბნოს მიწისქვეშ, 4 მეტრ სიღრმეში, მიკრობული სიცოცხლე აღმოაჩინეს
-
გადახედვავცხოვრობთ თუ არა სიმულაციაში — მეცნიერის თქმით, მან ამის მტკიცებულებას მიაგნო ვცხოვრობთ თუ არა სიმულაციაში — მეცნიერის თქმით, მან ამის მტკიცებულებას მიაგნო
-
გადახედვამეცნიერებმა ალმასი სულ რაღაც 150 წუთში შექმნეს მეცნიერებმა ალმასი სულ რაღაც 150 წუთში შექმნეს
-
გადახედვაLIO with ILA — ქართული მუსიკალური პროექტი, რომლის სიმღერა პროტესტის ჰიმნად იქცა LIO with ILA — ქართული მუსიკალური პროექტი, რომლის სიმღერა პროტესტის ჰიმნად იქცა
-
გადახედვა126 სამოქალაქო და მედიაორგანიზაცია ხელისუფლებასთან თანამშრომლობას წყვეტს 126 სამოქალაქო და მედიაორგანიზაცია ხელისუფლებასთან თანამშრომლობას წყვეტს
-
გადახედვაკროსვორდი: გამოიცანი ევროპის ქალაქი ღირშესანიშნაობით კროსვორდი: გამოიცანი ევროპის ქალაქი ღირშესანიშნაობით
-
-
-
გადახედვაჰაბლის მონაცემებში 1000-ზე მეტი ახალი ასტეროიდი აღმოაჩინეს ჰაბლის მონაცემებში 1000-ზე მეტი ახალი ასტეროიდი აღმოაჩინეს
-
გადახედვაშსს-მ დააკავა პირი, რომელმაც გარდაბანში თანასოფლელი მოკლა შსს-მ დააკავა პირი, რომელმაც გარდაბანში თანასოფლელი მოკლა
-
გადახედვამანჯგალაძე: მინდა იცოდეს ყველამ, ვინც აპირებს 29 აპრილის აქციაზე მისვლას, ეს არ არის უბრალოდ თბილისში გასეირნება, ეს არის ღალატში თანამონაწილეობა მანჯგალაძე: მინდა იცოდეს ყველამ, ვინც აპირებს 29 აპრილის აქციაზე მისვლას, ეს არ არის უბრალოდ თბილისში გასეირნება, ეს არის ღალატში თანამონაწილეობა
-
გადახედვასანქციები ივანიშვილს და უვიზო რეჟიმის პუნქტების გადახედვა — ევროპარლამენტმა საქართველოზე რეზოლუცია შესწორებებით მიიღო სანქციები ივანიშვილს და უვიზო რეჟიმის პუნქტების გადახედვა — ევროპარლამენტმა საქართველოზე რეზოლუცია შესწორებებით მიიღო
-
გადახედვანიკა გვარამია : სრული კატასტროფა — რუსული კანონის გამო, ევროპარლამენტი საქართველოსთან უვიზო მიმოსვლის გადახედვას ითხოვს ნიკა გვარამია : სრული კატასტროფა — რუსული კანონის გამო, ევროპარლამენტი საქართველოსთან უვიზო მიმოსვლის გადახედვას ითხოვს
-
გადახედვათვითმკვლელობამდე მიყვანის და ადევნების ფაქტებზე ერთ პირს ბრალდება წარედგინა თვითმკვლელობამდე მიყვანის და ადევნების ფაქტებზე ერთ პირს ბრალდება წარედგინა
-
გადახედვა"ლგბტ პროპაგანდის ამკრძალავი" კანონის გამო, რუსეთში პაზოლინის ბიოგრაფიულ წიგნის ნაწილს ცენზურა დაადეს "ლგბტ პროპაგანდის ამკრძალავი" კანონის გამო, რუსეთში პაზოლინის ბიოგრაფიულ წიგნის ნაწილს ცენზურა დაადეს
-
გადახედვაჯო ბაიდენმა TikTok-ის აკრძალვის კანონპროექტს ხელი მოაწერა ჯო ბაიდენმა TikTok-ის აკრძალვის კანონპროექტს ხელი მოაწერა
-
გადახედვადააკავეს საქართველოს 4 მოქალაქე, რომლებმაც ევროკავშირის ქვეყნების ბიბლიოთეკებიდან ძვირადღირებული წიგნები მოიპარეს დააკავეს საქართველოს 4 მოქალაქე, რომლებმაც ევროკავშირის ქვეყნების ბიბლიოთეკებიდან ძვირადღირებული წიგნები მოიპარეს
-
გადახედვაორბანი მიიჩნევს, რომ კობახიძე პოლიტიკაში დიდი მოჭადრაკეა, მას გროსმაისტერის უნარები აქვს — რა თქვეს ლიდერებმა უნგრეთში, კონფერენციაზე ორბანი მიიჩნევს, რომ კობახიძე პოლიტიკაში დიდი მოჭადრაკეა, მას გროსმაისტერის უნარები აქვს — რა თქვეს ლიდერებმა უნგრეთში, კონფერენციაზე
-
-
გადახედვარამ გამოიწვია ათენის ცის გასაოცარი მოწითალო შეფერილობა რამ გამოიწვია ათენის ცის გასაოცარი მოწითალო შეფერილობა
-
გადახედვახატია დეკანოიძე: 29 აპრილს იქნება აქცია "რუსული მარში" რუსული კანონის დასაცავად ხატია დეკანოიძე: 29 აპრილს იქნება აქცია "რუსული მარში" რუსული კანონის დასაცავად
კომენტარები