კლიმატის კრიზისის გამო ადამიანები შვილის გაჩენაზე უარს ამბობენ — კვლევა
"კლიმატის ცვლილება მთავარი ფაქტია, რატომაც გადავწყვიტე რომ ბიოლოგიური შვილი არ მყოლოდა. არ მინდა, ბავშვი მომაკვდავ პლანეტაზე გავაჩინო, მიუხედავად იმისა, რომ დედობა გულით მსურს".
კლიმატის აპოკალიფსური მდგომარეობის გამო სულ უფრო ცოტა ადამიანი აპირებს შვილის გაჩენას.
იმ კვლევის შედეგები, რომელშიც 27-დან 45 წლამდე 600 ადამიანი იყო ჩართული, მიუთითებს, რომ მონაწილეთა 96 პროცენტი კლიმატის ცვლილებების სავალალო შედეგების გამო შვილის გაჩენაზე დარდობს, განსაკუთრებით მაშინ, როცა შეუქცევადი პროცესები უკვე დაწყებულია.
კვლევა, რომლის ანგარიშიც გამოცემა Climate Change-ში გამოქვეყნდა, ამ საკითხის პირველი აკადემიური ნამუშევარია. მასში მონაწილეების თქმით, ისეთი ფაქტორები, როგორიც მსოფლიოში ბოლო ათწლეულების განმავლობაში ტემპერატურის ზრდა და ყინულოვანი საფარის დნობაა, პირდაპირ ახდენს გავლენას მომავალში დაბადებული ბავშვების კეთილდღეობაზე.
კვლევის შედეგების თანახმად, მიუხედავად იმისა, რომ მონაწილეების თითქმის 75 პროცენტი ქალი იყო, მნიშვნელოვანი განსხვავება სქესის მიხედვით მონაწილეებს შორის არ ყოფილა, რადგან ორივე შემთხვევაში ისინი მათი პოტენციური შვილების მომავალზე ღელავდნენ.
თუმცაღა კლიმატის ცვლილება და მასთან დაკავშირებული საკითხები ადამიანებისათვის პრობლემას წარმოადგენს, მონაწილეების 60 პროცენტის თქმით, მათ დიდად არ ადარდებდათ მათი შესაძლო შთამომავლების მიერ დატოვებული ნახშირბადის ნაკვალევი.
სინგაპურის იეილ-NUS-ის კოლეჯის პროფესორი, მეთიუ შნაიდერ-მაიერსონი, მიიჩნევს, რომ ადამიანებისათვის ეს ორი საკითხი ყოველთვის ურთიერთდაკავშირებული არაა.
"შთამომავლობის მიერ დატოვებული ნახშირბადის ნაკვალევთან დაკავშირებული შიშები კვლევის მონაწილეებს შორის, როგორც აღმოჩნდა, განყენებული და ნაკლებად აქტუალურია", — ამბობს შნაიდერ-მაიერსონი, — "თუმცა შიშები, რომლებიც უკვე მოვლენილი ან პოტენციური შვილების საცხოვრებელ პირობებს უკავშირდება, ნამდვილად ყოვლისმომცველი და ემოციური გამოდგა. პასუხების მოსმენა ხშირად მტკივნეული იყო — ზოგიერთმა მონაწილემ მთელი გული გადაგვიშალა".
ერთ-ერთმა 31 წლის ეგრეთ წოდებულმა child-free ("უბავშვო") ქალმა აღნიშნა, რომ პლანეტის მდგომარეობა მისი არჩევანის განმსაზღვრელი იყო: "კლიმატის ცვლილება მთავარი ფაქტია, რატომაც გადავწყვიტე რომ ბიოლოგიური შვილი არ მყოლოდა. არ მინდა, ბავშვი მომაკვდავ პლანეტაზე გავაჩინო, მიუხედავად იმისა, რომ დედობა გულით მსურს".
მონაწილე მშობლების 6-მა პროცენტმა განაცხადა, რომ ისინი, გარკვეულწილად, ნანობდნენ შვილის გაჩენას.
"შვილების ყოლას ვნანობ, რადგან შეძრწუნებული ვარ იმ ფაქტით, რომ მათ კლიმატის ცვლილებით გამოწვეულ სამყაროს აღსასრულთან გამკლავება მოუწევთ", — აღნიშნა 40 წლის მშობელმა.
"გაოცებული ვიყავი — მშობლებისთვის ამ განცხადების გაკეთება განსაკუთრებით რთულია", — აღიარებს ერთ-ერთი მკვლევარი, რომელიც კვლევაში მონაწილეთა გულწრფელი პასუხებით აღფრთოვანებულია. მისი მოსაზრებით, ამ ბრუტალური გულახდილობის მიზეზი, შესაძლოა, ის ფაქტორი გახდა, რომ კვლევა ანონიმურად ჩატარდა, შესაბამისად პიროვნული დამუნათების და დადანაშაულების შესაძლებლობა არ არსებობდა.
"ეს არის შესანიშნავი გზა, რომ დავინახოთ, როგორ მოიაზრებს ზოგიერთი ადამიანი საკუთარ ცხოვრებაში ყველაზე მნიშვნელოვნად მიჩნეულ გადაწყვეტილებას", — დასძენს მკვლევარი.
შნაიდერ-მაიერსონის თქმით, მომავალში, გარემო ფაქტორების კიდევ უფრო გაუარესების გამო მეტი ადამიანი იტყვის უარს შვილის გაჩენაზე.
"ამ ყველაფრის გათვალისწინებით, ჩვენ დაუყოვნებლივი მოქმედება გვჭირდება, რათა პრობლემის მიზეზი აღმოვფხვრათ — ანუ თავად კლიმატის ცვლილება".
მომავლისადმი დამოკიდებულების შესახებ კი კვლევის მონაწილეების პასუხები არცთუ იმედიანი აღმოჩნდა — 92,3 პროცენტს მომავალი წლებისადმი პესიმისტური დამოკიდებულება აქვს, 5,6 პროცენტს — გაურკვეველი, 0,6 პროცენტი კი ოპტიმისტურადაა განწყობილი.
შნაიდერ-მაიერსონი ასევე აღნიშნავს, რომ უფრო ზუსტი შედეგების მისაღებად ძვირადღირებული კვლევა იქნებოდა საჭირო, თუმცა რადგან ამჟამინდელი შედეგები აშშ-ში მცხოვრები თეთრკანიანი და განათლებული, ლიბერალურად მოაზროვნე ადამიანების შეხედულებებს ასახავს, იგი მიუთითებს, რას ფიქრობს ხალხი 21-ე საუკუნეში ცხოვრებაზე.
-
გადახედვა"ჩვენ, Gen Z-ის დედებიც მაგრები ვართ!" — ფოტოებში: ქალთა მარში ბათუმში "ჩვენ, Gen Z-ის დედებიც მაგრები ვართ!" — ფოტოებში: ქალთა მარში ბათუმში
-
გადახედვაქალთა მარში: რა არის დღევანდელი მსვლელობის გეგმა და ძირითადი პოლიტიკური გზავნილები ქალთა მარში: რა არის დღევანდელი მსვლელობის გეგმა და ძირითადი პოლიტიკური გზავნილები
-
გადახედვადღეს, 20 აპრილს, 7 საათზე, რუსული კანონის საპროტესტო აქცია კვლავ გაიმართება დღეს, 20 აპრილს, 7 საათზე, რუსული კანონის საპროტესტო აქცია კვლავ გაიმართება
-
გადახედვადაუშვებელია, მივიღოთ კანონი, რომლის უკან გაწვევისკენ მოგვიწოდებენ ცივილიზებული სამყაროს წევრი ქვეყნები — GPBA დაუშვებელია, მივიღოთ კანონი, რომლის უკან გაწვევისკენ მოგვიწოდებენ ცივილიზებული სამყაროს წევრი ქვეყნები — GPBA
-
გადახედვადღეს, 20 აპრილს, 5 საათზე, გაიმართება ქალების მარში — ქალები ვირჩევთ ევროპას დღეს, 20 აპრილს, 5 საათზე, გაიმართება ქალების მარში — ქალები ვირჩევთ ევროპას
-
გადახედვავდებთ პირობას, კოალიციური მთავრობის ჩამოყალიბების შემდეგ, მოქალაქეებს არ ექნებათ შეხება ნიღბიან სპეცრაზმელებთან — ოპოზიციური პარტიების განცხადება ვდებთ პირობას, კოალიციური მთავრობის ჩამოყალიბების შემდეგ, მოქალაქეებს არ ექნებათ შეხება ნიღბიან სპეცრაზმელებთან — ოპოზიციური პარტიების განცხადება
-
გადახედვაროგორი ამინდი იქნება ამ შაბათ-კვირას როგორი ამინდი იქნება ამ შაბათ-კვირას
-
გადახედვაGPBA: კონსოლიდაცია რუსეთის დამპყრობლურ პოლიტიკასთან ბრძოლის აუცილებელი პირობაა GPBA: კონსოლიდაცია რუსეთის დამპყრობლურ პოლიტიკასთან ბრძოლის აუცილებელი პირობაა
-
გადახედვასააკაშვილი ენმ-ს პარტიის ბორდის შექმნას და თავმჯდომარედ მისი კანდიდატურის განხილვას სთხოვს სააკაშვილი ენმ-ს პარტიის ბორდის შექმნას და თავმჯდომარედ მისი კანდიდატურის განხილვას სთხოვს
-
გადახედვაშესაძლოა, არამიწიერი სიცოცხლე იისფერი ბაქტერიების სახით არსებობდეს შესაძლოა, არამიწიერი სიცოცხლე იისფერი ბაქტერიების სახით არსებობდეს
-
გადახედვაკვლევის თანახმად, მელიები ადამიანების "საუკეთესო მეგობრები" იყვნენ კვლევის თანახმად, მელიები ადამიანების "საუკეთესო მეგობრები" იყვნენ
-
გადახედვალაზარეს განაჩენის სარეზოლუციო ნაწილი პრეზიდენტს ჯერ არ მიუღია — მის მოსამზადებლად, მოსამართლემ 14-დღიანი ვადა აიღო ლაზარეს განაჩენის სარეზოლუციო ნაწილი პრეზიდენტს ჯერ არ მიუღია — მის მოსამზადებლად, მოსამართლემ 14-დღიანი ვადა აიღო
-
გადახედვალავროვი ოცნების რუსულ კანონზე ამბობს, რომ "ძალიან რბილია" ლავროვი ოცნების რუსულ კანონზე ამბობს, რომ "ძალიან რბილია"
-
გადახედვადეა მელაძე: არა რუსულ კანონს! გელით რუსთაველზე დეა მელაძე: არა რუსულ კანონს! გელით რუსთაველზე
-
გადახედვავახტანგ გომელაური: აქციის მონაწილეები სიტყვიერ შეურაცხყოფას აყენებდნენ პოლიციას, ამის შემდეგ მოხდა დაპირისპირება ვახტანგ გომელაური: აქციის მონაწილეები სიტყვიერ შეურაცხყოფას აყენებდნენ პოლიციას, ამის შემდეგ მოხდა დაპირისპირება
-
გადახედვახაბეიშვილი: ელისაშვილის ცემა იყო მიზანმიმართული, საზოგადოებას უთხრეს — თუ პარლამენტარს ასე ვექცევით, თქვენ უარესად მოგექცევით ხაბეიშვილი: ელისაშვილის ცემა იყო მიზანმიმართული, საზოგადოებას უთხრეს — თუ პარლამენტარს ასე ვექცევით, თქვენ უარესად მოგექცევით
-
გადახედვარა ეწერა რუსთავი 2-ის საინფორმაციოს უფროსის Whatsapp სტატუსში, რომელიც დღეს გამოქვეყნდა და მალევე წაიშალა რა ეწერა რუსთავი 2-ის საინფორმაციოს უფროსის Whatsapp სტატუსში, რომელიც დღეს გამოქვეყნდა და მალევე წაიშალა
-
გადახედვაოცნების დეპუტატის, გია ცაგარეიშვილის შვილი: მედვედევს რაც მოსწონს, დუგინს რაც მოსწონს — ჩვენ ავტომატურად არ მოგვწონს, 2x2 ოცნების დეპუტატის, გია ცაგარეიშვილის შვილი: მედვედევს რაც მოსწონს, დუგინს რაც მოსწონს — ჩვენ ავტომატურად არ მოგვწონს, 2x2
-
გადახედვაახალგაზრდების ორგანიზებით, პარლამენტთან საპროტესტო აქცია დღეს 19 საათზე იგეგმება ახალგაზრდების ორგანიზებით, პარლამენტთან საპროტესტო აქცია დღეს 19 საათზე იგეგმება
-
-
გადახედვატაბიძეზე მომხდარი დაჭრის ფაქტზე ერთ პირს ბრალი წარუდგინეს ტაბიძეზე მომხდარი დაჭრის ფაქტზე ერთ პირს ბრალი წარუდგინეს
კომენტარები