რუსთავი 2 და Prime Time ჰოლდინგად ყალიბდება. ინფორმაცია ამის შესახებ On.ge-ს არხის დირექტორმა, პაატა სალიამ დაუდასტურა.

"გიდასტურებთ, რომ რუსთავი 2-მა და Prime Time-მა შევქმენით ჰოლდინგი. ჩვენს თანამშრომლებს გავაცანით ეს ინფორმაცია და უკვე ჰოლდინგი გააგრძელებს, ფაქტობრივად, რუსთავი 2-ის სახელით მაუწყებლობას. ყველა სამართლებრივი ზომა მიღებულია", — გვითხრა მან.

ჯერ კიდევ 5 მარტს ცნობილი გახდა, რომ პანდემიის გამო გამოწვეული ეკონომიკური სირთულისა და არხის რეიტინგის კლების გამო რუსთავი 2-ში სტრუქტურული რეორგანიზაცია გამოცხადდა.