ლესბოსელი წყვილი, რომელსაც ბინის მეპატრონე თავს დაესხა, დაზარალებულად ისევ არ არის ცნობილი
ლესბოსელ წყვილს ფიზიკურად ბინის მეპატრონე გაუსწორდა, ორივე ქალი ნაცემია. უსაფრთხოებიდან გამომდინარე, ბინის შეცვლა მოუწიათ, თუმცა ქირას ვერ იხდიან.
On.ge-სთან საუბრისას ერთ-ერთ მსხვერპლი მომხდარს იხსენებს. ამბობს, რომ ბინის მეპატრონემ მათზე ჰომოფობიური მოტივით იძალადა და მოკვლით ემუქრებოდა. იმის გამო, რომ წყვილი თავს უსაფრთხოდ არ გრძნობს, სტატიაში მათი სახელები შეცვლილია.
ნათია გვიყვება, რომ თავდაპირველად მეპატრონესთან, რომელიც იმავე შენობაში ცხოვრობს, უშუალო ურთიერთობა ჰქონდათ, დამოკიდებულება კი მას შემდეგ შეიცვალა, რაც მიკროავტობუსში კაცის და შეხვდათ, რომელმაც დაინახა, რომ ნათიას ანას მუხლზე ხელი ედო.
"გვიან დავინახე და ისეთი თვალებით გვიყურებდა, სახეზე ფერი გადამივიდა. ანასაც ვუთხარი, ეტყვის მის ძმას-მეთქი. თუმცა არ დაგვიშვია, რომ ამას რამე კონკრეტული ქმედება მოჰყვებოდა", — ამბობს ნათია.
როგორც ის გვიყვება, ამ შემთხვევიდან ერთ დღეში, საღამოს, მათთან ნათესავები მივიდნენ და დაბადების დღეს აღნიშნავდნენ, ამ დროს კი ტელეფონში მუსიკა ჰქონდათ ჩართული, თუმცა ხმის გამაძლიერებლის გარეშე. ქალის თქმით, მეპატრონის ცოლი დაუკავშირდა და უთხრა, რომ მეზობლებს ხმაური აწუხებთ.
"მივწერე, შეგიძლია ჩამოხვიდე, ნახო სიტუაცია და თუ მეტყვი, რომ ეს შემაწუხებელი და მიუღებელია, ბოდიშს მოვიხდი, რადგან მსგავსი სიტუაციები სხვების მხრიდანაც ხდება და უნდა ვიცოდე, რა არის შემაწუხებელი-მეთქი. მაინც გამოვრთეთ ყველაფერი, ვუთხარი ანას, არ გავაღიზიანოთ მეთქი", — ამბობს ნათია.
გვიყვება, რომ ამის შემდეგ მაგიდის ალაგება და ჭურჭლის რეცხვა დაიწყო, რა დროსაც ეზოდან მისი პარტნიორის ხმა და კაცის გინება გაიგო, ამიტომ თავადაც გარეთ გავიდა.
"ზოგადად, ცოტა "ძველი ბიჭია" და გვეგონა, რომ გარეთ მოხდა რამე. არც გვიფიქრია, რომ ჩვენ მიმართ იქნებოდა. მოდის გინებით: თქვენი დედა მოვტ*ან, თქვე ბო*ებო, თქვენ გიჩვენებთ სეირს. ხელში ეჭირა ჯოხის მსგავსი რაღაც, რომელიც ვერ გავარკვიეთ, ხის იყო თუ რკინის. ანამ ჰკითხა, რა მოხდაო და იმან უპასუხა, არ იცით, ვის უბანში ხართ და სად უნდა იბლატაოთო?
ლაპარაკი ვცადე, მაგრამ არ დამაცადა, დაიწყო წიხლების რტყმა. ანას ურტყამდა წიხლებს, წამებში ხდებოდა ეს ყველაფერი. მესამე დარტყმაზე ანამ გონება დაკარგა და ვცდილობდი აზრზე მომეყვანა, ის კი ყვიროდა, ააყენეთ, უნდა მოვკლაო. მე შევეპასუხე და მუშტი დამარტყა სახეში.
როცა დააწყნარეს და სახლში მიჰყავდათ, ამბობდა, ორი გოგო რომ შემოგიშვით [ბინაში], მაშინ შევცდი, თქვენ სულით ბო*ებო, ფუი, თქვენს გამზრდელს, თქვენნაირებმა არ უნდა იცოცხლონ, მაინც მოგკლავთ, ხვალ ბიჭებს დაგაყენებთო", — გვიყვება ნათია.
ამბობს, რომ პოლიციას მოძალადე მაშინვე არ დაუკავებია და მისთვის შემაკავებელი ორდერის გამოწერისთვისაც კი ბრძოლა დასჭირდათ.
"ძლივს მივაღწიეთ იმას, რომ მოძალადე განერიდებინათ და არა ჩვენ".
ანას დაზიანებები აქვს ნეკნებს შორის და გულ-მკერდის არეში, ასევე, ჰემატომა თავზე, რაც დაცემამ გამოიწვია. ნათიამ ტრავმა თავისა და სახის არეში მიიღო. მისი თქმით, სასწრაფო სამედიცინო დახმარების დასკვნაშიც წერია, რომ დაზიანებები ხელით არ არის მიყენებული. ისინი ახლა ექსპერტიზის დასკვნას ელოდებიან, რომელმაც სასამართლოში ბინის მეპატრონის დანაშაული უნდა დაამტკიცოს.
"ახლა ფიზიკურად ცოტა უკეთ ვგრძნობ თავს, მაგრამ ძალიან დასტრესილი ვარ, ძილში ვშფოთავ, კაცის ხმა რომ მესმის, პანიკური შიშები მეწყება. ანას ფეხი სტკივა, გადაადგილებაში უშლის ხელს, სამსახურში ბიულეტენი აიღო", — ამბობს ნათია.
ამ ყველაფერს კი დაემატა ისიც, რომ ბინის მეპატრონემ მათი ნათესავები მოიძია, დაუკავშირდა და ახლა ისინი ქალებისგან საჩივრის გამოტანას ითხოვენ. ამასთან, გაუმხილა მათი სექსუალური ორიენტაციის შესახებაც, რაც წყვილისთვის დამატებითი სტრესის საფუძველი გახდა.
ანასა და ნათიაზე თავდასხმაზე შინაგან საქმეთა სამინისტრომ გამოძიება სისხლის სამართლის კოდექსის 126-ე მუხლის 1¹ პუნქტის "ბ" ქვეპუნქტით დაიწყო, რაც ორი ან მეტი პირის მიმართ ძალადობას გულისხმობს. ქალების ინტერესებს არასამთავრობო ორგანიზაცია სოციალური სამართლიანობის ცენტრი (ყოფილი EMC) იცავს. როგორც ადვოკატი ქეთი ჩუთლაშვილი On.ge-სთან ამბობს, საქმის მასალებთან წვდომა არ აქვთ, რადგან ლესბოსელი წყვილს ამ დრომდე არ აქვს დაზარალებულის სტატუსი. ეს პროცესი უქმე დღეებმა კიდევ უფრო გაახანგრძლივა და პროკურატურის გადაწყვეტილებას მხოლოდ 14 მაისიდან ელოდებიან.
"ვინაიდან, საქმეში აშკარად ჩანდა გოგოებისთვის სავარაუდო ზიანის მიყენება, მნიშვნელოვანი იყო, რომ საწყის ეტაპზევე მომხდარიყო დაზარალებულად ცნობა და სისხლის სამართლის მასალების გადმოცემა. ეს შეეძლო პროკურატურას ჩვენი მიმართვის გარეშეც, თუმცა, სამწუხაროდ, ასე არ მოხდა და ჩვენ დაგვჭირდა მიმართვა, რის განხილვას სჭირდება დრო და რადგან უქმე დღეებიც ემთხვევა, კიდევ უფრო გადაიწია, რაც, რა თქმა უნდა, პრობლემაა. მსგავსი სენსიტიური საქმეების დროს, ძალიან მნიშვნელოვანია ყველა გადაწყვეტილება, რაც საგამოძიებო ორგანოს კომპეტენციაა, დროულად იქნეს მიღებული და მაქსიმალურად შეუწყონ ხელი, რომ დაზარალებული ჩართული იყოს გამოძიების პროცესში, ინფორმაცია ჰქონდეს საგამოძიებო მოქმედებების შესახებ", — ამბობს ადვოკატი.
მისი განცხადებით, როცა ასე არ ხდება, დაზარალებულს ბუნებრივად უჩნდება განცდა, რომ გამოძიება სწორად და ადეკვატურად არ მიმდინარეობს და არის გაჭიანურების მცდელობა.
მართალია, პოლიციამ მოძალადე საბოლოოდ განარიდა, მაგრამ იმ ბინაში ქალები თავს უსაფრთხოდ აღარ გრძნობენ, ამიტომ სასწრაფოდ მოუხდათ ახალი საცხოვრებლის ძებნა. გაუმართლათ და იპოვეს, თუმცა ამბობენ, რომ ქირისთვის ფულის მხოლოდ ნაწილი აქვთ, ასევე, სჭირდებათ ფული საკვებისთვის. რამდენიმე არასამთავრობო ორგანიზაცია მათ უკვე დაეხმარა, მათ შორის, დაუფინანსეს ის სამედიცინო გამოკვლევები, რაც თავდასხმის შემდეგ გახდა საჭირო, თუმცა კვლავ ფინანსური პრობლემების წინაშე არიან.
იმ შემთხვევაში, თუ On.ge-ს მკითხველს აქვს სურვილი დაეხმაროს ქალებს, რომლებსაც სექსუალური ორიენტაციის გამო თავს დაესხნენ, ანგარიშის ნომრებია:
- საქართველოს ბანკი — GE32BG0000000863579400
- თიბისი ბანკი — GE40TB7704345061100062
-
გადახედვაო'ბრაიენი: თუ საქართველოს ხელისუფლება ე.წ. რუსულ კანონს მიიღებს, ვითარება ჩვენთვის ნათელი გახდება [ინტერვიუ] ო'ბრაიენი: თუ საქართველოს ხელისუფლება ე.წ. რუსულ კანონს მიიღებს, ვითარება ჩვენთვის ნათელი გახდება [ინტერვიუ]
-
გადახედვამიუხედავად დაპირისპირებისა და რთული ვითარებისა, უნდა გვაერთიანებდეს სამშობლოს სიყვარული და შეგვეძლოს მშვიდობიანი თანაცხოვრება — ეპისტოლედან მიუხედავად დაპირისპირებისა და რთული ვითარებისა, უნდა გვაერთიანებდეს სამშობლოს სიყვარული და შეგვეძლოს მშვიდობიანი თანაცხოვრება — ეპისტოლედან
-
გადახედვარუსეთმა ვოლოდიმირ ზელენსკი ძებნილად გამოაცხადა რუსეთმა ვოლოდიმირ ზელენსკი ძებნილად გამოაცხადა
-
გადახედვასალომე ზურაბიშვილი ელჩებს: დაძაბულ ვითარებაში ვართ... ჩემი თხოვნაა, განხორციელდეს მაღალი დონის ვიზიტები მაისის ბოლომდე სალომე ზურაბიშვილი ელჩებს: დაძაბულ ვითარებაში ვართ... ჩემი თხოვნაა, განხორციელდეს მაღალი დონის ვიზიტები მაისის ბოლომდე
-
გადახედვაქართველი სტარტაპერები რუსული კანონის წინააღმდეგ ერთობლივ განცხადებას ავრცელებენ ქართველი სტარტაპერები რუსული კანონის წინააღმდეგ ერთობლივ განცხადებას ავრცელებენ
-
გადახედვასასტუმრო პარაგრაფთან აქციის მონაწილე დააკავეს სასტუმრო პარაგრაფთან აქციის მონაწილე დააკავეს
-
გადახედვაპრეზიდენტმა ე.წ ოფშორების კანონს ვეტო დაადო პრეზიდენტმა ე.წ ოფშორების კანონს ვეტო დაადო
-
გადახედვასაქართველოს რეიტინგი, პრესის თავისუფლების მსოფლიო ინდექსში, 26 ადგილით დაეცა საქართველოს რეიტინგი, პრესის თავისუფლების მსოფლიო ინდექსში, 26 ადგილით დაეცა
-
გადახედვაჟურნალისტური ეთიკის ქარტიის განცხადება კახა კალაძის მიერ, ჟურნალისტის შეურაცხყოფის ფაქტზე ჟურნალისტური ეთიკის ქარტიის განცხადება კახა კალაძის მიერ, ჟურნალისტის შეურაცხყოფის ფაქტზე
-
გადახედვადღეს, კობახიძემ, ამ ქვეყნის ისტორიაში უპრეცედენტო და უდიდესი თავდასხმა განახორციელა აშშ-ზე — გრიგოლ გეგელია დღეს, კობახიძემ, ამ ქვეყნის ისტორიაში უპრეცედენტო და უდიდესი თავდასხმა განახორციელა აშშ-ზე — გრიგოლ გეგელია
-
გადახედვარა უნდა ვიცოდეთ დღევანდელ პროტესტზე, რომელიც 18:30-ზე დაიწყება სასტუმრო პარაგრაფთან, თავისუფლების მოედანზე რა უნდა ვიცოდეთ დღევანდელ პროტესტზე, რომელიც 18:30-ზე დაიწყება სასტუმრო პარაგრაფთან, თავისუფლების მოედანზე
-
გადახედვაკობახიძე აშშ-ს "ორ რევოლუციურ მცდელობაში" ადანაშაულებს — რა გავიგეთ მისი და აშშ-ის სახელმწიფო მდივნის მრჩევლის პოსტებიდან X-ზე კობახიძე აშშ-ს "ორ რევოლუციურ მცდელობაში" ადანაშაულებს — რა გავიგეთ მისი და აშშ-ის სახელმწიფო მდივნის მრჩევლის პოსტებიდან X-ზე
-
გადახედვაკალაძე სპორტსმენებზე, რომელმაც ხელისუფლების ძალადობა დაგმეს: "მეც ვუერთდები "არა რუსულ კანონს", ამ სუფთა ქართულ კანონს კი აუცილებლად მივიღებთ" კალაძე სპორტსმენებზე, რომელმაც ხელისუფლების ძალადობა დაგმეს: "მეც ვუერთდები "არა რუსულ კანონს", ამ სუფთა ქართულ კანონს კი აუცილებლად მივიღებთ"
-
გადახედვამინდა, მივმართო ჩვენი ქვეყნის აკრედიტებულ ელჩებს მეგობარ ქვეყნებში... საკითხი ეხება ჩვენი ქვეყნის მომავალს! — მამუკა ხაზარაძე მინდა, მივმართო ჩვენი ქვეყნის აკრედიტებულ ელჩებს მეგობარ ქვეყნებში... საკითხი ეხება ჩვენი ქვეყნის მომავალს! — მამუკა ხაზარაძე
-
გადახედვაპოლიციის უმოქმედობა აქციის მონაწილეებზე ძალადობას ახალისებს — DRI პოლიციის უმოქმედობა აქციის მონაწილეებზე ძალადობას ახალისებს — DRI
-
გადახედვა11 მაისს, ევროპის დღეს, რუსული კანონის საწინააღმდეგო მანიფესტაცია დაანონსდა 11 მაისს, ევროპის დღეს, რუსული კანონის საწინააღმდეგო მანიფესტაცია დაანონსდა
-
გადახედვაცირკთან აქციის მონაწილეებს, უცნობი პირები, ფიზიკურად გაუსწორდნენ ცირკთან აქციის მონაწილეებს, უცნობი პირები, ფიზიკურად გაუსწორდნენ
-
გადახედვასაფრანგეთში მცხოვრები ქართველი სტუდენტები რუსული კანონის გაწვევას მოითხოვენ და აქციის მონაწილეებზე ძალადობას გმობენ საფრანგეთში მცხოვრები ქართველი სტუდენტები რუსული კანონის გაწვევას მოითხოვენ და აქციის მონაწილეებზე ძალადობას გმობენ
-
გადახედვაგზის გადაკეტვა შეკრების თავისუფლების ფორმაა — საია გზის გადაკეტვა შეკრების თავისუფლების ფორმაა — საია
-
გადახედვაკობახიძე აშშ-ში მიიწვიეს დათქმით, რომ ვიზიტამდე უნდა შეჩერებულიყო კანონპროექტის განხილვა — საგარეო აშშ-ის ელჩის განცხადებაზე კობახიძე აშშ-ში მიიწვიეს დათქმით, რომ ვიზიტამდე უნდა შეჩერებულიყო კანონპროექტის განხილვა — საგარეო აშშ-ის ელჩის განცხადებაზე
-
კომენტარები