ნინოწმინდა სარაგბო კლუბ ტაოს თანხას ისე ურიცხავს, რომ იქ არც ერთი მოთამაშე არ ჰყავს — TI
ნინოწმინდის მუნიციპალიტეტი სარაგბო კლუბ ტაოს თანხას ისე ურიცხავს, რომ ოთხი წლის განმავლობაში იქ არც ერთი მოთამაშე არ ჰყოლია. როგორც TI-ს მიერ გავრცელებულ მასალაშია აღნიშნული, 2016-2020 წლებში მუნიციპალიტეტმა კლუბს 130 000 ლარი გადაურიცხა.
საერთაშორისო გამჭვირვალობა — საქართველო განმარტავს, რომ სამცხე-ჯავახეთის სარაგბო კლუბი ტაო ბიძინა ივანიშვილთან და ქართულ ოცნებასთან არის დაკავშირებული.
TI-ს გავრცელებული ინფორმაციით, ფონდმა ქართუმ 2012-2013 წლებში მოაწყო ასპინძის სარაგბო ბაზა, რომელსაც ფლობს შპს რაგბის მხარდამჭერთა ალიანსი R-15. ამ შპს-ს ორივე დამფუძნებელი — ააიპ რაგბის მხარდამჭერთა ლიგა (20%) და ააიპ ასოციაცია ატუ (80%) პირდაპირ არის დაკავშირებული ბიძინა ივანიშვილთანაც და პარტია ქართულ ოცნებასთან. საერთაშორისო გამჭვირვალობა აღნიშნავს, რომ ამ ორგანიზაციებმა 2013-2020 წლებში 45 სახელმწიფო შესყიდვიდან 3 984 317 ლარი მიიღეს, მათმა დამფუძნებლებმა კი ქართულ ოცნებას და მის მხარდაჭერილ პრეზიდენტობის კანდიდატს, სალომე ზურაბიშვილს ჯამში 376 200 ლარი შესწირეს.
ორგანიზაციის ინფორმაციითვე, ასპინძის სარაგბო ბაზის ფინანსურ მხარდაჭერა მოგვიანებით სამცხე-ჯავახეთის მუნიციპალიტეტებმა იკისრეს. მათ 2016 წელს ააიპ სამცხე-ჯავახეთის სარაგბო კლუბი ტაო დააფუძნეს და სარაგბო ბაზის საბიუჯეტო დაფინანსების სქემა შექმნეს. მუნიციპალიტეტებმა ამ ააიპ-ს ადგილობრივი ბიუჯეტებიდან, 2016-2020 წლებში, ჯამში 1 171 861 ლარი გადაურიცხეს.
"2016 წელს ააიპ სამცხე-ჯავახეთის სარაგბო კლუბი ტაოს დაფუძნების ინიციატივით ასპინძის მაშინდელი მერი და საქართველოს რაგბის ეროვნული ნაკრების ყოფილი კაპიტანი, ლევან ცაბაძე (ლეონსიო) გამოვიდა. მას შემდეგ, თითქმის ყოველწლიურად, რეგიონის ყველა მუნიციპალიტეტიდან (ახალქალაქი 2017 წლიდან შეურთდა), ააიპ-სთვის გამოყოფილი თანხა ათასობით ლარით იზრდება", — ნათქვამია TI-ს მასალაში.
არასამთავრობო ორგანიზაციის ინფორმაციით, ტაოს ძირითადი გუნდი პირველ ლიგაში თამაშობს და მას ჰყავს ჭაბუკთა გუნდებიც. რეგიონის მუნიციპალიტეტებიდან ნინოწმინდას არცერთ ასაკობრივ გუნდში მოთამაშე არასდროს ჰყოლია, თუმცა 2016-2020 წლებში, 130 000 ლარი გადაურიცხა.
რაც შეეხება ახალქალაქის მუნიციპალიტეტს, TI-ში აღნიშნავენ, რომ ჭაბუკთა გუნდში 2018 და 2020 წელს თითო-თითო, 2019 წელს კი 2 მოთამაშე ჰყავდა, თუმცა ბიუჯეტიდან თანხას 2017 წლიდან რიცხავს და ჯამში ტაოს 190 000 ლარი გადაუხადა.
"ახალქალაქის მუნიციპალიტეტმა 2019-2020 წლებში, ჯამში მხოლოდ 3 ახალგაზრდისთვის, 55 000-55 000 ათასი ლარი გამოყო. შედარებისთვის, ამავე წლებში, ახალქალაქის ბიუჯეტში ავადმყოფთა და შეზღუდული შესაძლებლობების მქონე პირთა სოციალური დაცვისთვის 40 000 და 45 000 ლარია გაწერილი, მრავალშვილიანი ოჯახების ბავშვებისთვის ფასიანი სწავლების დაფინანსებაზე — 45 000 ლარი, მედიკამენტების შეძენაზე — 40 000 ლარი, მწვანე ნარგავების მოვლა-პატრონობაზე კი — 49 000 ლარი", — ვკითხულობთ კვლევაში.
ტაომ 2016-2021 წლებში 9 ტენდერი გამოაცხადა სპორტული შეკრებების დროს, მონაწილეების სასტუმროში დაბინავებასა და კვებით უზრუნველყოფაზე. როგორც TI-ში აღნიშნავენ, სატენდერო პირობები ისე იყო გაწერილი, რომ მათ მხოლოდ ასპინძის რაგბის ბაზა აკმაყოფილებდა. შესაბამისად, მისი მფლობელი, რაგბის მხარდამჭერთა ალიანსი R-15 უკონკურენტოდ იგებდა.
გარდა ამისა, ორგანიზაცია ხაზს უსვამს, რომ სარაგბო კლუბ ტაოს პრეზიდენტი ირაკლი გვენეტაძე რაგბის მხარდამჭერთა ალიანსის დამფუძნებელი და ყოფილი დირექტორია. ალიანსს კი ტაოს გარდა, სხვა ტენდერებში მონაწილეობა არ მიუღია. ერთი გამონაკლისის გარდა კი, ხელშეკრულება იმ თანხაზე უფორმდება, რაც შესყიდვის სავარაუდო ღირებულებაა.
TI-ში აცხადებენ, რომ მუნიციპალური ორგანიზაციები რაგბის მხარდამჭერთა ალიანს R-15-ს პირდაპირ შესყიდვებსაც უფორმებენ და 2015-2020 წლებში, 13 პირდაპირი შესყიდვით სულ 48 108 ლარი მიიღო.
"აღსანიშნავია, რომ შპს რაგბის მხარდამჭერთა ალიანს R-15-ის მენეჯერი, 2014-2017 წლებში ასპინძის ადმინისტრაციული სამსახურის უფროსის და 2017-2021 წლებში ასპინძის საკრებულოში კომისიის თავმჯდომარის ანა ტივაძის დედაა. ვიდრე, ანა ტივაძე თვითმმართველობაში თანამდებობაზე დაინიშნებოდა, შპს-ში აღნიშნული პოზიცია თავად ეკავა", — განმარტავენ ორგანიზაციაში.
საერთშორისო გამჭვირვალობა — საქართველო მოუწოდებს სახელმწიფო უსაფრთხოების სამსახურის შეისწავლოს რაგბის მხარდამჭერთა ალიანს R-15-სა და სამცხე-ჯავახეთის სარაგბო კლუბ ტაოს ტენდერები, ასევე, ამავე შპს-თან და ააიპ ასოციაცია ატუსთან მუნიციპალური ორგანიზაციების მიერ გაფორმებული პირდაპირი შესყიდვები და დარღვევების დაფიქსირების შემთხვევაში, იმოქმედონ კანონის შესაბამისად.
-
გადახედვაცირკთან აქციის მონაწილეებს, უცნობი პირები, ფიზიკურად გაუსწორდნენ ცირკთან აქციის მონაწილეებს, უცნობი პირები, ფიზიკურად გაუსწორდნენ
-
გადახედვასაფრანგეთში მცხოვრები ქართველი სტუდენტები რუსული კანონის გაწვევას მოითხოვენ და აქციის მონაწილეებზე ძალადობას გმობენ საფრანგეთში მცხოვრები ქართველი სტუდენტები რუსული კანონის გაწვევას მოითხოვენ და აქციის მონაწილეებზე ძალადობას გმობენ
-
გადახედვაპოლიციამ გმირთა მოედანზე, რამდენიმე წუთის წინ, სამი ადამიანი დააკავა პოლიციამ გმირთა მოედანზე, რამდენიმე წუთის წინ, სამი ადამიანი დააკავა
-
გადახედვაპოლიცია ცდილობს, გმირთა მოედანზე მოძრაობა გახსნას — სამართალდამცველები აქციის მონაწილეების მიმართ ძალას იყენებენ პოლიცია ცდილობს, გმირთა მოედანზე მოძრაობა გახსნას — სამართალდამცველები აქციის მონაწილეების მიმართ ძალას იყენებენ
-
გადახედვაბუდუ ზივზივაძე: არა რუსეთს და არა ყველაფერს, რაც საქართველოს რუსეთისკენ მიაქანებს ბუდუ ზივზივაძე: არა რუსეთს და არა ყველაფერს, რაც საქართველოს რუსეთისკენ მიაქანებს
-
გადახედვაბუდუ ზივზივაძე: ვერანაირად გამართლდება მშვიდობიან მომიტინგეებზე თავდასხმა ბუდუ ზივზივაძე: ვერანაირად გამართლდება მშვიდობიან მომიტინგეებზე თავდასხმა
-
გადახედვაშსს-ს ვებგვერდი არ მუშაობს — ჰაკერული დაჯგუფება Anonymous წერს, რომ საიტი მათ გათიშეს შსს-ს ვებგვერდი არ მუშაობს — ჰაკერული დაჯგუფება Anonymous წერს, რომ საიტი მათ გათიშეს
-
გადახედვასაიას განცხადება გელა ნადირაძის ადგილსამყოფლის და მდგომარეობის შესახებ საიას განცხადება გელა ნადირაძის ადგილსამყოფლის და მდგომარეობის შესახებ
-
გადახედვაქართველი იუთუბერები საერთო ვიდეოს ავრცელებენ და რუსულ კანონს გმობენ ქართველი იუთუბერები საერთო ვიდეოს ავრცელებენ და რუსულ კანონს გმობენ
-
გადახედვაახლა საქართველოს ხელისუფლებაზეა დამოკიდებული, მე ნათლად ვთქვი, რომ ევროინტეგრაციის გზაზე ეს კანონი პრობლემაა — ხერტ იან კოოპმანი ახლა საქართველოს ხელისუფლებაზეა დამოკიდებული, მე ნათლად ვთქვი, რომ ევროინტეგრაციის გზაზე ეს კანონი პრობლემაა — ხერტ იან კოოპმანი
-
გადახედვასაჩხერელი გელა ნადირაძე, რომელიც აქციაზე გაუჩინარდა, საავადმყოფოში ნაცემი იპოვეს საჩხერელი გელა ნადირაძე, რომელიც აქციაზე გაუჩინარდა, საავადმყოფოში ნაცემი იპოვეს
-
გადახედვაახლობლები ეძებენ აქციაზე საჩხერიდან ჩამოსულ კაცს — მას, სავარაუდოდ, სპეცრაზმმა სცემა ახლობლები ეძებენ აქციაზე საჩხერიდან ჩამოსულ კაცს — მას, სავარაუდოდ, სპეცრაზმმა სცემა
-
გადახედვაღოღობერიძე: ჩვენ გავიმარჯვებთ და ამ საქართველოში იმათთვისაც იქნება ღირსეული ადგილი, ვინც დღეს, სხვადასხვა მიზეზების გამო, სხვაგვარად ფიქრობს! ღოღობერიძე: ჩვენ გავიმარჯვებთ და ამ საქართველოში იმათთვისაც იქნება ღირსეული ადგილი, ვინც დღეს, სხვადასხვა მიზეზების გამო, სხვაგვარად ფიქრობს!
-
-
გადახედვალანა ღოღობერიძე: გგონიათ, წყლის ჭავლით და რეზინის ტყვიებით შეძლებთ ამ საუკუნეებით გამოწრთობილი სულისკვეთების ჩაკვლას? ლანა ღოღობერიძე: გგონიათ, წყლის ჭავლით და რეზინის ტყვიებით შეძლებთ ამ საუკუნეებით გამოწრთობილი სულისკვეთების ჩაკვლას?
-
გადახედვარუსული კანონის მოწინააღმდეგეები გმირთა მოედნის პიკეტირებას გეგმავენ — საპროტესტო აქცია ჩატარდება პარლამენტთანაც რუსული კანონის მოწინააღმდეგეები გმირთა მოედნის პიკეტირებას გეგმავენ — საპროტესტო აქცია ჩატარდება პარლამენტთანაც
-
გადახედვაკაცს, რომელმაც ლილოს მოვაჭრე შეკვეთით მოკლა, უვადო პატიმრობა შეეფარდა კაცს, რომელმაც ლილოს მოვაჭრე შეკვეთით მოკლა, უვადო პატიმრობა შეეფარდა
-
-
გადახედვასაპარლამენტო ოპოზიციის ბრიფინგი პარლამენტის დაკეტილ ჭიშკართან და მათი მთავარი გზავნილები ხელისუფლებას საპარლამენტო ოპოზიციის ბრიფინგი პარლამენტის დაკეტილ ჭიშკართან და მათი მთავარი გზავნილები ხელისუფლებას
-
-
გადახედვარამდენიმე სიმართლე, რისთვისაც თვალის გასწორება მოგიწევთ თქვენი პარპაშის დასრულებამდე — ჯაფარიძე ოცნებას რამდენიმე სიმართლე, რისთვისაც თვალის გასწორება მოგიწევთ თქვენი პარპაშის დასრულებამდე — ჯაფარიძე ოცნებას
კომენტარები