12 რამ, რასაც გაზრდის შემდეგ ხვდები
გაზრდა ჩვენი ცხოვრების თანმდევი ნაწილია. მას კონკრეტული მომენტი ან ერთი დღე არ უკავშირდება — პროცესი იმდენად ნელა და შეუმჩნევლად მიდის, რომ ხშირად ვერც ვიაზრებთ, როგორ გავიზარდეთ. გაზრდაში კი, რა თქმა უნდა, მხოლოდ გარეგნული ცვლილებები არ მოიაზრება. თუკი ფეისბუქის "მოგონებებში" ახლა შეიჭყეტ, მიხვდები, როგორ გაიზარდე თუნდაც ბოლო ერთ წელიწადში. შესაბამისად, საფუძვლიანი ეჭვია, რომ ჩვენ მუდმივად ვიზრდებით.
მოკლედ, ვიზრდებით და ჩვენი შეხედულებები, ფიქრები და დამოკიდებულებებიც იცვლება. ყოველდღიური აღმოჩენებიც უფრო საინტერესო ხდება. ამ სტატიაში წარმოგიდგენთ სწორედ ასეთ აღმოჩენებს, რომლებიც ონლაინპლატფორმა Quora-ის მომხმარებლებმა გააკეთეს, როცა გაიზარდნენ.
1. ცხოვრებაში სამუდამო არაფერია, ამიტომ მოთმინებით უნდა დაიცადო
"ცხოვრებას ყოველთვის შორი ხედით უყურეთ. მომთმენი იყავით. ტყე მხოლოდ ხეებისგან არ შედგება, ბაზრები კი იხურება და კვლავ იხსნება. დღევანდელი სიტუაცია საბოლოო არაა. სწორი დამოკიდებულებით, მას დაძლევთ".
2. ხალხისთვის მადლობის გადახდა ნუ დაგავიწყდება
"წარმატების მიღწევას სხვების მხარდაჭერაც სჭირდება. ძალიან წარმატებული ადამიანები გულწრფელობით გამოირჩევიან და მათ აფასებენ, ვინც ამ გზაზე დაეხმარა. ეს რთული არაა, თუმცა, ფიქრად მაინც არასდროს გაუვლიათ, ვინმესთვის მადლობა არ გადაეხადათ".
3. საბოლოოდ, ყველაფერი მაინც ისე გამოდის, როგორც უნდა გამოდიოდეს
"ეს ალბათ იმ ფრაზის ვარიაციაა, რომ 'ყველაფერს თავისი მიზეზი აქვს'. თუმცა, იდეა მაინც ძალიან სასარგებლოა. შესაძლოა, ახლა რაღაცაზე ძალიან დარდობთ, თუმცა, ბოლოს მაინც ისე ხდება, როგორც უნდა მომხდარიყო. როცა მომხდარს რეტროსპექტივაში უყურებ, ეს იდეა უფრო აზრიანი ხდება".
4. ათი საქმის კარგად გაკეთებას ერთი საქმის შესანიშნავად შესრულება სჯობს
"ისტორიაში რომ 7-იანი მიიღე, იმას სულაც არ ნიშნავს, რომ შენი ცხოვრება აქ დამთავრდა. არც ყველაფერში 10-იანის მიღება გულისხმობს, რომ სოფელი აშენდა. სხვათა შორის, ყველაფერში 10-იანის მიღებამ, შესაძლოა, მრავალფუნქციურ რობოტად გაქციოთ და საკუთარი ნიჭისა და მისწრაფებებისთვის ყურადღების მიქცევაც კი დაგავიწყოთ".
5. ცხოვრება სულაც არაა რომანტიკული კომედია
"კოლეჯში სწავლის პირველ დღეს გოგო გავიცანი და ვიფიქრე, რომ ერთმანეთისთვის ვიყავით შექმნილები. მის მოსახიბლად პიესები დავწერე, კუნთები დავიყენე, ვკითხულობდი წიგნებს, ვუსმენდი მუსიკას, თავი დავანებე მოწევას. პატარ-პატარა საჩუქრებსაც ვჩუქნიდი. ვიმახსოვრებდი ისეთ დეტალებს, რასაც სხვა არ დაიხსომებდა. შევიცვალე ვარცხნილობა და ჩაცმის სტილი. საბოლოო კი, ისე გამოვიდა, რომ ერთმანეთისთვის არც კი გვიკოცნია.
"ეს მას არ ეხება. უბრალოდ, ვისწავლე, რომ ვიღაცის სიყვარულის მოპოვება შეუძლებელია და არც უნდა სცადო. ცხოვრება რომანტიკული კომედია არაა, ამიტომ არ არსებობს ერთადერთი 'საბედო'. ბევრ ადამიანთან შეგიძლია შეთავსება: გაზრდა, განვითარება და ნაბიჯების გადადგმა".
6. ყველა, ვისაც ხვდები, სანდო არაა
"როცა გაიზრდები, გიღალატებენ და ზურგში დანას ჩაგარტყამენ. ბევრჯერ. ახლო მეგობრები და ოჯახიც კი შეგეცვლება, ფულის, თანამდებობის ან საერთოდ არაფრის გამო. ასე ისწავლი, რომ ხალხის ნდობა წყალზე სიარულს ჰგავს. ასე რომ, ისიამოვნეთ ახლობლების გვერდით ყოფნით, თუმცა, გული ნუ დაგწყდებათ, თუკი მიგატოვებენ".
7. გჯერა თუ არა ამის, არსებობს ხალხი, რომელიც შენზე ზრუნავს
"ხშირად გვგონია, რომ ჩვენი მიღწევები მხოლოდ და მხოლოდ ჩვენსავე ძალისხმევას უკავშირდება, თუმცა, უმრავლეს შემთხვევაში, ეს ასე სულაც არაა. უმეტესობა ჩვენგანი აქ და ახლა იმიტომ ვართ, რომ ვიღაცამ ჩვენზე იზრუნა. როცა მან შემოგვხედა, გვერდი არ აუვლია და იფიქრა, რომ დახმარების ხელი გამოეწვდია. სწორედ ამ ხელმა წამოგვაყენა ფეხზე. რასაკვირველია, ჩვენი წესებით უნდა ვიცხოვროთ, მაგრამ არ უნდა დავივიწყოთ ჩვენი ურთიერთობები და ის, რომ სოციალურ იზოლაციაში ცხოვრება არ შეგვიძლია. ზოგჯერ ერთადერთი რამ, რაც სრულ ჭკუაზე გვტოვებს და წინსვლისკენ გვიბიძგებს, იმ ადამიანებთან კავშირებია, რომლებიც ჩვენთვის მნიშვნელოვანნი არიან".
8. შენი შეხედულებები ყოველთვის უნდა გადააფასო
"იმის გამო, რომ საკუთარ შეხედულებებზე მიჯაჭვულები არიან, ბევრი ადამიანი მუდმივად დაძაბულია. ზოგს ჰგონია, რომ ყველაფერი, რაც სწამს, მართალია. ეს მანამ, სანამ ფეხს არ წამოკრავს და ყველაფერს არ გადააფასებს. თუკი ყოველდღე საკუთარ თავს ერთი შემზღუდველი აზრისგან გაათავისუფლებ, უფრო ბედნიერი ცხოვრება გექნება".
9. საკუთარი ბედნიერების წყარო თავადვე ვართ
"ბედნიერება გარეგან წყაროებში არ უნდა ვეძებოთ, იქნება ეს ადამიანი, სამსახური, უფროსი, მეგობარი, ლეპტოპი თუ მანქანა. ვერც უბედურებას დააბრალებ სხვას, რადგან ასე, უბრალოდ, დროებით მოაგვარებ პრობლემას. ბედნიერებას თავადვე ქმნი და მასზეც ისევე მუშაობ, როგორც ცხოვრებაში სხვა ნებისმიერი ჩვევის განვითარებაზე: ყოველდღიურად".
10. ყველა მეგობრობა სამუდამოდ არ გრძელდება და ეს ნორმალურია
"ზოგიერთი მეგობარი ისევე ფიქრობს, როგორც 10 წლის წინ ფიქრობდა, თქვენი კი — განვითარდით (ან პირიქით). მეგობრობა უმეტესწილად საერთო ინტერესებს ემყარება და ეს ინტერესები, რა თქმა უნდა, დროთა განმავლობაში იცვლება".
11. არც უფროსებმა იციან, რას აკეთებენ
"როცა პატარები ვიყავით, მშობლებს ან უფროსებს ვუსვამდით შეკითხვებს, რადგან ვიცოდით, რომ მათ ყველაფერზე ჰქონდათ პასუხი. როცა იზრდები, თანდათან იაზრებ, რომ უფროსების უმეტესობას წარმოდგენაც კი არ აქვს ცხოვრებაზე, ან ზუსტად ისევე ცდილობენ მის გაგებას, როგორც ყველა დანარჩენი".
12. დაბოლოს — ცვლილების მიღება და მისით ცხოვრება უნდა ისწავლო
"ცხოვრების ყოველ ეტაპს თავისი რიტმი აქვს და ეს რიტმი ჩვენი ურთიერთობების, ადგილების, სამსახურის, ჯანმრთელობის საკითხებისა და მეგობრების მიხედვით იცვლება. ასე რომ, იცხოვრე იმ მომენტით, სადაც ხარ, თუმცა, გახსოვდეს, რომ როცა მუსიკა შეიცვლება (და ნამდვილად შეიცვლება), ცეკვა არ შეწყვიტო. მოუსმინე. სწორედ მაშინ დაიწყებ საკუთარ მუსიკას აყოლებას".
-
-
-
გადახედვამელანომის პირველ ინდივიდუალიზებულ ვაქცინას უკვე ასობით ადამიანზე ცდიან მელანომის პირველ ინდივიდუალიზებულ ვაქცინას უკვე ასობით ადამიანზე ცდიან
-
გადახედვაყველაზე დიდი ცხოველი, რომელსაც ხმელეთზე უარსებია — პატაგოტიტანი ყველაზე დიდი ცხოველი, რომელსაც ხმელეთზე უარსებია — პატაგოტიტანი
-
გადახედვაSETI-ს მეცნიერის თქმით, არამიწიერი სიცოცხლის აღმოჩენა გარდაუვალია და ამას ჯეიმს ვების ტელესკოპით შევძლებთ SETI-ს მეცნიერის თქმით, არამიწიერი სიცოცხლის აღმოჩენა გარდაუვალია და ამას ჯეიმს ვების ტელესკოპით შევძლებთ
-
გადახედვამეცნიერებმა ძველ გრაგნილში პლატონის საფლავის მდებარეობაზე მინიშნებას მიაგნეს მეცნიერებმა ძველ გრაგნილში პლატონის საფლავის მდებარეობაზე მინიშნებას მიაგნეს
-
-
-
გადახედვაილიაუნი მოსწავლეებისთვის ასტროფიზიკის პრაქტიკულ შეხვედრებს გამართავს — როგორ დავესწროთ ილიაუნი მოსწავლეებისთვის ასტროფიზიკის პრაქტიკულ შეხვედრებს გამართავს — როგორ დავესწროთ
-
-
-
გადახედვამკვლევრებმა 90 მილიონი წლის წინ მცხოვრები გიგანტური ფრინველის ნაკვალევი აღმოაჩინეს მკვლევრებმა 90 მილიონი წლის წინ მცხოვრები გიგანტური ფრინველის ნაკვალევი აღმოაჩინეს
-
გადახედვა29 აპრილს, პარლამენტი გენდერული კვოტირების გაუქმებაზე, პრეზიდენტის ვეტოს განიხილავს 29 აპრილს, პარლამენტი გენდერული კვოტირების გაუქმებაზე, პრეზიდენტის ვეტოს განიხილავს
-
-
გადახედვაკობახიძე: მიგრაციის ერთ-ერთი მიზეზი არის ის, რომ გახსნილია საზღვრები, ანუ ადვილია ქვეყნის დატოვება და ევროკავშირის ქვეყნებში გადასვლა კობახიძე: მიგრაციის ერთ-ერთი მიზეზი არის ის, რომ გახსნილია საზღვრები, ანუ ადვილია ქვეყნის დატოვება და ევროკავშირის ქვეყნებში გადასვლა
-
გადახედვა"ობობები" მარსზე — რატომ ჩნდება წითელ პლანეტაზე სეზონური მუქი ლაქები "ობობები" მარსზე — რატომ ჩნდება წითელ პლანეტაზე სეზონური მუქი ლაქები
-
გადახედვაკობახიძე აცხადებს, რომ ევროპარლამენტის რეზოლუციაში ვიზალიბერალიზაციაზე ჩანაწერს "ჩალის ფასი აქვს" კობახიძე აცხადებს, რომ ევროპარლამენტის რეზოლუციაში ვიზალიბერალიზაციაზე ჩანაწერს "ჩალის ფასი აქვს"
-
გადახედვალელო: ვუერთდებით 28 აპრილს დაანონსებულ ევროპულ მარშს, რათა კიდევ ერთხელ ვუთხრათ "კი" ევროპას და "არა" რუსულ კანონს! ლელო: ვუერთდებით 28 აპრილს დაანონსებულ ევროპულ მარშს, რათა კიდევ ერთხელ ვუთხრათ "კი" ევროპას და "არა" რუსულ კანონს!
-
გადახედვარუსული კანონის მეორე საკომიტეტო მოსმენა 29 აპრილს დაინიშნა რუსული კანონის მეორე საკომიტეტო მოსმენა 29 აპრილს დაინიშნა
-
გადახედვაალტ-ინფო აცხადებს, რომ საჯარო რეესტრმა მათი ახალი პარტიის, "ქართული იდეის" გაუქმების პროცესი დაიწყო ალტ-ინფო აცხადებს, რომ საჯარო რეესტრმა მათი ახალი პარტიის, "ქართული იდეის" გაუქმების პროცესი დაიწყო
-
გადახედვაზენდეია სპაიდერმენის შეყვარებულებიდან მესამეა, რომელმაც ჩოგბურთელის როლი მოირგო ზენდეია სპაიდერმენის შეყვარებულებიდან მესამეა, რომელმაც ჩოგბურთელის როლი მოირგო
კომენტარები