წულუკიანისადმი ღია წერილში მწერლები ხელმომწერებად მიუთითეს ისე, რომ არც კი იცოდნენ — რა მოხდა
5 აგვისტოს მწერალთა აკადემიისა და რამდენიმე მწერლის სახელით გავრცელდა კულტურის მინისტრისადმი მიმართვა, რომელშიც შეურაცხმყოფელი და დამაკნინებელი ტერმინებით მოიხსენიებენ მწერალთა სახლის წევრებს. ხელმომწერად მითითებული მწერლების ნაწილი ამბობს, რომ განცხადების შინაარსზე წარმოდგენაც კი არ ჰქონდათ და არც ის იციან, როგორ აღმოჩნდნენ ამ სიაში. განსხვავებული პოზიცია აქვს გურამ პეტრიაშვილს, რომელიც ამბობს, რომ წერილის პათოსს იზიარებს.
განცხადების ხელმომწერებში 15 მწერლის სახელი-გვარი წერია და მითითებული აქვს "ა.შ.", თუმცა სხვადასხვა მედიასთან საუბრისას მათმა ნახევარმა ამ ფაქტთან ყოველგვარი კავშირი უარყო. ისინი ხაზს უსვამენ, რომ მწერალთა სახლში მეგობრები ჰყავთ და მსგავსი დაპირისპირება მიუღებელია. მათი ნაწილი პროტესტის ნიშნად მწერალთა აკადემიას ტოვებს.
რა ეწერა წერილში
განცხადებაში მწერალთა სახლის წევრები "მედროვე-მოროდიორებად", "ქაჯებად", "ლიბერასტების კასტად", "სააკაშვილის შეგირდებად", ხელმძღვანელი კი "უწიგნურ ქალბატონად" არის მოხსენიებული. ამ და სხვა შეურაცხყმყოფელი ეპითეტების გარდა, წერილში მწერალთა სახლს ბორდელს უწოდებენ.
"ქალბატონო თეა! იცით თუ არა თქვენ, ვინ არიან მწერალთა სახლის ახლანდელი ბინადარნი? სააკაშვილის ბორდი, გუგულის ბუდეში ჩასხმული ყვავის წიწილები... ქართულ მითში (ფოლკლორში) არსებობს ასეთი დეფინიცია: "უდროო დროში ხვთის კარზე ეშმაკები კარვებს დგამდნენ და ქვეყანას ინაწილებდნენო!"
რა დრო დადგა ისეთი, ქალბატონო თეა, რომ მწერალთა ისტორიულ (სარაჯიშვილისეულ) სახლში შეჭრილი მედროვე-მოროდიორები ვერ გავიყვანეთ?! სააკაშვილმა მწერალთა ისტორიულ სახლში "ეშმაკებს დაადგმევინა კარვები", მწერლები კი სპეცრაზმებით განდევნა!.. ცხრა წელიწადი ვერც ქართულმა ოცნებამ მოაცვლევინა ამათ ფეხი" — წერია განცხადებაში.
გარდა ამისა წერილში წუწუნებენ იმაზე, რომ "ჭეშმარიტი მწერლებისთვის არც ერთი კონკურსი, გრანტი და პრემია არ არსებობს!" და არც ერთი მათგანი [სავარაუდოდ, მწერალთა აკადემიის წევრები] არ მიუწვევიათ არც ერთ ბიენალეზე, არც რომელიმე კონკურსზე. ისინი თხოვენ წულუკიანს, რომ მისცეს გრანტი მწერალთა აკადემიას "უკიდურესად გაჭირვებული მწერლებისთვის" და საკონკურსო დაფინანსება ჭეშმარიტად "ღირსეული მწერლებისთვის".
"მწერალთა ეროვნული აკადემიის სახელით: კობა არაბული, ლერი ალიმონაკი, ვახტანგ ხარჩილავა, გური ოტობაია, ჯუბა ღებელი, ტარიელ ხარხელაური, თემურ შავლაძე, ელიზბარ ჯაველიძე, ზურაბ თორია, ვანო ჩხიკვაძე, ავთანდილ არაბული, ელდინო საღარაძე, ირაკლი ვაშაყმაძე, გურამ პეტრიაშვილი, ზაურ კალანდია, და ა. შ." — ვკითხულობთ ხელმომწერების ნაწილში.
რას ამბობენ მწერლები
მსახიობი და პოეტი, ელდინო საღარაძე ამბობს, რომ წერილის არსებობის შესახებ მხოლოდ სოციალურ ქსელში გავრცელების შემდეგ გაიგო და შეურაცხყოფილია. პროტესტის ნიშნად ის აკადემიას ტოვებს.
"გაოგნებული ვარ. კობა არაბულის ნიჭიერებისა და პატრიოტობის ამბავი მთელმა საქართველომ იცის. მაგრამ ამას არც ნიჭიერება ჰქვია და არც პატრიოტობა. სრულად ვემიჯნები წერილის პათოსს და ვთხოვ ბატონ კობა არაბულის, ჩემი ეს პოსტი მწერალთა აკადემიიდან გასვლის განაცხადად ჩათვალოს, სადაც მხოლოდ იმ მოტივით შევედი, რომ ქართული საქმე მეკეთებინა. ასე არ კეთდება ქართული საქმე!
შეურაცხყოფილი ვარ. სულ მცირე, რაც მიმართვის ავტორს უნდა გაეკეთებინა, ის იყო, რომ ხელის მომწერებს შეთანხმებოდა", — წერს ელდინო საღარაძე სოციალურ ქსელში.
წულუკიანისადმი მიმართვის ერთ-ერთ ავტორად პოეტი ჯუბა ღებელიცაა მონიშნული. ის ამბობს, რომ წერილში წამოჭრილი საკითხები მართლაც პრობლემურია, თუმცა აღნიშნავს რომ მის შესახებ არაფერი იცოდა და არ იცის, როგორ აღმოჩნდა ხელმომწერთა შორის.
"მე ყოველთვის წინააღმდეგი ვარ რამე დაპირისპირებისა და ყოველთვის თავს ვიკავებ ასეთი რაღაცეებისგან. ამ კუთხით ჩრდილში ვარ, კულუარებიდან ვადევნებ თვალ-ყურს ბოლო დროს განვითარებულ მოვლენებს. მაინცდამიანც საქმის კურსში არ ვარ და არც მინდა, რომ რამე პოზიცია გამოვხატო და რომელიმე მხარე დავიჭირო, იმიტომ, რომ ეს მწერლობას არანაირად არ ადგება, ერთმანეთის დაპირისპირება", — განუცხადა მან მთავარ არხს.
მწერალი ტარიელ ხარხელაური, რომელიც ასევე ხელმომწერთა შორისაა მითითებული, ამბობს, რომ ბოლო პერიოდში მწერლებში დაპირისპირებული მხარეები წარმოიშვა და ეს სამწუხარო ფაქტია. მისი თქმით, ორივე მხარეს მისი მეგობრები დგანან, რომელთან ურთიერთობასაც ყოველგვარ გაერთიანებაზე მაღლა აყენებს, ამიტომ ის მწერალთა კავშირს ტოვებს.
"ჩვენს სამშობლოს, ამ უდიდესი გაჭირვების ჟამს, ყველაზე მეტად ერთიანობა სჭირდება. არადა იქმნება ისეთი გაურკვეველი მდგომარეობა, როცა რომელიმე მხარეს დგომა, მეორისაგან აღიქმება როგორც ვინმეს წინააღმდეგ ყოფნა.
მთელი ჩემი ცხოვრება და შემოქმედება ემსახურებოდა ქართველი ხალხის ერთიანობასა და სიყვარულს, ურთიერთშერიგებასა და მიტევებას. არც ამჯერად ვაპირებ ვუღალატო ჩემს პრინციპებს... აქედან გამომდინარე, ვტოვებ მწერალთა კავშირს და საერთოდ წინააღდეგი ვარ ყოველგვარი გაერთიანების წევრობისა, რომელიც ხელს უწყობს ქართული მწერლობის რაიმე მხარეებად დაყოფას და ეროვნული მწერლობის დაკნინებას", — წერს ის.
განსხვავებული პოზიცია აქვს მწერალ გურამ პეტრიაშვილს. On.ge-სთან საუბრისას ის ამბობს, რომ წერილი წესიერი ხალხის მიერ არის დაწერილი და ამავდროულად ამტკიცებს, რომ ვერავინ იპოვის მის განცხადებას მწერლების წინააღმდეგ. დამატებითი ინფორმაცია პეტრიაშვილმა არ მოგვაწოდა.
On.ge ცდილობს სხვა მწერლებთან დაკავშირებას და იმის გარკვევას იცოდნენ თუ არა წერილის შესახებ და ვინ არის წერილის ავტორი.
-
გადახედვასალომე ზურაბიშვილი ელჩებს: დაძაბულ ვითარებაში ვართ... ჩემი თხოვნაა, განხორციელდეს მაღალი დონის ვიზიტები მაისის ბოლომდე სალომე ზურაბიშვილი ელჩებს: დაძაბულ ვითარებაში ვართ... ჩემი თხოვნაა, განხორციელდეს მაღალი დონის ვიზიტები მაისის ბოლომდე
-
გადახედვააზერბაიჯანში დაკავებულ მედია ადვოკატს და ტელეკომპანიის დამფუძნებელს, არ აძლევენ საშუალებას, სასწრაფო ბიოფსია ჩაიტაროს აზერბაიჯანში დაკავებულ მედია ადვოკატს და ტელეკომპანიის დამფუძნებელს, არ აძლევენ საშუალებას, სასწრაფო ბიოფსია ჩაიტაროს
-
გადახედვააქცია ქართული ოცნების ოფისთან — სანაპირო გადაკეტილია აქცია ქართული ოცნების ოფისთან — სანაპირო გადაკეტილია
-
გადახედვაქართველი სტარტაპერები რუსული კანონის წინააღმდეგ ერთობლივ განცხადებას ავრცელებენ ქართველი სტარტაპერები რუსული კანონის წინააღმდეგ ერთობლივ განცხადებას ავრცელებენ
-
გადახედვაპრეზიდენტმა ე.წ ოფშორების კანონს ვეტო დაადო პრეზიდენტმა ე.წ ოფშორების კანონს ვეტო დაადო
-
გადახედვაკლუბი KHIDI: ვაუქმებთ 3 და 4 მაისის ივენთებს. არა რუსულ კანონს! შევხვდებით რუსთაველზე! კლუბი KHIDI: ვაუქმებთ 3 და 4 მაისის ივენთებს. არა რუსულ კანონს! შევხვდებით რუსთაველზე!
-
გადახედვასაქართველოს რეიტინგი, პრესის თავისუფლების მსოფლიო ინდექსში, 26 ადგილით დაეცა საქართველოს რეიტინგი, პრესის თავისუფლების მსოფლიო ინდექსში, 26 ადგილით დაეცა
-
გადახედვადღეს, კობახიძემ, ამ ქვეყნის ისტორიაში უპრეცედენტო და უდიდესი თავდასხმა განახორციელა აშშ-ზე — გრიგოლ გეგელია დღეს, კობახიძემ, ამ ქვეყნის ისტორიაში უპრეცედენტო და უდიდესი თავდასხმა განახორციელა აშშ-ზე — გრიგოლ გეგელია
-
გადახედვაკობახიძე აშშ-ს "ორ რევოლუციურ მცდელობაში" ადანაშაულებს — რა გავიგეთ მისი და აშშ-ის სახელმწიფო მდივნის მრჩევლის პოსტებიდან X-ზე კობახიძე აშშ-ს "ორ რევოლუციურ მცდელობაში" ადანაშაულებს — რა გავიგეთ მისი და აშშ-ის სახელმწიფო მდივნის მრჩევლის პოსტებიდან X-ზე
-
გადახედვაკალაძე სპორტსმენებზე, რომელმაც ხელისუფლების ძალადობა დაგმეს: "მეც ვუერთდები "არა რუსულ კანონს", ამ სუფთა ქართულ კანონს კი აუცილებლად მივიღებთ" კალაძე სპორტსმენებზე, რომელმაც ხელისუფლების ძალადობა დაგმეს: "მეც ვუერთდები "არა რუსულ კანონს", ამ სუფთა ქართულ კანონს კი აუცილებლად მივიღებთ"
-
გადახედვამინდა, მივმართო ჩვენი ქვეყნის აკრედიტებულ ელჩებს მეგობარ ქვეყნებში... საკითხი ეხება ჩვენი ქვეყნის მომავალს! — მამუკა ხაზარაძე მინდა, მივმართო ჩვენი ქვეყნის აკრედიტებულ ელჩებს მეგობარ ქვეყნებში... საკითხი ეხება ჩვენი ქვეყნის მომავალს! — მამუკა ხაზარაძე
-
გადახედვაპოლიციის უმოქმედობა აქციის მონაწილეებზე ძალადობას ახალისებს — DRI პოლიციის უმოქმედობა აქციის მონაწილეებზე ძალადობას ახალისებს — DRI
-
გადახედვა11 მაისს, ევროპის დღეს, რუსული კანონის საწინააღმდეგო მანიფესტაცია დაანონსდა 11 მაისს, ევროპის დღეს, რუსული კანონის საწინააღმდეგო მანიფესტაცია დაანონსდა
-
გადახედვაცირკთან აქციის მონაწილეებს, უცნობი პირები, ფიზიკურად გაუსწორდნენ ცირკთან აქციის მონაწილეებს, უცნობი პირები, ფიზიკურად გაუსწორდნენ
-
გადახედვასაფრანგეთში მცხოვრები ქართველი სტუდენტები რუსული კანონის გაწვევას მოითხოვენ და აქციის მონაწილეებზე ძალადობას გმობენ საფრანგეთში მცხოვრები ქართველი სტუდენტები რუსული კანონის გაწვევას მოითხოვენ და აქციის მონაწილეებზე ძალადობას გმობენ
-
გადახედვაგზის გადაკეტვა შეკრების თავისუფლების ფორმაა — საია გზის გადაკეტვა შეკრების თავისუფლების ფორმაა — საია
-
გადახედვაკობახიძე აშშ-ში მიიწვიეს დათქმით, რომ ვიზიტამდე უნდა შეჩერებულიყო კანონპროექტის განხილვა — საგარეო აშშ-ის ელჩის განცხადებაზე კობახიძე აშშ-ში მიიწვიეს დათქმით, რომ ვიზიტამდე უნდა შეჩერებულიყო კანონპროექტის განხილვა — საგარეო აშშ-ის ელჩის განცხადებაზე
-
-
გადახედვაპოლიციამ გმირთა მოედანზე, რამდენიმე წუთის წინ, სამი ადამიანი დააკავა პოლიციამ გმირთა მოედანზე, რამდენიმე წუთის წინ, სამი ადამიანი დააკავა
-
გადახედვაჩაკვეტაძე: არაფერი არ დგას ჩვენს ხალხზე მაღლა, გაიწვიეთ ეს კანონი ჩაკვეტაძე: არაფერი არ დგას ჩვენს ხალხზე მაღლა, გაიწვიეთ ეს კანონი
-
გადახედვაპოლიცია ცდილობს, გმირთა მოედანზე მოძრაობა გახსნას — სამართალდამცველები აქციის მონაწილეების მიმართ ძალას იყენებენ პოლიცია ცდილობს, გმირთა მოედანზე მოძრაობა გახსნას — სამართალდამცველები აქციის მონაწილეების მიმართ ძალას იყენებენ
კომენტარები