7 ანიმე, რომელიც საუკეთესო ანიმაციური ფილმისთვის ოსკარს იმსახურებდა
როდესაც იაპონიაზე ვსაუბრობთ, ერთ-ერთი პირველი, რაც გვახსენდება, ანიმეა. მართლაც, იაპონური ანიმაციის კულტურა მსოფლიოში საუკეთესო თუ არა, ერთ-ერთი წამყვანი ნამდვილადაა. თამამად შეიძლება ითქვას, რომ ანიმე ინდუსტრია ყოველწლიურად იზრდება და სულ უფრო მეტი ადამიანის სიყვარულსაც იმსახურებს.
ჰაიაო მიაძაკი, მაკოტო შინკაი, ისაო ტაკაჰატა, სატოში კონი, მამორუ ჰოსოდა, ნაოკო იამადა — ეს იმ რეჟისორების მცირე ჩამონათვალია, რომლებმაც წლების განმავლობაში განსაკუთრებული ნამუშევრები შექმნეს. საოცარი ანიმაციის, ისტორიებისა და პერსონაჟების მიუხედავად, საუკეთესო ანიმაციური ფილმის ნომინაციაში ოსკარი დღემდე მხოლოდ ერთ ანიმეს — ჰაიაო მიაძაკის Spirited Away-ის აქვს მიღებული.
გთავაზობთ ოსკარების მიერ დაუფასებელ 7 ანიმეს, რომელიც აღიარებას ნამდვილად იმსახურებდა:
შენიშვნა: რადგანაც საუკეთესო ანიმაციური ფილმისთვის ოსკარი 2001 წლიდან გაიცემა, მანამდე შექმნილი ისეთი ანიმეები, როგორებიცაა, Grave of the Fireflies, Perfect Blue და Princess Mononoke სიაში ვერ მოხვდა.
1. შენი სახელი (Your Name / Kimi No Na Wa)
მაკოტო შინკაის ამ საოცარ ფილმს საზოგადოების სიყვარული ნამდვილად არ აკლია. შენი სახელი ერთ-ერთია იმ ნამუშევართა შორის, რომელმაც მსოფლიოში ანიმეს მოყვარულთა რიცხვი კიდევ უფრო გაზარდა. ფილმი სხვადასხვა ქალაქში მცხოვრებ ორ თინეიჯერზე მოგვითხორბს, რომლებიც ძილში სხეულებს ცვლიან, თუმცა მისი სიუჟეტი ისეთი მარტივი სულაც არაა, როგორიც ერთი შეხედვით ჩანს.
დროში მოგზაურობა, საოცარი ანიმაცია, გამორჩეული საუნდტრეკები და დასამახსოვრებელი პერსონაჟები ფილმს ნამდვილად ერთ-ერთ საუკეთესო ანიმაციად აქცევს. მიუხედავად მაყურებელთა სიყვარულისა, 2017 წელს საუკეთესო ანიმაციური ფილმის ტიტული Coco-ს ერგო. რა თქმა უნდა, Coco ნამდვილად გამორჩეული ნამუშევარია, თუმცა უნდა ვაღიაროთ, რომ შენი სახელი, სულ მცირე, ოსკარის ნომინაციას მაინც იმსახურებდა.
2. ხმის ფორმა (A Silent Voice / Koe No Katachi)
2017 წლის ოსკარები ნამდვილად დაძაბული ბრძოლა იქნებოდა, შენი სახელის გარდა ჯილდოსთვის ბრძოლაში ნაოკო იამადას ხმის ფორმაც რომ ჩართულიყო. ხშირად ნამდვილად არ ვხვდებით ნამუშევარს ბულინგის თემაზე, რომელიც მჩაგვრელსა და დაჩაგრულს შორის დამსხვრეული ურთიერთობის აღდგენაზე გვიამბობს. ხმის ფორმა ბულინგის პრობლემის შესახებ მჩაგვრელის — შოია იშიდას თვალით გვიყვება, რომელმაც ბავშვობაში ყრუ კლასელ გოგოს ცხოვრება ჯოჯოხეთად უქცია. წლების შემდეგ, როცა იშიდას დანაშაულის გრძნობა თვითმკვლელობაზე ფიქრს დააწყებინებს, ის კლასელისთვის ბოდიშის მოხდას გადაწყვეტს.
ხმის ფორმა ყველასათვის ნაცნობ პრობლემას საოცარი ანიმაციითა და გულშიჩამწვდომი ისტორიით გვიყვება, რის გამოც, თამამად შეიძლება ითქვას, რომ ოსკარს ნამდვილად იმსახურებდა.
3. ჰოულის მოსიარულე კოშკი (Howl's Moving Castle / Howl no Ugoku Shiro)
საოცარი ფერები, განსხვავებული ისტორია, ულამაზესი ანიმაცია და საინტერესო პერსონაჟები — ეს Studio Ghibli-ის ანიმეებისთვის დამახასიათებელი მთავარი ნიშნებია. ჰოულის მოსიარულე კოშკი ექსცენტრიკულ ჯადოქარ ჰოულზე, დაწყევლილ სოფიზე, ბეკონის მოყვარულ ცეცხლის დემონ კალციფერსა და უზარმაზარ მოსიარულე კოშკშზე მოგვითხრობს. თვალისმომჭრელი ანიმაცია და დასამახსოვრებელი საუნდტრეკები ჰოულის მოსიარულე კოშკს ოსკარის ერთ-ერთ ღირსეულ კანდიდატად აქცევდა.
4. მგლის შვილები ამე და იუკი (Wolf Chidren Ame and Yuki / Ookami Kodomo no Ame to Yuki)
იშვიათად თუ ნახავთ ანიმაციას, რომელიც მარტოხელა დედის ყოველდღიურ ცხოვრებაზე გვიყვება. უფრო იშვიათად კი ისეთი ნამუშევარი შეგხვდებათ, რომელშიც მარტოხელა დედა ორ მაქცია შვილს ზრდის — ამესა და იუკის. ქმრის გარდაცვალების შემდეგ დედა სოფელში მიემგზავრება, რათა შვილები ცნობისმოყვარე ქალაქელებისგან დაიცვას. დედა სწავლას, მუშაობას, საოჯახო საქმეებსა და არც ისე ჩვეულებრივი ბავშვების აღზრდას სიყვარულითა და მოთმინებით ერკინება მანამ, სანამ მისი შვილები საკუთარი თავისა და მომავლის გარკვევას ცდილობენ: მაინც ვინ არიან ამე და იუკი — ადამიანები თუ მგლები?
5. პაპრიკა (Paprika)
თუ კრისტოფერ ნოლანის ფილმი Inception ნანახი გაქვს, სატოში კონის პაპრიკასთან პარალელების გავლება არ გაგიჭირდება. კინომანების უდიდესი ნაწილი მიიჩნევს, რომ ნოლანის ცნობილი ნამუშევრის შთაგონების წყარო სწორედ პაპრიკა გახდა, რაც სიმართლესთან ნამდვილად ახლოსაა, თუ სცენებს შორის აშკარა მსგავსებებს გავითვალისწინებთ.
პაპრიკა განსაკუთრებული ტექნოლოგიის შესახებ მოგვითხრობს, რომელიც ადამიანების სიზმრებში შეღწევის საშუალებას იძლევა. მას თერაპიისთვის გამოიყენებენ, თუმცა არასწორი ადამიანების ხელში ხელსაწყოს უდიდესი საფრთხის მოტანა შეუძლია. ანიმაციის საოცარი დეტალურობა და დინამიურობა პაპრიკას ერთ-ერთ საუკეთესო ანიმედ აქცევს.
6. პრინცესა კაგუიას ამბავი (The Tale of Princess Kaguya / Kaguya-Hime no Monogatari)
პრინცესა კაგუიას ამბავი ერთ-ერთი სასიხარულო გამონაკლისია ანიმეებს შორის, რადგან ნამუშევარმა 2014 წელს ოსკარის ნომინაციის მიღება მოახერხა. სამწუხაროდ, ანიმე ოსკარისთვის ბრძოლაში Big Hero 6-თან დამარცხდა.
პრინცესა კაგუიას ამბავი იაპონური ფოლკლორის მიხედვით შექმნილი ნამუშევარია, რომლის საოცარი ანიმაცია და თხრობის სტილი ნებისმიერი მაყურებლის მოჯადოებას შეძლებს.
7. ქარი ძლიერდება (The Wind Rises / Kaze Tachinu)
ჰაიაო მიაძაკის სახელის ხსენება უკვე საკმარისია იმისათვის, რომ ანიმეს მიმართ განსაკუთრებული მოლოდინი გვქონდეს. ქარი ძლიერდება სწორედ ის ნამუშევარია, რომელიც ნებისმიერ მოლოდინს გაამართლებს. ანიმე მეორე მსოფლიო ომის დროს მოღვაწე იაპონელი ინჟინრის ცხოვრებაზე მოგვითხრობს, რომელიც მუდამ ოცნებობდა ფრენაზე. მთავარი გმირის ოცნებები, სიზმრები და საოცარი სიყვარული გულგრილს ნამდვილად ვერავის დატოვებს.
ანიმემ 2013 წელს ოსკარის ნომინაცია მოიპოვა, თუმცა Frozen-თან დამარცხდა.
აშკარაა, რომ გამორჩეული სიუჟეტის, პერსონაჟებისა და ანიმაციის მქონე ანიმეები ჯერ კიდევ ვერ იღებენ იმ დაფასებას, რომელსაც იმსახურებენ. თუმცა თუ გავითვალისწინებთ იმ ფაქტს, რომ იაპონური ანიმეთი მაყურებელთა დაინტერესება და გამორჩეული რეჟისორების რიცხვი სულ უფრო იზრდება, შეგვიძლია იმედი გვქონდეს, რომ მომავალში ოსკაროსან ანიმეებს აუცილებლად ვიხილავთ.
-
-
გადახედვასანქციები, სავიზო შეზღუდვების გაფართოება, პირდაპირი დაფინანსების შეწყვეტა — რა წერია ამერიკელი სენატორების წერილში, რომელიც კობახიძეს გაუგზავნეს სანქციები, სავიზო შეზღუდვების გაფართოება, პირდაპირი დაფინანსების შეწყვეტა — რა წერია ამერიკელი სენატორების წერილში, რომელიც კობახიძეს გაუგზავნეს
-
-
გადახედვამელანომის პირველ ინდივიდუალიზებულ ვაქცინას უკვე ასობით ადამიანზე ცდიან მელანომის პირველ ინდივიდუალიზებულ ვაქცინას უკვე ასობით ადამიანზე ცდიან
-
გადახედვაყველაზე დიდი ცხოველი, რომელსაც ხმელეთზე უარსებია — პატაგოტიტანი ყველაზე დიდი ცხოველი, რომელსაც ხმელეთზე უარსებია — პატაგოტიტანი
-
გადახედვაSETI-ს მეცნიერის თქმით, არამიწიერი სიცოცხლის აღმოჩენა გარდაუვალია და ამას ჯეიმს ვების ტელესკოპით შევძლებთ SETI-ს მეცნიერის თქმით, არამიწიერი სიცოცხლის აღმოჩენა გარდაუვალია და ამას ჯეიმს ვების ტელესკოპით შევძლებთ
-
გადახედვაამომავალი ვარსკვლავები — გიორგი გიგაშვილი პრესტიჟული ევროპული პროგრამის გამარჯვებულია ამომავალი ვარსკვლავები — გიორგი გიგაშვილი პრესტიჟული ევროპული პროგრამის გამარჯვებულია
-
გადახედვამეცნიერებმა ძველ გრაგნილში პლატონის საფლავის მდებარეობაზე მინიშნებას მიაგნეს მეცნიერებმა ძველ გრაგნილში პლატონის საფლავის მდებარეობაზე მინიშნებას მიაგნეს
-
-
-
გადახედვაილიაუნი მოსწავლეებისთვის ასტროფიზიკის პრაქტიკულ შეხვედრებს გამართავს — როგორ დავესწროთ ილიაუნი მოსწავლეებისთვის ასტროფიზიკის პრაქტიკულ შეხვედრებს გამართავს — როგორ დავესწროთ
-
-
გადახედვამკვლევრებმა 90 მილიონი წლის წინ მცხოვრები გიგანტური ფრინველის ნაკვალევი აღმოაჩინეს მკვლევრებმა 90 მილიონი წლის წინ მცხოვრები გიგანტური ფრინველის ნაკვალევი აღმოაჩინეს
-
გადახედვა29 აპრილს, პარლამენტი გენდერული კვოტირების გაუქმებაზე, პრეზიდენტის ვეტოს განიხილავს 29 აპრილს, პარლამენტი გენდერული კვოტირების გაუქმებაზე, პრეზიდენტის ვეტოს განიხილავს
-
გადახედვაკობახიძე: მიგრაციის ერთ-ერთი მიზეზი არის ის, რომ გახსნილია საზღვრები, ანუ ადვილია ქვეყნის დატოვება და ევროკავშირის ქვეყნებში გადასვლა კობახიძე: მიგრაციის ერთ-ერთი მიზეზი არის ის, რომ გახსნილია საზღვრები, ანუ ადვილია ქვეყნის დატოვება და ევროკავშირის ქვეყნებში გადასვლა
-
გადახედვა"ობობები" მარსზე — რატომ ჩნდება წითელ პლანეტაზე სეზონური მუქი ლაქები "ობობები" მარსზე — რატომ ჩნდება წითელ პლანეტაზე სეზონური მუქი ლაქები
-
გადახედვაკობახიძე აცხადებს, რომ ევროპარლამენტის რეზოლუციაში ვიზალიბერალიზაციაზე ჩანაწერს "ჩალის ფასი აქვს" კობახიძე აცხადებს, რომ ევროპარლამენტის რეზოლუციაში ვიზალიბერალიზაციაზე ჩანაწერს "ჩალის ფასი აქვს"
-
გადახედვალელო: ვუერთდებით 28 აპრილს დაანონსებულ ევროპულ მარშს, რათა კიდევ ერთხელ ვუთხრათ "კი" ევროპას და "არა" რუსულ კანონს! ლელო: ვუერთდებით 28 აპრილს დაანონსებულ ევროპულ მარშს, რათა კიდევ ერთხელ ვუთხრათ "კი" ევროპას და "არა" რუსულ კანონს!
-
გადახედვარუსული კანონის მეორე საკომიტეტო მოსმენა 29 აპრილს დაინიშნა რუსული კანონის მეორე საკომიტეტო მოსმენა 29 აპრილს დაინიშნა
-
გადახედვაალტ-ინფო აცხადებს, რომ საჯარო რეესტრმა მათი ახალი პარტიის, "ქართული იდეის" გაუქმების პროცესი დაიწყო ალტ-ინფო აცხადებს, რომ საჯარო რეესტრმა მათი ახალი პარტიის, "ქართული იდეის" გაუქმების პროცესი დაიწყო
-
გადახედვაზენდეია სპაიდერმენის შეყვარებულებიდან მესამეა, რომელმაც ჩოგბურთელის როლი მოირგო ზენდეია სპაიდერმენის შეყვარებულებიდან მესამეა, რომელმაც ჩოგბურთელის როლი მოირგო
კომენტარები