სუხიშვილი ჰომოფობიურ განცხადებას აკეთებს და ამბობს, რომ ქართული ცეკვა ჰომოსექსუალებისთვის "მასკულინურია"
ნაციონალური ბალეტის, სუხიშვილების ხელმძღვანელი, ნინო სუხიშვილი ისევ ჰომოფობიურ განცხადებას აკეთებს და ამბობს, რომ ქართული ცეკვა "მასკულინურია" და მას ვერ წარმოუდგენია, როგორ უნდა იცეკვოს ის ჰომოსექსუალმა. ამის შესახებ მან მაშინ განაცხადა, როცა პასუხობდა კითხვებს ფილმ And Then We Danced-თან თანამშრომლობაზე უარის თქმის მიზეზების შესახებ.
სუხიშვილის მტკიცებით, არ შეუმჩნევია, რომ ანსამბლის არსებობის 80-წლიან ისტორიაში დასში ლგბტ თემის წარმომადგენლები იყვნენ. ის აღნიშნავს, რომ "ეს ძალიან შესამჩნევია".
"არ ვიცი, მე რაც ჩემი პრაქტიკიდან მახსოვს, შეგნებული ასაკიდან, მე არ მახსოვს. თუმცა, იცი როგორ გითხრათ, მე ვთვლი, რომ ეს ყოველთვის საგრძნობი და შესამჩნევია, თუმცა არ შეგვიმჩნევია", — განაცხადა მან პირველი არხის ეთერში.
კითხვას, ხომ არ ფიქრობს, რომ მოცეკვავეებს ორიენტაციის დამალვა ხელმძღვანელობის რეაქციის გამო შეიძლება უწევდეთ, ის იმით პასუხობს, რომ საბჭოთა კავშირის გამო თემის წევრები სახელმწიფოს გამო იმალებოდნენ და ბოლო წლებში არ არიან ხელმძღვანელები, ვისაც ეს აწუხებს.
"არა მგონია მაგის გამო. ჯერ ჯერთი, ადრეულ წლებში შეიძლება საერთოდ იმიტომ მალავდნენ, რომ ხელმძღვანელობის კი არა, სახელმწიფოს მხრიდან იყო ეს... რამდენმა იზარალა, დიდმა ხელოვანმა საბჭოთა კავშირის პერიოდში მარტო იმიტომ, რომ... ძალიან ბევრმა, ძალიან ბევრს კარიერა დაენგრა. ამიტომ, აქ ხელმძღვანელობაზე არ არის ლაპარაკი, აქ ქვეყნის პოლიტიკაზე იყო უფრო ლაპარაკი. ახლა ბოლო წლებში კიდე არა მგონია, რომ ეს რომელიმე ხელმძღვანელს ეს აწუხებდეს", — განაცხადა მან.
წამყვანმა სუხიშვილს ჰკითხა ისიც, შედის თუ ასეთი ხელმძღვანელების რიცხვში, რასაც მან ჰომოფობიურად უპასუხა:
"იცით რა, მე უბრალოდ ვერ წარმომიდგენია ქართული ცეკვა როგორ შეიძლება გამოუვიდეს. აი, რაღაცნაირად ძალიან მასკულინურია ეს ქართული ცეკვა. ამიტომ, ჩემი აზრით, მგონია, რომ რთული შესასრულებელი იქნება ეს. თუმცა, ახლა აქ არ არის მარტო მამაკაცზე ლაპარაკი, ქალებზე არ ვიცი ახლა, ყოველ შემთხვევაში, ესეც არ შემიმჩნევია არასდროს. ამიტომ, რთულია ამაზე ლაპარაკი, როგორ უნდა იცოდე ეს წინასწარ", — აცხადებს ის.
სუხიშვილი ფიქრობს, რომ კრიტიკა, რომელიც მის წინააღმდეგ იყო მაშინ, როცა ფილმში სუხიშვილების მონაწილეობაზე უარი თქვა, დაუმსახურებელია და რეჟისორის, ლევან აკინის საქციელი "ულამაზო" და "გაბუქული" იყო.
"აკინმა გააკეთა ეს ყველაფერი. რატომღაც ჩემ მიმართ განეწყო უარყოფითად, რომ ჩვენ ფილმში მონაწილეობაზე უარი ვუთხარით. მე არ მომეწონა სცენარი. ჩვენს ოჯახზე იყო ძირითადად სცენარი თავიდან და დატოვა კიდევაც რაღაცა ფრაზები, როგორც მე მითხრეს ფილმში. [...]
პროფესიონალების აზრი ვიცი, რომ ყველაზე სუსტი რგოლი ამ ფილმში არის ცეკვა. ბუნებრივია, თუ აკინი ნიჭიერი რეჟისორია, გათვლა ჰქონდა ჩვენზე. ბევრად უკეთესი ფილმი გამოუვიდოდა იქ რომ ილიკოს დაედგა სცენები ცეკვის და ანსამბლის დასს მიეღო მონაწილეობა, უფრო ეფექტური იქნებოდა, ალბათ, მისთვის. ფილმი უკეთესი შეიძლება გამოსულიყო და შეიძლება, ამან გამოიწვია მისი გაღიზიანება ჩვენ მიმართ.
იმიტომ, რომ ჩვენმა შეხვედრამ კარგად ჩაიარა. იყო ჩემთან ოფისში ვისაუბრეთ, ვიჯექით, აბსოლუტურად არანაირი დაძაბულობა არ გვქონია და ძალიან მშვიდი საუბრის მერე, რატომღაც მერე გაღიზიანდა", — ამბობს ის.
ანსამბლის ხელმძღვანელი ამბობს იმასაც, რომ რეჟისორს, რომელსაც ფილმის გადაღება ქართული ანსამბლის წევრ გეი წყვილზე სურდა, შესთავაზა გადაეღო ბალეტზე ან მოდერნ ცეკვაზე, "სადაც უფრო მეტად შეიძლება შეხვდე ასეთ ნიუანსებს".
"მე შევთავაზე, იქნებ ქართული ცეკვა ჩაანაცვლო სპეციალობით, რაშიც უფრო ბუნებრივი იქნებოდა, მაგალითად ბალეტი კლასიკური, ან მოდერნ ცეკვა, სადაც უფრო მეტი და მიღებულია სხვა ორიენტაციის ადამიანების მუშაობა, სადაც უფრო მეტად შეიძლება შეხვდე ასეთ ნიუანსებს. არაო, კონკრეტულად ქართული ცეკვაზე უნდოდა და ნუ, გააკეთა", — ამბობს ის.
მისივე თქმით, ლევან აკინის განცხადება, თითქოს მოცეკვავეებს დაემუქრა არასწორია და სუხიშვილების ანსაბმლის წევრებმა ფილმში მონაწილეობაზე უარი მისგან დამოუკიდებლად თქვეს. ის ამტკიცებს, რომ ყველას თავისუფალი არჩევანი აქვს და მას არ შეუძლია მოცეკვავეებს რამე ისეთი აუკრძალოს, რაც მის დასს არ ეხება.
"აკინს მუქარა ჰქონდა, რომ მსოფლიოს თეატრებს დაგვიკეტავენ და რაღაცნაირად გამოგვიყვანა, რაღაც ასე, ჰომოფობებად და ეს ცოტა უშნო და ულამაზო საქციელი იყო მისი მხრიდან. თუმცა, მე ჩემი აზრი მაქვს და დამოკიდებულება და ვიღაცას სხვა დამოკიდებულება, ყველა თავისუფალია თავის აზრში", — აცხადებს ის.
კითხვაზე, რა რეაქცია ექნებოდა, ფილმი ქალების სიყვარულზე რომ გადაეღოთ, სუხიშვილის პასუხი ასეთია:
"იგივე არ არი? იგივეა, რა მნიშვნელობა აქვს მაგას, იგივეა. ხომ გეუბნებით, ამ ფილმში მონაწილეობა არ მინდოდა ჩემს ანსამბლს მიეღო. ჯერ ეს ერთი, დროც არ გვქონდა მაგისი, აქედან რომ დავიწყოთ, მე შემეძლო, უამრავი მიზეზი მეთქვა".
მსგავსი შინაარსის განცხადებები მას 2019 წელსაც აქვს გაკეთებული. მაშინ ფილმის რეჟისორი ლევან აკინი ამბობდა, რომ ნინო სუხიშვილმა ფილმს პრობლემები შეუქმნა. აკინის განცხადებით, მან ცეკვის სტუდიებს მიმართა, ფილმში მონაწილე მოცეკვავეები დაბლოკა და უთხრა, რომ ფილმში მონაწილეობის შემთხვევაში ცეკვის შესაძლებლობა აღარ ექნებოდათ.
სუხიშვილმა აკინის პასუხად განაცხადა, რომ ეს სიცრუე და ცილისწამებაა და ისიც აღნიშნა, რომ "ისტორიულად ანსამბლში სხვა ორიენტაციის კაცი არ ჰყოლიათ". მისივე თქმით, შესთავაზა აკინს ფილმი ქალის და კაცის სიყვარულზე გადაეღო, რადგან ბევრი ცეკვა ქალის და მამაკაცის ურთიერთობაზეა.
-
გადახედვაო'ბრაიენი: თუ საქართველოს ხელისუფლება ე.წ. რუსულ კანონს მიიღებს, ვითარება ჩვენთვის ნათელი გახდება [ინტერვიუ] ო'ბრაიენი: თუ საქართველოს ხელისუფლება ე.წ. რუსულ კანონს მიიღებს, ვითარება ჩვენთვის ნათელი გახდება [ინტერვიუ]
-
გადახედვარუსეთმა ვოლოდიმირ ზელენსკი ძებნილად გამოაცხადა რუსეთმა ვოლოდიმირ ზელენსკი ძებნილად გამოაცხადა
-
გადახედვააზერბაიჯანში დაკავებულ მედია ადვოკატს და ტელეკომპანიის დამფუძნებელს, არ აძლევენ საშუალებას, სასწრაფო ბიოფსია ჩაიტაროს აზერბაიჯანში დაკავებულ მედია ადვოკატს და ტელეკომპანიის დამფუძნებელს, არ აძლევენ საშუალებას, სასწრაფო ბიოფსია ჩაიტაროს
-
გადახედვადერეკ შოლე: მრავალწლიანი პარტნიორობის შემდეგ, ვწუხვართ, რომ საქართველოს ევროატლანტიკური მისწრაფებები სასწორზე დევს დერეკ შოლე: მრავალწლიანი პარტნიორობის შემდეგ, ვწუხვართ, რომ საქართველოს ევროატლანტიკური მისწრაფებები სასწორზე დევს
-
გადახედვააქცია ქართული ოცნების ოფისთან — სანაპირო გადაკეტილია აქცია ქართული ოცნების ოფისთან — სანაპირო გადაკეტილია
-
გადახედვასასტუმრო პარაგრაფთან აქციის მონაწილე დააკავეს სასტუმრო პარაგრაფთან აქციის მონაწილე დააკავეს
-
გადახედვასაქართველოს რეიტინგი, პრესის თავისუფლების მსოფლიო ინდექსში, 26 ადგილით დაეცა საქართველოს რეიტინგი, პრესის თავისუფლების მსოფლიო ინდექსში, 26 ადგილით დაეცა
-
გადახედვაჟურნალისტური ეთიკის ქარტიის განცხადება კახა კალაძის მიერ, ჟურნალისტის შეურაცხყოფის ფაქტზე ჟურნალისტური ეთიკის ქარტიის განცხადება კახა კალაძის მიერ, ჟურნალისტის შეურაცხყოფის ფაქტზე
-
გადახედვადღეს, კობახიძემ, ამ ქვეყნის ისტორიაში უპრეცედენტო და უდიდესი თავდასხმა განახორციელა აშშ-ზე — გრიგოლ გეგელია დღეს, კობახიძემ, ამ ქვეყნის ისტორიაში უპრეცედენტო და უდიდესი თავდასხმა განახორციელა აშშ-ზე — გრიგოლ გეგელია
-
გადახედვარა უნდა ვიცოდეთ დღევანდელ პროტესტზე, რომელიც 18:30-ზე დაიწყება სასტუმრო პარაგრაფთან, თავისუფლების მოედანზე რა უნდა ვიცოდეთ დღევანდელ პროტესტზე, რომელიც 18:30-ზე დაიწყება სასტუმრო პარაგრაფთან, თავისუფლების მოედანზე
-
გადახედვაკობახიძე აშშ-ს "ორ რევოლუციურ მცდელობაში" ადანაშაულებს — რა გავიგეთ მისი და აშშ-ის სახელმწიფო მდივნის მრჩევლის პოსტებიდან X-ზე კობახიძე აშშ-ს "ორ რევოლუციურ მცდელობაში" ადანაშაულებს — რა გავიგეთ მისი და აშშ-ის სახელმწიფო მდივნის მრჩევლის პოსტებიდან X-ზე
-
გადახედვაკალაძე სპორტსმენებზე, რომელმაც ხელისუფლების ძალადობა დაგმეს: "მეც ვუერთდები "არა რუსულ კანონს", ამ სუფთა ქართულ კანონს კი აუცილებლად მივიღებთ" კალაძე სპორტსმენებზე, რომელმაც ხელისუფლების ძალადობა დაგმეს: "მეც ვუერთდები "არა რუსულ კანონს", ამ სუფთა ქართულ კანონს კი აუცილებლად მივიღებთ"
-
გადახედვამინდა, მივმართო ჩვენი ქვეყნის აკრედიტებულ ელჩებს მეგობარ ქვეყნებში... საკითხი ეხება ჩვენი ქვეყნის მომავალს! — მამუკა ხაზარაძე მინდა, მივმართო ჩვენი ქვეყნის აკრედიტებულ ელჩებს მეგობარ ქვეყნებში... საკითხი ეხება ჩვენი ქვეყნის მომავალს! — მამუკა ხაზარაძე
-
გადახედვაპოლიციის უმოქმედობა აქციის მონაწილეებზე ძალადობას ახალისებს — DRI პოლიციის უმოქმედობა აქციის მონაწილეებზე ძალადობას ახალისებს — DRI
-
გადახედვაპარლამენტში 3 და 4 მაისს უსაფრთხოების ყვითელი დონე იმოქმედებს — ვიზიტორებს ეზღუდებათ პარლამენტის სასახლეში შესვლა პარლამენტში 3 და 4 მაისს უსაფრთხოების ყვითელი დონე იმოქმედებს — ვიზიტორებს ეზღუდებათ პარლამენტის სასახლეში შესვლა
-
გადახედვა11 მაისს, ევროპის დღეს, რუსული კანონის საწინააღმდეგო მანიფესტაცია დაანონსდა 11 მაისს, ევროპის დღეს, რუსული კანონის საწინააღმდეგო მანიფესტაცია დაანონსდა
-
გადახედვაცირკთან აქციის მონაწილეებს, უცნობი პირები, ფიზიკურად გაუსწორდნენ ცირკთან აქციის მონაწილეებს, უცნობი პირები, ფიზიკურად გაუსწორდნენ
-
გადახედვასაფრანგეთში მცხოვრები ქართველი სტუდენტები რუსული კანონის გაწვევას მოითხოვენ და აქციის მონაწილეებზე ძალადობას გმობენ საფრანგეთში მცხოვრები ქართველი სტუდენტები რუსული კანონის გაწვევას მოითხოვენ და აქციის მონაწილეებზე ძალადობას გმობენ
-
გადახედვაგზის გადაკეტვა შეკრების თავისუფლების ფორმაა — საია გზის გადაკეტვა შეკრების თავისუფლების ფორმაა — საია
-
გადახედვაკობახიძე აშშ-ში მიიწვიეს დათქმით, რომ ვიზიტამდე უნდა შეჩერებულიყო კანონპროექტის განხილვა — საგარეო აშშ-ის ელჩის განცხადებაზე კობახიძე აშშ-ში მიიწვიეს დათქმით, რომ ვიზიტამდე უნდა შეჩერებულიყო კანონპროექტის განხილვა — საგარეო აშშ-ის ელჩის განცხადებაზე
-
კომენტარები