ჯანმრთელობის 9 მდგომარეობა, რომელიც კაცებმა რეგულარულად უნდა გადაამოწმონ
დღევანდელ რეალობაში სტატისტიკის გარეშეც თვალსაჩინოა, რომ ექიმთან ვიზიტს მამრობითი სქესის წარმომადგენლები ქალებზე გაცილებით ხშირად არიდებენ თავს.
სტატიაში რამდენიმე მნიშვნელოვან საკითხს გაგაცნობთ, რომელთა გადამოწმებასაც, სასურველია, კაცებმა საკმარისი დრო დაუთმონ:
1. სისხლში შაქრის დონის შემოწმება
ლესლი შლახტერს, Mount Sinai-ს კაცთა ჯანმრთელობის პროგრამის ხელმძღვანელს თუ დავუჯერებთ, კაცებმა სისხლში გლუკოზის დონეები რეგულარულად უნდა აკონტროლონ, რათა გულის სერიოზული დაავადებებისაგან დაიცვან თავი.
დიაბეტი (ქრონიკული დაავადება, რომელიც სისხლში შაქრის მომატებული რაოდენობით გამოიხატება) გულის დაავადების, თირკმლის დაზიანებისა და ერექციული დისფუნქციის რისკებს მნიშვნელოვნად ზრდის, მისი დიაგნოსტირებისათვის კი გლუკოზის დონეების ყოველწლიური შემოწმება საუკეთესო გზაა.
2. კანის შემოწმება
კანის კიბოს მაღალი რისკის ქვეშ არიან კაცები, რომელთაც გენეტიკური მიდრეკილება აქვთ ანდა წარსულში მზის სერიოზული დამწვრობა მიუღიათ. შლახტერის თქმით, ზემოხსენებული დაავადება შესაძლოა, ნებისმიერი ასაკის კაცს დაემართოს.
"დერმატოლოგთან კანის ყოველწლიური შემოწმება ძალიან მნიშვნელოვანია. სახლის პირობებში კაცები ხალებსა და თანდაყოლილ ლაქებს უნდა დააკვირდნენ, რადგან შესაძლოა, მცირეოდენი ცვლილებებიც კი შემაშფოთებელ ეტიოლოგიაზე მიანიშნებდეს. ყველაზე დიდი მნიშვნელობა მზისგან დამცავი კრემის მუდმივ გამოყენებას ენიჭება".
3. PSA ტესტი
პროსტატის კიბო 7-იდან ერთ კაცს ემართება. პროსტატსპეციფიკური ანტიგენის, ანუ სისხლში PSA-ის დონის განსაზღვრა და დიგიტალური რექტალური გამოკვლევა (DRE) პროსტატის კიბოს ამოსაცნობად საუკეთესო მეთოდია.
დოქტორ შლეხტერს თუ დავუჯერებთ, 50-იდან 70-მდე წლის კაცებმა ამგვარი გამოკვლევა ყოველწლიურად უნდა ჩაიტარონ, ხოლო გენეტიკური მიდრეკილების მქონე ადამიანებში (იმ შემთხვევაშიც, თუკი ოჯახის სამედიცინო ისტორია უცნობია) PSA ტესტირება 40 წლიდან უნდა დაიწყოს.
4. კოლონოსკოპია
კოლონოსკოპია 50 წელს გადაცილებული ადამიანებისათვის განსაკუთრებით მნიშვნელოვანი პროცედურაა, რადგან ამ ასაკში მსხვილი ნაწლავის კიბოს რისკი იმატებს. სხვა რისკფაქტორებია გაღიზიანებული ნაწლავის სინდრომის სამედიცინო ისტორია და ცხოველური ცხიმით მდიდარი რაციონი.
თუკი კაცს ოჯახში მსხვილი ნაწლავის კიბოს ისტორია არ ჰქონია, კოლონოსკოპია 50 წლიდან უნდა დაიწყოს. პროცედურებს შორის ინტერვალი, შედეგების შესაბამისად, 3-10 წელია.
5. სისხლის წნევისა და ქოლესტერინის შემოწმება
სისხლის მაღალი წნევა კაცებში ინსულტის გამომწვევი პირველი მიზეზია და უმართაობის შემთხვევაში საკმაოდ სერიოზული პრობლემაა, ამიტომაც რეგულარულად უნდა შემოწმდეს. ამასთანავე, მძიმე კარდიოვასკულარული გართულებების, გულის შეტევისა და ინსულტის, გამოწვევა მაღალ ქოლესტერინსაც შეუძლია.
20 წლიდან კაცებმა ქოლესტერინის დონეები სამ-ხუთ წელიწადში ერთხელ უნდა შეიმოწმონ, 50 წლის ასაკიდან კი უკვე ყოველწლიურად.
6. ექოკარდიოგრამა
თუკი თქვენს ოჯახში ვინმეს გულის დაავადება ჰქონია, ანდა ქოლესტერინის დონეები/სისხლის წნევა საშუალოზე მაღალი გაქვთ, გულის მდგომარეობის შეფასებაში ექოკარდიოგრამა დაგეხმარებათ. მასთან ერთად, საჭიროა ფიზიკური აქტივობისას გულის მუშაობის შემოწმებაც.
7. ღვიძლის ფერმენტის შემოწმება
ღვიძლის ფერმენტის ტესტირება ღვიძლში დაზიანების აღმოჩენაში დაგეხმარებათ. დღევანდელ რეალობაში, საშუალოდ, კაცები ქალებზე მეტ ალკოჰოლს მოიხმარენ და ზემოხსენებულის მეტი რისკი აქვთ.
"კაცებისთვის ამ ფერმენტების შემოწმება მნიშვნელოვანია, რადგან შესაძლოა, მათი რაოდენობა რეცეპტის გარეშე გაცემული მედიკამენტების, ალკოჰოლის მოხმარების, ანთებითი ან ფარისებრი ჯირკვლის დაავადებების, ჭარბი წონისა და სხვა მომწამვლელი ნივთიერებების გავლენით გაიზარდოს", — ამბობს შლახტერი.
8. TSH ტესტი
ფარისებრი ჯირკვალი მეტაბოლიზმის მარეგულირებელ ჰორმონებს გამოყოფს და ორგანიზმის ფუნქციონირებაში მნიშვნელოვან როლს თამაშობს. ჰორმონებში ნებისმიერი სახის ცვლილებამ შესაძლოა, არაერთი გართულება გამოიწვიოს, მათ შორის წონის მატება, ლეთარგია და დაღლილობა. ფარისებრი ჯირკვლის ფუნქციურობის შესაფასებლად ფარისებრი ჯირკვლის მასტიმულირებელი ჰორმონის (TSH) ანალიზი დაგჭირდებათ.
შლახტერის თქმით, ფარისებრი ჯირკვლის ფუნქციონირების დარღვევებისაგან გამოწვეული სიმპტომები კაცებს ხშირად ცხოვრების ნორმალურ ნაწილში ერევათ, თუმცა, თუკი ტესტირების შედეგად დარღვევები დადგინდა, მდგომარეობას მედიკამენტოზურად მკურნალობენ.
9. ფილტვების სკრინინგი
ფილტვის კიბოს პრევენცია დანარჩენებთან შედარებით ყველაზე მარტივია. შემთხვევათა 90 პროცენტში იგი მწეველებში გვხვდება, დანარჩენი კი ძირითადად გენეტიკურ ფაქტორებს, პასიურ მწეველობასა და მწვავე ქიმიკატების ზემოქმედებას უკავშირდება. აღსანიშნავია, რომ სკრინინგისათვის რენტგენოლოგიური კვლევის ყოველწლიური ჩატარება რეკომენდებული არ არის.
"ფილტვის კიბოს ხშირად შემთხვევით, სხვა მიზეზით ჩატარებული შემოწმებისას პოულობენ. ზემოხსენებულის სკრინინგი საკამათო თემაა, რადგან სკანირების მიღებული საშუალებები მაღალი დოზის რადიაციას ატარებს. ფილტვის კიბოს ექსპერტები კომპიუტერული ტომოგრაფიის სკანირებას განიხილავენ, რომელიც შესაძლოა, ფილტვის კიბოს სკრინინგის მომავალი აღმოჩნდეს", — გვეუბნება შლახტერი.
რუბრიკის სპონსორია ექიმო. ექიმო არის აპლიკაცია, რომელიც სამედიცინო სერვისების მიღებას გიმარტივებთ. მისი გამოყენებით, შეძლებთ სახლში გამოიძახოთ ლაბორატორიული ანალიზები, დაჯავშნოთ ექიმთან ვიზიტი, რიგში დგომის გარეშე მიიღოთ სამედიცინო მომსახურება, მოძებნოთ მედიკამენტები და ელექტრონულად მიიღოთ კვლევებისა და მედიკამენტების დანიშნულებები, დიაგნოზები და სადაზღვევო მიმართვები.
-
გადახედვამადონამ ტურნე უფასო კონცერტით დაასრულა, რომელსაც 1,6 მილიონი ფანი დაესწრო მადონამ ტურნე უფასო კონცერტით დაასრულა, რომელსაც 1,6 მილიონი ფანი დაესწრო
-
გადახედვანახეთ: მეცნიერებმა მდედრი ნეანდერტალელის სახე აღადგინეს ნახეთ: მეცნიერებმა მდედრი ნეანდერტალელის სახე აღადგინეს
-
-
-
გადახედვაკონკრეტულად, რა დარღვევები დაადგინა სტრასბურგის სასამართლომ 2019 წლის 20-21 ივნისის მოვლენების საქმეზე კონკრეტულად, რა დარღვევები დაადგინა სტრასბურგის სასამართლომ 2019 წლის 20-21 ივნისის მოვლენების საქმეზე
-
გადახედვაThe Boys მე-4 სეზონით ბრუნდება — ნახე ტრეილერი The Boys მე-4 სეზონით ბრუნდება — ნახე ტრეილერი
-
-
გადახედვაBoeing Starliner-ის ისტორიული მისია გადაიდო — როდის შედგება 1-ელი ეკიპაჟიანი ფრენა Boeing Starliner-ის ისტორიული მისია გადაიდო — როდის შედგება 1-ელი ეკიპაჟიანი ფრენა
-
-
-
გადახედვაროგორ იძიებს საგამოძიებო სამსახური ხაბეიშვილის ცემისა და სამართალდამცავთა შესაძლო კანონდარღვევის ფაქტებს აქციებისას — განცხადება როგორ იძიებს საგამოძიებო სამსახური ხაბეიშვილის ცემისა და სამართალდამცავთა შესაძლო კანონდარღვევის ფაქტებს აქციებისას — განცხადება
-
გადახედვარუსული კანონის დასაცავად, ხელისუფლებამ საკომუნიკაციო სტრატეგია რუსეთის დროშის ფერებში განაახლა რუსული კანონის დასაცავად, ხელისუფლებამ საკომუნიკაციო სტრატეგია რუსეთის დროშის ფერებში განაახლა
-
გადახედვა"ამბავი მარტოობასა და სიყვარულზე" — The Guardian "შაშვი შაშვი მაყვალზე" "ამბავი მარტოობასა და სიყვარულზე" — The Guardian "შაშვი შაშვი მაყვალზე"
-
გადახედვაშესაძლოა, მომავალი დეკადისთვის მთვარეზე ლევიტაციური რკინიგზა შეიქმნას შესაძლოა, მომავალი დეკადისთვის მთვარეზე ლევიტაციური რკინიგზა შეიქმნას
-
გადახედვარუსული კანონის საწინააღმდეგო საპროტესტო აქციები 7-დან 11 მაისის ჩათვლით რუსული კანონის საწინააღმდეგო საპროტესტო აქციები 7-დან 11 მაისის ჩათვლით
-
გადახედვასტრასბურგის სასამართლომ ე.წ. "გავრილოვის ღამის" საქმეზე დარღვევა დაადგინა — საია სტრასბურგის სასამართლომ ე.წ. "გავრილოვის ღამის" საქმეზე დარღვევა დაადგინა — საია
-
გადახედვამოვიტანეთ ფოტო-ვიდეო მტკიცებულებები, როგორ იძალადეს ხაბეიშვილზე უშუალოდ ივანიშვილის დავალებით — ენმ პროკურატურასთან მოვიტანეთ ფოტო-ვიდეო მტკიცებულებები, როგორ იძალადეს ხაბეიშვილზე უშუალოდ ივანიშვილის დავალებით — ენმ პროკურატურასთან
-
-
გადახედვათბილისის მერიის განცხადება: უხვი ნალექისგან, დედაქალაქის სხვადასხვა რაიონში პრობლემები შეიქმნა თბილისის მერიის განცხადება: უხვი ნალექისგან, დედაქალაქის სხვადასხვა რაიონში პრობლემები შეიქმნა
-
გადახედვაკავკასიის უნივერსიტეტი: ვეწინააღმდეგებით ნებისმიერ ინიციატივებს თუ კანონებს, რომლებმაც, შეიძლება, ზიანი მიაყენონ ჩვენი ქვეყნის სუვერენიტეტს კავკასიის უნივერსიტეტი: ვეწინააღმდეგებით ნებისმიერ ინიციატივებს თუ კანონებს, რომლებმაც, შეიძლება, ზიანი მიაყენონ ჩვენი ქვეყნის სუვერენიტეტს
-
გადახედვაკანონი ძირს გამოუთხრის ამერიკა-საქართველოს ურთიერთობას — სახელმწიფო დეპარტამენტი კანონი ძირს გამოუთხრის ამერიკა-საქართველოს ურთიერთობას — სახელმწიფო დეპარტამენტი
კომენტარები