კასრაძე: მშვიდობის სახელით თვალს ვხუჭავდით, უკრაინელებმა ამ ვითომ მშვიდობაზე უარი თქვეს

4 Mar. 2022, 21:14

10 დღის წინ, 21-ე საუკუნეში სიტყვა მშვიდობა ომზე უფრო საშიში გახდა. მშვიდობა ხშირად სიმშვიდის, არდანახვის, წაყრუების, მომხვეჭელობის და კონსუმერიზმის სინონიმი გახდა. მშვიდობის სახელით თვალს ვხუჭავდით ყველაფერ საშინელებაზე და დღეს, 9 დღის წინ, უკრაინელმა ხალხმა ამ ვითომ მშვიდობაზე უარი თქვა და ჩაება ბრძოლაში თავისი მიწისთვის, თავისი მშობლების, ბებიების და ბაბუების საფლავებისთვის, თავისი ცხოველებისთვის, რომლებიც არ დატოვეს კიევში და უკრაინის სოფლებში, იმისთვის, რომ ჰქონოდათ არჩევანი როგორც უნდოდათ, იმ ენაზე ელაპარაკათ თავიანთ მიწაზე, თვითონ გადაეწყვიტათ, როგორ მოევლოთ თავიანთი საფლავებისთვის და როგორ იცხოვრონ მომავალ უკრაინაში. ამისთვის ისინი შეელივნენ ყველანაირ კომფორტს, ყველანაირ კარგ ცხოვრებას, კაფეებში სიარულს პირობითად და ჩაებნენ ამ ბრძოლაში. მე უდიდეს მოწიწებას და პატივისცემას გამოვხატავ ამის მიმართ.

ბოლო ამბები: