რა თქვა პუტინმა სანქციებით განადგურებულ რუსულ ეკონომიკაზე
რუსეთის ფედერაციის პრეზიდენტმა, ვლადიმერ პუტინმა სამთავრობო თათბირი გამართა, სადაც უმძიმესი ეკონომიკური სანქციებისა და რეკორდულად გაუფასურებული რუბლის ფონზე ამტკიცებდა, რომ "მშვიდ რეჟიმში მუშაობით ფედერაცია ყველა პრობლემას გადაჭრის".
აგრესორი ქვეყნის პრეზიდენტის თქმით, ეტაპობრივად ხალხი მიხვდება, რომ არ არსებობს ისეთი მოვლენა, რომელსაც ისეთი ვერ მოაგვარებენ.
"გასაგებია, რომ ასეთ მომენტებში, რა თქმა უნდა, იზრდება ხალხის მოთხოვნა კონკრეტული ჯგუფების პროდუქციაზე. ჩვენ არ გვაქვს ეჭვი, რომ მშვიდ რეჟიმში მუშაობით, ყველა პრობლემას გადავჭრით. [...] ჩვენ თვითონ არ ვაპირებთ ვინმესგან დახურვას. მზად ვართ ვიმუშაოთ ყველა ჩვენს პარტნიორთან, უცხოელ პარტნიორებთან, რომლებსაც ეს სურთ. […]
ამ კუთხით, ჩვენი უცხოელი ინვესტორებისა და კოლეგების უფლებები, რომლებიც რჩებიან და მუშაობენ რუსეთში, საიმედოდ უნდა იყოს დაცული. ვთხოვ მთავრობას, არ გამოეპაროს ეს მხედველობიდან", — თქვა მან თათბირზე.
გაზრდილი მიგრაციის პარალელურად პუტინი ამტკიცებს, რომ ყოველდღიური კონტაქტი აქვთ იმასთან დაკავშირებით, რომ მინიმუმამდე შეამცირონ სანქციების გავლენა რუსეთის ეკონომიკასა და მოქალაქეებზე.
"დღეს ჩვენ ვისაუბრებთ ზომების ერთობლიობაზე, რათა მინიმუმამდე შევამციროთ სანქციების გავლენა რუსეთის ეკონომიკისა და ჩვენი ქვეყნის მოქალაქეებზე. ამ საკითხებზე ჩვენ თითქმის ყოველდღიურად გვაქვს კონტაქტი, აი, ახლახანს განვიხილეთ რამდენიმე საკითხი პრემიერ-მინისტრთან", — აცხადებს ის.
მაშინ, როცა მსოფლიოს არაერთმა ქვეყანამ უარი თქვა რუსეთიდან მიღებულ პროდუქციაზე, მათ შორის, ნავთობსა და გაზზეც, პუტინი მაინც ამტკიცებს, რომ უცხოელი პარტნიორები დაინტერესებულნი არიან რუსეთიდან სოფლის მეურნეობის პროდუქციის მიწოდებით და რუსეთის გარეშე გაუჭირდებათ.
"ჩვენ ვინარჩუნებთ კარგ საექსპორტო პოტენციალს. ჩვენ ვიცნობთ პარტნიორებს, ისინი დაინტერესებულნი არიან კონტაქტების შენარჩუნებით. მათთვის რთული, მართლა რთული იქნება ამ ამოცანების გადაჭრა, მათ შორის, მოქალაქეების პროდუქტებით უზრუნველყოფა ჩვენი უშუალო მონაწილეობის გარეშე", — აცხადებს რუსეთის ფედერაციის პრეზიდენტი.
იმ ქვეყნის პრეზიდენტი, სადაც ეროვნული ვალუტა რეკორდულად არის გაუფასურებული, სხვა ქვეყნების ინფლაციაზე ალაპარაკდა და თქვა ისიც, რომ იმ შემთხვევაში, თუ რუსული პროდუქციის მიწოდებაში ჩაერევიან, მათ პრობლემები შეექმნებათ. მისი თქმით, ეს უარყოფითად აისახება გლობალურ ეკონომიკაზე, მათ შორის მაკროეკონომიკურ მაჩვენებლებზეც, რადგან ინფლაცია ამ შემთხვევაში გარდაუვალია. ის, ასევე დაიმუქრა, რომ თუ სასუქების მიწოდებაში პრობლემებს შეუქმნიან, ფასებს, რომელიც ისედაც ზღვარზეა, კიდევ უფრო გაზრდიან.
"რაც შეეხება სასუქებს, რა თქმა უნდა, თუ ასე გაგრძელდება, ეს სერიოზულ შედეგებს მოიტანს მსოფლიო ბაზრის ამ სეგმენტზე და ზოგადად საკვებზე", — ამბობს პუტინი.
გარდა შიდა ეკონომიკური საკითხებისა, აგრესორი ქვეყნის პრეზიდენტმა საგარეო ფაქტორებზეც ისაუბრა, ის ამტკიცებდა, რომ "რუსეთს სანქციები უმიზეზოდ დაუწესეს".
"მე ეჭვი არ მეპარება, რომ ეს სანქციები მაინც დაწესდებოდა იქნებოდა ამა თუ იმ გზით, როგორც აწესებდნენ ბოლო მრავალი, მრავალი წლის განმავლობაში", — თქვა მან.
მისი პათოსი გეოპოლიტიკურ ვითარებასთან დაკავშირებით გაგრძელდა რუსეთის მანიპულაციის მთავარ იარაღზე, ნავთობზე საუბრით. პუტინმა თქვა, რომ დასავლეთი ცდილობს რუსეთის ქმედებებს დააბრალოს ნავთობზე ფასების ზრდა, მაგრამ ეს მათი გადაწყვეტილებების შედეგია, კერძოდ, იმის, რომ რუსეთიდან ექსპორტი აკრძალეს. ამავდროულად, ოკუპანტი ქვეყნის პრეზიდენტი უგულებელყოფს იმ ფაქტს, რომ ეს სანქცია უკრაინაში ომის გამო დაუწესეს.
"ფასები იქ იზრდება, მაგრამ არა ჩვენ გამო. ეს მათივე არასწორი გათვლების შედეგია. ჩვენთვის არაფერია დასაბრალებელი. […]
იგივე ეხება შეერთებულ შტატებში ნავთობისა და ნავთობპროდუქტების გაძვირებას, მათ განაცხადეს, რომ ხურავდნენ რუსული ნავთობის იმპორტს ამერიკულ ბაზარზე, იქ ფასები მაღალია, ინფლაცია უპრეცედენტოდ მაღალია, ალბათ ისტორიულ მაქსიმუმს მიაღწია. ისინი ცდილობენ, საკუთარი შეცდომების შედეგები ჩვენ დაგვიბრალონ", — ამტკიცებს ის.
სანქციებით შექმნილი პრობლემების გადაჭრის სირთულის აღიარების ნაცვლად პუტინმა თქვა, რომ რუსეთის ეკონომიკა ადაპტირდება ვითარებასთან, რაც გამოიწვევს ქვეყნის "დამოუკიდებლობისა და სუვერენიტეტის გაზრდას". თუმცაღა პუტინმა აღიარა, რომ რუსეთი ახლა სავალალო მდგომარეობაშია.
"ჩვენ გავაგრძელებთ იმპორტის ჩანაცვლებას ყველა სფეროში და, საბოლოო ჯამში, ეს ყველაფერი გამოიწვევს ჩვენი დამოუკიდებლობის, ავტონომიისა და სუვერენიტეტის გაზრდას. […]
რუსეთს ასეთ სავალალო და დამცირებულ მდგომარეობაში ყოფნა არ შეუძლია. ადრე თუ გვიან ეს ყველაფერი უნდა მომხდარიყო, მოხდა ახლა და დარწმუნებული ვარ, რომ მთავრობის წევრების, ჩვენი წამყვანი კომპანიების წყალობით, გადავლახავთ ყველა ამ სირთულეს", — ამბობს ფედერაციის პრეზიდენტი.
დასასრულს პუტინმა მთავრობას დაავალა, დამატებითი მექანიზმები შეიმუშავონ რეგიონული ბიუჯეტების მდგრადობის უზრუნველსაყოფად. ის ამტკიცებს, რომ რეგიონულ ფინანსებში "ყველაფერი სტაბილურად და მშვიდია".
ამავდროულად 9 მარტს Fitch-მა რუსეთის სუვერენული რეიტინგი B-დან C-დონემდე შეამცირა და განაცხადა, რომ რუსეთის დეფოლტი გარდაუვალია. სარეიტინგო სააგენტო ამბობს, რომ რუსეთის მიმართ დაწესებული სანქციები ქვეყნის ვალის მომსახურების შესაძლებლობას ძირს უთხრის.
ამას გარდა, რუსი ოლიგარქების ქონება მცირდება. დასავლური სამყაროს სანქციებით შეწუხებული რიგითი რუსები კი "თბილ ქვეყნებში" გადაბარგებას განიხილავენ.
გაიგე მეტი:
-
გადახედვარუსეთმა ვოლოდიმირ ზელენსკი ძებნილად გამოაცხადა რუსეთმა ვოლოდიმირ ზელენსკი ძებნილად გამოაცხადა
-
გადახედვადერეკ შოლე: მრავალწლიანი პარტნიორობის შემდეგ, ვწუხვართ, რომ საქართველოს ევროატლანტიკური მისწრაფებები სასწორზე დევს დერეკ შოლე: მრავალწლიანი პარტნიორობის შემდეგ, ვწუხვართ, რომ საქართველოს ევროატლანტიკური მისწრაფებები სასწორზე დევს
-
გადახედვააქცია ქართული ოცნების ოფისთან — სანაპირო გადაკეტილია აქცია ქართული ოცნების ოფისთან — სანაპირო გადაკეტილია
-
გადახედვაქართველი სტარტაპერები რუსული კანონის წინააღმდეგ ერთობლივ განცხადებას ავრცელებენ ქართველი სტარტაპერები რუსული კანონის წინააღმდეგ ერთობლივ განცხადებას ავრცელებენ
-
გადახედვასასტუმრო პარაგრაფთან აქციის მონაწილე დააკავეს სასტუმრო პარაგრაფთან აქციის მონაწილე დააკავეს
-
გადახედვაპრეზიდენტმა ე.წ ოფშორების კანონს ვეტო დაადო პრეზიდენტმა ე.წ ოფშორების კანონს ვეტო დაადო
-
გადახედვაკლუბი KHIDI: ვაუქმებთ 3 და 4 მაისის ივენთებს. არა რუსულ კანონს! შევხვდებით რუსთაველზე! კლუბი KHIDI: ვაუქმებთ 3 და 4 მაისის ივენთებს. არა რუსულ კანონს! შევხვდებით რუსთაველზე!
-
გადახედვასაქართველოს რეიტინგი, პრესის თავისუფლების მსოფლიო ინდექსში, 26 ადგილით დაეცა საქართველოს რეიტინგი, პრესის თავისუფლების მსოფლიო ინდექსში, 26 ადგილით დაეცა
-
გადახედვადღეს, კობახიძემ, ამ ქვეყნის ისტორიაში უპრეცედენტო და უდიდესი თავდასხმა განახორციელა აშშ-ზე — გრიგოლ გეგელია დღეს, კობახიძემ, ამ ქვეყნის ისტორიაში უპრეცედენტო და უდიდესი თავდასხმა განახორციელა აშშ-ზე — გრიგოლ გეგელია
-
გადახედვარა უნდა ვიცოდეთ დღევანდელ პროტესტზე, რომელიც 18:30-ზე დაიწყება სასტუმრო პარაგრაფთან, თავისუფლების მოედანზე რა უნდა ვიცოდეთ დღევანდელ პროტესტზე, რომელიც 18:30-ზე დაიწყება სასტუმრო პარაგრაფთან, თავისუფლების მოედანზე
-
გადახედვაკალაძე სპორტსმენებზე, რომელმაც ხელისუფლების ძალადობა დაგმეს: "მეც ვუერთდები "არა რუსულ კანონს", ამ სუფთა ქართულ კანონს კი აუცილებლად მივიღებთ" კალაძე სპორტსმენებზე, რომელმაც ხელისუფლების ძალადობა დაგმეს: "მეც ვუერთდები "არა რუსულ კანონს", ამ სუფთა ქართულ კანონს კი აუცილებლად მივიღებთ"
-
გადახედვამინდა, მივმართო ჩვენი ქვეყნის აკრედიტებულ ელჩებს მეგობარ ქვეყნებში... საკითხი ეხება ჩვენი ქვეყნის მომავალს! — მამუკა ხაზარაძე მინდა, მივმართო ჩვენი ქვეყნის აკრედიტებულ ელჩებს მეგობარ ქვეყნებში... საკითხი ეხება ჩვენი ქვეყნის მომავალს! — მამუკა ხაზარაძე
-
გადახედვაპოლიციის უმოქმედობა აქციის მონაწილეებზე ძალადობას ახალისებს — DRI პოლიციის უმოქმედობა აქციის მონაწილეებზე ძალადობას ახალისებს — DRI
-
გადახედვაპარლამენტში 3 და 4 მაისს უსაფრთხოების ყვითელი დონე იმოქმედებს — ვიზიტორებს ეზღუდებათ პარლამენტის სასახლეში შესვლა პარლამენტში 3 და 4 მაისს უსაფრთხოების ყვითელი დონე იმოქმედებს — ვიზიტორებს ეზღუდებათ პარლამენტის სასახლეში შესვლა
-
გადახედვა11 მაისს, ევროპის დღეს, რუსული კანონის საწინააღმდეგო მანიფესტაცია დაანონსდა 11 მაისს, ევროპის დღეს, რუსული კანონის საწინააღმდეგო მანიფესტაცია დაანონსდა
-
გადახედვასაფრანგეთში მცხოვრები ქართველი სტუდენტები რუსული კანონის გაწვევას მოითხოვენ და აქციის მონაწილეებზე ძალადობას გმობენ საფრანგეთში მცხოვრები ქართველი სტუდენტები რუსული კანონის გაწვევას მოითხოვენ და აქციის მონაწილეებზე ძალადობას გმობენ
-
გადახედვაგზის გადაკეტვა შეკრების თავისუფლების ფორმაა — საია გზის გადაკეტვა შეკრების თავისუფლების ფორმაა — საია
-
გადახედვაკობახიძე აშშ-ში მიიწვიეს დათქმით, რომ ვიზიტამდე უნდა შეჩერებულიყო კანონპროექტის განხილვა — საგარეო აშშ-ის ელჩის განცხადებაზე კობახიძე აშშ-ში მიიწვიეს დათქმით, რომ ვიზიტამდე უნდა შეჩერებულიყო კანონპროექტის განხილვა — საგარეო აშშ-ის ელჩის განცხადებაზე
-
-
გადახედვაპოლიციამ გმირთა მოედანზე, რამდენიმე წუთის წინ, სამი ადამიანი დააკავა პოლიციამ გმირთა მოედანზე, რამდენიმე წუთის წინ, სამი ადამიანი დააკავა
-
გადახედვაჩაკვეტაძე: არაფერი არ დგას ჩვენს ხალხზე მაღლა, გაიწვიეთ ეს კანონი ჩაკვეტაძე: არაფერი არ დგას ჩვენს ხალხზე მაღლა, გაიწვიეთ ეს კანონი
კომენტარები