ზურაბიშვილი: არსად, არანაირი მოწოდება არ ყოფილა, რომ "რატომ არ არის მეორე ფრონტი"

14 Jun. 2022, 21:47

ასევე, მოჰყვება ამ კითხვების გაჩენის კუთხით, შექმნილი თემა, მოგონილი თემა მეორე ფრონტისა. არცერთი ჩვენი პარტნიორი, და მე ამას ვამბობ სრული პასუხისმგებლობით, მე ვარ ერთადერთი, ვინც ვიყავი ამერიკაშიც, ევროპაშიც, რომელსაც მქონდა მაღალი დონის შეხვედრები, ღია შეხვედრები იმ კუთხით, რომ რაღაცებს მეუბნებიან, რასაც სხვებს, შეიძლება, არ ეუბნებიან.

არსად, არცერთხელ, არანაირი მოწოდება არ ყოფილა, რომ "აბა, თქვენ სად ხართ, რატომ არ არის მეორე ფრონტი, რას აპირებთ, მოდით და თქვენც მიიღეთ მონაწილეობა". ეს არ არსებობს, არის მოგონილი, ტყუილი და ამას ვამბობ სრული პასუხისმგებლობით. ერთადერთი, საიდანაც, მართალი არის, გაისმა ეს მეორე ფრონტის იდეა, მოდის უკრაინის ხელისუფლების რაღაც წრეებიდან, სადაც არის, ესეც ვიცით, რაღაც კავშირები, მაგრამ ამას არ აქვს დიდი მნიშვნელობა, რამეთუ ომში მყოფ უკრაინას, შეიძლება, გაუჩნდეს იმის მოთხოვნა, რომ სხვა ადგილას გაიხსნას სხვა ფრონტი და ამის ძახილი, შეიძლება, იყოს. ამაზე არც უნდა ვუპასუხოთ, არც პოლემიკაში შევიდეთ.

ბოლო ამბები: