ხაზარაძე: 24-მდე დარჩენილია ქმედითი ნაბიჯები, თუ ეს ყველაფერი არ მოხდა, ქართული ოცნება უნდა გაეშუროს სახლში

17 Jun. 2022, 16:57

დღეს ჩვენ მოვისმინეთ ევროკომისიის განცხადება, რომელიც არის ძალიან მძიმე მოსასმენი. საქართველო აღმოჩნდა აუტსაიდერებში, განსხვავებით მოლდოვისა და უკრაინისაგან, როცა საქართველოს ყველაზე მეტი შანსი ჰქონდა, რომ ვყოფილიყავით ლიდერი ამ მარათონში.მთელი პასუხისმგებლობა ეკისრება მთავრობას. მთელი პასუხისმგებლობა ეკისრება ბიძინა ივანიშვილს, რომელიც უნდა გამობრძანდეს და ქართველს ხალხს უთხრას, რატომ მიიყვანა ქვეყანა მისმა პოლიტიკამ ამ მდგომარეობამდე.

ჩვენ დაველოდებით 24-ს, მაგრამ თუ შედეგი არ შეიცვალა, 24-მდე არის დარჩენილი ის ქმედითი ნაბიჯები, რომლებმაც, შეიძლება, შეცვალოს სიტუაცია. ეს არის შარლ მიშელის დოკუმენტთან დაბრუნება, რომელსაც ლელო პირველი დღიდანვე იძახის და ერთგული რჩებოდა. ეს არის კონსტიტუციური ცვლილებები. ეს არის სრულად პროპორციული არჩევნების კანონმდებლობის მიღება რიგგარეშე არჩევნებისთვის. თუ ეს ყველაფერი არ მოხდა, ქართული ოცნება და მისი მთავრობა უნდა გაეშუროს სახლში. ქართველი ერი და ხალხი უნდა მოემზადოს მშვიდობიანი, რიგგარეშე სრულად პროპორციული არჩევნებისთვის და გაატაროს ის საჭიროო რეფორმები ევროკომისიამ საქართველოს წარუდგინა.

ბოლო ამბები: