ზელენსკი: უკრაინულმა ძალებმა ათასზე მეტი დასახლება გაათავისუფლეს, ყოველ კვირას იმატებს

5 Jul. 2022, 01:06

უკრაინულმა ძალებმა ოკუპანტებისგან ათასზე მეტი დასახლება გაათავისუფლეს და ყოველ კვირას ახალი ემატება. ახლა, მაგალითად, ქვეყნის სამხრეთით. ყველა მათგანმა ფართომასშტაბიანი ნგრევა განიცადა, რაც კოლოსალური რაოდენობის სახსრების საჭიროებას ნიშნავს — ინფრასტრუქტურის აღდგენისთვის, სამედიცინო და სოციალური მომსახურების, ნორმალური ეკონომიკური ცხოვრების დაბრუნებისთვის.

მხოლოდ გათავისუფლებულ ტერიტორიებზე ათი ათასობით განადგურებული სახლია. ჩვენ ასევე გვჭირდება, რომ სკოლები და უნივერსიტეტები მოვამზადოთ ახალი აკადემიური წლისთვის, მაგრამ ახალ პირობებში, მუდმივ საფრთხეში, კერძოდ, სარაკეტო თავდასხმების საფრთხის ფონზე. უკვე უნდა მოვემზადოთ ზამთრისთვის და ყველაფერი გავაკეთოთ, რომ ენერგეტიკული თვალსაზრისით ეს ზამთარი მშვიდად გადავიტანოთ, რუსეთისგან მომდინარე ყოველდღიური საფრთხეების მიუხედავად.

ბოლო ამბები: