სალემში ჯადოქრობაში ბრალდებული უკანასკნელი ქალი 329 წლის შემდეგ გაამართლეს
1690-იან წლებში, მასაჩუსეტსის შტატში, "კუდიანებზე ნადირობამ" არაერთი უდანაშაულო სიცოცხლე შეიწირა. მაშინ სოფელ სალემში 200-ზე მეტი ქალი და კაცი ჯადოქრობაში დაადანაშაულეს, მათგან 19 ჩამოახრჩეს, ოთხი კი საპატიმროში გარდაიცვალა.
მართალია, სიკვდილს გადაურჩა, თუმცა, სიცოცხლეში არასდროს გამართლებულა ელიზაბეთ ჯონსონ უმცროსი. იგი, საბოლოოდ, სამი საუკუნის შემდეგ ცნეს უდანაშაულოდ. შტატის გუბერნატორმა ჩარლი ბეიკერმა ამის შესახებ დოკუმენტს ცოტა ხნის წინ მოაწერა ხელი.
სალემში ჯადოქრობაში უკანასკნელი ბრალდებულის გამართლება სკოლის მასწავლებლის, კერი ლაპიერისა, და მისი მერვეკლასელი მოსწავლეების დამსახურებაა.
ლაპიერმა ჯონსონის ამბის შესახებ 2019 წელს გაიგო. იგი ისტორიას თავის კლასს მოუყვა, შემდეგ კი მათ ერთობლივი პროექტი წამოიწყეს, მოიკვლიეს ისტორიული მტკიცებულებები და კანონმდებლების სახელზე პეტიციაც კი დაწერეს.
"სასწავლო წლის დიდი ნაწილი პროექტზე მუშაობას დაუთმეს, პეტიციასთან ერთად, კანონმდებლებს წერილებიც კი მისწერეს, მოამზადეს პრეზენტაციები, ჩაატარეს საფუძვლიანი კვლევა ელიზაბეთ ჯონსონის ჩვენებებზე და მეტი გაიგეს სალემის კუდიანთა სამსჯავროებზე", — აღნიშნავს მასწავლებელი, — "ბავშვები ძალიან დაინტერესდნენ ამ ამბით".
მოსწავლეებმა თავიანთი ნამუშევარი შტატის სენატორს დაიანა დიცოლიოს წარუდგინეს, რომელიც მათ მოთხოვნას მალევე შეუერთდა.
"ამ მოსწავლეებმა არაჩვეულებრივი მაგალითი გვაჩვენეს, რა ძალა აქვს მხარდაჭერას და ხმის ამაღლებას მათთვის, ვისაც ამის საშუალება არ აქვს", — აცხადებს სენატორი.
ხმის ამაღლების საშუალება კი სწორედ მათ არ ჰქონდათ, ვინც სალემში გაასამართლეს. დანაშაულის მოტივს ნაწილობრივ ქსენოფობიაც წარმოადგენდა, ბრალდებულთა უმეტესობა კი ქალი იყო. განსაკუთრებით მოწყვლად ჯგუფად იქცნენ რაიმე ნიშნით გამორჩეული ქალები: ისინი ვინც მონობაში იმყოფებოდა, უსახლკარო იყო, ან ქმარს საჯაროდ შეეკამათა.
ვარაუდობენ, რომ ჯონსონი შეიძლება შშმ პირი ყოფილიყო. მისი ახლობლები მას გულუბრყვილოდ ახასიათებდნენ, რის გამოც დამნაშავეების სამიზნედ მარტივად იქცა. ქალი 22 წლის იყო, "ეშმაკისეული მაგიის" გამოყენებაში რომ დაადანაშაულეს. ბრალდებულებს შორის მოხვდა მისი 28 ახლობელიც, მათ შორის, დედამისი, დეიდები და ბებია.
საბოლოოდ, ჯონსონმა გადარჩენა მოახერხა და 77 წლამდე იცოცხლა. უცნობია, დარჩა თუ არა მას შთამომავლები, შესაბამისად, მისი მხარდაჭერა აქამდე არავის მოსვლია თავში აზრად.
საბედნიეროდ, 21-ე საუკუნეში მას ახალგაზრდა მხარდამჭერები გამოუჩნდნენ, რომლებმაც დასახულ მიზანს მიაღწიეს. მოსწავლეებმა მის დასაცავად იმდენი იბრძოლეს, რომ მასწავლებლის თქმით, იგი "რაღაცნაირად" თავიანთი თანამედროვეც კი ჰგონიათ უკვე.
რაც შეეხება სალემის სამსჯავროებს, პროცესის ერთ-ერთმა მოსამართლემ, სემუელ სიუოლმა, 1697 წელს მასში მონაწილეობა ინანა. მასაჩუსეტსის მთავარმა სასამართლომ 1702 წელს სამსჯავროები უკანონოდ ცნო. სიკვდილით დასჯილებს ბრალდებები 1711 წელს მოუხსნეს, საუკუნეების შემდეგ კი, 1957 წელს, შტატმა კიდევ რამდენიმე ბრალდებული გაამართლა.
როგორც ვთქვით, ელიზაბეთ ჯონსონი სალემის სამსჯავროების უკანასკნელი ბრალდებულია, რომელიც უდანაშაულოდ ცნეს.
-
-
გადახედვასანქციები, სავიზო შეზღუდვების გაფართოება, პირდაპირი დაფინანსების შეწყვეტა — რა წერია ამერიკელი სენატორების წერილში, რომელიც კობახიძეს გაუგზავნეს სანქციები, სავიზო შეზღუდვების გაფართოება, პირდაპირი დაფინანსების შეწყვეტა — რა წერია ამერიკელი სენატორების წერილში, რომელიც კობახიძეს გაუგზავნეს
-
-
გადახედვამელანომის პირველ ინდივიდუალიზებულ ვაქცინას უკვე ასობით ადამიანზე ცდიან მელანომის პირველ ინდივიდუალიზებულ ვაქცინას უკვე ასობით ადამიანზე ცდიან
-
გადახედვაყველაზე დიდი ცხოველი, რომელსაც ხმელეთზე უარსებია — პატაგოტიტანი ყველაზე დიდი ცხოველი, რომელსაც ხმელეთზე უარსებია — პატაგოტიტანი
-
გადახედვაSETI-ს მეცნიერის თქმით, არამიწიერი სიცოცხლის აღმოჩენა გარდაუვალია და ამას ჯეიმს ვების ტელესკოპით შევძლებთ SETI-ს მეცნიერის თქმით, არამიწიერი სიცოცხლის აღმოჩენა გარდაუვალია და ამას ჯეიმს ვების ტელესკოპით შევძლებთ
-
გადახედვამეცნიერებმა ძველ გრაგნილში პლატონის საფლავის მდებარეობაზე მინიშნებას მიაგნეს მეცნიერებმა ძველ გრაგნილში პლატონის საფლავის მდებარეობაზე მინიშნებას მიაგნეს
-
-
-
-
გადახედვაილიაუნი მოსწავლეებისთვის ასტროფიზიკის პრაქტიკულ შეხვედრებს გამართავს — როგორ დავესწროთ ილიაუნი მოსწავლეებისთვის ასტროფიზიკის პრაქტიკულ შეხვედრებს გამართავს — როგორ დავესწროთ
-
-
-
გადახედვამკვლევრებმა 90 მილიონი წლის წინ მცხოვრები გიგანტური ფრინველის ნაკვალევი აღმოაჩინეს მკვლევრებმა 90 მილიონი წლის წინ მცხოვრები გიგანტური ფრინველის ნაკვალევი აღმოაჩინეს
-
გადახედვა29 აპრილს, პარლამენტი გენდერული კვოტირების გაუქმებაზე, პრეზიდენტის ვეტოს განიხილავს 29 აპრილს, პარლამენტი გენდერული კვოტირების გაუქმებაზე, პრეზიდენტის ვეტოს განიხილავს
-
-
გადახედვაკობახიძე: მიგრაციის ერთ-ერთი მიზეზი არის ის, რომ გახსნილია საზღვრები, ანუ ადვილია ქვეყნის დატოვება და ევროკავშირის ქვეყნებში გადასვლა კობახიძე: მიგრაციის ერთ-ერთი მიზეზი არის ის, რომ გახსნილია საზღვრები, ანუ ადვილია ქვეყნის დატოვება და ევროკავშირის ქვეყნებში გადასვლა
-
გადახედვა"ობობები" მარსზე — რატომ ჩნდება წითელ პლანეტაზე სეზონური მუქი ლაქები "ობობები" მარსზე — რატომ ჩნდება წითელ პლანეტაზე სეზონური მუქი ლაქები
-
გადახედვაკობახიძე აცხადებს, რომ ევროპარლამენტის რეზოლუციაში ვიზალიბერალიზაციაზე ჩანაწერს "ჩალის ფასი აქვს" კობახიძე აცხადებს, რომ ევროპარლამენტის რეზოლუციაში ვიზალიბერალიზაციაზე ჩანაწერს "ჩალის ფასი აქვს"
-
-
გადახედვალელო: ვუერთდებით 28 აპრილს დაანონსებულ ევროპულ მარშს, რათა კიდევ ერთხელ ვუთხრათ "კი" ევროპას და "არა" რუსულ კანონს! ლელო: ვუერთდებით 28 აპრილს დაანონსებულ ევროპულ მარშს, რათა კიდევ ერთხელ ვუთხრათ "კი" ევროპას და "არა" რუსულ კანონს!
კომენტარები