5 მიზეზი, თუ რატომ დავუმეგობრდი აუდიოწიგნებს
ამბობენ, ყოველთვის პოულობ დროსა და ენერგიას იმისთვის, რაც გიყვარსო. მეც ეგრე მეგონა, სანამ ერთხელაც არ აღმოვაჩინე, რომ მთელი თვე ისე გასულიყო, უნივერსიტეტის სახელმძღვანელოებისა და კონსპექტების გარდა არც არაფერი გადამეშალა. არადა, რაც დაწყებით კლასებში ტომ სოიერის თავგადასავალი წავიკითხე, მხატვრული ლიტერატურის გარეშე ერთი კვირაც კი არ გამეტარებინა.
მიუხედავად იმისა, რომ ძალიან მენატრებოდა ის გრძნობა, რომელიც ახალი წიგნის გადაშლისას, კარგი რომანის დასრულებისას და საყვარელი წიგნის ხათრით გათენებისას მეუფლებოდა, კითხვის "მადა" დამეკარგა. ამას ბევრი მიზეზი ჰქონდა: მხედველობის პრობლემები, დროის ნაკლებობა, გადაღლა და სხვა. მედიაში მუშაობის დაწყებამაც თავისი შედეგი გამოიღო და მხატვრული ლიტერატურა, განსაკუთრებით კი ჩემი საყვარელი დისტოპიური და ფენტეზის ჟანრი, ახალმა ამბებმა, სტატიებმა და კვლევებმა ჩაანაცვლა.
თუმცა ერთ დღესაც, როცა მეგონა, რომ კითხვას ძველებურად ვეღარასდროს შევიყვარებდი, პირველი აუდიოწიგნი მოვისმინე. მალევე მივხვდი, რომ როცა საყვარელ წიგნებს ვეღარ კითხულობ, სხვა ტაქტიკა უნდა მოსინჯო: მათ უნდა მოუსმინო.
დღეს ისევ აქტიური მკითხველი (თუ მსმენელი?) ვარ და ამ სტატიაში 5 მიზეზს ჩამოგითვლი, თუ რატომ დავუმეგობრდი აუდიოწიგნებს:
1. თვალები დავასვენე
ყველაზე ბანალური, მაგრამ, ალბათ, ყველაზე მნიშვნელოვანი მიზეზით უნდა დავიწყო. წიგნების აქტიურად კითხვა უმთავრესად ჩემი სუსტი მხედველობის გამო მიჭირს. სამსახურში დღეში მინიმუმ 8 საათს ეკრანის წინ ვატარებ. სტატიების დაწერის, წაკითხვისა და რედაქტირების შემდეგ წიგნის გადაშლისა და თვალების ხელახლა გადაღლის სურვილი და ძალა ზოგჯერ აღარ მაქვს. აუდიოწიგნის წყალობით, შემიძლია წიგნების სამყაროში ისე ვიმოგზაურო, რომ ჩემი საყვარელი და ავტორის მიერ განწირული პერსონაჟების ბედმა თვალები კი არა, მხოლოდ გული მატკინოს.
2. წიგნის მოსმენის პარალელურად რუტინული საქმეების კეთებაც შემიძლია
საჭმლის მომზადება, ჭურჭლის დარეცხვა, წიგნების თაროს დალაგება — რაც აუდიოწიგნების მოსმენა დავიწყე, რუტინული საქმეების კეთება ნაკლებად მეზარება და კონკიას ნაცვლად თავი ბელი მგონია მზეთუნახავი და ურჩხულიდან (ურჩხულის გამოკლებით). ხანდახან დასალაგებელი სახლი მიხარია კიდეც, რადგან ეს ჩემს საყვარელ პერსონაჟებთან შეხვედრას ნიშნავს.
3. ფეხით მეტს დავდივარ
ფეხით სიარული ჩემთვის განტვირთვისა და ვარჯიშის საუკეთესო საშუალებაა და ჯანმრთელობის აპლიკაციისთვის შეპირებულ დღიურ 10 ათას ნაბიჯს მუდამ ერთგულად ვდგამ. როცა ამდენ სიარულს ტეილორ სვიფტის 10 ალბომიც კი აღარ ყოფნის ხოლმე, აუდიოწიგნი აქაც მადგება. დღეში 15-20 ათას ნაბიჯს ისე შეუმჩნევლად და საინტერესოდ გავირბენ ხოლმე, რომ შემეძლოს, სახლისკენ მიმავალ გზას საერთოდ დავივიწყებდი!
4. უცხო ენის ცოდნა გავიუმჯობესე
ინგლისურ ენას ყოველდღიურად მუშაობისას ვიყენებ, ფილმებსა და სერიალებსაც ინგლისურად ან სუბტიტრებით ვუყურებ და ჩემი საყვარელი არტისტებიც ამ ენაზე მღერიან. აუდიოწიგნების მოსმენაც ინგლისურად დავიწყე. ამ ეტაპზე შედარებით მარტივი ენით დაწერილ ან თინეიჯერულ წიგნებს ვუსმენ, რათა ყურადღების მოკრება არ გამიჭირდეს, თუმცა მაინც ვგრძნობ ჩემს პროგრესს: უამრავი ახალი სიტყვა და ფრაზა ვისწავლე, ბუნებრივი დიალოგების გამართვაც უკეთ გამომდის და ინგლისურ ენაზე წერაც მიმარტივდება.
5. უკეთ მძინავს
ამ სტატიაში მეცნიერული კვლევებით გამყარებულ არგუმენტებს არ მოგაწვდით იმის შესახებ, თუ რა სარგებლობა ან ზიანი მოაქვს ძილის წინ აუდიოწიგნების მოსმენას, თუმცა ჩემი გამოცდილება ასეთია: აუდიოწიგნი ძილისწინა მშფოთვარე ფიქრების გაქარვებაში მეხმარება. ვწვები, თვალებს ვხუჭავ და ჩემს საყვარელ წიგნს ვუსმენ. როგორც კი ვგრძნობ, რომ წინადადებებიდან შინაარსის გამოტანა მიჭირს, აუდიოწიგნს გამოვრთავ და რამდენიმე წუთში უკვე მშვიდად მძინავს.
+ბონუსი — პროფესიონალურად გახმოვანებული წიგნის მოსმენა ერთი დიდი სიამოვნებაა
განსაკუთრებით მაშინ, როცა წიგნში თხრობა პირველ პირშია. ასე მგონია, პერსონაჟი ჩემი მეგობარია, სამზარეულოში ვსხედვართ და ყავას თვალებგაფართოებული ვსვამ, სანამ ის თავის ამბავს გულწრფელად მიყვება. ამ დროს სიუჟეტი ჩემ თვალწინ ისეთი სიცხადით ცოცხლდება, როგორიც კითხვის დროს არასდროს გამომიცდია.
აპლიკაციები
უცხოენოვანი ლიტერატურის მოსმენა იაფი სიამოვნება, სამწუხაროდ, არაა. ჩემი საყვარელი აპლიკაცია Audible-ია, რომლითაც, თვიური გადასახადის სანაცვლოდ, უამრავ წიგნზე მიმიწვდება ხელი, თუმცა განსაკუთრებულად პოპულარული ან თანამედროვე წიგნების მოსასმენად ხშირად დამატებით თანხის გადახდაცაა საჭირო. ქართულ ენაზე ჯერჯერობით არაფერი მომისმენია, თუმცა მსურველებს ამისათვის საბას აპლიკაციის გადმოწერა შეუძლიათ.
მოკლედ, ნუ მოუსმენ იმ ადამიანებს, ვინც ზემოდან დაგყურებენ და გეუბნებიან, რომ აუდიოწიგნის მოსმენა წიგნის კითხვას არ ნიშნავს. გახსოვდეს, რომ წიგნების სამყაროში მოგზაურობა დაუვიწყარი თავგადასავალია, რომელში გადასაშვებადაც სულერთია, მხედველობას გამოიყენებ თუ სმენას.
-
გადახედვაგურამ იმნაძე: როგორ მოვიქცეთ, თუ საგამოძიებო უწყებაში დაგვიბარებენ გურამ იმნაძე: როგორ მოვიქცეთ, თუ საგამოძიებო უწყებაში დაგვიბარებენ
-
გადახედვაქურდოვანიძე: თუ აქამდე კანონში მხოლოდ მედია და არასამთავრობოები იყო მოხსენიებული, ახლა მოიცვა ნებისმიერი შპს, ინდ. მეწარმე, და აბსოლუტურად ყველა ქურდოვანიძე: თუ აქამდე კანონში მხოლოდ მედია და არასამთავრობოები იყო მოხსენიებული, ახლა მოიცვა ნებისმიერი შპს, ინდ. მეწარმე, და აბსოლუტურად ყველა
-
გადახედვაკობახიძის ლექციის პარალელურად, თსუ-ს მეორე კორპუსთან სტუდენტებს სცემეს კობახიძის ლექციის პარალელურად, თსუ-ს მეორე კორპუსთან სტუდენტებს სცემეს
-
გადახედვასაფრანგეთი აზერბაიჯანს ახალ კალედონიაში არეულობების მხარდაჭერაში ადანაშაულებს საფრანგეთი აზერბაიჯანს ახალ კალედონიაში არეულობების მხარდაჭერაში ადანაშაულებს
-
გადახედვავახუშტი მენაბდე: ამ კანონით, შეიძლება მოგთხოვონ ნებისმიერი "საჭირო ინფორმაცია“ არა მარტო თქვენზე, არამედ სხვაზეც ვახუშტი მენაბდე: ამ კანონით, შეიძლება მოგთხოვონ ნებისმიერი "საჭირო ინფორმაცია“ არა მარტო თქვენზე, არამედ სხვაზეც
-
გადახედვააღმოაჩინეს ჰორმონი, რომელიც მონოგამიასთან არის დაკავშირებული აღმოაჩინეს ჰორმონი, რომელიც მონოგამიასთან არის დაკავშირებული
-
გადახედვამილიარდერობა უფრო მეტ ჭკუაზე ხშირად არ მიუთითებს — აი, რატომ მილიარდერობა უფრო მეტ ჭკუაზე ხშირად არ მიუთითებს — აი, რატომ
-
გადახედვაფოტორეპორტაჟი: როგორ აღნიშნეს თბილისში "ოჯახის სიწმინდის დღე" ფოტორეპორტაჟი: როგორ აღნიშნეს თბილისში "ოჯახის სიწმინდის დღე"
-
გადახედვაჯაფარიძე: პოლიცია მასობრივად იბარებს ხალხს, "აქციებთან დაკავშირებით" დამიბარეს მეც გამოკითხვაზე ჯაფარიძე: პოლიცია მასობრივად იბარებს ხალხს, "აქციებთან დაკავშირებით" დამიბარეს მეც გამოკითხვაზე
-
გადახედვაპირამიდებთან ახლოს ნილოსის ძველი განშტოების კვალს მიაგნეს პირამიდებთან ახლოს ნილოსის ძველი განშტოების კვალს მიაგნეს
-
გადახედვაგენური თერაპიის მეშვეობით ბავშვს სმენა აღუდგინეს გენური თერაპიის მეშვეობით ბავშვს სმენა აღუდგინეს
-
გადახედვავარჯიში დროის აღქმას ცვლის — კვლევა ვარჯიში დროის აღქმას ცვლის — კვლევა
-
გადახედვაკადიროვის "მარჯვენა ხელმა", დაუდოვმა, მოულოდნელად პარლამენტის თავმჯდომარის თანამდებობა დატოვა კადიროვის "მარჯვენა ხელმა", დაუდოვმა, მოულოდნელად პარლამენტის თავმჯდომარის თანამდებობა დატოვა
-
გადახედვამიტროპოლიტი შიო: კანონის როგორც მომხრეთა, ისე მოწინააღმდეგეთა შორის არიან ეკლესიის წევრები, ჩვენი სულიერი შვილები. ვფიქრობთ, როგორ დაიძლიოს ეს დაპირისპირება მიტროპოლიტი შიო: კანონის როგორც მომხრეთა, ისე მოწინააღმდეგეთა შორის არიან ეკლესიის წევრები, ჩვენი სულიერი შვილები. ვფიქრობთ, როგორ დაიძლიოს ეს დაპირისპირება
-
გადახედვაქეთი მელუა: 21 წლის ასაკში ქალთან მქონდა ურთიერთობა, დიდ პატივს ვცემ ანტი-ჰომოფობიის დღეს ქეთი მელუა: 21 წლის ასაკში ქალთან მქონდა ურთიერთობა, დიდ პატივს ვცემ ანტი-ჰომოფობიის დღეს
-
გადახედვანახეთ: იუპიტერის ყინულოვანი თანამგზავრი ევროპა NASA-ს ზონდის ობიექტივში ნახეთ: იუპიტერის ყინულოვანი თანამგზავრი ევროპა NASA-ს ზონდის ობიექტივში
-
გადახედვაიურისტი საბა ბრაჭველი: ხელისუფლებამ კანონში ჩუმად ჩაამატა ცვლილებები, რომლითაც მისი მოქმედება ფიზიკურ პირებზეც გავრცელდება იურისტი საბა ბრაჭველი: ხელისუფლებამ კანონში ჩუმად ჩაამატა ცვლილებები, რომლითაც მისი მოქმედება ფიზიკურ პირებზეც გავრცელდება
-
გადახედვაღაზაში შევიდა პირველადი დახმარების ტვირთი, ამერიკის მიერ აშენებული დროებითი ნავსადგურის საშუალებით ღაზაში შევიდა პირველადი დახმარების ტვირთი, ამერიკის მიერ აშენებული დროებითი ნავსადგურის საშუალებით
-
გადახედვაოკმელაშვილი: პოლიციას ხშირად გამოეყოფოდა უცნობი ბანდა, მომიტინგეებს ურტყამდნენ, "აბრტყელებდნენ", თავი ვალდებულად ჩავთვალე, სუსტები დამეცვა ოკმელაშვილი: პოლიციას ხშირად გამოეყოფოდა უცნობი ბანდა, მომიტინგეებს ურტყამდნენ, "აბრტყელებდნენ", თავი ვალდებულად ჩავთვალე, სუსტები დამეცვა
-
გადახედვა"ლიმონის" დამფუძნებელს, გიორგი ოკმელაშვილს, რომელიც რუსულ კანონს აპროტესტებდა, პატიმრობა შეეფარდა "ლიმონის" დამფუძნებელს, გიორგი ოკმელაშვილს, რომელიც რუსულ კანონს აპროტესტებდა, პატიმრობა შეეფარდა
-
გადახედვააფხაზი ოპოზიციონერები მხარს უჭერენ საქართველოში რუსული კანონის მოწინააღმდეგე მანიფესტანტებს აფხაზი ოპოზიციონერები მხარს უჭერენ საქართველოში რუსული კანონის მოწინააღმდეგე მანიფესტანტებს
კომენტარები