ზელენსკი: რუსეთმა გამოიყენა მის არსენალში არსებული თითქმის ყველა იარაღი, 110-მდე რაკეტა გაისროლეს უკრაინის წინააღმდეგ

29 Dec. 2023, 13:12

[დაიბომბა] სამშობიარო განყოფილება, საგანმანათლებლო დაწესებულებები, სავაჭრო ცენტრი, მრავალსართულიანი საცხოვრებელი კორპუსები და კერძო სახლები, კომერციული საცავი და ავტოსადგომი. კიევი, ლვოვი, ოდესა, დნიპრო, ხარკოვი, ზაპორიჟია და სხვა ქალაქები.

დღეს რუსეთმა გამოიყენა მის არსენალში არსებული თითქმის ყველა იარაღი: კინჟალები, S-300-ები, ფრთოსანი რაკეტები და თვითმფრინავები. სტრატეგიულმა ბომბდამშენებმა გაუშვეს X-101/X-505 ტიპის რაკეტები. სულ, დაახლოებით, 110 რაკეტა გაისროლეს უკრაინის წინააღმდეგ, მათი უმეტესობა თავდაცვამ ჩამოაგდო.

სამწუხაროდ, დარტყმების შედეგად არიან დაღუპულები და დაშავებულები. ყველა სამსახური მუშაობს უწყვეტ რეჟიმში და უზრუნველყოფს საჭირო დახმარებას.

ვუსამძიმრებ მათ, ვინც დაკარგა საყვარელი ადამიანები. დაშავებულებს სწრაფ გამოჯანმრთელებას ვუსურვებ.

ჩვენ აუცილებლად ვუპასუხებთ ტერორისტულ დარტყმებს. გავაგრძელებთ ბრძოლას მთელი ქვეყნის, ყველა ქალაქისა და თითოეული მოქალაქის უსაფრთხოებისთვის. რუსული ტერორი უნდა და დამარცხდეს.

ბოლო ამბები: