სად არის ქეით მიდლტონი? — ინტერნეტში მიმები და კონსპირაციული თეორიები ვრცელდება
უელსის პრინცესა ქეთრინის გარშემო ატეხილი აურზაური უკვე მისტიკურ ამბავს ემსგავსება. ქეით მიდლტონი საჯაროდ უკვე რამდენიმე თვეა არ გამოჩენილა, რამაც საზოგადოებაში მითქმა-მოთქმა გამოიწვია. ფაქტობრივად მთელი მსოფლიო ცდილობს იმის გარკვევას, თუ რა დაემართა უელსის პრინცესას, რის გამოც სოციალურ ქსელებში, განსაკუთრებით კი X-ზე (ყოფილი ტვიტერი) და ტიკტოკზე, უცნაური და ზოგჯერ სახალისო კონსპირაციული თეორიები და მიმები გამოჩნდა.
ამ სტატიაში სამეფო ოჯახის გარშემო ატეხილი მითქმა-მოთქმის შესახებ ქრონოლოგიურად მოგიყვებით და თან ცნობილ მიმებსა და ინტერნეტის თეორიებსაც შემოგთავაზებთ.
25 დეკემბერი
ქეითი ბოლოს შობას, 25 დეკემბერს, ქმართან, პრინც უილიამთან და შვილებთან ერთად ეკლესიაში მიმავალი დააფიქსირეს.
16 იანვარი
სამეფო ოჯახმა განცხადება გაავრცელა, რომ ქეთრინმა 16 იანვარს გეგმიური ოპერაცია გაიკეთა, რის გამოც საჯაროდ არ გამოჩენილა. კენსინგტონის სასახლის განცხადებით, წარმატებული ოპერაციის შემდეგ, უელსის პრინცესა ორი კვირით საავადმყოფოში დარჩებოდა და დროებით, აღდგომამდე, სამეფო მოვალეობებისგან გათავისუფლდებოდა.
თავდაპირველად, სიმართლეში ეჭვი არავის შეუტანია, თუმცა უკვე სამი თვე გავიდა, რაც ქეითი არავის უნახავს და გასაკვირი არაა, რომ ამასობაში უამრავი კონსპირაციული თეორიაც მოვისმინეთ. ზოგიერთი პრინც უილიამსა და ქეითს შორის უთანხმოებას ან ღალატსაც არ გამორიცხავს.
"პრინცი უილიამი და ქეითი დაშორდებიან და რამდენიმე თვეში ქეითი მეგანთან და პრინც ჰარისთან ერთად აშშ-დან ფოტოს გაავრცელებს, რის გამოც სამეფო ოჯახი დაემხობა", — წერს თეორიის ავტორი.
"მე, როცა დილას ოჯახის ჩატში ქეით მიდლტონთან დაკავშირებული ახალ-ახალი თეორიების მიწერით ვიწყებ", — წერს მეორე.
17 იანვარი
ბუკინგემის სასახლემ იმავე დღეს განცხადება გაავრცელა იმის შესახებ, რომ მეფე ჩარლზს გადიდებული პროსტატის გამო სამედიცინო გამოკვლევის ჩატარება სჭირდებოდა. თუ ქეითის ოპერაციის შესახებ საზოგადოებისთვის არანაირი დამატებითი დეტალი არ გაუზიარებიათ, სამეფო ოჯახი მეფე ჩარლზის შემთხვევაში საპირისპიროდ მოიქცა, რამაც საზოგადოებაში არსებული ეჭვი კიდევ უფრო გააღვივა. ზოგიერთმა ადამიანმა ის თეორიაც გაავრცელა, რომ შესაძლოა, ქეითმა ოპერაცია ვერ გადაიტანა. სოციალურ ქსელში ამ თემასთან დაკავშირებული სიმღერაც კი გავრცელდა.
28 იანვარი
იანვრის ბოლოს ამ თეორიას ისიც დაემატა, რომ ესპანური ახალი ამბების წამყვანმა გამოაცხადა, რომ ქეითი საავადმყოფოში დეკემბერში გადაიყვანეს და კომაში იმყოფებოდა. ეს ცნობა სამეფო ოჯახმა უარყო და განაცხადა, რომ მიდლტონი საავადმყოფოდან 29 იანვარს გამოწერეს და მკურნალობას სახლში აგრძელებდა. მიუხედავად სამეფო ოჯახის პასუხისა, კონსპირაციული თეორიები ამის შემდეგ კიდევ უფრო გამწვავდა.
ზოგიერთმა ინტერნეტმომხმარებელმა პოპკულტურასთან დაკავშირებული ხუმრობების მოფიქრებაც არ დააყოვნა. ერთ-ერთმა მათგანმა სერიალი Fleabag-ის ის ეპიზოდი გაიხსენა, როდესაც ფლიბეგის და თმის ვარცხნილობის გამო გლოვობდა.
"ქეით მილდტონი ამ თმის ვარცხნილობით უნდა დაბრუნდეს", — წერია პოსტში.
ბუნებრივია, ინტერნეტში არც სამეფო ოჯახის შესახებ გადაღებული შოუ The Crown დავიწყებიათ.
"The Crown-ის სცენარისტების რეაქცია იმაზე, რომ შოუს გადაღება ზუსტად მაშინ დაასრულეს, როცა სამეფო ოჯახის ცხოვრება საინტერესო გახდა", — ვკითხულობთ სოციალურ ქსელში.
ერთ-ერთმა მომხმარებელმა დისნეის ცნობილი ფილმი პრინცესების დაცვის პროგრამა გაიხსენა, რომელშიც პრინცესას იმის გამო გადამალავენ, რომ საფრთხე ემუქრება.
"დავიღალე ქეითის გარშემო გავრცელებული დეზინფორმაციით, ყველამ ვიცით, სადაც არის", — წერს ის და დისნეის ფილმის პოსტერს აქვეყნებს.
6 თებერვალი
მოგვიანებით გავიგეთ, რომ მეფე ჩარლზ III-ს, სიმსივნე დაუდგინდა. განცხადების მიხედვით, მეფემ მკურნალობა უკვე დაიწყო, რის გამოც გარკვეული პერიოდის განმავლობაში საჯარო ვალდებულებების შესრულებას ვეღარ შეძლებდა. ამან სოციალურ ქსელში მორიგი აჟიოტაჟი და ხუმრობების ტალღა გამოიწვია.
"ქეით მიდლტონი დამალვას წყვეტს, მას შემდეგ, რაც გაიგებს, რომ მეფე ჩარლზი მოკვდა", — წერია ერთ-ერთ პოსტში.
"ქეით მილდტონი და მეფე ჩარლზი ახლა", — ხუმრობს სხვა ინტერნეტმომხმარებელი.
18 თებერვალი
პრინცი უილიამი Bafta-ს ყოველწლიურ დაჯილდოებას ცოლის გარეშე დაესწრო, რამაც დამატებითი კითხვის ნიშნები გააჩინა.
6 მარტი
6 მარტს პირველი პაპარაცული ფოტო გავრცელდა, რომელშიც მანქანაში მჯდომი ქეითი და დედამისი ჩანან. ფოტოში ქეითს კისერი დაფარული აქვს და მზის სათვალე უკეთია, რის გამოც საზოგადოების ნაწილმა ჩათვალა, რომ შესაძლოა, მანქანაში არა ქეითი, არამედ ვიღაც სხვა იჯდა, მაგალითად, მილდტონის და, რომელიც პრინცესას ძალიან ჰგავს.
10 მარტი
დედის დღეზე, კენსინგტონის სასახლემ ახალი ფოტო გამოაქვეყნა, რომელზეც ქეით მიდლტონი შვილებთან ერთადაა გამოსახული. სურათი მედიებმაც გაავრცელეს, მაგრამ მორიგმა კონსპირაციამ არც ამჯერად დააყოვნა — სოციალურ ქსელში წერდნენ, რომ სურათზე სხვადასხვა დეტალი, მაგალითად, პრინცესა შარლოტის მკლავი და პრინცი ჯორჯის ხელი, შესაძლო ფოტომანიპულაციაზე მიუთითებდა. ამავე ბრალდებით, რამდენიმე ცნობილმა გამოცემამ ფოტო თავისი არხებიდან წაშალა და განაცხადა, რომ, მათი აზრით, ეს მართლაც ფოტომანიპულაცია იყო.
ამბავს მალევე გამოეხმაურა თავად უელსის პრინცესა. კენსინგტონის სასახლის განცხადებაში, პრინცესა ქეთრინმა ბოდიში მოიხადა და აღნიშნა, რომ ფოტო დამუშავებული იყო.
"როგორც ბევრი მოყვარული ფოტოგრაფი, ხანდახან მეც ვცდი ხოლმე სურათების დამუშავებას", — წერია განცხადებაში, — "მინდოდა, ბოდიში მომეხადა გუშინდელ ფოტოს მოყოლილი გაუგებრობის გამო".
11 მარტი
კიდევ ერთი პაპარაცული ფოტო 11 მარტს გავრცელდა, რომელშიც ქეითი და პრინცი უილიამი მანქანაში სხედან, თუმცა ამჯერად მიდლტონის სახის დანახვა ფაქტობრივად შეუძლებელია.
საბოლოო ჯამში, კვლავაც უცნობია, რატომ გაუჩინარდა ქეითი და როგორაა უელსის პრინცესა ახლა. ზოგიერთი ინტერნეტმომხმარებელი კვლავაც ვარაუდობს, რომ სამეფო ოჯახი პრინცესა ქეთრინის ჯანმრთელობის მდგომარეობას მალავს და საქმე უფრო რთულადაა, ვიდრე ამბობენ.
"ძალიან სასაცილო იქნებოდა, ქეითს რომ სოციალურ ქსელებში 100 ყალბი ანგარიში ჰქონდეს, რომლითაც საკუთარ თავზე კონსპირაციულ თეორიებს თვითონვე ავრცელებს, პარალელურად კი მიმოზას წრუპავს და სამეფო ოჯახის აფეთქებას უყურებს", — ინტერნეტმომხმარებლები არც ამ თეორიას გამორიცხავენ.
-
გადახედვათავდასხმების სერია რუსული კანონის მოწინააღმდეგეებზე — გია ჯაფარიძეს, დიმიტრი ჩიქოვანს და ლაშა ღვინიანიძეს ფიზიკურად გაუსწორდნენ თავდასხმების სერია რუსული კანონის მოწინააღმდეგეებზე — გია ჯაფარიძეს, დიმიტრი ჩიქოვანს და ლაშა ღვინიანიძეს ფიზიკურად გაუსწორდნენ
-
გადახედვაროგორ შევასუსტოთ პოლარიზებული განწყობები — ფსიქოლოგები ტაქტიკებს გვთავაზობენ როგორ შევასუსტოთ პოლარიზებული განწყობები — ფსიქოლოგები ტაქტიკებს გვთავაზობენ
-
-
გადახედვამეცნიერები მუშაობენ მედიკამენტზე, რომელსაც ახალი კბილების გასაზრდელად გამოვიყენებთ მეცნიერები მუშაობენ მედიკამენტზე, რომელსაც ახალი კბილების გასაზრდელად გამოვიყენებთ
-
გადახედვა"ამჯერად საქართველოს ნომრით დამიკავშირდნენ, მითხრეს, რომ მელოდებოდნენ ბინასთან" — ნათია კუპრაშვილი "ამჯერად საქართველოს ნომრით დამიკავშირდნენ, მითხრეს, რომ მელოდებოდნენ ბინასთან" — ნათია კუპრაშვილი
-
-
გადახედვაახალგაზრდული ორგანიზაციები დღეს საპროტესტო აქციას გამართავენ ახალგაზრდული ორგანიზაციები დღეს საპროტესტო აქციას გამართავენ
-
გადახედვაშინაგან საქმეთა სამინისტროს განცხადებით, აქციებს საერთაშორისო სტანდარტებით შლიან შინაგან საქმეთა სამინისტროს განცხადებით, აქციებს საერთაშორისო სტანდარტებით შლიან
-
გადახედვა"გავათენოთ საქართველოსთვის" — 12 მაისის ღამეს აქცია დაიგეგმა "გავათენოთ საქართველოსთვის" — 12 მაისის ღამეს აქცია დაიგეგმა
-
გადახედვაროგორ მოქმედებს ბრაზი გულზე — კვლევა როგორ მოქმედებს ბრაზი გულზე — კვლევა
-
გადახედვალადო აფხაზავაზე თავდასხმის ფაქტზე, ერთ პირს ბრალდება წარედგინა ლადო აფხაზავაზე თავდასხმის ფაქტზე, ერთ პირს ბრალდება წარედგინა
-
გადახედვაკასპში, მდინარემ გაიტაცა მანქანა, რომელშიც სამი ადამიანი იმყოფებოდა, ერთ-ერთი მათგანი გარდაცვლილი იპოვეს კასპში, მდინარემ გაიტაცა მანქანა, რომელშიც სამი ადამიანი იმყოფებოდა, ერთ-ერთი მათგანი გარდაცვლილი იპოვეს
-
გადახედვაშაბათს, 11 მაისს, ევროპის მარში გაიმართება, მოქალაქეები ევროპის მოედნისკენ სამი ადგილიდან დაიძვრებიან — დეტალები შაბათს, 11 მაისს, ევროპის მარში გაიმართება, მოქალაქეები ევროპის მოედნისკენ სამი ადგილიდან დაიძვრებიან — დეტალები
-
გადახედვაირაკლი ეძგვერაძე: რუსულმა რეჟიმმა, აღდგომა დღეს, ჩემთან სახლში, სადაც ჩემი მცირეწლოვანი შვილები იყვნენ, მოგვიგზავნა "ტიტუშკები" და ზონდერები ირაკლი ეძგვერაძე: რუსულმა რეჟიმმა, აღდგომა დღეს, ჩემთან სახლში, სადაც ჩემი მცირეწლოვანი შვილები იყვნენ, მოგვიგზავნა "ტიტუშკები" და ზონდერები
-
გადახედვაფანები Met Gala-ს ფოტოგრაფებს Stray Kids-ის მიმართ უხეშ მოპყრობაში ადანაშაულებენ ფანები Met Gala-ს ფოტოგრაფებს Stray Kids-ის მიმართ უხეშ მოპყრობაში ადანაშაულებენ
-
-
გადახედვა"ვგმობთ აქტივისტებზე და მედიის წარმომადგენლებზე ძალადობას და მოვითხოვთ რეაგირებას!" — ეროვნული პლატფორმა "ვგმობთ აქტივისტებზე და მედიის წარმომადგენლებზე ძალადობას და მოვითხოვთ რეაგირებას!" — ეროვნული პლატფორმა
-
გადახედვაჩვენი მეცნიერება და განათლება დაბრუნდება 90-იანებში — ნანა დიხამინჯია რუსულ კანონზე ჩვენი მეცნიერება და განათლება დაბრუნდება 90-იანებში — ნანა დიხამინჯია რუსულ კანონზე
-
გადახედვაჟურნალი არილი: გამოცემა, ამ ეტაპზე, სამწუხაროდ, წყდება! თეა წულუკიანმა თავისი რეპრესიული პოლიტიკა არილისთვის დაფინანსების შეწყვეტით გააგრძელა ჟურნალი არილი: გამოცემა, ამ ეტაპზე, სამწუხაროდ, წყდება! თეა წულუკიანმა თავისი რეპრესიული პოლიტიკა არილისთვის დაფინანსების შეწყვეტით გააგრძელა
-
გადახედვაღია მმართველობის პარტნიორობა (OGP) საქართველოს რუსული კანონის გაწვევისკენ მოუწოდებს — განცხადება ღია მმართველობის პარტნიორობა (OGP) საქართველოს რუსული კანონის გაწვევისკენ მოუწოდებს — განცხადება
-
კომენტარები