ახალი ამბები On.ge

მიტროპოლიტი გრიგოლი

9 Dec. 2024, 09:57

მთელი მოძღვრება იესო ქრისტესი მიმართულია ძალადობის წინააღმდეგ და მოგვიწოდებს მოყვასისადმი თანაგრძნობის, თანალმობისა და დახმარებისაკენ, რათა ხელი გავუწოდოთ, რათა შენ აღმოჩნდე ის ადამიანი, ვისაც სახარებაში უფალი მოყვასად მოიხსენიებს. დღევანდელ დღეს ძალიან რთულია ამ თემებზე საუბარი, თუმცა ეს არის ძალიან აქტუალური არამარტო დღეს, არამედ ყოველდღიურად და ეკლესია რაც კი არსებობს, მუდმივად ამას ქადაგებს და ამას მოუწოდებს თავის სულიერ შვილებს. 

დღეს, როცა ჩვენ ვხედავთ მოქალაქეების სასტიკად ნაგვემ მდგომარეობას, უნდა ვაღიაროთ, რომ, ფაქტობრივად, დღეს გალახულია მთელი საქართველო, მიუხედავად იმისა, ვინ სად დგას.

თავისუფალ მოქალაქეებზე ამ მასშტაბის ძალადობა და მისი ახალ-ახალი გამოვლინება, გვაბრუნებს ბნელ წარსულში, რაც იმის ნიშანია, რომ თუ ამას წერტილი არ დაესვა, წინ მძიმე დრო ელის როგორც ქვეყანას, ისე მთელ საზოგადოებას. 

ჩვენ წინაშეა არათუ ქრისტიანული სულის, არამედ უბრალოდ ადამიანურობის შენარჩუნების არსებითი პრობლემა და ეს პრობლემა ზიანს აყენებს ყველას და ყველაფერს. ადამიანებისადმი გამოვლენილი მართული სისასტიკე გზას უმზადებს უმართავ სახალხო მღელვარებას, რაც უმძიმეს გამოწვევას წარმოშობს სახელმწიფოს წინაშე, ხალხის წინაშე და დედაეკლესიის წინაშე.

დიდი ხანი არაა გასული, მცირე ხნის წინ მოვისმინეთ ჩვენ ასეთი ინიციატივის შესახებ, რომ მართლმადიდებლობა სახელმწიფო რელიგიად გამოცხადდეს. მართლმადიდებლობის სახელმწიფო რელიგიად გამოცხადება რომ წარმოვიდგინოთ, განა ეს არ ნიშნავს იმას, რომ ქრისტიანული სახელმწიფო უნდა იცავდეს ადამიანის ღვთითბოძებულ უფლებას თავისუფალი ნების გამოხატვის შესახებ, რომ უნდა გამორიცხავდეს ძალადობას თავისუფალი მოქალაქის მიმართ და ამ თავისუფალი ნების ჩახშობის მცდელობის მიმართ და ამის უზრუნველყოფა არის ის მთავარი პრინციპები, რაც წარმოდგენილია ქართული ქრისტიანული აზროვნების საღვთისმეტყველო სამართლებრივ ტექსტებში.

საღი აზრი გვიხმობს, რომ არ ავცდეთ იმ პრინციპებს, რაც ჩვენი საზოგადოების სიცოცხლისუნარიანობასა და განვითარებას ედება საფუძვლად. 

კომენტარები

კვირის ტოპ-5

  1. ლაშა პაპაშვილის ფერმა "ყვარლის ბაგა", რომლის რძესაც "სოფლის ნობათი", "სანტე" და "აგროჰაბი" ყიდულობს — ძროხას ქათმის ნაკელს აჭმევდა7848 ნახვა
  2. რუსეთის რამდენიმე ოლქში ორსულ სკოლის მოსწავლეებს ერთჯერად ფულად დახმარებას, 100 000 რუბლს გადასცემენ7321 ნახვა
  3. "ბრიყვულ განცხადებას ბრიყვები აკეთებენ, ხართ ბრიყვი?" — თეა წულუკიანი მამუკა ყურაშვილს7191 ნახვა
  4. პარლამენტთან აქციაზე, სადაც თეა წულუკიანის კომისიის მიერ 2008 წლის ომის გმირების შეურაცხყოფას აპროტესტებენ, 2 მონაწილე დააკავეს2029 ნახვა
  5. "ოცნების" პარლამენტმა "იარაღის შესახებ" კანონში ცვლილების პროექტი I მოსმენით მიიღო1740 ნახვა

გირჩევთ

ახლა კითხულობენ

გადახედვა

აშშ-მ მსოფლიოს ქვეყნებს ტარიფები დაუწესა — საქართველოს — 10%-იანი ტარიფი აქვს, ტრამპის ტარიფები რუსეთს არ შეხებია

2 აპრილს აშშ-ს პრეზიდენტმა დონალდ ტრამპმა შეერთებულ შტატებში იმპორტირებულ თითქმის ყველა საქონელზე მინიმალური 10%-იანი…

!"\#$%&'()*+,-./0123456789:;<=>?@ABCDEFGHIJKLMNOPQRSTUVWXYZ[]^_`abcdefghijklmnopqrstuvwxyz{|}~
!"\#$%&'()*+,-./0123456789:;<=>?@ABCDEFGHIJKLMNOPQRSTUVWXYZ[]^_`abcdefghijklmnopqrstuvwxyz{|}~
!"\#$%&'()*+,-./0123456789:;<=>?@ABCDEFGHIJKLMNOPQRSTUVWXYZ[]^_`abcdefghijklmnopqrstuvwxyz{|}~
!"\#$%&'()*+,-./0123456789:;<=>?@ABCDEFGHIJKLMNOPQRSTUVWXYZ[]^_`abcdefghijklmnopqrstuvwxyz{|}~